LEVI 3
3
Mungtsü Kingaün
1Küyimki khürünü mungtsü kingaünpü shiwüh jihbanü, Atungpuh miki lapha mükihkhi moshi pung yungsho dre thsübeah. 2Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah, 3tüsho mungtsü kingaün chingnü Atungpuh kilim harü taka kingaün jihbah: bukning muhiukhi amüdang tüsho bukning ching lakhi müdangmurubo, 4amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 5Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.
6Mungtsü kingaün thsungkheaknü namfimihnu yungsho mihnu Atungpuh kilim jihsho, pung thsüthsü dre thsüthsü, lapha mükihkhi jihang. 7Apinü kingaün ju namfimihnu jihsho, apinü Atungpuh miki ludarübah, 8tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah. 9Apinü mungtsü kingaün chingnü Atungpuh kilim harü taka kingaün jihbah: amüdang, adüthsünro chingnü kimshakbah amokungro müdang alala, bukning muhiukhi müdangmuru alala, 10amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 11Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.
12Kingaün jihkhi ju mihnu thsüsho, apinü Atungpuh miki lude arübah 13tüsho apinü aku kheak akhahnü nimbah Atungpuh shorupung khimyam müngühnü alaksahbah. Aron tsührü amükeamrübonü kingaünpung thrip phüyi ching athiyih rhakkihbah. 14Apinü ha kingaün chingnü Atungpuh kilim taka kingaün jihbah: bukning muhiukhi amüdang tüsho bukning ching lakhi müdangmurubo, 15amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 16Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo. 17Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.
Currently Selected:
LEVI 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 3
3
Mungtsü Kingaün
1Küyimki khürünü mungtsü kingaünpü shiwüh jihbanü, Atungpuh miki lapha mükihkhi moshi pung yungsho dre thsübeah. 2Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah, 3tüsho mungtsü kingaün chingnü Atungpuh kilim harü taka kingaün jihbah: bukning muhiukhi amüdang tüsho bukning ching lakhi müdangmurubo, 4amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 5Amükeamrübonü harü alala taka kingaünkhibo lung kingaünpung kheak yihkih-a takbah. Ha taka kingaünkhi rhümnü Atungpuh asühshihchoh.
6Mungtsü kingaün thsungkheaknü namfimihnu yungsho mihnu Atungpuh kilim jihsho, pung thsüthsü dre thsüthsü, lapha mükihkhi jihang. 7Apinü kingaün ju namfimihnu jihsho, apinü Atungpuh miki ludarübah, 8tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah. 9Apinü mungtsü kingaün chingnü Atungpuh kilim harü taka kingaün jihbah: amüdang, adüthsünro chingnü kimshakbah amokungro müdang alala, bukning muhiukhi müdangmuru alala, 10amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 11Tüsho amükeambuhnü Atungpuh kilim jihkhi tsühyungpü kingaün ah de kingaünpung kheak takbah.
12Kingaün jihkhi ju mihnu thsüsho, apinü Atungpuh miki lude arübah 13tüsho apinü aku kheak akhahnü nimbah Atungpuh shorupung khimyam müngühnü alaksahbah. Aron tsührü amükeamrübonü kingaünpung thrip phüyi ching athiyih rhakkihbah. 14Apinü ha kingaün chingnü Atungpuh kilim taka kingaün jihbah: bukning muhiukhi amüdang tüsho bukning ching lakhi müdangmurubo, 15amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 16Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo. 17Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.