PONGWANG LAIPEX 15
15
Abram füikya Zang Tsaotsüt
1Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”
2Ikoxle Abram-e lan: “Khüthak Jowanpa, nang hinghoe ku ang chem fün amüiüi, chemthüikoxle ku ang osix-oli ang owangaxchu chitüikha. Ku mantswon#15.2: mantswon:Pu-pa hwome bangkya ting-tok hia tuizanakom makux ang kopkya. angkya ku ang Damaska#15.2: Ku…Damaska; Ibri ma müntsao. nok Eliazar tata wüi. 3Nange ku ang su-sa tuita ngaxchu chifakya daile ku dapa hwomkha angkya tuitae ku tuina mantswon#15.3: mantswon: Pu-pa hwome bangkya ting-tok hia tuizanakom makux ang kopkya. angkya changle.”
4Ifüima chixe Jowanpae chix füi tamchatle akaxkya atat: “Ija dapa Eliazar-e nang man müntswonüi; hünsa tomtatae tix nang mantswon angkya changpu.” 5#Rom 4.18; Ibr 11.12.Chix homtho to alailaxle Jowanpae thüi: “Zangdingkho to hulax ilaxle lyettsibu elax, itukux jao nang sixlibu tüi angkya changle.” 6#Rom 4.3; Gal 3.6; Jak 2.23.Abram-e Jowanpa to chix mongong thom, ija khoma chix füi Jowanpa ang mongmüi ilaxle chix pongle kop.
7Ifüima Jowanpae chix ang thüi: “Ija haxtok a nang haxtok ang kox angkya hanpakmale Babilon haxtok Ur tingsho tokya nang sele alai paokya Jowanpa a ku changpu.”
8Ikoxle Abram-e lan: “Khüthak Jowanpa, ija haxtok a ku haxtok ang achangüile kue chem ma awanle laxüi?”
9Chixe lan: “Nange maihu tuita, zwon tuita, chun tuita, ibu pangwüi zanglao azom pongkya chang angkya oli; ilaxle osu tuita tamchu jua-o tuita le ku hato apüihüi.” 10Abram-e ibu müi Zang hato apüi, ibu anyinyi ang atexlaxle kaochima texta, kaochima texta le atale zyenle dan; ikoxlechu chixe osabu a chiatex. 11Ibu müimang to okunbu ju, ikoxle Abram-e ibu jwonle apao.
12 #
Job 4.13,14. Chemtue zanghan homle changpuix, Abram hato mikngüt hüile jip, üntoxle khomtsikya hia zakya chix hato hüi. 13#Lai 1.1-14; Mwt 7.6.Jowanpae chix ang thüi: “Nangsu-nangsabu a mixnok chaxwan to püntüi ang ngo angkya changle. Ikha hwom da ang ngoüi ilaxle zanglao 400 bama hwom tüle fuxtsüile ngoüi. 14#Lai 12.40,41; Mwt 7.7.Ikoxlechu hwom da ang thomkya nok to kue sikangünüi, üntoxle chemtue hwome ija mixnok chaxwan danle toxüihex, hwome hwom füi tomle tuinabu huanuma laxlaxle chatüi. 15Nang a tsünlo-khothole ngoüi ilaxle mongsom ma zile akhünüi. 16Nang su-sa hwom ikhato chatle chat ang zanglao 400 homüi chemthüikoxle hwom ang sikngün koxtangle chichang-chizangle machang tanto kue Amor nok jwonle münapao.”
17Chemtue zanghan dütle zangnakle changpuix, wünkhut füikya wüntik tuita ilaxle wünle füikya wünnyan tuita le ibu müithombu oba makhange le. 18#Mwt 7.5.Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu. 19Ija haxtok a Ken nok, Ken nok, Kadmon nok, 20Hit nok, Periz nok, Refaim nok, 21Amor nok, Kanan nok, Girgash nok, üntoxle Jebu nok, hwom bibi haxtok changle.”
Currently Selected:
PONGWANG LAIPEX 15: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
