LUK 15
15
Maxkya Chun Tuita
(Mat 18.12-14)
1 #
Luk 5.29,30. Nyixta süisai mixbu hia noke awütle thomkyabu Jisu kax apa ang nguipongma, 2farisi hia Wanlom tsingpabue chanyile thüi: “Ija mixsüne ochax khünakbu pongle kople ilaxlechu hwom füi tomle sax-lingle!” 3Ija khoma Jisu-e hwom ang ija kaxpan apua:
4“Thütba hünzom khama mixhuak tuita ang chun hota tüiüi, ikha angkya tuita max; ikoxle chixe büthüiüi? Chixe mama puli bün aku osüt sax ang danle toxlaxle, ma-atak ma-atak le ija maxkya lom ang paoüi. 5Otue chixe ija ataküi hex, chixe huanuma mongmüi laxle, ija chun chix ngomtong ma awexlaxle hom to chatüi. 6Ifüima chixe hozuikhuibu hia tomzibu nyaklaxle thüiüi, ‘Ku füi tomle mongmüikox, ku chun maxkya atakdaoa.’ 7Ilailaile kue hünzom ang thüipu, monglüi angkya chitüikya otsao khünak pulibün aku füi ochax khünak tuita mongchatle hüikya zuma wüi zangkangting to mongmüi huanu changüi.
Maxkya Ngunkhix
8“Chichangthüiba thütba mixnu tuita ang ngunkhix bün tüikya kha angkya tuita max, ikoxle she e büle hwonüi? She e wüntik atsopüi, homzüile, ma-atak ma-atak le onuk ozong pangnu khato wüi khütmüt le lomüi. 9Otue she e ija ataküihex, hozuikhuibu hia tomzibu nyaklaxle thüiüi, ‘Kufüi tomle mongmüikox, ku ngun maxkya kue atakdaoa.’ 10Kue hünzom ang thüipu, ilailaile ochax khünak tuita mong chatkya ma zangkang kaxtaimixbu mong huanuma müiüi.”
Samkya Nao
11Jisu-e thuithui le akaxle le: “Kaile mixpa tuita ang sasün naosün anyi tüikya. 12Naolipa mixe chix ang thüi: ‘Apa, nang bwotba kha angkya kue kopsese athax wüi laxhüi.’ Ikhoma ija mixpae chix bwotba sasün nyi ang matsyentsyen ahanle kox. 13Hanpak hidaole ngo laxle sasün naolipae chix tuina hang ilaxle hom angkya laile pao. Ikha to chixe chix ngunsyen chix mong atsutsu saxmokle shixshixkhaxle bak. 14Üntoxle chixe ngunsyen komkya füima, chix ngokya nok to tuinu nuaknu hüi, ilaxle chix ma chemchu chitüile chak-hua ma tox. 15Ikhoma chix ikha tokya nokpu sün tuita hom to mwotmok ang pao, ilaxle ija mixsüne chix wak nye ang akat. 16Waksüt ang koxkya zokdua ngaxchu saxsele chixe thüt, ikoxle chix ang ingaxchu kox angkya mix chitüi. 17Oshukma chix ang khangka hingle hüi, ilaxle thüi: ‘Apa hom to mwotmok mixbu ang ngaxchu hwome saxkya boma onüi atakle ngopu, ikoxle kua ikha to woknuake ziüi khakha! 18Ku achexle apa hom to chatle chatüi, ilaxle apa ang thüiüi, apa kue Zang zongmachu üntoxle nang zongmachu achaxdaoa. 19Ku ang hünsa le nyak ang münasu; nang homkha ma mwotmok mix da tuita ningle ku pongle kop-hüi!’ 20Idaile chix ajong ilaxle hopa hato chat ang achex,
“Chix ochu to tüiponge wüi hopae chix ngünle lax; chix mong ma chingchae awang, üntoxle ziklaxle chixe chak füi thuile sasün to kün, ilaxle chix füi tun apong. 21Hosae thüi: ‘Apa, kue Zang zongmachu üntoxle nang zongmachu achaxdaoa. Ku ang athax hünsa le nyak ang münasu.’ 22Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox. 23Ifüima maihusa anutnut tuita apüilaxle langkox, üntoxle fongkhale mongmüihax! 24Chemthüikoxle ija kusa zidaokya changle, ikoxle chix athax azangle tüile; chix maxdaokya, ikoxle athax chix atakdaoa!’ Idaile fongkha ang süt.
25“Iponge tüichongpa a zang to kale ngoünkya. Chix wünwangle homha kopkya zuma, tsai ngaokya hia shwonkyadu zing atat. 26Ikhoma chixe da tuita selaxle idu chempang thüipu le atüi. 27Ija dae chix ang thüi: ‘Hünnao chatle nguiüna, chix müimüi zangngaile, chem ozik omüt chitüi le atak koxle hünpae maihusa anutkya tuita langle fongkha puta.’
28“Hotüi mong huanuma tsik ilaxle chix homkha to ngaxchu chidong; ikoxle chix hato lai laxle hopae donghüi le jox-shwom. 29Ikoxle chixe hopa kax to lan, ‘Hulax, ibibi zangpua da tuita tukux kue nang hanpakma saxmokpu, üntoxle kue nang kax ma chilaxle otuechu chitüi, ikoxle nange ku ang chem fadao? Kuechu zuikhuibu füi fong naxkhalax le zwon tangtang ngaxchu chifa tsuakkya a! 30Ikoxle ija hünsae nang ngunsyen shix-shix-khax le bakpu, ikoxle otue chix hom to nguipuix, chix hanpakma nange maihusa anutkya namlang!’ 31Hopae lan, ‘Kusa, nang ikhama othuithuima ku füi tomle ngopu, ilaxle ku ma atüitüi bakle nang kux. 32Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”
Currently Selected:
LUK 15: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
LUK 15
15
Maxkya Chun Tuita
(Mat 18.12-14)
1 #
Luk 5.29,30. Nyixta süisai mixbu hia noke awütle thomkyabu Jisu kax apa ang nguipongma, 2farisi hia Wanlom tsingpabue chanyile thüi: “Ija mixsüne ochax khünakbu pongle kople ilaxlechu hwom füi tomle sax-lingle!” 3Ija khoma Jisu-e hwom ang ija kaxpan apua:
4“Thütba hünzom khama mixhuak tuita ang chun hota tüiüi, ikha angkya tuita max; ikoxle chixe büthüiüi? Chixe mama puli bün aku osüt sax ang danle toxlaxle, ma-atak ma-atak le ija maxkya lom ang paoüi. 5Otue chixe ija ataküi hex, chixe huanuma mongmüi laxle, ija chun chix ngomtong ma awexlaxle hom to chatüi. 6Ifüima chixe hozuikhuibu hia tomzibu nyaklaxle thüiüi, ‘Ku füi tomle mongmüikox, ku chun maxkya atakdaoa.’ 7Ilailaile kue hünzom ang thüipu, monglüi angkya chitüikya otsao khünak pulibün aku füi ochax khünak tuita mongchatle hüikya zuma wüi zangkangting to mongmüi huanu changüi.
Maxkya Ngunkhix
8“Chichangthüiba thütba mixnu tuita ang ngunkhix bün tüikya kha angkya tuita max, ikoxle she e büle hwonüi? She e wüntik atsopüi, homzüile, ma-atak ma-atak le onuk ozong pangnu khato wüi khütmüt le lomüi. 9Otue she e ija ataküihex, hozuikhuibu hia tomzibu nyaklaxle thüiüi, ‘Kufüi tomle mongmüikox, ku ngun maxkya kue atakdaoa.’ 10Kue hünzom ang thüipu, ilailaile ochax khünak tuita mong chatkya ma zangkang kaxtaimixbu mong huanuma müiüi.”
Samkya Nao
11Jisu-e thuithui le akaxle le: “Kaile mixpa tuita ang sasün naosün anyi tüikya. 12Naolipa mixe chix ang thüi: ‘Apa, nang bwotba kha angkya kue kopsese athax wüi laxhüi.’ Ikhoma ija mixpae chix bwotba sasün nyi ang matsyentsyen ahanle kox. 13Hanpak hidaole ngo laxle sasün naolipae chix tuina hang ilaxle hom angkya laile pao. Ikha to chixe chix ngunsyen chix mong atsutsu saxmokle shixshixkhaxle bak. 14Üntoxle chixe ngunsyen komkya füima, chix ngokya nok to tuinu nuaknu hüi, ilaxle chix ma chemchu chitüile chak-hua ma tox. 15Ikhoma chix ikha tokya nokpu sün tuita hom to mwotmok ang pao, ilaxle ija mixsüne chix wak nye ang akat. 16Waksüt ang koxkya zokdua ngaxchu saxsele chixe thüt, ikoxle chix ang ingaxchu kox angkya mix chitüi. 17Oshukma chix ang khangka hingle hüi, ilaxle thüi: ‘Apa hom to mwotmok mixbu ang ngaxchu hwome saxkya boma onüi atakle ngopu, ikoxle kua ikha to woknuake ziüi khakha! 18Ku achexle apa hom to chatle chatüi, ilaxle apa ang thüiüi, apa kue Zang zongmachu üntoxle nang zongmachu achaxdaoa. 19Ku ang hünsa le nyak ang münasu; nang homkha ma mwotmok mix da tuita ningle ku pongle kop-hüi!’ 20Idaile chix ajong ilaxle hopa hato chat ang achex,
“Chix ochu to tüiponge wüi hopae chix ngünle lax; chix mong ma chingchae awang, üntoxle ziklaxle chixe chak füi thuile sasün to kün, ilaxle chix füi tun apong. 21Hosae thüi: ‘Apa, kue Zang zongmachu üntoxle nang zongmachu achaxdaoa. Ku ang athax hünsa le nyak ang münasu.’ 22Ikoxlechu hopae dabu nyaklaxle thüi: ‘Momlax, nyiza amüimüi apüilaxle chix to awunle laxkox. Chix chakkhi ma khoptüt langle laxkox üntoxle cha ma chisox soxle laxkox. 23Ifüima maihusa anutnut tuita apüilaxle langkox, üntoxle fongkhale mongmüihax! 24Chemthüikoxle ija kusa zidaokya changle, ikoxle chix athax azangle tüile; chix maxdaokya, ikoxle athax chix atakdaoa!’ Idaile fongkha ang süt.
25“Iponge tüichongpa a zang to kale ngoünkya. Chix wünwangle homha kopkya zuma, tsai ngaokya hia shwonkyadu zing atat. 26Ikhoma chixe da tuita selaxle idu chempang thüipu le atüi. 27Ija dae chix ang thüi: ‘Hünnao chatle nguiüna, chix müimüi zangngaile, chem ozik omüt chitüi le atak koxle hünpae maihusa anutkya tuita langle fongkha puta.’
28“Hotüi mong huanuma tsik ilaxle chix homkha to ngaxchu chidong; ikoxle chix hato lai laxle hopae donghüi le jox-shwom. 29Ikoxle chixe hopa kax to lan, ‘Hulax, ibibi zangpua da tuita tukux kue nang hanpakma saxmokpu, üntoxle kue nang kax ma chilaxle otuechu chitüi, ikoxle nange ku ang chem fadao? Kuechu zuikhuibu füi fong naxkhalax le zwon tangtang ngaxchu chifa tsuakkya a! 30Ikoxle ija hünsae nang ngunsyen shix-shix-khax le bakpu, ikoxle otue chix hom to nguipuix, chix hanpakma nange maihusa anutkya namlang!’ 31Hopae lan, ‘Kusa, nang ikhama othuithuima ku füi tomle ngopu, ilaxle ku ma atüitüi bakle nang kux. 32Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.