LUK 16
16
Tsinge Awangkya Da Tuita
1Üntoxle Jisu-e chix wangshembu ang thüi: “Hakpa sün tuita ang chix tuina to apu-achangle hume ang da tuita tüikya. Da khohang le, chixe hopunu ngunsyen shixshixkhaxle changtüia le chix hama wünle kox. 2Ikhoma hopupae chix nyaklaxle chix ang thüi: ‘Nang bama kue atatkya chempang changkox? Nang mwot akiak-azyakkya ahohu, chemthüikoxle nange da akhokya ang owüi moktsuaküi!’ 3Ikoxle dae chix mongto thüi: ‘Opunue ku mwot züt angkya changüi, kue chem moküi? Kue haxthwot nang chitho, ilaxle jusax ang aham ang nang azak. 4Kue mok angkya athax kue awandaoa! Otue ku mwot angkya apao üihex, ku hwom hom to sele kop angkya zuikhuibu ku ang tüikox wüi müi angkya changle.’ 5Ikhoma chixe hopunu ang thashe atüitüi komle nyaklaxle, owang angkya ma atüi, ‘Opunu ang kox angkya thashe nang ma otukux tüi?’ 6Chixe lan, ‘Münga pe hota.’ Üntoxle chixe chix ang thüi: ‘Akiak kya nang lai ija laxlax, thung üntoxle momle punyi bün le zalax.’ 7Üntoxle chixe mama mix ma atüi, ‘Nang machu thashe otukux tüi?’ Chixe lan, ‘Tsax khia hota.’ Chixe chix ang thüi: ‘Akiak kya nang lai ija laxlaxle thung üntoxle momle puli le zalax.’ 8Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”
9Chatlechu wüi Jisu-e akaxle thüi: “Ijapue kue hünzom ang thüipu: Chaxwannu ngunsyen füi zuikop manlax, ikoxle otue ija ashuküihex, oshuk chitüikya hom to Zange nang pongle kopüi. 10Opang to muaküsa mwot bama mongong tüiüihex, chongkya mwot bamachu wüi mongong tüiüi; ikoxle owa muaküsa to tsetselopüi hex, chixe chongkya tochu tsetselopüi. 11Ijadaile chaxwannu ngunsyen twon angkya bama ngaxchu hünzom to mongao, ikoxle otsingtsing ngunsyen twon ang hünzom ang owae koxüi? 12Chaxwannu ma tüikya mix jali bama ngaxchu nang to mongao, zangkang tokya hünzom kux tsingtsing ikoxlechu hünzom ang owae chem mongong laxle koxüi?
13 #
Mat 6.24. “Da owaechu hopunu anyi mwot azyep le mok ang müntho, chemthüikoxle chixe tuita thua anuüi ilaxle ata to mongkünüi; chixe tuita to onüi akhexüi ilaxle ata mix ahaiüi. Nange Zang hia ngun hokhi monyi mwot azyep le mok ang müntsuaküi.”
Züita Jisu Zangwünbu
(Mat 11.12-13; 5.31-32; Mrk 10.11-12)
14Otue farisibue ijabu kax atat, hwome Jisu ajao, chemthüikoxle hwome ngun towüi kün. 15Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.
16 #
Mat 11.12,13. “Juhan nguikya kople Mosa Wanlom hia ajebu chakza mwot ma hüile wüi tüikya; ipongma Zang Wangting bama Kaxho Müikya apuk ilaxle ikha to pangnu wüi atinle nop. 17#Mat 5.18.Wanlom khapta thaile lekya füi ding hia hax max angkya wüi ochwon.
18 #
Mat 5.32; 1 Ko 7.10,11. “Owae ma kakonu apaolaxle mama mixcha laxüihex chixe chinunchakkaipu; üntoxle apaokya mixcha owae laxlaxüihex chixechu chinunchakkaipu.
Hakpa hia Lazar nyi
19“Hanpak tuita ma, nyiza otha alixlix lax üntoxle nyixfole mongtex ma fongkhale saxlan le ngokya hakpa tuita tüikya. 20Üntoxle makchake awang le jusaxmix Lazar le amünkya mixsün tuita tüikya. Chix a hakpa hwom zünkai ma ilele wüi danle tox. 21Ilaxle chixe hakpa sün tsap tokya dütkya saxfun sax ang kopüi le monghom. Hi-bu to apüile hüilaxle chix mak to chai.
22“Ifüima jusax mix zi, üntoxle kaxtaimixbue chix Abraham zuima thung ang zangkangting fongkhat nui to pao. Hakpa sünchu wüi zi ilaxle akhün. 23ilaxle chix amalumfang#16.23: amalumfang: Lwompu-ting. To sikngün ashukle ngoponge, chixe mik zaple thakchi to hukoxle ochu to chixe Abraham üntoxle chix zuima thungle Lazar le ngün. 24Ija ma chixe akhongle nyak, ‘O Apa Abraham! Ku to chingchalaxle Lazar chakkhizae ti to thulaxle, ku le ma athwotle akong ang ajohüi, chemthüikoxle ija wünchua khato ku sikngün ashukle ngole!’
25“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu. 26Ibu boma chatlechu, kem bama otuechu chiashuk toxkya chongkya ohua tuita tüile, idaile kwom ha tokya owawachu, paosele texkoxlechu nang hato pao ang müntho, chichangthüiba nang ha tokyachu kwom hato ngui ang müntho.’ 27Üntoxle hakpae thüi: ‘Idaile Apa Abraham, kue nangma chingcha jupu, apa hom to Lazar tam achatkox. 28Ikha to kutüi kunao hwom aga tüile. Chix chatlaxle hwom hato kax naxfa; ile chichang thüiba hwomchu wüi ija sikngün nui to hüiüi changa.’
29“Ikoxle Abrahame thüi: ‘Hwom hama apua ang Mosa hia ajebu Lai tüile; hwome ibu kax ma naxlaxkox a.’ Chatlechu chixe thüi: ‘Münchang Apa Abraham, itatae mwot münthapüi. 30Zidaokya mix hwom hato jangchat thüikoxtix hwom mong alüixüi.’ 31Üntoxle Abrahame chix ang thüi: ‘Hwome Mosa hia ajebu kax ma chilaxba, zidaokya mix chatle nguikoxlechu hwome münongüi.’”
Currently Selected:
LUK 16: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
LUK 16
16
Tsinge Awangkya Da Tuita
1Üntoxle Jisu-e chix wangshembu ang thüi: “Hakpa sün tuita ang chix tuina to apu-achangle hume ang da tuita tüikya. Da khohang le, chixe hopunu ngunsyen shixshixkhaxle changtüia le chix hama wünle kox. 2Ikhoma hopupae chix nyaklaxle chix ang thüi: ‘Nang bama kue atatkya chempang changkox? Nang mwot akiak-azyakkya ahohu, chemthüikoxle nange da akhokya ang owüi moktsuaküi!’ 3Ikoxle dae chix mongto thüi: ‘Opunue ku mwot züt angkya changüi, kue chem moküi? Kue haxthwot nang chitho, ilaxle jusax ang aham ang nang azak. 4Kue mok angkya athax kue awandaoa! Otue ku mwot angkya apao üihex, ku hwom hom to sele kop angkya zuikhuibu ku ang tüikox wüi müi angkya changle.’ 5Ikhoma chixe hopunu ang thashe atüitüi komle nyaklaxle, owang angkya ma atüi, ‘Opunu ang kox angkya thashe nang ma otukux tüi?’ 6Chixe lan, ‘Münga pe hota.’ Üntoxle chixe chix ang thüi: ‘Akiak kya nang lai ija laxlax, thung üntoxle momle punyi bün le zalax.’ 7Üntoxle chixe mama mix ma atüi, ‘Nang machu thashe otukux tüi?’ Chixe lan, ‘Tsax khia hota.’ Chixe chix ang thüi: ‘Akiak kya nang lai ija laxlaxle thung üntoxle momle puli le zalax.’ 8Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”
9Chatlechu wüi Jisu-e akaxle thüi: “Ijapue kue hünzom ang thüipu: Chaxwannu ngunsyen füi zuikop manlax, ikoxle otue ija ashuküihex, oshuk chitüikya hom to Zange nang pongle kopüi. 10Opang to muaküsa mwot bama mongong tüiüihex, chongkya mwot bamachu wüi mongong tüiüi; ikoxle owa muaküsa to tsetselopüi hex, chixe chongkya tochu tsetselopüi. 11Ijadaile chaxwannu ngunsyen twon angkya bama ngaxchu hünzom to mongao, ikoxle otsingtsing ngunsyen twon ang hünzom ang owae koxüi? 12Chaxwannu ma tüikya mix jali bama ngaxchu nang to mongao, zangkang tokya hünzom kux tsingtsing ikoxlechu hünzom ang owae chem mongong laxle koxüi?
13 #
Mat 6.24. “Da owaechu hopunu anyi mwot azyep le mok ang müntho, chemthüikoxle chixe tuita thua anuüi ilaxle ata to mongkünüi; chixe tuita to onüi akhexüi ilaxle ata mix ahaiüi. Nange Zang hia ngun hokhi monyi mwot azyep le mok ang müntsuaküi.”
Züita Jisu Zangwünbu
(Mat 11.12-13; 5.31-32; Mrk 10.11-12)
14Otue farisibue ijabu kax atat, hwome Jisu ajao, chemthüikoxle hwome ngun towüi kün. 15Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.
16 #
Mat 11.12,13. “Juhan nguikya kople Mosa Wanlom hia ajebu chakza mwot ma hüile wüi tüikya; ipongma Zang Wangting bama Kaxho Müikya apuk ilaxle ikha to pangnu wüi atinle nop. 17#Mat 5.18.Wanlom khapta thaile lekya füi ding hia hax max angkya wüi ochwon.
18 #
Mat 5.32; 1 Ko 7.10,11. “Owae ma kakonu apaolaxle mama mixcha laxüihex chixe chinunchakkaipu; üntoxle apaokya mixcha owae laxlaxüihex chixechu chinunchakkaipu.
Hakpa hia Lazar nyi
19“Hanpak tuita ma, nyiza otha alixlix lax üntoxle nyixfole mongtex ma fongkhale saxlan le ngokya hakpa tuita tüikya. 20Üntoxle makchake awang le jusaxmix Lazar le amünkya mixsün tuita tüikya. Chix a hakpa hwom zünkai ma ilele wüi danle tox. 21Ilaxle chixe hakpa sün tsap tokya dütkya saxfun sax ang kopüi le monghom. Hi-bu to apüile hüilaxle chix mak to chai.
22“Ifüima jusax mix zi, üntoxle kaxtaimixbue chix Abraham zuima thung ang zangkangting fongkhat nui to pao. Hakpa sünchu wüi zi ilaxle akhün. 23ilaxle chix amalumfang#16.23: amalumfang: Lwompu-ting. To sikngün ashukle ngoponge, chixe mik zaple thakchi to hukoxle ochu to chixe Abraham üntoxle chix zuima thungle Lazar le ngün. 24Ija ma chixe akhongle nyak, ‘O Apa Abraham! Ku to chingchalaxle Lazar chakkhizae ti to thulaxle, ku le ma athwotle akong ang ajohüi, chemthüikoxle ija wünchua khato ku sikngün ashukle ngole!’
25“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu. 26Ibu boma chatlechu, kem bama otuechu chiashuk toxkya chongkya ohua tuita tüile, idaile kwom ha tokya owawachu, paosele texkoxlechu nang hato pao ang müntho, chichangthüiba nang ha tokyachu kwom hato ngui ang müntho.’ 27Üntoxle hakpae thüi: ‘Idaile Apa Abraham, kue nangma chingcha jupu, apa hom to Lazar tam achatkox. 28Ikha to kutüi kunao hwom aga tüile. Chix chatlaxle hwom hato kax naxfa; ile chichang thüiba hwomchu wüi ija sikngün nui to hüiüi changa.’
29“Ikoxle Abrahame thüi: ‘Hwom hama apua ang Mosa hia ajebu Lai tüile; hwome ibu kax ma naxlaxkox a.’ Chatlechu chixe thüi: ‘Münchang Apa Abraham, itatae mwot münthapüi. 30Zidaokya mix hwom hato jangchat thüikoxtix hwom mong alüixüi.’ 31Üntoxle Abrahame chix ang thüi: ‘Hwome Mosa hia ajebu kax ma chilaxba, zidaokya mix chatle nguikoxlechu hwome münongüi.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.