NASEPTE 1
1
Thumapui
1 #
Luk. 1.1-4
Aw Theopilus, ka laigel masa pen ah, Jesu nasep chiil a kipata anasep leh thuhil zousie ka giel hi. 2Hagau Siengthou panpina a, sawltah atelte kunga thupieh achiem zou a, van a puitou a aum ni donga thu ahi ka gel. 3Gentheina athuoh nuain sawltahte kungah theichienna zuoulou tampiin, hingin akimusah a, ni sawmli tangchim akung uah akilah a, Pasian gam thu toh kisai agenden hi. 4#Luk. 24.49Amaute toh kipawlkhawm zelin, Jerusalem nusie sih unlen, “Pa thuchiem ka gensa na zah uh khu ngah un chin thu apie hi. 5#Mat. 3.11; Mak. 1.8; Luk. 3.16; Jn. 1.33Aziehpen Johan in tuiin ahing baptis a, hinanleh tua kipat ni sawtlou sungin Hagau Siengthou a baptis na hi ding uh,” achi hi.
6Tuaziehin amaute ahing kikhawm ua, akungah “Mangpa tuin ahiei Israelte kunga leenggam na tunding kia ding?” chi’n adong uhi. 7Tualeh Aman akung uah, “Pain ahun leh ani Ama thu thua um dinga aguot, noute thei ding ahisih hi. 8#Mat. 28.19; Mak. 16.15; Luk. 24.47,48Hinanleh na tung ua Hagau Siengthou ahing tun chiengin silbawltheina na nei ding ua, Jerusalem khuo ah, Judia gam leh Samaria gam zousie ah, tualeh kawlmong dongin ka thu theipite na hi ding uhi,” achi hi.
Jesu van a akaltouna
(Mak. 16.19; Luk. 24.50,51)
9 #
Mak. 16.19; Luk. 24.50,51 Tam thute agen zouin, amitmu ngel uah van ah lahtouin a um a, tuachia aetlai un, meilum in amu phahlou uah apuitouta hi. 10Tualeh van a akaltou lai mitphelou a aet zing lai un, mi ni puon vam silin akung uah ahing ding ua; 11Tua mi nite’n amaute kungah, “Nou Galili mite bangding a, vanlam en a dingden na hi uoi? Tam Jesu mama na kung ua kipat a, van a puitou a um, van a akaltou na mu bang ngelngel un, Ama ngel hing peikia ding ahi,” achi uhi.
Sawltah asawm leh nina guotna
(Luk. 24.52)
12Tuachi’n Olive muol achi ua kipat in Jerusalem khuo ah ahing peikia uhi, tua Olive muol khu Jerusalem khuo toh kinai ahia, Sabbath ni a peitheina tan bep ahi. 13#Mat. 10.2-4; Mak. 3.16-19; Luk. 6.14-16Amauh khopi ahing lut tah un, aumna uh Inndan tungnung ah akaltou uhi. Amaute khu, Peter, Jakob, Johan, Andru, Philip leh Thomas; Bartholomai leh Mathiu, Alphai tapa Jakob leh Simon Zealot leh Jakob tapa Juda ahi uhi. 14Tam mite zousie leh numeite leh Jesu nu Mari toh Jesu sanggamte toh lungsim munkhat puain phatuom ngaitahin thu angen khawm uhi.
Mathias ateldona uh
(Mat. 27.7,8)
15Tua ni in Peter nuazuite lah ah adingtou a (abawn un za leh sawmni vel a hi ua.) 16“Mite leh Sanggamte aw, masanglai a Hagau Siengthou in David kam a, Jesu mante lamkai a pangpa Juda tungtang thu Laisiengthou in ana gensa khu ahing tangtung ding mawng ahi. 17Aziehpen amapa ilah ua simtel ahi a, tami nasepna ah zong tan anei hi. 18#Mat. 27.3-8Tuin tam mipa’n agitlouna thamanin mun khat alei a, abungbusipin akie a, agilpi apohkeh a, agilzam zousie alawtkhie hi. 19Tua thupen Jerusalema um zousiein ana thei ua, tuachi’n tuamun khu amauh ham in Akeldama achi uhi. (Tua khu sisan mun china ahi.)
20 #
Late. 69.25; Late. 109.8 Aziehpen late bu sungah:
Ama umna suhgam in um henlen;
asungah koima um sih heh;
tualeh alamkai hina midangin luota heh,
chiin akigiel hi.
21 #
Mat. 3.16; Mak. 1.9; Luk. 3.21; Mak. 16.19; Luk. 24.51 Tuaziehin Mangpa Jesu eite lah a lut leh pawt a a um sung sie a, 22Johan baptisma akipat a, ilah ua kipata van a puitou a aum ni donga, eita hing na kithuopite lah a mi khat, athawkiana hing theipi dingin a um ngeingei ding ahi, achi hi. 23Tuachi’n mi ni aguot ua, khat khu Joseph Barsaba (amindang Justus achipa uh) tualeh khat khu Mathias ahi.” 24Tualeh thu angen ua, “Mangpa Nang mihing zousie lungtang theipa, tam mi nite lah ah koizawh ahiei na tel hing theisah in, 25Juda lah ama umna mun ngai ah apei a, tami nasepna leh sawltah hina khelna zieh a apuasanna mun luo dingin,” achi uhi. 26Tualeh ai asan ua, a ai san u’khu Mathias tungah a tu a, tuachi’n ama khu sawltah sawm leh khatte lah a simtel ahita hi.
Currently Selected:
NASEPTE 1: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
