JOHAN 11
11
Lazar kaithawna
1 #
Luk. 10.38,39 Lazar kichi mi khat achi ana hi. Ama Mari leh asanggamnu Martha tenna Bethani khuo mi ahi. 2#Jn. 12.3Asanggampa Lazar china nu khu Mangpa thaunamtui nu asam a akeng siapiehnu Mari khu ahi. 3Tuaziehin asanggamnuten Jesu kungah, “Mangpa Ngai vawi, na itpa achi ana hi,” chiin mi asawl uhi. 4Jesu’n tua thu azah tahin, “Tam natna pen shina khop hiel ahisih a, hinanleh Tami zieh a Pasian Tapa’n pahtawina atan theina dinga, Pasian thupina ding ahi zaw hi,” achi hi.
5Jesu’n Martha leh asanggamnu leh Lazar a it a, 6Lazar chinat azah nuain ni ni dang a um na ah ataam nalai hi. 7Tuazouin anuazuite kungah, “Judia gam ah pei kia vai” achi hi. 8Nuazuiten akungah, “Siepa masang zepin Judaten suongin ahing se sawm ua, nang khuna haw sawm kia na hiei mah?” achi uhi. 9Jesu’n adawnga “Sun hun sungin naikal sawm leh ni a um hilou ahiei mah? Mi koizong suntang lai a avah chiengin akisuipua ngai sih a leitung vannuoi vah amu zieh un. 10Hinanleh mi koizong zanlai a avah chiengin akisuipua leng uhi, ama a vah aumlou ziehin,” achi hi. 11Aman tam thute agen a tua zouin akung uah, “I lawmpa uh Lazar a imuta, ama phawng dingin ka va pei ding hi,” achi hi.
12Tuachi’n anuazuiten “Mangpa imu ahileh hing dam kia nava maw?” achi uhi. 13Amabou Jesu’n ashi thu agenna ahi a, amaun imu a khawldam agenna hiva chiin angaisut uhi. 14Tuachi’n Jesu’n akung uah, chientah in agen a “Lazar ashita, achi hi. 15Na gintat theina ding ua, khuna ka umkhah lou, noute ziehin ka kipah hi. Hinanleh akungah va haw vai,” achi hi. 16Tuachi’n Thomas Didum#Didum akoppien, china kichipain anuazuipite kungah, “Eite zong Ama toh ishikhawm theina dingun vahaw va ui,” achi hi.
17Tuachi’n Jesu ahing tun in Lazar hankhuh sung ah ni li ana umta chi athei hi. 18Bethani khuo pen Jerusalem khuo kung nai a um Kilometer#Kilometer-Greek ah stadia 15 akichi, mundang ah mel ahisihleh chiing louchiing 15 zong akichi hi. thum vel a gamla ahi. 19Judate tampi Martha leh Mari kungah, asanggampa uh shina tunga henem dingin ahing pei uhi. 20Tuachi’n Martha khu Jesu ahing pei chi azah tahin ava pei a, Jesu ava lamdawn a, hinanleh Mari pen innsungah atou nalai hi. 21Tuachi’n Martha in Jesu kungah, “Mangpa tana um hilachin ka sanggampa shilou ma ding hiven, 22Hinanleh tuin zong Pasian kunga na nget pouma Pasian in ahing pe ding, chi ka thei hi,” achi hi. 23Jesu’n amanu kungah, “Na sanggampa athoukia ding hi,” achi hi.
24Martha in akungah, “Ni tawpni chienga thawkiana ah athoukia ding chi ka thei hi,” achi hi. 25Jesu’n akungah, “Kei thawkiana leh hinna ka hi, koizong kei hing gingta khu shinanleh ahing ding, 26Tualeh koipou hing a hing gingta pouma ashi ngai nawn sih ding hi, tami na gingta ei,” achi hi. 27Amanu’n akungah, “Hina, Mangpa Nang Khrist, Pasian Tapa, leitunga hing pei dingpa khu na hi chi ka gingta hi,” achi hi.
28Amanu’n tamte agen zouin apei a, asanggamnu Mari aguhin ahan a, “Siepa ahing tunga, nang ahing han hi,” achi hi. 29Mari in tam thu azah tahin kintah in adingdoh a, Jesu kungah ahing pei hi. 30Jesu pen khosung ahing lut nai sih a, Martha in ava lamdotna mun ah a um nalai hi. 31Tuachi’n Judate, inn sunga amanu henem a, amanu toh umten, Mari kintah a dingdoh a pawtdoh amu un anua azui ua, han a kap dinga va pei ding hiva achi uhi. 32Tuachi’n Mari Jesu umna mun ahing tunga Jesu amu tahin akengbul ah apuasuh a, akungah “Mangpa, Tana um hilachin ka sanggampa shilou ding hima ven,” achi hi. 33Jesu’n Mari kap leh ama toh hing zawhkhawm Judate kap a um amuin lungsim in athum a, tualeh amangbang hi. 34Tualeh “Ama hei ah na siel uoi?” achi hi. Amauten akungah, “Mangpa hing pei inlen en in,” achi uhi. 35Jesu a kapta. 36Tuachi’n Judate’n “En vawi ua, it hina va-ia!” achi uhi. 37Pawlkhat in “Tam mittopa mitte vahsahpa’n Lazar zong shilou a koi theilou adiei,” achi uhi.
38Tuaziehin Jesu alungsim a thum kawm in han ah ahing pei a, han khu kokhuh ahia, han kot khu suonga kisin ahi. 39Jesu’n “Asuong hemkhie un,” achi hi. Mishipa sanggamnu Martha in, akungah, “Mangpa tuin vang uita va, ashina ni li aphata hi,” achi hi. 40Jesu’n amanu kungah, “Na gintat a ahileh Pasian thupina na mu ding, na kungah ka chisih amah?” achi hi. 41Tuachi’n amaun han kotkhana suong ahemkhie ua, tualeh Jesu avandah a, “Pa aw ka thu na ngaikhieh ziehin ka kipah hi; 42Tualeh na hing ngaikhe ngitnget chi zong ka thei hi, hinanleh ka kiim a ding mipite ziehin tami ka gen ahi, Nangman na hing sawl ahi chi agintat theina ding un,” achi hi. 43Tam thute agen zouin, Aw ngaitahin akikoukhie a, “Lazar hing pawtdohin,” achi hi. 44Tuachi’n mishi khu akhut akeng han puon a kituomsa in ahing pawtdoh a, amai zong puon in akituom hi. Jesu’n amaute kungah “Phel unlen pei sah un,” achi hi.
Pharisaiten Jesu tha atum uh
45Tuachi’n Mari kunga hing haw a Jesu sillamdang bawl mu Judate tampi in Jesu agingta ta uhi. 46Hinanleh pawlkhatte Pharisaite kungah apei ua, Jesu silbawlte ava hil uhi. 47Tuachi’n siempu liente leh Pharisaite’n vaihawmte ahankhawm ua; “Bang ilawta diei? Tam mipa’n sillamdang tampi abawl hi. 48Tambanga ihazan u’leh mi zousiein, Ama agingta ding ua, tualeh Romemite ahing pei ding ua, igam leh inamte ahing lahpieh ding uhi,” achi uhi. 49Tualeh amaute lah a mi khat, tuami kum a siempu lien Kaiapha achipa un akung uah, “Bangma thei sih uteh; 50Inam pumpi amanthai louna dinga mipi taang a mi khat ashi eite dingin ahoizaw chi zong na ngaituo sih uhi,” achi hi. 51Tami aman ama phuothu agen ahisih a, tua kum a siempu lien ahi a, Juda namte tanga Jesu ashi ding agenlawhna ahi, 52Tualeh tua namte bep hilouin, Pasian ta kithethangte zousie pawlkhat a apuikhawm theina ding zong ahi. 53Tuachi’n tua ni akipat in Ama tha ding dan ngaituo in akihou zingta uhi. 54Tuaziehin Jesu Judate lah ah alangtangin avah nawn sih a, tuana kipat in gamdai nai lam ah Ephraim kichi khopi khat ah apei a, tuanah anuazuite toh a umta hi.
55Tualeh Judate peikan pawi ahing naita a, tuami masanga kisiensuo dingin mi tampite gam sung lam a kipat in Jerusalem ah ahing pei uhi. 56Tuachi’n amaun Jesu asui ua, biehinn huong sungah ding kawm in akihou ua, “Bangchin na ngaisut uoi? Peikan pawi a hing hawlou ding adiei?” akichi uhi. 57Siempu liente leh Pharisaiten mi koizong a umna thei aumleh Ama amat theina ding ua, amaute hil pai dingin thupieh khat ana bawl zouta uhi.
Currently Selected:
JOHAN 11: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
JOHAN 11
11
Lazar kaithawna
1 #
Luk. 10.38,39 Lazar kichi mi khat achi ana hi. Ama Mari leh asanggamnu Martha tenna Bethani khuo mi ahi. 2#Jn. 12.3Asanggampa Lazar china nu khu Mangpa thaunamtui nu asam a akeng siapiehnu Mari khu ahi. 3Tuaziehin asanggamnuten Jesu kungah, “Mangpa Ngai vawi, na itpa achi ana hi,” chiin mi asawl uhi. 4Jesu’n tua thu azah tahin, “Tam natna pen shina khop hiel ahisih a, hinanleh Tami zieh a Pasian Tapa’n pahtawina atan theina dinga, Pasian thupina ding ahi zaw hi,” achi hi.
5Jesu’n Martha leh asanggamnu leh Lazar a it a, 6Lazar chinat azah nuain ni ni dang a um na ah ataam nalai hi. 7Tuazouin anuazuite kungah, “Judia gam ah pei kia vai” achi hi. 8Nuazuiten akungah, “Siepa masang zepin Judaten suongin ahing se sawm ua, nang khuna haw sawm kia na hiei mah?” achi uhi. 9Jesu’n adawnga “Sun hun sungin naikal sawm leh ni a um hilou ahiei mah? Mi koizong suntang lai a avah chiengin akisuipua ngai sih a leitung vannuoi vah amu zieh un. 10Hinanleh mi koizong zanlai a avah chiengin akisuipua leng uhi, ama a vah aumlou ziehin,” achi hi. 11Aman tam thute agen a tua zouin akung uah, “I lawmpa uh Lazar a imuta, ama phawng dingin ka va pei ding hi,” achi hi.
12Tuachi’n anuazuiten “Mangpa imu ahileh hing dam kia nava maw?” achi uhi. 13Amabou Jesu’n ashi thu agenna ahi a, amaun imu a khawldam agenna hiva chiin angaisut uhi. 14Tuachi’n Jesu’n akung uah, chientah in agen a “Lazar ashita, achi hi. 15Na gintat theina ding ua, khuna ka umkhah lou, noute ziehin ka kipah hi. Hinanleh akungah va haw vai,” achi hi. 16Tuachi’n Thomas Didum#Didum akoppien, china kichipain anuazuipite kungah, “Eite zong Ama toh ishikhawm theina dingun vahaw va ui,” achi hi.
17Tuachi’n Jesu ahing tun in Lazar hankhuh sung ah ni li ana umta chi athei hi. 18Bethani khuo pen Jerusalem khuo kung nai a um Kilometer#Kilometer-Greek ah stadia 15 akichi, mundang ah mel ahisihleh chiing louchiing 15 zong akichi hi. thum vel a gamla ahi. 19Judate tampi Martha leh Mari kungah, asanggampa uh shina tunga henem dingin ahing pei uhi. 20Tuachi’n Martha khu Jesu ahing pei chi azah tahin ava pei a, Jesu ava lamdawn a, hinanleh Mari pen innsungah atou nalai hi. 21Tuachi’n Martha in Jesu kungah, “Mangpa tana um hilachin ka sanggampa shilou ma ding hiven, 22Hinanleh tuin zong Pasian kunga na nget pouma Pasian in ahing pe ding, chi ka thei hi,” achi hi. 23Jesu’n amanu kungah, “Na sanggampa athoukia ding hi,” achi hi.
24Martha in akungah, “Ni tawpni chienga thawkiana ah athoukia ding chi ka thei hi,” achi hi. 25Jesu’n akungah, “Kei thawkiana leh hinna ka hi, koizong kei hing gingta khu shinanleh ahing ding, 26Tualeh koipou hing a hing gingta pouma ashi ngai nawn sih ding hi, tami na gingta ei,” achi hi. 27Amanu’n akungah, “Hina, Mangpa Nang Khrist, Pasian Tapa, leitunga hing pei dingpa khu na hi chi ka gingta hi,” achi hi.
28Amanu’n tamte agen zouin apei a, asanggamnu Mari aguhin ahan a, “Siepa ahing tunga, nang ahing han hi,” achi hi. 29Mari in tam thu azah tahin kintah in adingdoh a, Jesu kungah ahing pei hi. 30Jesu pen khosung ahing lut nai sih a, Martha in ava lamdotna mun ah a um nalai hi. 31Tuachi’n Judate, inn sunga amanu henem a, amanu toh umten, Mari kintah a dingdoh a pawtdoh amu un anua azui ua, han a kap dinga va pei ding hiva achi uhi. 32Tuachi’n Mari Jesu umna mun ahing tunga Jesu amu tahin akengbul ah apuasuh a, akungah “Mangpa, Tana um hilachin ka sanggampa shilou ding hima ven,” achi hi. 33Jesu’n Mari kap leh ama toh hing zawhkhawm Judate kap a um amuin lungsim in athum a, tualeh amangbang hi. 34Tualeh “Ama hei ah na siel uoi?” achi hi. Amauten akungah, “Mangpa hing pei inlen en in,” achi uhi. 35Jesu a kapta. 36Tuachi’n Judate’n “En vawi ua, it hina va-ia!” achi uhi. 37Pawlkhat in “Tam mittopa mitte vahsahpa’n Lazar zong shilou a koi theilou adiei,” achi uhi.
38Tuaziehin Jesu alungsim a thum kawm in han ah ahing pei a, han khu kokhuh ahia, han kot khu suonga kisin ahi. 39Jesu’n “Asuong hemkhie un,” achi hi. Mishipa sanggamnu Martha in, akungah, “Mangpa tuin vang uita va, ashina ni li aphata hi,” achi hi. 40Jesu’n amanu kungah, “Na gintat a ahileh Pasian thupina na mu ding, na kungah ka chisih amah?” achi hi. 41Tuachi’n amaun han kotkhana suong ahemkhie ua, tualeh Jesu avandah a, “Pa aw ka thu na ngaikhieh ziehin ka kipah hi; 42Tualeh na hing ngaikhe ngitnget chi zong ka thei hi, hinanleh ka kiim a ding mipite ziehin tami ka gen ahi, Nangman na hing sawl ahi chi agintat theina ding un,” achi hi. 43Tam thute agen zouin, Aw ngaitahin akikoukhie a, “Lazar hing pawtdohin,” achi hi. 44Tuachi’n mishi khu akhut akeng han puon a kituomsa in ahing pawtdoh a, amai zong puon in akituom hi. Jesu’n amaute kungah “Phel unlen pei sah un,” achi hi.
Pharisaiten Jesu tha atum uh
45Tuachi’n Mari kunga hing haw a Jesu sillamdang bawl mu Judate tampi in Jesu agingta ta uhi. 46Hinanleh pawlkhatte Pharisaite kungah apei ua, Jesu silbawlte ava hil uhi. 47Tuachi’n siempu liente leh Pharisaite’n vaihawmte ahankhawm ua; “Bang ilawta diei? Tam mipa’n sillamdang tampi abawl hi. 48Tambanga ihazan u’leh mi zousiein, Ama agingta ding ua, tualeh Romemite ahing pei ding ua, igam leh inamte ahing lahpieh ding uhi,” achi uhi. 49Tualeh amaute lah a mi khat, tuami kum a siempu lien Kaiapha achipa un akung uah, “Bangma thei sih uteh; 50Inam pumpi amanthai louna dinga mipi taang a mi khat ashi eite dingin ahoizaw chi zong na ngaituo sih uhi,” achi hi. 51Tami aman ama phuothu agen ahisih a, tua kum a siempu lien ahi a, Juda namte tanga Jesu ashi ding agenlawhna ahi, 52Tualeh tua namte bep hilouin, Pasian ta kithethangte zousie pawlkhat a apuikhawm theina ding zong ahi. 53Tuachi’n tua ni akipat in Ama tha ding dan ngaituo in akihou zingta uhi. 54Tuaziehin Jesu Judate lah ah alangtangin avah nawn sih a, tuana kipat in gamdai nai lam ah Ephraim kichi khopi khat ah apei a, tuanah anuazuite toh a umta hi.
55Tualeh Judate peikan pawi ahing naita a, tuami masanga kisiensuo dingin mi tampite gam sung lam a kipat in Jerusalem ah ahing pei uhi. 56Tuachi’n amaun Jesu asui ua, biehinn huong sungah ding kawm in akihou ua, “Bangchin na ngaisut uoi? Peikan pawi a hing hawlou ding adiei?” akichi uhi. 57Siempu liente leh Pharisaiten mi koizong a umna thei aumleh Ama amat theina ding ua, amaute hil pai dingin thupieh khat ana bawl zouta uhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.