LUK 23

Jesu Rom gam uhpipa mai ah ading

(Mat. 27.2,11-14; Mak. 15.1-5; Jn. 18.28-38)

1Tuachi’n mipi zousie abawn un ading ua, Ama khu Pilat kungah apuita uhi. 2Tualeh amauten Jesu khu ahing hehse panta ua; “Tam mipa’n Khrist kumpipa ka hi chiin Kaisar kunga sie pieh ding akhaam a, Ka namte uh asuhbuoi dan ka thei uhi,” achi uhi. 3Tuachi’n Pilat in “Nang Judate leengpa na hiei mah?” chi’n adong a, Jesu’n adawnga, “Na gen bangin ka hi,” achi hi.

4Tuachi’n Pilat in siempu liente leh mipite kungah “Tam mipa tungah mawna ka mu sih,” achi hi. 5Hinanleh amauh ahapan semsem ua; Aman “Galili gam akipat tam mun tan dong in Judia gam khochin ah thu ahil a, mipite achiilsie hi,” achi uhi. 6Pilat in Galili kiminlaw azah tahin tam mipa Galili gam mi ahileh hilou adong hi. 7Tualeh Herod vaihawmna nuoi a um ahi chi athei tahin, Herod kungah asawlta hi. Khum hun lai in Herod zong Jerusalem a um ahiziehin.

Jesu Herod masanga adinna

8Herod in Jesu amu tahin akipah mama a, atungtang thu tampi ana zahtah ziehin hun sawtpi a kipat Ama kimupi aut mawng ahi, tualeh asil lamdang bawl bang ahiei khat beeh mu akinem hi. 9Tuachi’n aman akungah thu tampi adonga, hinanleh Aman bangmain adawng sih hi. 10Tualeh siempu liente leh laigiel mite adingdoh ua, nasatahin aheh uhi. 11Tuabep in Herod leh agalkapten simmaw bawl in chiemmui bawlna in anei ua, tualeh puontuol thupitah asil sah ua, Pilat kungah anuasawl kiata uhi. 12Tua ni mama in Pilat leh Herod lawmta ahing hita uhi, tua ni masang in ama gel ana kimelma zing uhi.

Pilat masang ah Jesu adin kiana

(Mat. 27.15-26; Mak. 15.6-15)

13Tuachi’n Pilat in siempu liente leh vaihawmte tualeh mipite ahankhawm a, 14Akung uah mite achiilsie hi chiin, “Tam mipa ka kunga na hing pui uh a, ngai un, na mai ua, hoitah a ka etchien nua in, na hehna tungtang uah, atungah dihlouna bangma ka mu sih; 15Herod in zong amu sih; noute ama kungah ka hing nua sawlkia a, Ngai un shina khop hiel in bangma abawl sih hi. 16Tuaziehin ka jep sah ding a, ka ha mai ding hi,” achi hi. 17(Aziehpen tami pawi ni a mi henta khat ahakhiet sah teitei mawng uh ahi.)

18Tualeh kituohtahin akikou khie ua, “Tam mipa sumang inlen, Baraba hing hakhiet pieh in” achi uhi. 19Baraba pen khopi sunga helna bang ahiei zieh leh tuolthana zieh a suongkul taang ahi. 20Tuaziehin Pilat in Jesu hakhiet a ut a, amaute kungah thu agenkia hi. 21Hinanleh amaute akikou ua “Kross ah kilbeh in, Kross ah kilbeh in,” achi uhi. 22Tuachi’n Pilat in athumveina dingin akung uah “Bangzieh in ahiei, Aman bang abawlkhiel a ahiei? Shina khop hiel atung ah bangma ka mu sih hi; Tuaziehin ka jepsah ding a, ka hakhe mai ding hi,” achi hi.

23Hinanleh amauten aw ngaitah a kikouin Ama Kross a kilbeh dingin, angen teitei uhi. Amaute aw leh siempu liente aw in avau daita hi. 24Tuachi’n Pilat in anget bang ua bawl dingin thu atanta hi. 25Tualeh helna leh tuolthana zieh a, suongkul taang ha dinga angetpa uh, ahahpiehta a, Jesu pen amaute deina bangin apekheta hi.

Jesu kilbehna

(Mat. 27.31-56; Mak. 15.20-41; Jn. 19.16-30)

26Amaun Jesu apeipi lai un lampi ah Sairin gam mi khat gamsunga kipat hing pei aman ua, Jesu nualanga kros puohpi dingin, atungah Kross angata uhi. 27Mihon tampi leh Ama suun a kap leh mau numeiten zong anua azui uhi. 28Hinanleh Jesu akihei a amauh lam hing ngat in, Jerusalem “Tanute aw, Kei hing kaa sih unlen, nouma leh na tate ua dingin kapzaw un. 29Aziehpen Ngai un, miten chiingte leh nau pai ngailouna naubute leh naungeh tep ngailou nawite, hampha nah e, achi nite hing tung ding ahi. 30#Hos. 10.8; Kihil. 6.16Tua hun chiengin amaun taangte kungah hing netkhum un, tualeh muolte kungah hing vuakhum un, achi ding uhi. 31Aziehpen amaun tam silte sing hing#Singhing-Khelna neilou mi hichi tuh a akigawt leh khelna nei mite (singgaw) kigawtna ahuoise sem ding achina ahi. nangawn a, abawl u’leh sing gaw ah bang akibawl tabep diei?” achi hi.

32Migilou dang ni zong Ama toh tha dingin apeipi uhi. 33Tualeh Kalvary achi mun uh atun tah un, khunah Jesu Kross ah akilbeh ua, migilou nite zong khat azietlam ah khat aveilam ah akilbeh uhi. 34#Late. 22.18Tuachi’n Jesu’n “Pa aw amaute ngaidam in, asil bawl uh atheilou zieh uh ahi,” achi hi. Tuachi’n apuonsil akihawm ua aisanna in anei uhi. 35#Late. 22.7Mipiten dingin a en zing ua, hinanleh vaihawm miten Ama a elhou ua, “Midang bawn ahundam vele, Ama Pasian mi tel Khrist ahileh, Ama leh ama kihunkhe leh asih diei,” achi uhi.

36 # Late. 69.21 Galkapten zong chiemmui bawlnain anei ua, ahing pei ua zu pawng apie uhi. 37“Judate kumpipa na hileh, Nangma kihunkhie in,” achi uhi. 38Tualeh alutung zawn ah, Greek leh Latin leh Hebru ham in, “TAMI JUDATE KUMPIPA AHI” chia kigiel akita hi. 39Tualeh migilou kikhaite lah a khat in Ama agensie a, “Nang Khrist na hileh Nangma kihundam inlen kou gel zong hing hundam in,” achi hi.

40Hinanleh adang khat pen in, ama phawh kawm in, “Pasian nangawn ging lou na hiei mah? Mawtansahkhawma na um thei taven. 41Ei pen gawttah mawng ihia, isilbawlte man mu ihi, hinanleh Tam mipan bangma bawlkhiel anei sih hi,” achi hi. 42Tuachi’n aman Jesu kungah, “Mangpa, na gam na tun chiengin hing thei zingin achi hi.” 43Jesu’n akungah, “Adihtahin ka hing hil ahi, tuni’n ka kungah Pradise ah na um ding hi,” achi hi.

Jesu shina

44 # Pawt. 26.31-33 Tualeh tam pen sunkimlai ahia, nitahlam nai thum tandongin gamsung pumpi ah simpi ahing zingta hi. 45Tuachi’n ni ahing mielta a, Pasian biehinn a puongzah phal ni ahing kisuota hi. 46#Late. 31.5Jesu aw ngai tahin akikou a, “Pa na khut sungah ka hagau ka hing kem sah hi” achi a, tami achi zouin ahagau ahata hi.

47Galkap lamkaipa’n sil umdante amu tahin; “Tampa pellou in midihtat ana hitahtah hi,” chiin Pasian aphat hi. 48Tualeh a en dinga hing pei mipite zousie in sil um dante amu un a awm uh tum kawm in anua pei uhi. 49#Luk. 8.2,3Hinanleh ameltheite zousie leh Galili gam a kipat a Ama hing zui numeite gamlapi ah ading ua, tam silte agal et uhi.

Jesu kivuina

(Mat. 27.57-61; Mak. 15.42-47; Jn. 19.38-42)

50Tualeh Ngai un, mi khat amin Joseph kichi vaihawm mi a um a, ama mi hoi leh dihtat ahi. 51Aman avaihawmna u’leh asil bawlte uh lem ana sahpi sih a, ama pen Arimathai kichi Judate khopi khat a teng ahi. 52Tam mipa Pilat kungah ava pei a, Jesu luong ava ngen hi. 53Tuachi’n aman Jesu luong alakhie a, puonnem in atuom a, koima kisielna ngai nailou suong kikhuoh han khat ah asielta hi. 54Tuani khu kiginkholna ni ahi a, khawlni kipan ding ahita hi.

55Galili gam akipat a Ama toh hing zawhkhawm numeite’n zong anuazui ua, ahan leh aluong kisiel dan amu uhi. 56#Pawt. 20.10; Danp. 5.14Tuachi’n anua peikia ua, sil gimnamtui leh kinu ding sathau namtui abawl uhi. Tualeh thupieh dungzuiin, khawlni in akhawlta uhi.

Currently Selected:

LUK 23: ZOUBSI

Highlight

Copy