Ngāue 2
2
Ko e Hā‘ele Mai ‘a e Laumālie Mā‘oni‘oní
1‘I he hoko mai e ‘aho Penitekosí, pea kuo fakatefua ‘a e fa‘ahinga kotoa na‘e tui kia Sīsuú he feitu‘u pē ‘e taha. 2Pea fakafokifā pē kuo ongo hifo mei he langí ha fu‘u mumuhu, ‘o hangē ko e mumuhu ‘a ha matangi mālohi. Pea kuo fā‘ofale ia he loki na‘a nau nofo aí.
3Na‘e ‘asi mo ha ngaahi ulo‘i afi ‘oku fōtunga‘i ‘elelo, ‘o ‘alu hifo ia ‘iate kinautolu tāutaha. 4Na‘e toki fā‘ofale leva ‘a e Laumālie Mā‘oni‘oní ‘iate kinautolu kotoa pē, ‘o nau kamata lea‘aki ha ngaahi lea kehekehe na‘e tuku ‘e he Laumālié ke nau lea‘aki.
5Na‘e tokolahi e kau Siu lotu kuo omi ki Selusalema mei he fonua kotoa pē ‘i māmani. 6Pea ko ‘enau fanongo atu ki he vākē ko ení, pea nau ‘aukau mai. 7Na‘e fakatumutumu honau ‘atamaí ‘i he‘enau taki taha fanongo ‘oku lea‘aki mai ‘ene lea fakafonua totonú. Pea nau fe‘ekenaki, “‘Ikai koā ko e kau Kāleli eni ‘oku leá? 8Ka ko e hā ‘oku tau fanongo atu ai kiate kinautolu ‘oku nau lea mai ‘i he‘etau ngaahi lea totonú? 9He ko e ni‘ihi ‘iate kitautolu mei Pātia, Mītia, mo ‘Ilami, ka ko e ni‘ihi ia mei Mesopotēmia, Siutea, Kapatōsia, Ponitō, ‘Ēsia, 10mo Filīsia, Pamifilia, ‘Isipite, mo e ‘ū fonua ‘i Lītia he feitu‘u Sailiné mo Loma, 11-12pea mo Kēliti mo ‘Ālepea. Ko e ni‘ihi ‘iate kitautolu ko e tupu‘i Siu, pea ko e ni‘ihi ko e toki ului mai pē ki he lotu faka-Siú. Ka ko eni ‘oku tau fanongo atu kotoa pē ‘oku fanongonongo mai ‘i he‘etau lea totonu taki taha ‘a e ngaahi me‘a fakaofo kuo fai ‘e he ‘Otuá!”
Na‘a nau ‘ohovale kotoa mo puputu‘u, pea nau fe‘ekenaki, “Ko e hā koā ‘a e me‘a ko eni kuo hokó?”
13Ka ko e ni‘ihi, na‘a nau manuki‘i e kau ako ‘a Sīsuú, mo tala holo ‘oku nau konā.
Ko e Lea ‘a Pita ki he Kakaí
14Na‘e tutu‘u hake leva ‘a Pita mo e kau ‘apōsitolo ko eé, ‘o lea ‘a Pita ki he kakaí, ko ‘ene kalanga le‘o lahi mo mahino, “‘E Kāinga, mo kimoutolu kotoa pē ‘oku nofo ‘i Selusalema. Mou fanongo lelei mai ka u lea atu. 15‘Oku hala ho‘omou pehē ‘oku konā ‘a si‘i tu‘unga mātu‘á ni. He ko e hiva pongipongí pē eni ia. 16He ko e me‘a ko eni ‘oku hokó, ko e me‘a ia na‘e lau ki ai e palōfita ko Sioelí,
17‘Ka hoko mai leva ‘a e ngaahi ‘aho faka‘osi‘osi ‘o māmaní,
Pea te u foaki hoku Laumālié ki he kakai kotoa pē.
‘E palōfisai homou ngaahi fohá, mo homou ngaahi ‘ōfefiné.
‘E mata vīsone ho‘omou kau talavoú,
‘E mohe misi ho‘omou mātu‘á.
18Te u foaki hoku Laumālié he ngaahi ‘aho ko iá
ki he kakai ‘oku nau fai ‘eku ngāué,
ki he kakai tangata mo e kakai fefine fakatou‘osi.
Pea te nau palōfisai.
19Te u fai ha ngaahi me‘a fakaofo he ‘ataá,
mo ha ngaahi mana he funga ‘o e fonuá.
‘E ‘asi mai ai e toto, mo e afi, mo e kohu tu‘u.
20‘E fakapo‘uli e la‘aá
pea kulokula e māhiná ‘o hangē ko ha totó,
‘i he ‘ama‘amanaki ke hoko mai e ‘aho lahi mo fungani ‘o e ‘Eikí.
21Pea ‘e fakahaofi ‘e he ‘Eikí ‘a e kakai kotoa pē ‘e kole tokoni kiate iá.’
22Mou fanongo mai ka u fakamatala atu ‘a Sīsū mei Nāsaletí. Na‘e fakamo‘oni‘i ‘e he ‘Otuá ‘ene tuku mai ma‘amoutolu ‘a Sīsū mei Nāsaletí ‘aki ha ngaahi mana mo ha ngaahi faka‘ilonga fakaofo. ‘Oku ‘ikai ke puli ia ‘i ha taha ‘iate kimoutolu. 23Pea na‘e ‘afio‘i pē ‘e he ‘Otuá ‘e lavaki‘i ‘a Sīsū kiate kimoutolu, pea ko ia pē na‘á ne fokotu‘utu‘u ke peheé. Pea na‘a mou taki atu ‘a Sīsū ‘o tuku ange ke tāmate‘i he kolosí. 24Ka na‘e hanga ‘e he ‘Otuá ‘o vete ange ‘a Sīsū mei he maté ‘o fokotu‘u ki he mo‘uí. He na‘e ‘ikai ke mafai ‘e he mate ke ta’ofi ‘a Sīsū ‘e he maté. 25He ko e lau eni ‘a Tēvita ki aí,
‘‘Oku hā mai ma‘u pē ‘a e ‘Eikí kiate au.
‘Oku ofi ma‘u ai pē ‘iate au.
He‘ikai te u manavahē,
he ‘okú ne tu‘u mei hoku to‘omata‘ú.
26‘E fiefia ma‘u ai pē hoku lotó.
Te u lea fiefia ma‘u ai pē mo fakatu‘amelie,
27‘E ‘ikai lī‘aki au ‘e he ‘Eikí ‘i fonualoto.
Ko ‘ene pani au.
‘E ‘ikai tuku hoku sinó ke ‘auha.
28Kuó ne fakamahino mai kiate au ‘a e hala ki he mo‘uí.
‘Oku fakafiefia ma‘u pē kiate au ‘ene ofi maí.’
29Si‘oku kāinga, ‘oku tau ‘ilo kotoa pē na‘e pekia pea telio hotau tupu‘anga ko Tēvitá. Pea ‘oku kei ‘ilonga pē hono fonualotó ‘o a‘u ki he ‘ahó ni. 30Ko e palōfita foki ‘a Tēvita, ‘o ne ‘ilo lelei kuo fai kiate ia ‘e he ‘Otuá ha tala‘ofa ‘e ‘ikai ke lava ‘e he ‘Otuá ‘o fakafoki. Ko e tala‘ofa ko iá, ko e fakahā ange ‘e he ‘Otuá kia Tēvita ‘e ‘i ai hano hako ‘e hoko ko e tu‘i.
31Na‘e ‘ilo ‘e Tēvita ‘e hoko e tala‘ofa ko ení. Pea na‘e tupunga ai e fakahā mai ‘e Tēvita ‘a e pau ke fokotu‘u ‘a Kalaisi mei he maté. Na‘e fakahā mai ‘e Tēvitá, ‘e ‘ikai ke lī‘aki ‘e he ‘Otuá ‘a Kalaisi ‘i fonualoto, pe te ne tuku hono sinó ke ‘au‘aunga. 32Pea na‘e hoko ‘o mo‘oni eni i hono fokotu‘u hake ‘e he ‘Otuá ‘a Sīsū mei he maté. Pea ko e kau fakamo‘oni kātoa kimautolu ki ai.
33Na‘e ‘ohake ‘a Sīsū ke ne nofo mei he to‘omata‘u ‘o e ‘Otuá. Pea na‘e ‘oange ma‘ána ‘a e Laumālie Mā‘oni‘oní, ‘o hangē pē ko e tala‘ofa na‘e fai ‘e he Tamaí. Ko Sīsū foki na‘á ne foaki mai e Laumālié kiate kitautolú. Pea ko ia eni ‘oku mou mamata mo fanongo ki aí.
34Na‘e ‘ikai foki ke ‘alu hake ‘a Tēvita ki he langí. Pea na‘e ‘ikai ke ‘uhinga pē kiate ia ‘ene pehē,
‘Na‘e fekau ‘e he ‘Eikí ki hoku ‘Eikí
ke ne nofo ‘i hono to‘omata‘ú,
35kae ‘oua kuó ne ‘ai hono ngaahi filí
ke nau hoko ko hono tu‘unga va‘e.’
36Ke ‘ilo pau eni ‘e he ‘Isileli kotoa, kuo fakanofo ‘e he ‘Otuá ‘a Sīsū ko e ‘Eiki, mo e Kalaisi foki, neongo ho‘omou tāmate‘i ia ‘i he kolosí.”
37Na‘e puputu‘u lahi e loto ‘o e kakaí he fakamatala ko eni ‘a Pitá, ‘o nau fehu‘i ange ki ai mo e kau ‘apōsitoló, “Ko e hā leva e me‘a te mau faí?”
38Pea tali atu ‘e Pita, “Mou tafoki ki he ‘Otuá. Pea mou papitaiso ‘i he huafa ‘o Sīsū Kalaisí kae fakamolemole‘i ho‘omou ngaahi angahalá. Pea te mou ma‘u ‘a e Laumālie Mā‘oni‘oní. 39Ko e tala‘ofa ko ení, ‘oku ‘uhinga ia ma‘amoutolu mo ho‘omou fānaú. Ko e tala‘ofa ia ma‘á e fa‘ahinga kotoa ‘e fili ‘e he ‘Eiki ko hotau ‘Otuá, ‘o tatau ai pē pe ko e fē e feitu‘u na‘a nau tupu aí.”
40Na‘e lahi foki mo e ngaahi me‘a kehekehe na‘e lea‘aki ‘e Pita kiate kinautolu. Peá ne toki pehē ange kiate kinautolu, “‘Oku ou kole atu kiate kimoutolu ke mou fei mo hola mei he faingata‘a ‘oku ‘amanaki ke tō mai ki he kakai kovi ko ení.”
41Na‘e tui e toko tolu afe nai ki he malanga ‘a Pita he ‘aho ko iá, ‘o nau papitaiso. 42Na’a nau matu’aki nofo ki he fakahinohino ‘a e kau ‘apōsitolo, mo e feohi, mo e pakipaki mā, mo e ngaahi feinga lotu.
Ko e Anga e Nofo ‘a e Kakai na‘e Tui ki he ‘Eikí
43Na‘e ‘ohovale ‘a e kakai kotoa pē ‘i he ngaahi mana mo e ngaahi me‘a fakaofo na‘e fai ‘e he kau ‘apōsitoló. 44Pea na‘e feohi e kakai na‘e tui kia Sīsuú, mo nau me‘a taha. 45Na‘a nau fakatau atu ‘enau nga‘oto‘otá mo ‘enau koloá, pea foaki e pa‘anga na‘e ma‘u aí ‘o fakatatau ki he’enau fiema’u taki taha. 46Pea ko e ‘aho kotoa pē na‘a nau kaungā lotu he Temipalé, mo kaungāpakipaki mā ‘i honau ngaahi ‘apí, mo kaungāma‘u me‘atokoni mo e loto fiefia mo nonga, 47mo nau fakamālō ki he ‘Otuá. Na‘e ‘ofeina kinautolu ‘e he kakai kotoa pē, pea ‘alu pē e ‘ahó mo e tupu tokolahi e kakai kuo fakamo‘ui ‘e he ‘Eikí.
Currently Selected:
Ngāue 2: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
Ngāue 2
2
Ko e Hā‘ele Mai ‘a e Laumālie Mā‘oni‘oní
1‘I he hoko mai e ‘aho Penitekosí, pea kuo fakatefua ‘a e fa‘ahinga kotoa na‘e tui kia Sīsuú he feitu‘u pē ‘e taha. 2Pea fakafokifā pē kuo ongo hifo mei he langí ha fu‘u mumuhu, ‘o hangē ko e mumuhu ‘a ha matangi mālohi. Pea kuo fā‘ofale ia he loki na‘a nau nofo aí.
3Na‘e ‘asi mo ha ngaahi ulo‘i afi ‘oku fōtunga‘i ‘elelo, ‘o ‘alu hifo ia ‘iate kinautolu tāutaha. 4Na‘e toki fā‘ofale leva ‘a e Laumālie Mā‘oni‘oní ‘iate kinautolu kotoa pē, ‘o nau kamata lea‘aki ha ngaahi lea kehekehe na‘e tuku ‘e he Laumālié ke nau lea‘aki.
5Na‘e tokolahi e kau Siu lotu kuo omi ki Selusalema mei he fonua kotoa pē ‘i māmani. 6Pea ko ‘enau fanongo atu ki he vākē ko ení, pea nau ‘aukau mai. 7Na‘e fakatumutumu honau ‘atamaí ‘i he‘enau taki taha fanongo ‘oku lea‘aki mai ‘ene lea fakafonua totonú. Pea nau fe‘ekenaki, “‘Ikai koā ko e kau Kāleli eni ‘oku leá? 8Ka ko e hā ‘oku tau fanongo atu ai kiate kinautolu ‘oku nau lea mai ‘i he‘etau ngaahi lea totonú? 9He ko e ni‘ihi ‘iate kitautolu mei Pātia, Mītia, mo ‘Ilami, ka ko e ni‘ihi ia mei Mesopotēmia, Siutea, Kapatōsia, Ponitō, ‘Ēsia, 10mo Filīsia, Pamifilia, ‘Isipite, mo e ‘ū fonua ‘i Lītia he feitu‘u Sailiné mo Loma, 11-12pea mo Kēliti mo ‘Ālepea. Ko e ni‘ihi ‘iate kitautolu ko e tupu‘i Siu, pea ko e ni‘ihi ko e toki ului mai pē ki he lotu faka-Siú. Ka ko eni ‘oku tau fanongo atu kotoa pē ‘oku fanongonongo mai ‘i he‘etau lea totonu taki taha ‘a e ngaahi me‘a fakaofo kuo fai ‘e he ‘Otuá!”
Na‘a nau ‘ohovale kotoa mo puputu‘u, pea nau fe‘ekenaki, “Ko e hā koā ‘a e me‘a ko eni kuo hokó?”
13Ka ko e ni‘ihi, na‘a nau manuki‘i e kau ako ‘a Sīsuú, mo tala holo ‘oku nau konā.
Ko e Lea ‘a Pita ki he Kakaí
14Na‘e tutu‘u hake leva ‘a Pita mo e kau ‘apōsitolo ko eé, ‘o lea ‘a Pita ki he kakaí, ko ‘ene kalanga le‘o lahi mo mahino, “‘E Kāinga, mo kimoutolu kotoa pē ‘oku nofo ‘i Selusalema. Mou fanongo lelei mai ka u lea atu. 15‘Oku hala ho‘omou pehē ‘oku konā ‘a si‘i tu‘unga mātu‘á ni. He ko e hiva pongipongí pē eni ia. 16He ko e me‘a ko eni ‘oku hokó, ko e me‘a ia na‘e lau ki ai e palōfita ko Sioelí,
17‘Ka hoko mai leva ‘a e ngaahi ‘aho faka‘osi‘osi ‘o māmaní,
Pea te u foaki hoku Laumālié ki he kakai kotoa pē.
‘E palōfisai homou ngaahi fohá, mo homou ngaahi ‘ōfefiné.
‘E mata vīsone ho‘omou kau talavoú,
‘E mohe misi ho‘omou mātu‘á.
18Te u foaki hoku Laumālié he ngaahi ‘aho ko iá
ki he kakai ‘oku nau fai ‘eku ngāué,
ki he kakai tangata mo e kakai fefine fakatou‘osi.
Pea te nau palōfisai.
19Te u fai ha ngaahi me‘a fakaofo he ‘ataá,
mo ha ngaahi mana he funga ‘o e fonuá.
‘E ‘asi mai ai e toto, mo e afi, mo e kohu tu‘u.
20‘E fakapo‘uli e la‘aá
pea kulokula e māhiná ‘o hangē ko ha totó,
‘i he ‘ama‘amanaki ke hoko mai e ‘aho lahi mo fungani ‘o e ‘Eikí.
21Pea ‘e fakahaofi ‘e he ‘Eikí ‘a e kakai kotoa pē ‘e kole tokoni kiate iá.’
22Mou fanongo mai ka u fakamatala atu ‘a Sīsū mei Nāsaletí. Na‘e fakamo‘oni‘i ‘e he ‘Otuá ‘ene tuku mai ma‘amoutolu ‘a Sīsū mei Nāsaletí ‘aki ha ngaahi mana mo ha ngaahi faka‘ilonga fakaofo. ‘Oku ‘ikai ke puli ia ‘i ha taha ‘iate kimoutolu. 23Pea na‘e ‘afio‘i pē ‘e he ‘Otuá ‘e lavaki‘i ‘a Sīsū kiate kimoutolu, pea ko ia pē na‘á ne fokotu‘utu‘u ke peheé. Pea na‘a mou taki atu ‘a Sīsū ‘o tuku ange ke tāmate‘i he kolosí. 24Ka na‘e hanga ‘e he ‘Otuá ‘o vete ange ‘a Sīsū mei he maté ‘o fokotu‘u ki he mo‘uí. He na‘e ‘ikai ke mafai ‘e he mate ke ta’ofi ‘a Sīsū ‘e he maté. 25He ko e lau eni ‘a Tēvita ki aí,
‘‘Oku hā mai ma‘u pē ‘a e ‘Eikí kiate au.
‘Oku ofi ma‘u ai pē ‘iate au.
He‘ikai te u manavahē,
he ‘okú ne tu‘u mei hoku to‘omata‘ú.
26‘E fiefia ma‘u ai pē hoku lotó.
Te u lea fiefia ma‘u ai pē mo fakatu‘amelie,
27‘E ‘ikai lī‘aki au ‘e he ‘Eikí ‘i fonualoto.
Ko ‘ene pani au.
‘E ‘ikai tuku hoku sinó ke ‘auha.
28Kuó ne fakamahino mai kiate au ‘a e hala ki he mo‘uí.
‘Oku fakafiefia ma‘u pē kiate au ‘ene ofi maí.’
29Si‘oku kāinga, ‘oku tau ‘ilo kotoa pē na‘e pekia pea telio hotau tupu‘anga ko Tēvitá. Pea ‘oku kei ‘ilonga pē hono fonualotó ‘o a‘u ki he ‘ahó ni. 30Ko e palōfita foki ‘a Tēvita, ‘o ne ‘ilo lelei kuo fai kiate ia ‘e he ‘Otuá ha tala‘ofa ‘e ‘ikai ke lava ‘e he ‘Otuá ‘o fakafoki. Ko e tala‘ofa ko iá, ko e fakahā ange ‘e he ‘Otuá kia Tēvita ‘e ‘i ai hano hako ‘e hoko ko e tu‘i.
31Na‘e ‘ilo ‘e Tēvita ‘e hoko e tala‘ofa ko ení. Pea na‘e tupunga ai e fakahā mai ‘e Tēvita ‘a e pau ke fokotu‘u ‘a Kalaisi mei he maté. Na‘e fakahā mai ‘e Tēvitá, ‘e ‘ikai ke lī‘aki ‘e he ‘Otuá ‘a Kalaisi ‘i fonualoto, pe te ne tuku hono sinó ke ‘au‘aunga. 32Pea na‘e hoko ‘o mo‘oni eni i hono fokotu‘u hake ‘e he ‘Otuá ‘a Sīsū mei he maté. Pea ko e kau fakamo‘oni kātoa kimautolu ki ai.
33Na‘e ‘ohake ‘a Sīsū ke ne nofo mei he to‘omata‘u ‘o e ‘Otuá. Pea na‘e ‘oange ma‘ána ‘a e Laumālie Mā‘oni‘oní, ‘o hangē pē ko e tala‘ofa na‘e fai ‘e he Tamaí. Ko Sīsū foki na‘á ne foaki mai e Laumālié kiate kitautolú. Pea ko ia eni ‘oku mou mamata mo fanongo ki aí.
34Na‘e ‘ikai foki ke ‘alu hake ‘a Tēvita ki he langí. Pea na‘e ‘ikai ke ‘uhinga pē kiate ia ‘ene pehē,
‘Na‘e fekau ‘e he ‘Eikí ki hoku ‘Eikí
ke ne nofo ‘i hono to‘omata‘ú,
35kae ‘oua kuó ne ‘ai hono ngaahi filí
ke nau hoko ko hono tu‘unga va‘e.’
36Ke ‘ilo pau eni ‘e he ‘Isileli kotoa, kuo fakanofo ‘e he ‘Otuá ‘a Sīsū ko e ‘Eiki, mo e Kalaisi foki, neongo ho‘omou tāmate‘i ia ‘i he kolosí.”
37Na‘e puputu‘u lahi e loto ‘o e kakaí he fakamatala ko eni ‘a Pitá, ‘o nau fehu‘i ange ki ai mo e kau ‘apōsitoló, “Ko e hā leva e me‘a te mau faí?”
38Pea tali atu ‘e Pita, “Mou tafoki ki he ‘Otuá. Pea mou papitaiso ‘i he huafa ‘o Sīsū Kalaisí kae fakamolemole‘i ho‘omou ngaahi angahalá. Pea te mou ma‘u ‘a e Laumālie Mā‘oni‘oní. 39Ko e tala‘ofa ko ení, ‘oku ‘uhinga ia ma‘amoutolu mo ho‘omou fānaú. Ko e tala‘ofa ia ma‘á e fa‘ahinga kotoa ‘e fili ‘e he ‘Eiki ko hotau ‘Otuá, ‘o tatau ai pē pe ko e fē e feitu‘u na‘a nau tupu aí.”
40Na‘e lahi foki mo e ngaahi me‘a kehekehe na‘e lea‘aki ‘e Pita kiate kinautolu. Peá ne toki pehē ange kiate kinautolu, “‘Oku ou kole atu kiate kimoutolu ke mou fei mo hola mei he faingata‘a ‘oku ‘amanaki ke tō mai ki he kakai kovi ko ení.”
41Na‘e tui e toko tolu afe nai ki he malanga ‘a Pita he ‘aho ko iá, ‘o nau papitaiso. 42Na’a nau matu’aki nofo ki he fakahinohino ‘a e kau ‘apōsitolo, mo e feohi, mo e pakipaki mā, mo e ngaahi feinga lotu.
Ko e Anga e Nofo ‘a e Kakai na‘e Tui ki he ‘Eikí
43Na‘e ‘ohovale ‘a e kakai kotoa pē ‘i he ngaahi mana mo e ngaahi me‘a fakaofo na‘e fai ‘e he kau ‘apōsitoló. 44Pea na‘e feohi e kakai na‘e tui kia Sīsuú, mo nau me‘a taha. 45Na‘a nau fakatau atu ‘enau nga‘oto‘otá mo ‘enau koloá, pea foaki e pa‘anga na‘e ma‘u aí ‘o fakatatau ki he’enau fiema’u taki taha. 46Pea ko e ‘aho kotoa pē na‘a nau kaungā lotu he Temipalé, mo kaungāpakipaki mā ‘i honau ngaahi ‘apí, mo kaungāma‘u me‘atokoni mo e loto fiefia mo nonga, 47mo nau fakamālō ki he ‘Otuá. Na‘e ‘ofeina kinautolu ‘e he kakai kotoa pē, pea ‘alu pē e ‘ahó mo e tupu tokolahi e kakai kuo fakamo‘ui ‘e he ‘Eikí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.