Luke 20
20
Ko e Fehu‘i he Mafai ‘o Si̇̄suú
(Mātiu 21:23-27; Ma‘ake 11:27-33)
1Pea ʻi he ʻaho ʻe taha na‘e faiako ʻa Si̇̄sū he Temipalé mo malanga ʻaki ʻa e Ongoongo Lelei̇́. Pea ō mai ʻa e kau taula‘eiki lahi̇́, mo e kau faiako Lao ʻa Mōsesé, pea mo e kau mātuʻa ʻo e lotú, 2Pea naʻa nau ʻeke kiate ia ʻo pehē: ‟Ko e mafai mei fē ‘okú ke fai ai ʻa e ngaahi meʻa ko ʻeni̇́? Ko hai naʻa ne fakamafai‘i koé?”
3Pea tali ‘e Si̇̄sū kiate kinautolu, ʻo pehē: ‟Ka u tomuʻa fai atu ha fehu‘i, pea mou tali mai. 4Ko hai naʻá ne fakamafai‘i ʻa Sione ke fai papitaisó? Ko e ‘Otua ʻi Langi̇́, pē ko ha taha ʻi māmani?”
5Pea nau kamata felāuaki fakaekinautolu pē, ʻo pehē: Kapau te tau talaange: ‟Mei he ‘Otuá” pea te ne pehē mai ‘e ia: ‟Ka Ko e hā na‘e ‘ikai te mou tui ai kiate iá?” 6Pea kapau te tau talaange: ‟Mei ha taha ʻi māmani pea ‘e tolomaka‘i kitautolu ‘e he kakai̇́. He ‘oku nau tui ko e palōfita ʻa Sione.”
7Pea talu ai pē ʻenau talaange kia Si̇̄sū: ‟‘Oku ‘ikai te mau ʻilo ‘kimautolu pē ko hai naʻá ne fakamafai‘i ʻa Sione ke fai papitaisó.”
8Pea pehēange ‘e Si̇̄sū kiate kinautolu: ‟Peá mo au foki, he‘ikai te u tala atu pē ko e mafai mei fē ʻoku ou fai ai ʻa e ngaahi meʻa ko eni̇́.”
Ko e kau Lisi Ngoue‘anga
(Mātiu 21:33-46; Ma‘ake 12:1-12)
9Pea kamata fai ʻe ia ʻa e talanoa fakatātā ko ʻeni̇́ ki he kakai̇́: ‟Tokua ko ha tangata naʻá ne tō ʻene ngoue kālepi, pea naʻe lisi atu ia ki ha kau ngoue, kae fononga atu ia ‘o nofo fuoloa ʻi ha feitu‘u kehe.
10Pea ʻi he motuʻa ʻa e kālepi̇́, naʻá ne fekau ha‘ane tamaio‘eiki ke ʻalu ki he kau ngoué ‘o ‘omai hono ʻinasi̇́, he fua ʻo e kālepi̇́. Ka na‘e tā ‘e he kau ngoué ia ʻene tamaio‘eiki̇́ ‘o fakafoki hala‘atā atu.
11Pea toe fekau atu ‘e he tangata na‘e ʻaʻana ʻa e ngoue kālepi̇́ haʻane tamaio‘eiki ‘e taha, ka naʻá nau tā mo ia foki mo nau ngaohikovia, pea nau toe fakafoki hala‘atā atu ia.
12Pea toe fekau atu ‘e he tangatá haʻane tamaio‘eiki ‘e taha, ko hono tolú ia! Ka naʻa nau tā ia ‘o lavea pea nau toki li̇̄ ia kituʻa mei he ngoue‘angá.
13Pea pehē leva ‘e he tangata haʻana e ngoue vainé ʻi hono lotó, ‛Ko e hā nai ʻeku meʻa ‘e toe fai̇́?’ Ko eni, te u fekau atu hoku foha ‘ofa‘angá ke ʻalu, heiʻilo naʻa nau faka‘apa‘apa kiate ia?
14Ka ʻi he sio atu leva ʻa e kau ngoué kiate iá, pea nau fepehēʻaki, ‛Ko e tama ʻeni te ne ma‘u ʻa e ngoue‘angá ʻi ha ʻaho. Tau tāmate‘i ia, ka tau ma‘u ʻekitautolu ʻa e ngoue‘angá.’ 15Pea nau li̇̄ ia kituʻa mei he ngoue‘anga kālepi̇́ ‘o tāmate‘i. ʻOku mou pehē ‛ko e hā ʻa e meʻa ‘e fai ‘e he tangata na‘e ʻaʻana e ngoue‘angá ki he kau ngoué?’” 16‟Te naʻe ha‘u ‘o faka‘auha ʻa e kau ngoue ko iā kae tukuange ʻa e ngoue‘angá maʻá ha kakai kehe.” Pea ʻi he fanongo ki ai ʻa e kakai̇́ naʻa nau pehē hake kotoa pē: ‟Tauange ke ʻoua naʻa hoko pehē!”
17Ka naʻe sio fakamama‘u ʻa Si̇̄sū kiate kinautolu, pea naʻe pehē atu: ‟Ka ‘oku ‘uhinga ki he hā ʻa e lau ko ʻeni ʻa e Folofolá:
‛Ko e maka na‘e liʻaki ‘e he kau tufungá,
kuo hoko ia ko e maka tuliki mālohi?
18Ka ʻi ai ha taha ‘e tūkia he maka ko iā,
Pea ‘e fasifasi!
Peá ka holo ʻa e maka ko iā ʻi ha taha,
pea ‘e lailai.’”
Ko e fehuʻi fekauʻaki mo e tukuhau
(Mātiu 22:15-22; Ma‘ake 12:13-17)
19Pea na‘e mahino ki he kau taula‘eiki lahi̇́ mo e kau faiako Lao ʻa Mōsesé, ‘oku ‘uhinga mai kiate kinautolu ʻa e talanoa na‘e fai ‘e Sīsuú. Pea naʻa nau loto ke puke ai leva ia ‘o fakahū pili̇̄sone, ka naʻa nau teteki ki he kakai̇́.
Ko e Totongi Tukuhaú
(Mātiu 22:15-22; Ma‘ake 12:13-17)
20Pea naʻa nau lamalamasi ai pē ʻa Si̇̄sū, ʻo nau fekau atu ha kau tangata ke nau fakapuli ʻo ō atu kia Si̇̄sū ‘o fakafehufehu‘i ia, hei‘ilo ‘e ma‘ungatāmakia ia ha‘ane lea, ka nau toki tukuange ki he Kōvana Lomá, ke fakamāau‘i.
21Pea fehuʻi ange ‘e he kau tangata kākā ko iā kiate ia, ʻo pehē: ‟Tangata‘eiki, ‘oku mau malave‘i pē ‘oku mo‘oni ʻa e ngaahi meʻa ‘okú ke lea‘aki̇́, mo malanga‘aki̇́, pea ʻoku ‘ikai te ke toe afe mei ha taha, ‘o tatau ai pē kohai, ka ʻokú ke ako‘i ʻa e moʻoni ʻa e finangalo ‘o e ‘Otuá.
22‘Oku totonu koā ke mau kei totongi tukuhau kia Sisa, pē ‘ikai?”
23Pea mahino kiate ia ʻenau kākaá, ʻo ne pehēange kiate kinautolu, 24‟Fakahā mai angé ha foʻi pa‘anga: Ko e ‘i̇̄misi mo e hingoa ‘o hai ‘oku tu‘u ai̇́?” Pea nau tali: ‟‘O Sisá.”
25Pea pehēange ‘e Si̇̄sū kiate kinautolu: ‟Kapau ko ia, pē‘i ‘ave kia Sisa ʻa e meʻa ʻa Sisá, kae ‘ave ki he ‘Otuá ʻa e meʻa ʻa e ‘Otuá.”
26Ko ia, naʻe ‘ikai ke lava ‘e he ngaahi fili ‘o Si̇̄suú ke nau ma‘u ia ʻi ha meʻa ‘e taha naʻá ne akonakiʻaki, ʻi he lotolotonga ‘o e kakai̇́, he naʻa nau ʻohovale ʻaupito heʻene tali na‘e fai̇́.
Ko e Fehu‘i he Toe Tu‘u mei he Maté
(Mātiu 22:23-33; Ma‘ake 12:18-27)
27Pea ō mai ha niʻihi ʻo e kau Sātusi, ʻa e faʻahinga ‘oku ‘ikai ke nau tui ‘oku ai ha toetu‘u mei he maté, ʻo nau ʻeke ange kia Si̇̄sū: 28‟Tangata‘eiki, ‛na‘e hikitohi ‘e Mōsese ma‘atautolu, ʻokapau ‘e mate ha tangata, ka ‘oku kei mo‘ui hono mali̇́ kae ‘ikai ha‘ana fānau, pea kuo pau ke mali ʻa e tehina ‘o e tangata ko iā mo e uitoú, ke ʻi ai ha fānau ke lau ko e hako ‘o hono tokoua kuo maté.’ 29Ko ia, na‘e ʻi ai ha tautehina ‘e toko fitu. Na‘e mali ʻa e lahi̇́ mo e fefiné, pea mate ia kuo ʻikai ke fanau. 30Pea mali ʻa e uitoú mo e hoko haké. 31Pea toe mali mo e fika tolú, pea pehē ai pē ʻo aʻu ki he mate kotoa ʻa e toko fitú kae ‘ikai pē ha fānau. 32Pea faifai̇́ pea toki mate mo e fefiné foki. 33Ko ia, ka aʻu ki he ʻaho ‘o e toetuʻu mei he maté, ko hai ʻe mali mo e fefiné, he na‘e mali kātoa ʻa e toko fitú, mo ia.”
34Pea ko e tali ʻa Si̇̄suú kiate kinautolu: ‟‘Oku nofo mali ʻa e kakai ‘o e maama ko eni̇́, pea nau alea mali. 35Ka ko kinautolu ʻoku taau mo e moʻui ʻo e maama kaha‘ú pea mo e toetuʻu mei̇́ he maté, ʻe ʻikai te nau nofo mali pē alea mali. 36He te nau hangē tofu pē ko e kau ʻāngeló he ko e fānau kinautolu ʻa e ‘Otuá, koeʻuhi̇̄ kuo fokotuʻu kinautolu mei he maté.
37Ka naʻe fakamo‘oni ʻa Mōsese ki he toetuʻu mei̇́ he maté ʻi he talanoa ki he vao talatalaʻāmoa na‘e velá, heʻene lau, ‛Ko e ʻEiki̇́, ko e ‘Otua ‘o ʻĒpalahame, mo ʻAisake mo Sēkopé.’ 38He ko e ʻOtuá ‘oku ‘ikai ko e ‘Otua ‘o e kakai maté, ka ko e ‘Otua ‘o e kakai mo‘ui, he ‘oku nau moʻui kotoa pē, ʻi he ʻao ʻo e ‘Otuá.”
39Pea lea ange ha niʻihi ʻo e kau faiako Lao ʻa Mōsese, ʻo pehē: ‟Tangata‘eiki, ko e tali lelei moʻoni kuó ke fai̇́!” 40Pea na‘e ‘ikai ha taha ‘e toe fakatoʻotoʻoʻa ke fakafehu‘i ʻa Si̇̄sū.
Ko e Foha ‘o Tēvita
(Mātiu 22:41-46; Ma‘ake 12:35-37)
41Pea fehu‘i ange leva ‘e Si̇̄sū kiate kinautolu: ‟Ko e hā hono ‘uhinga ‘oku lau ai ‘e he kakai̇́ ʻa e Mīsaiá, ko e ʻAlo ‘o Tēvitá? 42He ‘oku tu‘u he Tohi Saamé, ʻa e lau ko ʻeni ʻa Tēvita,
‛Kuo folofola ʻa e ʻEiki̇́ ki hoku ʻEiki̇́,
Meʻa hifo ʻi hoku tafatafa ʻaki to‘omata‘ú,
43Ka u ngaohi ho ngaahi fili̇́,
Ke nau mātuʻaki tukulolo kiate koe.’
44Kapau ʻoku lau ʻe Tēvita ʻa e Mīsaiá ko hono ʻEiki, pea ‘oku lava fēfē ai ke lau ʻa e Mi̇̄saiá, ko hono ʻAlo?”
Ko Si̇̄sū mo e Kau Faiako Lao ʻa Mōsesé
(Mātiu 23:1-36; Ma‘ake 12:38-40; Luke 11:37-54)
45Pea lolotonga ʻa e kei fakafanongo kātoa ʻa e kakai̇́ kia Sīsuú, naʻe pehēange ‘e Si̇̄sū ki heʻene kau akó,
46‟Tokanga ke ʻoua te mou hangē ko e kau faiako Lao ʻa Mōsesé. ‘Oku nau manako ke ʻai ha kofu fakalāngilangi, pea nau tokanga ke fakalea faka‘ei‘eiki ange ʻa e kakai̇́ ʻi loto koló, peá ke nofo mavahe he ngaahi falelotú, pea mo e nofoʻanga mahuʻinga he ngaahi kātoangá. 47Ka ‘oku nau faʻao fakamālohi ʻa e kelekele ‘o e kau uitoú, pea faka‘aliʻali ʻenau māʻoniʻoni̇́ ʻaki ʻa e faʻa lotu lōloá. ʻE maʻu ʻekinautolu ha tautea lahi.”
Currently Selected:
Luke 20: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
