Mātiu 18
18
Ko Hai ‘Oku Lahí
(Ma‘ake 9:33-37; Luke 9:46-48)
1Pea feʻunga mo iá kuo omi ʻa e kau akó kia Si̇̄sū ‘o fai ki ai ʻa e fehu‘i ko eni̇́, ‟Ko hai ‘oku lahi ‘i he Pule‘anga ‘o Hēvani̇́?” 2Pea ui mai ‘e Si̇̄sū ha ki‘i tamasiʻi, ʻo ne fokotu‘u ‘i hono tafatafa‘aki̇́. 3Pea naʻe toki pehē ange ki he kau akó, ‟Ko hono mo‘oni̇́ ʻeni ‘oku ou tala atú, kapau ‘e ‘ikai te mou liliu ʻo hoko ʻo hangē ha longa‘i fānaú, ‘e ‘ikai ‘aupito te mou hū ki he Pule‘anga ‘o Hēvani̇́. 4ʻIlonga ha taha ‘okú ne anga vaivai, ‘o hangē ko e ki‘i tamasiʻi ko eni̇́, ko ia ia ‘oku lahi he Pule‘anga ‘o Hēvani̇́. 5Peá ka tali lelei ‘e ha taha ha ki‘i tamasiʻi pehē ni koeʻuhi̇̄ ko au, ko ʻene tali ai pē ia aú.”
Ko e Tupu‘anga ‘o e Angahalá
(Ma‘ake 9:42-48; Luke 17:1-2)
6ʻIlonga ha taha te ne ‘ai ʻa e longa‘i fānau ko ʻeni ʻoku tui kiate aú, ke fai angahala, naʻe mei sai ange ke ha‘i ha fu‘u maka he kia ‘o e toko taha ko iá, ‘o ne toki hopo ki he loto moaná.
7‘Oku malaʻia ʻa e kakai ‘o māmani̇́ koeʻuhi̇̄ ko e ngaahi meʻa ʻokú ne ʻai kinautolu ke fai angahalá. Kuo pau ke hoko ʻa e ngaahi meʻa fakatupu angahalá ia. Ka ʻoku mala‘ia ʻa e fa‘ahinga kotoa pē ʻoku hokomai ai̇́.
8Kapau te ke fai angahala koe, ko e ngāue ‘a ho nimá, pē ko ho vaʻé, peá ke hanga ‘o tuʻusi atu ia ‘o li̇̄ʻaki. He ‘e sai ange kiate koe ha‘o ‘alu nima taha, pē veʻe-taha, ki he moʻui̇́, ‘i hano lī nima ua koe, pē veʻe-ua, ki he afi ‘e ‘ikai lava ‘e ha taha ‘o tāmate‘i̇́.
9Pea kapau te ke fai angahala koe, ko e meʻa ʻi he sio ‘a ho matá, peá ke hanga ‘o taʻaki ia ‘o li̇̄ʻaki. He ‘e sai ange ha‘o ‘alu mata-taha ki he moʻui̇́, ‘i hano lī mata-ua koe ki he afi ‘o heli̇́.
Ko e Sipi na‘e Hē
(Luke 15:3-7)
10‟Vakai na‘á ‘iloange kuo mou fakasi̇̄tu‘a‘i ha taha he longa‘i fānaú ni. He ko hono mo‘oni̇́ ʻeni ‘oku ou tala atú, ‘oku mamata ma‘u ai pē honau kau ‘āngeló ki he fofonga ʻo ‘eku Tamai̇́ ʻi he Langi̇́. #18:10 ʻOku i̇̄kai ʻasi mai ha veesi 11
12‘Ai angé haʻamou lau. Ka ai ha tangata naʻe ‘i ai ha‘ane fanga sipi ‘e toko teau, pea ‘iloangé kuo hē ha ki‘i sipi ‘e taha ai, ‘ikai te ne tuku ʻene fanga sipi ‘e toko hivangofulu mā hiva ko eé ke nau kaikai atu pē he tafatafa moʻungá, kae ‘alu ia ‘o kumi ʻene ki‘i sipi kuo heé? 13Peá ka faifai pea naʻe ma‘u mai ia, ko hono mo‘oni̇́, ‘e lahi ange ʻene fiefia koeʻuhi̇̄ ko e sipi ‘e taha ko iá, ‘i heʻene fiefia he fanga sipi ‘e hivangofulu mā hiva na‘e ‘ikai heé.
14Pehē foki, ko e finangalo ia ‘o ho‘omou Tamai ‘i Hēvani̇́ ke ‘oua naʻa hē ha fo‘i toko taha ‘i he longa‘i fānaú ni.”
Ka Faihala Atu ho Kāingá
(Luke 17:3)
15‟Peá ka ‘iloangé kuo faihala hao kāinga kiate koe, peá ke ‘alu ‘o fakahā ange ʻene halá. Ka mo fakaekimoua pē. He kapau ‘e fie ongo atu, ko ho‘o toe vālelei ia mo ho kāingá. 16Peá ka ‘ikai fie ongo atu ia, pea mo ō ki ai mo ha toko taha, pē toko ua kehe, koeʻuhi̇̄ ke fakamo‘oni‘i ʻa e me‘a kotoa ‘e leaʻaki, ‘o fakatatau ki he Folofolá. 17Pea kapau ‘e ‘ikai ai pē ke fie ongo atu, peá ke fakahoko leva ki he Siasi̇́. Peá ka ‘ikai ke fie ongo ki he Siasi̇́, pea lau ʻoku tatau ia mo ha taha taʻelotu pē tānaki tukuhau.”
Ko e Me‘a ‘Oku Ngofua mo e Me‘a ‘oku Tapu
18‟Ko hono mo‘oni̇́ ʻeni ‘oku ou tala atú, ko e me‘a kotoa pē ‘oku mou faka‘atā ‘i māmani, ‘e faka‘atā foki ‘i langi. Pea ko e me‘a kotoa pē te mou ta‘ofi ‘i māmaní, ‘e ta‘ofi foki ia ‘i langi.
19Pea ko ʻeni foki ‘oku ou tala atu kiate kimoutolu, kapau ‘e felotoi ha toko ua ‘iate kimoutolu ‘i ha me‘a pē te na kole ki ai ‘i māmani, ‘e fai ia ma‘anaua ‘e he‘eku Tamai ʻoku ‘i Hēvani̇́. 20He ka ʻilonga ha feitu‘u ‘e fakataha ai ha toko ua pē toko tolu koeʻuhi̇̄ ko au, kuo pau ke u ‘i ai au ʻi honau lotolotongá.”
Ko e Tamaioʻeiki Loto-Fefeka.
21Pea ha‘u ‘a Pita kia Si̇̄sū ‘o ‘eke ange, ‟‘Eiki ‘e tu‘o fiha ha fai angahala mai hoku kāingá kiate au mo ‘eku kei fakamolemole‘i pē? ‘E tu‘o fitu nai?”
22Pea tali ‘e Si̇̄sū, ‟‘Ikai! ‘E ‘ikai ke tu‘o fitu pē, ka ‘e tu‘o fitu liunga fitungofulu! 23He ‘oku anga pehē ni ʻa e Pule‘anga ‘o Hēvani̇́, ‘oku hangē ko ha tu‘i na‘e finangalo ke vakai‘i ʻa e fakamatala pa‘anga ha‘ane kau ngāue. 24Pea ko ʻene kamata vakai‘i̇́, mo hono ʻomai kiate ia ha toko taha kuo lau mano hono mo‘ua pa‘anga mai ki ai̇́. 25Ka na‘e ‘ikai ma‘u ‘e he tamaioʻeiki ko iá ha pa‘anga feʻunga ke totongi ʻaki hono moʻuá. Ko ia, naʻe tuʻutuʻuni ai ‘e he tu‘i̇́ ke fakatau atu ia ko e pōpula, pea pehē mo hono uaifi̇́, mo ‘ena fānaú, pea mo ʻene me‘a kotoa na‘e ma‘ú, ke totongi ʻaki hono fu‘u moʻuá. 26Ka naʻe tō mape‘e hifo ʻa e tamaioʻeiki ko iá, ʻi he ʻao ʻo e tu‘i̇́ ʻo kole fakamātoato kiate ia, ‘Tuku mai mu‘a ha ku faingamālie, ‘e Ho‘o ʻAfio, ‛pea te u totongi kotoa hoku moʻuá!’ 27Pea langa ai ʻa e mafu ʻo e Tuʻi̇́ he ‘ofa ki heʻene tamaioʻeiki ko iá, pea naʻe fakamolemole‘i hono fu‘u moʻuá kotoa, ʻo ne tukuange ia ke ʻalu.
28Ka ʻi he ‘alu atu leva ʻa e tangata na‘e fakamolemole‘i̇́ ‘o fetaulaki mo hono kaungāngāue na‘e ‘i ai hono moʻuá. mai ki ai, ko e pa‘anga ʻe lauafe pē. Pea naʻe puke ia ‘o fakasisina, mo ne talaange, Fei mo totongi mai ho moʻuá. 29Pea tō fo‘ohifo ai hono kaungāngāué, mo ne kole fakamātoato kiate ia, Tuku mai mu‘a ha ku ki‘i faingamālie, pea te u totongi kotoa atu hoku moʻuá. 30Ka na‘e ‘ikai te ne tali siʻene kolé, ka naʻe puke ʻa e tangatá ʻo li̇̄ ia ki he pilīsoné, ke ne nofo ai kae ‘oua kuó ne totongi kotoa hono moʻuá.
31Pea ʻi he sio ki ai ʻa e kaungāngāue ko eé, naʻa nau loto mamahi ‘aupito, ‘o nau felelei ki he tu‘i̇́ ‘o fakahoko kiate ia ʻa e meʻa kotoa kuo hokó. 32Pea fekau leva ‘e he tu‘i̇́ ke ui mai ʻa e tamaioʻeiki̇́ ke ha‘u, pea naʻe talaange, Ko koé ko e tamaioʻeiki angakovi. He na‘á ku fakamolemole‘i koe koeʻuhi̇̄ ko ho‘o kole mai̇́. 33ʻIkai na‘e mei totonu ke ke ‘ofa ki ho kaungāngāué ‘o hangē ko ‘eku ‘ofa kiate koé? 34Pea houhau lahi ai ʻa e tu‘i̇́, ‘o naʻe fekau ke fakahū pili̇̄sone ʻa e tamaioʻeiki̇́ kae ‘oua kuó ne totongi kakato hono fu‘u moʻuá.”
35‟‘E pehē pē foki ʻa e me‘a ‘e fai ‘e he‘eku Tamai ʻoku ‘i Hēvani̇́ kiate kimoutolu ‘o kapau ‘e ‘ikai te mou fakamolemole‘i mo‘oni ha taha ‘e fai hala atu.”
Currently Selected:
Mātiu 18: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
