Ma‘ake 10

Ko e Akonaki ʻa Si̇̄sū ‘o Kau ki he Vete Malí

(Mātiu 19:1-12; Luke 16:18)

1Pea mavahe leva ʻa Si̇̄sū mei he feitu‘u ko iā, ‘o ne ʻalu ki he feituʻu ʻo Siuteá pea mo e kauvai fakahahake ‘o Sioatani̇́. Pea fakatahataha mai kiate ia ha kakai tokolahi, ‘o ne toe fai ai pē ʻene faiako kiate kinautolu, hangē ko ʻene anga maheni̇́.

2Pea na‘e haʻu ha kau Fālesi ai ʻo nau holi ke tauhele‘i ia. Pea nau ʻeke ange, ‟‘Oku ngofua nai ʻi he‘etau Laó ke vete ‘e ha tangata ʻa hono mali̇́?” 3Pea tali ‘e Si̇̄sū ʻenau fehuʻi̇́ ʻaki ʻa e fehu‘i ko eni̇́, ‟He ko e hā koā e tuʻutuʻuni ʻa Mōsese kiate kimoutolú?”

4Pea nau pehē ange, ‟Na‘e fakangofua ‘e Mōsese ke fai ‘e ha tangata ha tohi vete, pea fekau hono uaifi̇́ ke ʻalu.”

5Pea tali ‘e Si̇̄sū kiate kinautolu, ‟Ko e tohi ‘e Mōsese ʻa e tuʻutuʻuni ko iā koeʻuhi̇̄ ko e ongongata‘a homou lotó. 6Ka na‘e hanga ‘e he ‘Otuá, ʻi he kamata‘angá ‘o e fakatupú, ‘o ngaohi ʻa e tangatá mo e fefiné. 7Ko hono ‘uhinga ia kuo pau ai ke tukuange ‘e ha tangata ʻene tamai̇́ mo ʻene fa‘eé kae nofotaha ki hono uaifi̇́. 8Pea ʻoku hoko ʻa e husipaniti̇́ mo hono uaifi̇́ ‘o sinotaha. ‘Oku ‘ikai ke na kei ua, ka kuo na kakanotaha. 9Pea ko e me‘a kuo fakatahaʻi ‘e he ‘Otuá, ke ‘oua na‘a toe fakamāvae ‘e ha taha.”

10Pea ʻi heʻenau toe hū ki falé, naʻe kole ange ‘e he kau akó kia Si̇̄sū ke ne fakamahino ange mu‘a ʻene lau ko iā. 11Pea talaange ‘e Si̇̄sū kiate kinautolu, ‟Ka vete ‘e ha tangata hono uaifi̇́ kae toe mali ia mo ha fefine kehe, ko e feʻauaki ia. 12Pea kapau ‘e vete ‘e ha fefine hono husepānití, kae toe mali mo ha tangata kehe, ʻokú ne feʻauaki ai pē mo ia.”

Ko hono Tāpuaki‘i ‘e Si̇̄sū ha Longa‘i Fānau

(Mātiu 19:13-15; Luke 18:15-17)

13Pea na‘e ʻi ai ha ni‘ihi na‘á nau ‘omi ʻenau fānaú kia Si̇̄sū, ke ne hilifaki hono nimá kiate kinautolu ‘o tāpuaki‘i. Ka naʻe hanga ‘e he kau akó ‘o taʻofi kinautolu. 14Ka ʻi he ʻafioʻi ʻe Si̇̄suú, naʻá ne tuputāmaki ai, ‘o ne folofola, ‟Tuku pē ʻa e fānau iiki̇́ ke omi kiate au! ‘Oua ‘e ta‘ofi kinautolu. He ko e Pule‘anga ‘o e ‘Otuá ‘oku ma‘a e fa‘ahinga peheé. 15Ko hono mo‘oni̇́ ʻeni ‘oku ou talaatú, ka ‘ikai tali ‘e ha taha ʻa e Pule‘anga ‘o e ‘Otuá ‘o hangē ko ha taha ʻo e fanaú ni, ‘e ‘ikai ʻaupito hū ia ki ai.” 16Pea naʻe toki fua hake ʻa e fānaú, ʻo ne hilifaki hono nimá kiate kinautolu, ‘o tāpuaki‘i.

Ko ha Tangata Ma‘u Me‘a

(Mātiu 19:16-30; Luke 18:18-30)

17Pea ʻi he kamata fononga atu ʻa Si̇̄sū he halá, naʻe lele mai ha tangata ‘o tō tūʻulutui atu kiate ia, ʻo ne fehuʻi kiate ia, ‟Tangata‘eiki lelei. Ko e hā te u fai ka u ma‘u ai ʻa e mo‘ui ta‘engatá?”

18Pea tali ‘e Si̇̄sū, ‟Ko e hā ‘okú ke ui ai au ko e lelei̇́? Ko e ‘Otuá pē taha ‘oku lelei̇́. 19‘Okú ke ‘ilo pē ʻa e ngaahi fekaú. ‛‘Oua ‘e tāmate. ‘Oua ‘e feʻauaki. ‘Oua ‘e kaiha‘a. ‘Oua ‘e fakamo‘oni loi. ‘Oua ‘e kākā. Faka‘apa‘apa ki ho‘o tamai̇́ mo ho‘o fa‘eé.’ ”

20Pea pehēange ‘e he tangatá, ‟Tangata‘eiki Faiako, talu ʻeku kei siʻi mo ʻeku tauhi kātoa ʻa e ngaahi fekau ko iā.”

21Pea sio fakamama‘u ki ai ʻa Si̇̄sū ʻo ne ‘ofa lahi ki ai, peá ne pehēange, ‟Ko e me‘a pē ‘e taha ‘oku kei toé. ʻAlu ‘o fakatau atu ho‘o koloa kotoa pē, pea foaki atu hono paʻanga maʻae kau masivá, ka ke ma‘u koloa ʻi he langi̇́. Peá ke ha‘u leva ‘o muimui kiate au.”

22Pea na‘e ʻikai toe fiesio mai ia, ʻi he lea pehē ʻa Sīsuú. Pea naʻe ʻalu kuo mamahi hono loto. He ko e tangata tuʻumālie lahi ia. 23Pea sio holo ʻa Si̇̄sū, ‘o ne pehēange ki heʻene kau akó, ‟Ko e toki meʻa faingataʻa moʻoni ke hū ha taha tuʻumālie ki he Pule‘anga ‘o e ‘Otuá!” 24Pea ofo ʻa e kau akó heʻene lea ko iā. Pea toe pehēange ‘e Si̇̄sū kiate kinautolu, ‟Siʻi fānau, ko e toki meʻa faingataʻa moʻoni ke hū ki he Pule‘anga ‘o e ‘Otuá. 25Ko hono mo‘oni̇́, ‘oku faingofua ange ke hū ha kāmeli ʻi ha ava‘i hui tuitui, ʻi he hū ha taha tuʻumālie ki he Pule‘anga ‘o e ‘Otuá.”

26Pea fakautuutu ai ʻa e ofo ʻa e kau akó, ‘o nau fepehēʻaki, ‟Pea ko hai leva ai ‘e lava ke fakamoʻui?”

27Pea sio fakamamaʻu ʻa Si̇̄sū kiate kinautolu, pea naʻe toki pehē: ‟ʻI he sio ʻa e tangatá, ʻoku taʻemalava. Ka ‘oku ʻikai ke pehē ʻa e ʻOtuá. He ‘oku malava ‘e he ‘Otuá ʻa e me‘a kotoa pē.”

28Pea pehē ange ai ‘e Pita, ‟Tangata‘eiki, kuo mau li̇ʻaki ʻemau me‘a kotoa, ka mau muimui kiate koe.”

29Pea pehē ‘e Sīsuú, ‟Ko hono mo‘oni̇́ ʻeni ‘oku ou talaatú, ka li̇ʻaki ‘e ha taha hono ngaahi ʻapi̇́, pē ko hono fanga tokouá, pē tuofāfine, pē ko ʻene fa‘eé, pē ko ʻene tamaí, pē ko ʻene fānaú, pē ko hono kelekelé, koeʻuhi̇̄ ko au mo e Ongoongo Lelei̇́, 30Te ne maʻu he maama ko ‘eni̇́, ʻo liunga teau, ha ʻapi, mo ha ngaahi tokoua, mo e tuofāfine, mo ha ngaahi fa‘ē, mo e fānau, mo e kelekele, ʻo maʻu fakataha ai pē mo ha fakatanga. Pea ‘oka a‘u ki he maama kahaʻú, te ne ma‘u ai mo e mo‘ui ta‘engatá. 31He ko e tokolahi ‘oku lolotonga mu‘omu‘á, te nau muimui. Pea ko e tokolahi ‘oku lolotonga muimui̇́, te nau mu‘omu‘a.”

Ko hono Toe Fakahā ‘e Si̇̄sū ʻEne Pekiá

(Mātiu 20:17-19; Luke 18:31-34)

32Pea naʻe fononga atu leva ʻa Si̇̄sū mo ʻene kau akó ʻi he hala ki Selusalemá. Pea ʻalu mu‘omu‘a atu pē ʻa Si̇̄sū ‘o taki kinautolu, pea ofo ai honau lotó, kae manavahē ʻa e kakai na‘e muimui fonongá. Pea ʻave ‘e Si̇̄sū ʻa e toko hongofulu mā uá ki he tafa‘aki̇́, ʻo ne toe talaange kiate kinautolu ʻa e ngaahi me‘a ‘oku ʻamanaki ke hoko kiate iá. 33Na‘á ne pehēange, ‟Ko ʻetau fononga hake ʻeni ki Selusalema, pea ‘e tuku atu ai ʻa e Foha ‘o e Tangatá ki he hou‘eiki taula‘eiki̇́ mo e kau faiako Lao ʻa Mōsesé, pea te nau tuʻutuʻuni ke tāmate‘i ia, pea tuku atu ia ki he kau Senitaile. 34Pea te nau manuki‘i ia, mo ʻanuhi ia, mo uipiʻi ia, pea toki tāmate‘i. Ka ‘oka hili ʻa e ʻaho ʻe tolu, te ne toetu‘u.”

Ko e Kole ʻa Sēmisi mo Sione

(Mātiu 20:20-28)

35Pea toki ʻalu atu kia Si̇̄sū ʻa Sēmisi mo Sione, ko e ongo foha ‘o Sēpeti̇́, ʻo na pehēange, ‟Tangata‘eiki Faiako, ‘oku ma fakaʻamu ke ke tali muʻa ha meʻa pē te ma kole.”

36Pea pehēange ‘e Si̇̄sū, ‟Ko e hā ʻa e me‘a ‘okú mo loto ke u fai ma‘amouá?”

37Peá na pehēange kiate ia, ‟Tuku muʻa ke ma nofo mei ho toʻomataʻú mo ho to‘ohemá, ‘oka ke ka hā‘ele mai mo ho lāngilangi̇́.”

38Pea pehēange ‘e Si̇̄sū, ‟‘Oku ‘ikai ke mo ‘ilo ʻa e me‘a ‘okú mo kole ki ai̇́! Te mo lava koā ‘o inu he ipu te u inu ai̇́? Pē te mo lava koā ‘o papitaiso he papitaiso‘anga ‘e papitaiso ai aú?”

39Peá na pehēange, ‟‘Io, te ma lava pē.” Pea pehēange leva ‘e Si̇̄sū, ‟Te mo inu pē he ipu te u inu ai̇́, mo papitaiso he papitaiso te u papitaiso ai aú. 40Ka ko e nofo mei hoku toʻomataʻú, mo hoku to‘ohemá, ‘oku ‘ikai ha ku mafai ke fakangofua. He ko e ongo feituʻu ko iā, ʻoku tuku maʻa e kakai̇ kuo teuteuʻi ke nofo ai̇́.”

41Pea ʻi he ‘ilo ‘e he kau ako ko ē ʻa e kole ʻa Sēmisi mo Sioné, naʻa nau ʻita kia Sēmisi mo Sione. 42Pea ui mai ‘e Si̇̄sū ʻene kau akó, ʻo ne pehēange kiate kinautolu, ‟Kuo mou ʻosi ʻilo, ko e fa‘ahinga ko ē ‘oku lau, tokua, ko e kau taki ‘o e Senitailé, ʻoku nau ma‘u mafai ke pule‘i honau kakai̇́. Pea ko honau kau māʻolungá, ʻoku nau pule fakaehaua ki honau kakai̇́. 43Ka he‘ikai te mou pehē kimoutolu ʻi he anga ho‘omou feohi̇́. Ka ai ha taha 21 kimoutolu te ne loto ke maʻu ʻa e tuʻunga māʻolungá, kuo pau ke ne hoko ko ha sevāniti ki hono toé. 44Pea ka loto ha taha ʻiate kimoutolu ke hoko ko e tuʻukimuʻa, pea kuo pau ke ne hoko ko ha taha faifatongia ki he kakai kotoa pē. 45He na‘e ‘ikai ke ha‘u ʻa e Foha ‘o e Tangatá, ke ngāue fakatamaio‘eiki ki ai ʻa e kakai̇́. Ko ʻene haʻú, ke ne ngāue fakatamaio‘eiki ki he kakai̇́, mo foaki ʻene moʻui̇́ ko e huhu‘i ʻaki ʻene fetongi ha tokolahi.”

Ko e Fakamo‘ui ‘e Si̇̄sū ʻa e Tangata Kui ko Pātimiosi

(Mātiu 20:29-34; Luke 18:35-43)

46Pea a‘u atu ʻa Si̇̄sū mo ʻene kau akó ki Selikō. Pea ʻi he mavahe atu ʻa Sisu mo ʻene kau ako mo ha kakai tokolahi mei he koló, na‘e ʻi ai ha tangata kui, ko Pātimiosi hono hingoá, ko e foha ‘o Timiosi̇́, naʻe nofo mai mei he veʻehalá ʻo fai ʻene kolekole. 47Pea ʻi he ‘ilo ‘e Pātimiosi ko Si̇̄sū mei Nāsaleti̇́ ‘oku fononga haké, naʻá ne kalanga atu, ‟‘E Si̇̄sū ē! Hako ‘o Tēvita! ʻAloʻofa mai muʻa kiate au!” 48Pea fekau ‘e he tokolahi ke tuku ʻene kaikailá, kae fakautuutu pē ʻene kailá, ‟Hako ʻo Tēvita ē, ke ke ʻaloʻofa mai muʻa kiate au!”

49Pea tuʻu ʻa Si̇̄sū, ‘o ne folofola, ‟Ui atu ki ai ke ha‘u!” Pea nau ui leva ki he tangata kui̇́, ‟Maʻu ha nonga! Tuʻu ki ‘olunga! Ko ē ‘okú ne ui koe!” 50Pea li̇̄ ai pē ‘e Pātimiosi hono pulupulú, ʻo ne puna ki ‘olunga ‘o ʻalu atu kia Si̇̄sū.

51Pea pehēange ‘e Si̇̄sū kiate ia, ‟Ko e hā ʻa e me‘a ‘okú ke loto ke u fai ma‘aú?” Pea pehēange ‘e Pātimiosi, ‟Tangataʻeiki, ke u ‘ā mu‘a!” 52Pea toki folofola ʻa Si̇̄sū ki ai, ‟ʻAlu ā! Kuó ke mo‘ui koe koeʻuhi̇̄ ko ho‘o tui̇́.” Pea ʻā leva ʻa e tangatá ʻo sio, pea naʻe muimui fononga ai pē kia Sīsuú, ʻi he halá.

Currently Selected:

Ma‘ake 10: TCNT

Highlight

Copy