JENESIS 5
5
Adambe Chaname
(1 Kr 1.1-4)
1Aize Adambe dagene rehei piakeube rasam rawgaibe leisikuak te lei. Hera ne ziemmena je ’ndam gai dege, pa ne ziemmena je Hera luigum ze chiam gai de lei. 2’Mpeumi benai ’mpuimi je pa ne ’ndam gai de lei, zai pa ne penai je ’nnam gai lu, penai ji hang ziemmena ze ’ntak kai de lei, penai je ’ndamgailube luage zeu. 3Adambe kum haî kat ze himreu ringchang gai dege, pe na ’mpeumi pe luîrunbe kau, zai pe luigum ze lungkeu de lei, zai pe ji hang Sethbe ze ’ntak kai de lei. 4Sethbe je lunglube chângge Adambe kum haî desat ring gai de lei; zai pe na ’mpeumi ramme benai ’mpuimi ramme kêdame je du lungkeu gai ze bam de lei. 5Chigum ze Adambe â tingkum haî sekui ze himreu ringchang lu ze chai di de lei.
6Sethbe kum haî kat ze mengeu ringchang dege, pe na Enosbe je lungkeu gai de lei. 7Enosbe je lunglube châng Sethbe kum haî desat ze sena ring gai de lei, zai pe na ’mpeumi ramme benai ’mpuimi ramme kêdame je du lungkeu gai ze bam de lei. 8Chigum ze Sethbe tingkum haî sekui ze kereu ze kena ringchang gai lu pa chai di de lei.
9Enosbe kum riaksekui ringchang dege, pe na Kenanbe je lungkeu gai de lei. 10Kenanbe je lunglube châng Enosbe kum haî desat ze kereu ze mengeu ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei. 11Chigum ze Enosbe tingkum ze haî sekui ze mengeu ringchang gai lu pa chai di de lei.
12Kenanbe kum riaksena ringchang dege, pe na Ma-halalelbe je lungkeu de lei, 13Ma-halalelbe je lunglube chângge Kenanbe kum haî desat ze hedai ring gai de lei, zai pe na ’mpeumi ramme benai ’mpuimi ramme kêdame ramme je du lungkeu gai ze bam de lei. 14Chigum ze Kenanbe tingkum pelane haî sekui ze kereu ringchang gai lu, pa chai di de lei.
15Ma-halalelbe kum riakseruk ze mengeu ringchang dege, pe na Jaredbe je lungkeu gai de lei. 16Jaredbe je lunglube chângge Ma-halalelbe kum haî desat ze himreu ring gai de lei, zai pe na ’mpeumi ramme benai ’mpuimi ramme kêdame ramme je du lungkeu gai ze bam de lei. 17Chigum ze Ma-halalelbe tingkum ze haî desat ze riaksekui ze mengeu ringchang gai lu pa chai di de lei. 18Jaredbe kum haî kat ze riakseruk ze kena chang dege pe na Enokbe je lungkeu de lei. 19Enokbe je lunglube chângge Jaredbe kum haî desat ring gai de lei, zai pe na ’mpeumi ramme benai ’mpuimi ramme kêdame ramme je du lungkeu gai ze bam de lei. 20Chigum ze Jaredbe tingkum ze haî sekui ze riakseruk ze kena ringchang gai lu pa chai di de lei.
21Enokbe kum riakseruk ze mengeu ringchang dege, pe na Methuselabe je lungkeu de lei. 22Enokbe â Hera benai nguapuinakattew ze pe na Methuselabe je lunglube chângge du kum haî chum ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei. 23Chigum ze Enokbe tingkum ze haî chum ze riakseruk ze mengeu de lei. 24Enokbe â Hera benai nguapuinakattew ze bam de lei; zai pechu ngau ta di de lei, Hera ne pechu nguatattibe ziegeneu.
25Methuselabe kum haî kat ze riakdesat ze sena ringchang dege, pe na Lamekbe je lungkeu gai de lei. 26Lamekbe je lunglube chângge Methuselabe kum haî sena ze riakdesat ze kena ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei. 27Chigum ze Methuselabe tingkum ze haî sekui ze riakseruk ze sekui ringchang gai lu pa chai di de lei.
28Lamekbe kum haî kat ze riakdesat ze kena ringchang dege, pe na ’mpeumi napoine je lungkeu de lei, 29zai pe ji hang Noabe ze ’ntak kai ze, “Tingwang ne desatkai’ndibe dei ge anui tâtewbe benai anui ba ne hereulie ze tewbambe leine gene aipau poine zene heput tew’nchagaibe chang gu lei,” ze pa kacheu de lei. 30Noabe je lunglube chângge Lamekbe kum haî mengeu ze riaksekui ze mengeu ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei. 31Chigum ge Lamekbe tingkum ze haî sena ze riaksena ze sena ringchang gai lu pa chai di de lei.
32Noabe kum haî mengeu ’ntuadibe châng dezaine pe name, Shembe, Hambe, zai Japhethbe je lungkeu de lei.
Currently Selected:
JENESIS 5: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
