MARKA 7
7
Gechîngsie Geteiliabe
(Mat 15.1-9)
1Zai Pharisaime benai leisirawme hanggesame Jerusalem ’mbene wangkeume pe dage wang’nduigaibe luage, 2pe gu kenieme hanggesame â penui ba ’ntik mak, hebâ ze mâ teube penui ngau lu de lei. 3(Pharisaime benai Judame leine â penui gu gechîng-telungsie ze rei’mmi ze, penui ba ’ntik makchai â, mâ de teu mak lei; 4zai hechaiki ’mbene penui wang dezai penui runne tew’nchi le makchai â, mâ de penui teu mak lei; zai kêdabe penui gu gechîng-telungsie misonggabe ramme ze penui â tei’ntip ze, hepiak ramme, heli ramme, hetageîli ramme du hui ka’nsui lei.) 5Dadege Pharisaime benai leisirawme ne pechu ’nneu ze, “’Ndaitew ze ning kenieme gechîng-telungsie luigum ze lung mak ze, kane penui ba hebâ ze mâ teu lau?” kacheu de lei. 6Zai pa ne penui je, “Isaiabe ne ningnui helunglimpungme deu ge ranggaika’ntuabe sam ze tâutit te lei, chige:
‘Ai baudime ne penui mui ne achu hengêutew lei,
kane penui lung â a dagene deu-sang-deu lei;
7Peruânggabe gene penui achu kellum ze,
ziemmename maning tak zene keneibesie geteiliabe hangge chak kai ze mâ geteilia de lei,’
acheu ze raw gai gum zeu.
8Hera gu samde sâu nan ze ziemmename gu gechîng-telungsie ze ningnui ne tei’ntip-kadesang de lei,” acheu bei de lei.
9Dadege pa ne penui je, “Ningnui gu gechîng-telungsie ze tei’mmirabe hang ziegene Hera gu samde ze tuâpatkairabe hangge ningnui dage pezeu bam di de lei! 10Mosabe ne sa ze, ‘Ning pui benai ning peu ngeutew lau,’ zai ‘Pe peu je mei, pe pui je mei saka’nsiabe kau â, peize chai sing de lau,’ ze die gai ’ndi daseu; 11kane ningnui ne sa ze, ‘Mi-mige ne pe peu je mei nune pe pui je mei ze, Nang a dagene ngau ra bambe ze â Korban de lei’ (chize â, Hera dage pei gai ’nde lei, kacheube) acheu rang gai dizai â,— 12pe peu hang mei nu pe pui hang mei mâge â tew gai ra ningnui ne pechu lun gai ta di de lei, 13chigum ze ningnui gechîng telungsie teitat bambe zene Hera gu sam ze kemaî’ngga kam nan tai de lei. Zai aigumbe zat ramme ningnui ne misongga tew de lei,” ze kacheu de lei.
Ziemmename je Tewkahebâbe ramme
(Mat 15.10-20)
14Zai pa ne baudime je pe dage kûwang dai lu ze, penui je, “Ningnui ’nteumena ne sam ’ngking lu ze chî’mmi le lau: 15hela ge bambe zat chi ziemmena dage gutkaibe zene pechu tewhebâchi lak lei; kane ziemmena dagene patbe zene pechu tewkahebâ lei. 16“Mi-mige de seu ra pe kun bam kau â, peize seu le lau,” kacheu de lei. 17Zai pa ziemmena ramme je sâu nan ze, kilûng gut dege, pe gu kenieme ne chipau sam’nda rasam pechu ka’nneu de lei. 18Dadege pa ne penui je, “Zai ningnui du chigum ze ’nningchi mak mei? Hela ge bambe ne ziemmena lung ge gut ze pechu tewhebâchilakbe ningnui ngau mak mei, 19chize â, pe lung ge mak ze pe bungpui ge gut ze tatpela bam mak mei?” (Aigum ze hetak leine â ’nchi lei ze pa ne ranglia’nchichiak kai bei de lei.) 20Zai pa ne, “Ziemmena lung gene ’ndaikau pat mei be zene ziemmena je tewkahebâ lei. 21Helung ’mbene, ziemmena lung gene ka’nningbe kesiabe ramme, hangleutewbe, kahebâbe, kegîbe, kahemabe, 22kadekumbe, helungriaksiabe, kechoabe, lungkaheruâbe, hemimeube, ketiakbe, gechîrettewbe, kemiebe pat lei. 23Ai kesiabe ramme leine ze helung gene pat ze ziemmena je tewkahebâ lei,” kacheu de lei.
’Mpuimi Keneibe
(Mat 15.21-28)
24Zai chigene pa zuachu lu ze Tira benai Sidon huâzie ’mbe tat ti de lei. Zai heki kat ge pa gut lu, chige pa bambe peize mî de chî ra pa lunei mak lei; sede ’mbiachi lak ti de lei. 25Kane ’mpuimi hangkat pe na ’mpuimi napoine herui kahebâbe bambepui ne pe rasam seu lu, wang ze pe pî kangge keikeu gai de lei. 26Chi ’mpuimi ze â Grik’mpui, lungkeube gene Siro-phoinisia ge bampui lei. Zai pe na dagene heruisiabe kelitua gai ra pechu pa kiam de lei. 27Zai pa ne chipau pui je, “Napoine ramme je peize ’nggeuraî le lau, napoine ramme gu tingku lu lu ze hetei ramme dage tuâ gai ’nde ra â tâu me lei,” acheu bei de lei. 28Kane pa ne pechu kak ze, “Eu lei, Heguang gau, gesang de lei; acheuleusede mâ-teube-kaira kangge hetei ramme bambe ’nsangdu, napoine ramme gu tingku teuterakeube ramme kuaiteu-teu lei,” ze kacheu de lei. 29Dadege pa ne chipaupui je, “Aipau sam nang sa gai ’nda ze wang dai zu lau, ning na dagene herui kesiabe ze zuapat te lei,” acheu bei de lei. 30Zai pe ki lam tat ti de lei, zai herasiabe tat ti ze pe na jeî ge jei laleube ngau de lei.
Hekun pang ze Pekuâpatlakpeu je Tewka’mmibe
31Zai pa Tiraram bak gene wang dai ze Sidon tat kai ze Galili sungkling ’mbe Dekapolisram bak gene tatpela ze tat ti de lei. 32Dadege penui ne pe dage mi hangkat pe kun pang zai pe ladpatlakbe kau je nguawang de lei; dadege pe peireige pe ba die gai ra pechu penui ne kiam de lei. 33Zai baudime ruagene pechu runne nguachâmpat lu, pe kun kena ge pe bakêrang ramme keriau gai lu, zai ’nchai’ntui gai lu, zai pe lei deîtau gai de lei; 34zai tinggîm ’mbe Isua ne ’ngngangpie lu, kehuisiak kai lu ze pechu, “Ephphatha,” kacheu de lei, chize â “Lat kai be zu lau,” kacheube lei. 35Zai pe kun kena lat kai bei, zai pe leiria heipat kai bei ze, ’nchichiak ze pa sam dam di de lei. 36Zai mî dage de pau gai mak ra ranggetîng gai bei de lei, kane nam bei dege penui suigut ne pauranbi-bi bam lei. 37Zai ’nningdaulak-desang di ze acheu sa ze, “Pa ne getaleine tew’mmi kam gai bei de lei; hekunpangbe kau je du pa ne seu ra tew gai, zai pekuâpetlakbe kau je du samsa ra tew gai bei de lei,” ze penui kacheu de lei.
Currently Selected:
MARKA 7: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
MARKA 7
7
Gechîngsie Geteiliabe
(Mat 15.1-9)
1Zai Pharisaime benai leisirawme hanggesame Jerusalem ’mbene wangkeume pe dage wang’nduigaibe luage, 2pe gu kenieme hanggesame â penui ba ’ntik mak, hebâ ze mâ teube penui ngau lu de lei. 3(Pharisaime benai Judame leine â penui gu gechîng-telungsie ze rei’mmi ze, penui ba ’ntik makchai â, mâ de teu mak lei; 4zai hechaiki ’mbene penui wang dezai penui runne tew’nchi le makchai â, mâ de penui teu mak lei; zai kêdabe penui gu gechîng-telungsie misonggabe ramme ze penui â tei’ntip ze, hepiak ramme, heli ramme, hetageîli ramme du hui ka’nsui lei.) 5Dadege Pharisaime benai leisirawme ne pechu ’nneu ze, “’Ndaitew ze ning kenieme gechîng-telungsie luigum ze lung mak ze, kane penui ba hebâ ze mâ teu lau?” kacheu de lei. 6Zai pa ne penui je, “Isaiabe ne ningnui helunglimpungme deu ge ranggaika’ntuabe sam ze tâutit te lei, chige:
‘Ai baudime ne penui mui ne achu hengêutew lei,
kane penui lung â a dagene deu-sang-deu lei;
7Peruânggabe gene penui achu kellum ze,
ziemmename maning tak zene keneibesie geteiliabe hangge chak kai ze mâ geteilia de lei,’
acheu ze raw gai gum zeu.
8Hera gu samde sâu nan ze ziemmename gu gechîng-telungsie ze ningnui ne tei’ntip-kadesang de lei,” acheu bei de lei.
9Dadege pa ne penui je, “Ningnui gu gechîng-telungsie ze tei’mmirabe hang ziegene Hera gu samde ze tuâpatkairabe hangge ningnui dage pezeu bam di de lei! 10Mosabe ne sa ze, ‘Ning pui benai ning peu ngeutew lau,’ zai ‘Pe peu je mei, pe pui je mei saka’nsiabe kau â, peize chai sing de lau,’ ze die gai ’ndi daseu; 11kane ningnui ne sa ze, ‘Mi-mige ne pe peu je mei nune pe pui je mei ze, Nang a dagene ngau ra bambe ze â Korban de lei’ (chize â, Hera dage pei gai ’nde lei, kacheube) acheu rang gai dizai â,— 12pe peu hang mei nu pe pui hang mei mâge â tew gai ra ningnui ne pechu lun gai ta di de lei, 13chigum ze ningnui gechîng telungsie teitat bambe zene Hera gu sam ze kemaî’ngga kam nan tai de lei. Zai aigumbe zat ramme ningnui ne misongga tew de lei,” ze kacheu de lei.
Ziemmename je Tewkahebâbe ramme
(Mat 15.10-20)
14Zai pa ne baudime je pe dage kûwang dai lu ze, penui je, “Ningnui ’nteumena ne sam ’ngking lu ze chî’mmi le lau: 15hela ge bambe zat chi ziemmena dage gutkaibe zene pechu tewhebâchi lak lei; kane ziemmena dagene patbe zene pechu tewkahebâ lei. 16“Mi-mige de seu ra pe kun bam kau â, peize seu le lau,” kacheu de lei. 17Zai pa ziemmena ramme je sâu nan ze, kilûng gut dege, pe gu kenieme ne chipau sam’nda rasam pechu ka’nneu de lei. 18Dadege pa ne penui je, “Zai ningnui du chigum ze ’nningchi mak mei? Hela ge bambe ne ziemmena lung ge gut ze pechu tewhebâchilakbe ningnui ngau mak mei, 19chize â, pe lung ge mak ze pe bungpui ge gut ze tatpela bam mak mei?” (Aigum ze hetak leine â ’nchi lei ze pa ne ranglia’nchichiak kai bei de lei.) 20Zai pa ne, “Ziemmena lung gene ’ndaikau pat mei be zene ziemmena je tewkahebâ lei. 21Helung ’mbene, ziemmena lung gene ka’nningbe kesiabe ramme, hangleutewbe, kahebâbe, kegîbe, kahemabe, 22kadekumbe, helungriaksiabe, kechoabe, lungkaheruâbe, hemimeube, ketiakbe, gechîrettewbe, kemiebe pat lei. 23Ai kesiabe ramme leine ze helung gene pat ze ziemmena je tewkahebâ lei,” kacheu de lei.
’Mpuimi Keneibe
(Mat 15.21-28)
24Zai chigene pa zuachu lu ze Tira benai Sidon huâzie ’mbe tat ti de lei. Zai heki kat ge pa gut lu, chige pa bambe peize mî de chî ra pa lunei mak lei; sede ’mbiachi lak ti de lei. 25Kane ’mpuimi hangkat pe na ’mpuimi napoine herui kahebâbe bambepui ne pe rasam seu lu, wang ze pe pî kangge keikeu gai de lei. 26Chi ’mpuimi ze â Grik’mpui, lungkeube gene Siro-phoinisia ge bampui lei. Zai pe na dagene heruisiabe kelitua gai ra pechu pa kiam de lei. 27Zai pa ne chipau pui je, “Napoine ramme je peize ’nggeuraî le lau, napoine ramme gu tingku lu lu ze hetei ramme dage tuâ gai ’nde ra â tâu me lei,” acheu bei de lei. 28Kane pa ne pechu kak ze, “Eu lei, Heguang gau, gesang de lei; acheuleusede mâ-teube-kaira kangge hetei ramme bambe ’nsangdu, napoine ramme gu tingku teuterakeube ramme kuaiteu-teu lei,” ze kacheu de lei. 29Dadege pa ne chipaupui je, “Aipau sam nang sa gai ’nda ze wang dai zu lau, ning na dagene herui kesiabe ze zuapat te lei,” acheu bei de lei. 30Zai pe ki lam tat ti de lei, zai herasiabe tat ti ze pe na jeî ge jei laleube ngau de lei.
Hekun pang ze Pekuâpatlakpeu je Tewka’mmibe
31Zai pa Tiraram bak gene wang dai ze Sidon tat kai ze Galili sungkling ’mbe Dekapolisram bak gene tatpela ze tat ti de lei. 32Dadege penui ne pe dage mi hangkat pe kun pang zai pe ladpatlakbe kau je nguawang de lei; dadege pe peireige pe ba die gai ra pechu penui ne kiam de lei. 33Zai baudime ruagene pechu runne nguachâmpat lu, pe kun kena ge pe bakêrang ramme keriau gai lu, zai ’nchai’ntui gai lu, zai pe lei deîtau gai de lei; 34zai tinggîm ’mbe Isua ne ’ngngangpie lu, kehuisiak kai lu ze pechu, “Ephphatha,” kacheu de lei, chize â “Lat kai be zu lau,” kacheube lei. 35Zai pe kun kena lat kai bei, zai pe leiria heipat kai bei ze, ’nchichiak ze pa sam dam di de lei. 36Zai mî dage de pau gai mak ra ranggetîng gai bei de lei, kane nam bei dege penui suigut ne pauranbi-bi bam lei. 37Zai ’nningdaulak-desang di ze acheu sa ze, “Pa ne getaleine tew’mmi kam gai bei de lei; hekunpangbe kau je du pa ne seu ra tew gai, zai pekuâpetlakbe kau je du samsa ra tew gai bei de lei,” ze penui kacheu de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.