MARKA 8
8
Isua ne Chang Medaime je Keibe
(Mat 15.32-39)
1Chipau ting ge baudime misonggame wang’ndui dai lu ze, penui teu ra ga di dege, pa ne pe gu kenieme je pe dage kûwang lu, penui je, 2“Baudime je I ngau’nggia de lei, chuna a dage penui bambe hezie kechumne changdibe ziegene teu ra mâ de gadibe ziegeneu; 3’njei-herei ze penui ki lam’mbe penui je I lang gai ra dizai â, ’mpuîki ge penui kemei-mei gu de lei, zai penui ruage hanggesame â kedeu ’mbene zuawang daseu,” kacheu de lei. 4Dadege pe gu kenieme ne pechu kak ze, “Ai hênamkang ge hangkat ne ’ndaigum ze aime je tingku ne keichi ra lau?” kacheu de lei. 5Dadege pa ne penui je ’nneu ze, “Ningnui dage tingku ’ndaikie la lau?” ze kacheu de lei; penui ne “Sena,” kacheu de lei. 6Dadege baudime je kedei ge ’ntau ra pa ne rang gai bei de lei; zai chi tingku sena ze pa ne lu lu, Hera dage pe suiyibe sam pau gai lu, chize tiapâng lu, baudime je ’nzi gai ra pe gu kenieme dage pei gai bei de lei; zai penui ne baudime suage kai bei de lei. 7Zai penui dage hekâpoine kecheîne bam lei, zai chiramme hang ’nnam gai lu baudime je ’nzi gai ra rang gai bei de lei. 8Zai penui teu lu ’nggeu kam di de lei; chi teu’nsakpatbe padesuine ramme ’ntui sena ruipui lu lei. 9Zai chige chang medai riâ gum bam de lei. 10Zai pa ne penui je tat ra lang gai bei de lei; zai luakatne pe gu kenieme benai ’nnei ge keuchu gai lu, Dalmanutha bak ’mbe tat ti de lei.
Pharisaime ne Tâningdaulakbe Tewbe Kiebe
(Mat 16.1-4)
11Zai Pharisaime wang lu, pechu samtuchu di de lei, pechu kedak ra hangge tinggîm ’mbene dakka’nchetbe pe dage kie zeu. 12Dadege pa pe lung huaipun gai ze, acheu sa ze, “’Ndaitew ze aipau reheime ne dakka’nchetbe peu lau? Pelingsing ze ningnui je I rang lei, aipau reheime je dakka’nchetbe mâ de pei ra mak lei,” kacheu lei. 13Zai pa â penui je sâu gai nan ze ’nnei ge keuchu gai dai lu, kêdabe giam ’mbe kapat ti de lei.
Pharisaime benai Herodbe gu ’Nduihî
(Mat 16.5-12)
14Zai chunage penui tingku pung’ngngaî ’ndi de lei; zai ’nnei lungge penui dage tingku kuak kat runne bam de lei. 15Zai pa ne penui je rang gai ze, “Pie le lau, Pharisaime benai Herodbe gu ’nduihî je ’ntîng le lau,” kacheu de lei. 16Dadege penui karai chize hekî ze, “Anui dage tingku gabe ziegene de lei,” kacheu de lei. 17Zai chize chî lu ze, Isua ne penui je, “’Ndaitew ningnui dage tingku gabe rasam ningnui kahekî lau? Ningnui ’nningchi mak kerei mei nune seuchi mak kerei lau? Ningnui lung ’ndamdei di de mei? 18Hemik bam lu ngau mak, zai hekun bam lu ningnui seu mak mei? Zai ningnui ’ngngaî ’ndi de mei? 19Chang-mengeume hangge tingku mengeu I tiapânggaibe luage, pemoîne ’ntui ningnui ’ndaikie ruipui lu lau?” acheu bei de lei. Zai penui ne pechu, “Kereu ze kena lei,” kacheu de lei. 20“Zai chang-medaime hangge tingku sena I tiapânggaibe gene pa desuine ramme ningnui ’ntui ’ndaikie ruipui lu lau?” kacheu de lei. Zai penui ne pechu, “Sena” kacheu de lei. 21Dadege pa ne penui je, “Ningnui â seuchi mak bam rei mei?” kacheu de lei.
Beth-saida ge Pe Mikchitpeu je Isua ne Tewka’mmibe
22Zai penui Beth-saida ge wang de lei. Zai hanggesame ne hemikchitpeu je pe dage nguawang lu, peize pechu dei gai ra kiam de lei. 23Zai pa ne pe mikchitpeu ba tei lu, keloa hela ’mbe pechu nguapat ti de lei; zai pa ne pe mik ge ’nchai’ntui gai lu, zai pe peireige pe ba die gai lu, pechu, “Nang mâ-ngau de mei?” ze ka’nneu de lei. 24Dadege pa ne ’ngngangchu lu, acheu ze sa ze, “Ziemmename je I ngau la de lei; kane penui hingbang ramme tatbe gum lei,” kacheu de lei. 25Chidadege pe mik kena ge pe ba kai kadai de lei; dadege pa rakgetîng gai dege rakpat ti ze mâgetaleine ngau’nchichiak ti de lei. 26Dadege pa ne pe ki lam pechu tat ra lang gai bei de lei, acheu sa gai ze, “Keloa ge ’nsangdu gut kai se lau,” acheu zeu.
Peterbe ne Isua Deu ge Saliabe
(Mat 16.13-20; Luk 9.18-21)
27Zai Isua pe gu kenieme je ngua lu Kaisaria Philippi ge keloa ramme ge tat’nduâtat ti de lei; dadege pa pe gu kenieme je mâ-’nneu ze, “Miramme ne I châu lei ze kacheu lau?” ze kacheu de lei. 28Dadege penui ne rang ze, “Baptistewpeu Johanbe lei, ze kacheu de lei; zai kêdabe kau ramme ne rang dege, Elijabe lei, kacheu de lei; zai kêdabe kau ramme ne rang dege, kemeume ruage mige hangkat lei, ze kacheu lei,” ze acheu bei de lei. 29Dadege pa ne penui ne ’nneu ze, “Kane ningnui ne I châu lei ze kacheu lau?” ze kacheu de lei; Peterbe ne kak ze, “Nang â Krista lei,” ze acheu bei de lei. 30Dadege pa ne penui je mî suage de pe rasam paurua mak ra rang gai bei de lei.
Isua pa Hereurabe benai Chairabe rasam Sabe
(Mat 16.21-28; Luk 9.22-27)
31Dadege pa ne penui je mâ-geteiliachu dai ze, ziemmena Na â kahereube zat misongga lie himchang gu lei, zai gechîngme benai tingkugechîngme zai leisirawme ne tuâpat kai ze tewchat ’ndu lei; zai hezie kechumne chângge chu dai gu lei, ze kacheu de lei. 32Aize pa ne rang’nchichiak kai bei de lei. Dadege Peterbe ne pechu kûchâm lu ’ngngiam chu di de lei. 33Kane kenieme tailam ’nreiwang lu pie gai lu ze, Peterbe je pa ne ’ngngiam ze, “Satan, a chai ’mbe tat lau! Nang â Hera lam bam mak ze ziemmena lam bam daseu,” acheu bei de lei.
34Zai baudime benai pe gu kenieme je pe dage pa ne kûwang lu, penui je, “Mi-mige de a chai suirame â pe runne pechu ’nzâ mak ze pe gu heling pua ze peize a chai sui lau. 35Mi-mige de pa keringbe tew’nringneibe kau â chize ga gu lei; zai mi-mige de a ziegene benai gospel ziegene pa keringbe tewka’nggabe kau â, chize ze tew’nring gai gu lei. 36Ziemmena kedeirei leine lu kam lu sede, pa keringbe ga dizaine â pe hangge kegiebe ’ndaikau la lau? 37Ziemmena pa keringbe hangge ’ndaikau ne hiaklebuibe la lau? 38Mi-mige de ai kahemabe benai kahemuibe rehei ge achu benai a sam ramme je ka’ngngambe kau je â, ziemmena Na pe Peu pengêudibe ge angel ka’nchime benai wangkeu dezai pechu du ’ngngam gu lei,” kacheu de lei.
Currently Selected:
MARKA 8: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
MARKA 8
8
Isua ne Chang Medaime je Keibe
(Mat 15.32-39)
1Chipau ting ge baudime misonggame wang’ndui dai lu ze, penui teu ra ga di dege, pa ne pe gu kenieme je pe dage kûwang lu, penui je, 2“Baudime je I ngau’nggia de lei, chuna a dage penui bambe hezie kechumne changdibe ziegene teu ra mâ de gadibe ziegeneu; 3’njei-herei ze penui ki lam’mbe penui je I lang gai ra dizai â, ’mpuîki ge penui kemei-mei gu de lei, zai penui ruage hanggesame â kedeu ’mbene zuawang daseu,” kacheu de lei. 4Dadege pe gu kenieme ne pechu kak ze, “Ai hênamkang ge hangkat ne ’ndaigum ze aime je tingku ne keichi ra lau?” kacheu de lei. 5Dadege pa ne penui je ’nneu ze, “Ningnui dage tingku ’ndaikie la lau?” ze kacheu de lei; penui ne “Sena,” kacheu de lei. 6Dadege baudime je kedei ge ’ntau ra pa ne rang gai bei de lei; zai chi tingku sena ze pa ne lu lu, Hera dage pe suiyibe sam pau gai lu, chize tiapâng lu, baudime je ’nzi gai ra pe gu kenieme dage pei gai bei de lei; zai penui ne baudime suage kai bei de lei. 7Zai penui dage hekâpoine kecheîne bam lei, zai chiramme hang ’nnam gai lu baudime je ’nzi gai ra rang gai bei de lei. 8Zai penui teu lu ’nggeu kam di de lei; chi teu’nsakpatbe padesuine ramme ’ntui sena ruipui lu lei. 9Zai chige chang medai riâ gum bam de lei. 10Zai pa ne penui je tat ra lang gai bei de lei; zai luakatne pe gu kenieme benai ’nnei ge keuchu gai lu, Dalmanutha bak ’mbe tat ti de lei.
Pharisaime ne Tâningdaulakbe Tewbe Kiebe
(Mat 16.1-4)
11Zai Pharisaime wang lu, pechu samtuchu di de lei, pechu kedak ra hangge tinggîm ’mbene dakka’nchetbe pe dage kie zeu. 12Dadege pa pe lung huaipun gai ze, acheu sa ze, “’Ndaitew ze aipau reheime ne dakka’nchetbe peu lau? Pelingsing ze ningnui je I rang lei, aipau reheime je dakka’nchetbe mâ de pei ra mak lei,” kacheu lei. 13Zai pa â penui je sâu gai nan ze ’nnei ge keuchu gai dai lu, kêdabe giam ’mbe kapat ti de lei.
Pharisaime benai Herodbe gu ’Nduihî
(Mat 16.5-12)
14Zai chunage penui tingku pung’ngngaî ’ndi de lei; zai ’nnei lungge penui dage tingku kuak kat runne bam de lei. 15Zai pa ne penui je rang gai ze, “Pie le lau, Pharisaime benai Herodbe gu ’nduihî je ’ntîng le lau,” kacheu de lei. 16Dadege penui karai chize hekî ze, “Anui dage tingku gabe ziegene de lei,” kacheu de lei. 17Zai chize chî lu ze, Isua ne penui je, “’Ndaitew ningnui dage tingku gabe rasam ningnui kahekî lau? Ningnui ’nningchi mak kerei mei nune seuchi mak kerei lau? Ningnui lung ’ndamdei di de mei? 18Hemik bam lu ngau mak, zai hekun bam lu ningnui seu mak mei? Zai ningnui ’ngngaî ’ndi de mei? 19Chang-mengeume hangge tingku mengeu I tiapânggaibe luage, pemoîne ’ntui ningnui ’ndaikie ruipui lu lau?” acheu bei de lei. Zai penui ne pechu, “Kereu ze kena lei,” kacheu de lei. 20“Zai chang-medaime hangge tingku sena I tiapânggaibe gene pa desuine ramme ningnui ’ntui ’ndaikie ruipui lu lau?” kacheu de lei. Zai penui ne pechu, “Sena” kacheu de lei. 21Dadege pa ne penui je, “Ningnui â seuchi mak bam rei mei?” kacheu de lei.
Beth-saida ge Pe Mikchitpeu je Isua ne Tewka’mmibe
22Zai penui Beth-saida ge wang de lei. Zai hanggesame ne hemikchitpeu je pe dage nguawang lu, peize pechu dei gai ra kiam de lei. 23Zai pa ne pe mikchitpeu ba tei lu, keloa hela ’mbe pechu nguapat ti de lei; zai pa ne pe mik ge ’nchai’ntui gai lu, zai pe peireige pe ba die gai lu, pechu, “Nang mâ-ngau de mei?” ze ka’nneu de lei. 24Dadege pa ne ’ngngangchu lu, acheu ze sa ze, “Ziemmename je I ngau la de lei; kane penui hingbang ramme tatbe gum lei,” kacheu de lei. 25Chidadege pe mik kena ge pe ba kai kadai de lei; dadege pa rakgetîng gai dege rakpat ti ze mâgetaleine ngau’nchichiak ti de lei. 26Dadege pa ne pe ki lam pechu tat ra lang gai bei de lei, acheu sa gai ze, “Keloa ge ’nsangdu gut kai se lau,” acheu zeu.
Peterbe ne Isua Deu ge Saliabe
(Mat 16.13-20; Luk 9.18-21)
27Zai Isua pe gu kenieme je ngua lu Kaisaria Philippi ge keloa ramme ge tat’nduâtat ti de lei; dadege pa pe gu kenieme je mâ-’nneu ze, “Miramme ne I châu lei ze kacheu lau?” ze kacheu de lei. 28Dadege penui ne rang ze, “Baptistewpeu Johanbe lei, ze kacheu de lei; zai kêdabe kau ramme ne rang dege, Elijabe lei, kacheu de lei; zai kêdabe kau ramme ne rang dege, kemeume ruage mige hangkat lei, ze kacheu lei,” ze acheu bei de lei. 29Dadege pa ne penui ne ’nneu ze, “Kane ningnui ne I châu lei ze kacheu lau?” ze kacheu de lei; Peterbe ne kak ze, “Nang â Krista lei,” ze acheu bei de lei. 30Dadege pa ne penui je mî suage de pe rasam paurua mak ra rang gai bei de lei.
Isua pa Hereurabe benai Chairabe rasam Sabe
(Mat 16.21-28; Luk 9.22-27)
31Dadege pa ne penui je mâ-geteiliachu dai ze, ziemmena Na â kahereube zat misongga lie himchang gu lei, zai gechîngme benai tingkugechîngme zai leisirawme ne tuâpat kai ze tewchat ’ndu lei; zai hezie kechumne chângge chu dai gu lei, ze kacheu de lei. 32Aize pa ne rang’nchichiak kai bei de lei. Dadege Peterbe ne pechu kûchâm lu ’ngngiam chu di de lei. 33Kane kenieme tailam ’nreiwang lu pie gai lu ze, Peterbe je pa ne ’ngngiam ze, “Satan, a chai ’mbe tat lau! Nang â Hera lam bam mak ze ziemmena lam bam daseu,” acheu bei de lei.
34Zai baudime benai pe gu kenieme je pe dage pa ne kûwang lu, penui je, “Mi-mige de a chai suirame â pe runne pechu ’nzâ mak ze pe gu heling pua ze peize a chai sui lau. 35Mi-mige de pa keringbe tew’nringneibe kau â chize ga gu lei; zai mi-mige de a ziegene benai gospel ziegene pa keringbe tewka’nggabe kau â, chize ze tew’nring gai gu lei. 36Ziemmena kedeirei leine lu kam lu sede, pa keringbe ga dizaine â pe hangge kegiebe ’ndaikau la lau? 37Ziemmena pa keringbe hangge ’ndaikau ne hiaklebuibe la lau? 38Mi-mige de ai kahemabe benai kahemuibe rehei ge achu benai a sam ramme je ka’ngngambe kau je â, ziemmena Na pe Peu pengêudibe ge angel ka’nchime benai wangkeu dezai pechu du ’ngngam gu lei,” kacheu de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.