AGER KVDVNG 5
5
Anania:bv:lang Sappira:bv
1Ananiang cmnam tani:ko bvk nc:ng Sappira:bvnyi cmpige:la arrc kanc attar ako kopakto, 2odokkc bvk nc:dokki ru:sula kopakla pa:namdok asudo:ko la:tumla lc:to, odokkc cdcm ager gerdopc mclvgnam kvdv:dok kcra:do lc:to. 3Cmpige:la Pitorbv luto, “Ananianga kapila Satandc nom asindcm Angunnc Yalodcm lume:ycm lunamdcm bi:moton odokkc among kola pa:namdok akkem la:tumla lc:moton? 4Cdcm koma:pc lc:dodcm, cdc noluk avkcpc ila du:mangalang. Odokkc cdcm kopakdag lcdudo:sin, cdc nolum ila:namdcmpci ila:manggalang? Kapc cdcmpc cdc nok asindo mcngkvla ka:la:ton? No tani:kvdv:dcm yadmang cmpige:la Ru:ncpvncmcmvn.” 5Anania:bv cdc agomkvdv:dcm tannamc, bv kcttabla sipakkang. Odokkc cdcm tadncappv:dc kvnggv:pc pcssamkang. 6Ya:me: tani:kvdv:dc daropla gasorki yetto odokkc bvm jo:lenbomkang odokkc bvm yupakto.
7Ayir awumko lcdupc bvk nc:dc gva:do, kapc ika:ji kinma:pc. 8Odo Pitorbv bvm luto, “Ngom luteika nolu odokkvddv:lok amo:dcm kokanei koma:nei.” Odo bv luto, “C:v, odokkvddv:lok.”
9Cmpige:la Pitorbv bvm luto, “Kapila cdcmpc nolu lckopc mc:bosukan Ru:tumkc Yalodcm anka:la kangkvpc cmna? Tattok, sc:kobulu nok milbo:dcm yupaktonc buluk alckvdv:dc yabgo ru:ido pvnga:dokubong, odokkc bulu nomsin mo:ro:pc jo:lenbomyc.” 10Vgcmpc oddung bv kcttabkang bvk alcru:yido odokkc sipakkang. Ya:me: tani:kvdv:dc gvangkunamc bulu bvm sila du:dopc ka:begtoku, odokkc bulu bvm jo:lenna mo:ro:pc bomkang odokkc bvk milbo:dok ru:yido yupakto. 11Odokkc mondoli:dok appv:dc kvnggv:pc pcssamkang, odokkc cdcm tadbegnc appv:dc.
Mcngapla:ma:nam Odokkc Kangak Sunamc
12Cdcmpc bojcrungko kanggodcm odokkc kangaksula du:nam agercm tani:kvdv:dok ara:lo ager gerdopc mclvgnam tani:kvdv:dokki gerto. Odokkc bulu appv:dc lckko:pc Solomonkc baranda:do dungai. 13Akedc akosin buluk lcdulo du:mvnpc cmna mcngkvla:tomang, cmpige:la tani:kvdv:dc bulum airu:pc mcnggc-sudagai. 14Odokkc mc:jvgla gva:nc bojc bojcya:pc Ru:tumkolo gva:setkang, bojcrungko yadkumsunc milbongcla: nc:ngc anyipaklokkc, 15cdcmpc ika:nc jc bulu mola:ma:nc tani: kvdv:dcmci nogordok lambckvdv:do:pc jo:lenambomto, odokkc bulum asubkokki odokkc tani: jo:nanclo jo:lvgamto; odomvlojen Pitorbv gvla bvk yalodci buluk akekvdv:dok tayc:lo vgrumycpc cmna. 16Tani:kvdv:dc:sin tawondokkc Jerusalemdo gvkummamsukang, ramnc kinc kvdv:dcm odokkc cdc aima:nc uikvdv:dc pa:namkvdv:dcm gva:bola, odokkc bulu appv:dcm csangammotoku.
Mclvgla Ager Germonam Kvdv:dcm Mogvtmomatnam
17Cmpige:la dormo ager gernc kvdv:dok bottarya:ncdc darobkang odokkc bvk lcdulo du:mvnnc appv:dc, cdc, Saddusi:kvdv:dok kcrc:dc, 18odokkc ncla:yam bulu mclvgla ager germonam kvdv:dcm ycnggabamto odokkc bulum cmpc tumpongko makana:do tumla lc:to. 19Cmpige:la yumcdo Ru:tumkc taycng among lutad lunckonc makana:dok yabgokvdv:dcm moge:to odokkc bulum gvlenam boge:kula luto, 20“Gvkangkuk odokkc sc Turnamsok appv:dcm tani:kvdv:dcm lubita:ka.” 21Odokkc bulu cdcm tadge:la, ro:dcm bulu kumko okumdo:pc gvangge:la luyirto.
Cdcmpidodcm dormo ager gerncdok bottarya:nc kvdv:dc:lang bvk lcdulo du:mvnnc kvdv:dc gva:to odokkc kcbang amikdv:dcmlang Israeldok bottarya:nc kcba:dcm gogto, odokkc bulum gogbomdokupc makana:do:pc mclvgto. 22Cmpige:la migom ami kvdv:dc gvnamc, bulum makana:do pa:tomang, odokkc bulu gvlatlangkula lubitoku, 23“Ngolu makana:dcm aiyo:pc sabi:ycm edkabla lc:dopc ka:to odokkc ka:nggabya:la du:nckvdv:dcmsin yabgo kvdv:do dagla du:dopc ka:to, cmpige:la ngolu cdcm moge:dodcm ara:bo ngolu sc:komsin ka:begtomang.” 24Cdcmpinamc kumko okumdok daggurbomnc dc:lang dormo ager gernckvdv:dok bottarya:nckvdv:dc cdc agomkvdv:dcm tadge:la buluk agomcm kvnggv:pc mcnggu:mcnga:ma:pc bulu ikang, cdc okko pvnga:ycsong cmna mcngagsula. 25Odo sc:kaiyc gva:la bulum lubito, “Noluk makana:lo tumna lc:nam tani:kvdv:dc kumko okumkolo dagla dungge:la tani:kvdv:dcm luyirra dung.” 26Odo mimag daggcnc migom amidcm gvbola bulum ycngkapc gvkang, cmpige:la atvko dcmma:-pama:pc, kapila:nc bulu tani:kvdv:dc vlvngcm crpckc cmna pcsodagai.
27Odokkc bulu cdvlo bulum gva:botokunc, bulu bulum kcba:dok ara:do du:moto. Odokkc dormo ager gernc kvdv:dc bulu tawunam agomcm tatto, scmpc lula, 28“Ngolu sanggabbomdanna lutungai odo amindok luyiryok cmna, ckvdaggom sc Jerusalemso nolu noluk luyirkokki lugongamto odokkc nolu cdc tani:dok i:dok palvgcmc ngolukkolo lvgpcmna idu:n.” 29Cmpige:la Pitorbv:lang mclvgla ager germonam kvdv:dc lubito, “Ngolu tani:kvdv:dcmyam Ru:ncpvnckc lunamcm tadpa:ru:pc. 30Ngoluk abubuluk Ru:ncpvncbv Jisumc turmotoku sc:komc nolu vsvngkolo ragjonge:la moketonc. 31Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna. 32Odokkc ngolu odo agomkvdv:dok lukanbinnc, odokkc cdcmv:pc Angunnc Yalodokkc Ru:ncpvncbv sc:kobulum Bvk agom lukamdcmpc tadnckvdv:dcm bitoji.”
33Bulu cdcm tadge:la bulu aglvngc dorsangkang odokkc bulum mokelvngkang. 34Cmpige:la Gamaliel cmnam Parisi:konc kcba:do du:tc:nckonc, lujvg-lurodok luyirnckonc, dagrobge:la tani:kvdv:dcm asudowko mo:rongolo du:po:dopc lulvgto. 35Odokkc bulu luto bulum, “Israelsok Tani:kvdvnga, sc tani:kvdv:scm okkom iycnc ansulangka. 36Kapila:nc sc longckvdv:scmyam po:pcbong Tiudasbv dagrobka, bv avdc tani:kopc mc:sula, odokkc bojcrungko tani:yc, lvngko appi: kvram konc, bvk lcdulo lenmvnkang; cmpige:la bvm papakto odokkc bvk lcdulo gvmvnnc appv:dc gvkum gvkumsuge:la yogamkang. 37Bvk lcdudo Galildok Juda:bv amin adgabdodo darobkang odokkc tani:ckkcm bvk lcdulo gvyodla gvbokang; bv:sin yogpakkang odokkc bvk lcdulo sc:kobulu gvmvnka:nc dugpidamsukang. 38Cmpila su:pakkc agomscm ngo ludung, sc tani:kvdv:sokkc dunggcnna du:toka odokkc bulumong du:motoka; kapila:nc sc taru: ru:namsc cdcmanggom sc inamsa:namsc tani:kvdv:dokkcmvlo, cdc atvpcsin ima:yc; 39Cmpige:la cdc Ru:ncpvnckolokkcmvlo, nolu cdcm bulum motumla:ma:yc. Nolu Ru:ncpvncmc motumncpc iycipcsong!”
40Cdcmpila bulu bvk luyirdcm tatto, odokkc bulu mclvgla ager gerdopc mclvgnam tani:kvdv:dcm gogangkunamc, bulu bulum dcmto odokkc Jisukc aminnok agom luma:dopc sa:jcmna luto, odokkc bulum mclvgtoku. 41Odo bulum amindok lcgangc mcnggcsaggcma:nam pa:pcnc kvtc:nam lcgangc mc:po mc:pola kcba:dokkc gvkangku. 42Odokkc longgcm longgcm kumko okumdo odokkc okumno Jisubv Kristodc cmnamdcm luyirnammcla lutadgo:namdcm lungasutomang.
Currently Selected:
AGER KVDVNG 5: MISIBSI
Highlight
Share
Copy
Want to have your highlights saved across all your devices? Sign up or sign in
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
