Hechos 5
5
Ananiaau Safira dʉimua seukhatarr
1Mamʉ ĩchab woun ãb sĩejim aajem, Ananías a thʉ̃r sĩerr. Mag wounaujã ich ʉʉi Safira anʉm dʉimua amach jẽb wai narr perpʉiwia, 2amach khaugbaju awi, chi phatkhon eem ãaur amach athee auwia, agjo ãaurpai chi emkhooirau deen majim aajem, ich Jesuu jʉr autarr khʉʉn aar. Mamʉ mag ich jayau phatkhon thum deen maba arrjã chi ʉʉirau khaphʉ sĩejim anaabá. 3Mag amach aar deebaimaawai Pedroou chi Ananiaag magjim anʉm:
—Ananías, ¿Jãgwi jẽb pertarr param phatkhon pua thum deecheba, ag eem pãach athee autarrta, “Thum deechejim” a chirʉ́? ajim anʉm. Pʉch jãg seukha simua Ẽwandam Akhaarpata pua khũgur auju ẽkha sĩebahab ajim anʉm. 4¿Pua oowai chi jẽb pʉch den khabajĩ? Mag chi jẽb pʉch den arr aawai, ¿chi phatkhonjã pʉch den khabajieb? Mag simta, ¿khan jãgwi jãg seukhaju khĩirjubaadejĩma? ajim anʉm. Jãg sim aiguin Ẽwandampata pua khũgur auju ẽkha sĩebahab ajim aajem Ananiaag.
5Pedroou mag iekhabaawai warre chi meemta Ananías jẽkhʉt di bäjä aimajim aajem. Mag seukhatarr gaaimua Ananías meetarr ũrwia thum chi ũrmam khʉʉn thãar paraa nʉisijim aajem. 6Mag oobaawai ẽwannaan aig narr khʉʉnau put ee pʉreunaa warre aukheraan arrjierram aajem.
7Maimua magtarr khur ora thãrjupjo nʉm ee, chi ʉʉirau ich jaai magbarmjã khaugba, Pedro sim di aar majim aajem. 8Mag mawia barbaimaawai Pedroou chi jayau ichig phatkhon deeimatarr oopinaa chi Safiraag, —Safira, ¿chadchata pãar jẽb ich mʉgʉm gaaipaita perjierrá? a jeeujim anʉm.
Magbaawai Safiraau, —Chadcha jãgpaim gaaita perbajieb ajim anʉm.
9Magbaa Pedroou deeu irig, —Safira, ¿khantheeta pua jãg pʉch jaai iek ʉkhawia dʉi i ipierr pãach numiim khʉʉnau maach Por Ẽwandam Akhaar khũgurju ẽkha phobaadejĩma? ajim anʉm. Magnaa ichdeupai, Pʉde ũrbá ajim anʉm. Pʉ jaai aukheraan wettarr khʉʉn deeu barchewi puertdi aig bʉ eseserkham. Cha mʉ iekha chirʉm iekhau nau pʉjã ich jãkhʉʉnaupai pʉ aukheraan arrjugui ajim anʉm.
10Maimua irua magbarm bʉrre chadcha Safirata di bäjä a i bʉkhʉrr jẽer sĩeimajim anʉm, warre chi meemta. Magbarm ee chi ẽwannaan ujã aar narr khʉʉn dubchewia chadcha ya maach chi meemta werba thʉnʉm oobaicheewai, ĩchab arrwia ich jaai aukhertarr bigaau dʉi ãba aukherjierram aajem. 11Magtarr ũrwia thum Ẽwandam iek ʉkha narr khʉʉn jãphierrwia bigaaum khʉʉnpa thãar paraa nʉisijim aajem.
Nem maadeu ooba aajem pom waaujerr
12Ich Jesuucha ich i jaaumkhĩir jʉr autarr khʉʉn gaaimua Ẽwandamau ag na õrau nem ooba aajem pom waumaajeejim aajem, õor dakhĩir. Maagwai chará waragta chi ʉkha narr khʉʉnan Aai i jeeujem di bigaau dijãjo weu wejom “Pórtico de Salomón” a thʉ̃r sim ee biirdʉdʉ aajeejim aajem. 13Mamʉ chi ʉkha nʉm khʉʉn amach ap mag poposkhamjã, jũrr chi ʉkhaba narr khʉʉnaun warag am kha jõiju ogkha naajeejim anaabá, eeu degolp amachdeujã Ananiaau Safira dʉimua arrjo abaawai ich agjo khechju khĩirjuwia. Mag am kha jõiju okho naajieb mamʉ, khajapha am ig iyʉʉ aajeejim aajem. 14Mag ãaur khʉʉnau ogkha nʉm ãba, warm khʉʉnau jũrr pogkha maach Por iek ʉkhakhag wetumua warag khapaana aphobaadejim aajem, ʉʉinpa. 15Amach daúa mag oo nʉm dʉi ich Jesuucha ich i jaaumkhĩir jʉr autarr khʉʉnau õor dakhĩir ag na maadeu nem ooba aajempa mag dau daau wau nʉm oowai, waragta aaunaan khapan pa bʉʉrkham gaai dawag phe aumaajeejim aajem, Pedro dichmamua i akharaupai khãijã chi aaunaan ʉ̃r khĩsu dichdimaawai magbarmuapai monaaumamkhĩir. 16Mamagkham ũrwia ĩchab Jerusalén dakha phobordam nʉnʉidʉm eem khʉʉnaupa warag Jerusalén phobor ee am nʉm aig amach aaunaan aubeemaajeejim aajem. Mag amach aig aaunaan ben khaigbamua sĩi thõthõrrso sĩsidʉmpa aubeemarr khʉʉnan thum monaaupʉi maajeejim aajem chi Ẽwandam i jaaumkhĩir ich Jesuucha jʉr autarr khʉʉnau.
Õrau Pedro ẽudee ẽkhanaa ĩchab Juan ẽudeejã ẽkhaajerr
17Ẽwandam i jaaumkhĩir jʉr autarr khʉʉnau mag amach dakhĩir õor monaaupʉpʉikham oowia, phadnaan thumaam khʉʉn porou saduceonaan dʉimua amachdeu pod agjo aba aawai, iekkhõr wauwia, 18ich Jesuucha jʉr autarr khʉʉn pʉrkhanaa, cárcel deg phãarkha sĩujierram aajem. 19Mamʉ ya edaar pabaadeewai Ẽwandam chog ʉ̃gtharmua beewia, chi cárcel degam puertdi weeukhanaa, Pedro Juan dʉi dawag oberpinaa amag, 20—Jãigmua Aai i jeeujem deg wetwi thumaam khʉʉnag Ẽwandamau maach ʉ̃gtharcha obeerpiejem iekta jaaubaimat ajim anʉm.
21Amachig Ẽwandam chogau mag jaautarr aawai chadcha ag noram oo ãspapinaa, Aai i jeeujem deg wetwia, Ẽwandam iek jaauphobaadejim aajem. Am mag Aai i jeeujem deg nʉm ee, jũrr thoomgar phadnaan porou ich aig narr khʉʉn dʉi ãba biirdʉnaa cárcel di aar guardianaan pʉijierram aajem, amachdeu Pedro Juan dʉi phãarkhapitarr amach aig phe aubeemkhĩir. Mag am biirdʉ thʉnʉm ee naajim aajem Israel durram khʉʉn am Asamblea eem chi pornaan, amach thum. 22Mamʉ mag wetwi chi guardianaanau ooimaawai, Pedro Juan dʉi cárcel deg chukkhu thʉnaajim anaabá. Magbaawai deeu amach pʉitarr khʉʉn aig beewia, 23—Chadcha cárcel di wajapha phãar dʉnʉm marau ooimajim, maimua chi soldaaunjã daaugajãr puertdi aig oo dʉnʉnʉid thʉnaajim. Mamʉ weeunaa oowai, ag ee õor ãbjã marau oobajimgui a jaauchejierram aajem.
24Mag jaaubaichem chi phadnaan porou ũrwia, Aai i jeeujem degam guardianaan poroujã phadnaan porkha nʉm khʉʉn dʉimua ũrphobaadeewai, amach wir aigpai, —Keena, mag ooimaba abarm anʉm chad khai, ¿jãga aagauma? ajierram anʉm.
25Mamʉ amach wir aigpai mamagkham ee, woun ãb beewia, —Keena, pãrau wounaan cárcel deg phãarpitarr khʉʉnjã beewi chaggajãr Aai i jeeujem deg õrag jaau nʉmwai aichejim anʉm.
26Magbaawai mag Aai i jeeujem degam guardianaan porou agjo guardianaan ich khãai jua eegpaim khʉʉn dʉi mawia, õor pom am iek ũr narr khʉʉnag amach mokou barm ugua, bʉ̃ʉrjã am chig aba phe aubeejim aajem. 27Mag phe aubeewi chi thethem khʉʉn ãba biirdʉ thʉnʉm aig wai dubbaicheewai chi phadnaan porou amag jeeumamua, 28—¿Pãrag khabajĩ ajim anʉm, marau jãg Jesús igwia tag bʉ̃ʉrjã nem jaaupiba jaautarr? Magtarrta ya Jerusalén phobor ee pãachdeu ʉkha nʉm iekta thum aaidʉ wai nʉmgui ajim anʉm, jãg marau jaautarrjã ũrba jaau wenʉrrʉm gaaimua. Pãachdeu mag jaau wenʉrranaata jãgan jãg woun thõotarrjã pãrau maar gaaita thʉpʉim ig naabma ajim anʉm, Jesús igwia.
29Magbaawai Pedroou agjo ich khapeen Ẽwandam i jaaumkhĩir jʉr autarr khʉʉn kõitpa iekhamamua magjim aajem:
—Sĩi õor ipierraa aju khãyau, Ẽwandamau nem jaau simta marau agpierr wauju aai nʉmgui ajim anʉm. 30Warrgarwe maach jooinau ʉkhaajerr ag Ẽwandamauta Jesús phiriu aujim. Ich ag Jesús khabajieb ajim anʉm, ar pãachdeu pakuls gaai meerphe thõopʉitarr. 31Pãrau i mag thõopʉijieb mamʉ, Ẽwandamau jũrr ichta thumaam khʉʉn khãyaujã ʉ̃rʉʉcha apiwia, ĩchab chi Porkhanaa õor peerdʉajem khapijimgui ajim anʉm, magbaawai i gaaimua Israel durram khʉʉnau amach khaibag ãsie ewag khĩirjuwia Ẽwandamag chugpaapi jeeubaawai irig warre mag khaibag chugpaapʉimkhĩir. 32Mag pãrau i meerphe thõotarr maach daúa ootarr aawaita marau chadcha thum khaphʉ jaau nʉmgui ajim anʉm. Mag nʉm dʉi Ẽwandamau ich Akhaarta ar ich ipierraam khʉʉnag deejeewai, marau jaau nʉmʉn, ich ag Ẽwandam Akharau maachig jajaaukhamta jaau nʉmgui ajim anʉm.
33Mamʉ chi phadnaan porou aig narr khʉʉn dʉimua mag ũrbaawai meeukha phobaadewi warag am khechpʉimjã khõsi aphobaadejim aajem. 34Mag chi thierrnaan apha biirdʉ thʉnʉm ee woun ãb Gamaliel a thʉ̃r sim sĩejim aajem, Ẽwandamau Moiseeg ich iek phãpitarr iek ajapcha ʉʉrkhaajem khʉʉn eem. Mag woun ĩchab Ẽwandam iek jawaag chi mach ajim aajem. Maagwai phoborpien thumaam khʉʉnaujã ĩchab i okho aajeejim aajem. Mag wounau chi Jesuu ich i jaaumkhĩir jʉr autarr khʉʉn khũchpai dawag phe arrpi jaaujim anʉm, magʉmich amach ap iyʉʉ aag. 35Maimua mag daau paaukhabaadee ich khapeen ichjo chi thethem khʉʉnag, —Keena ajim anʉm, pãrau jãkhʉʉn wounaan dʉi nem khaigba aju ẽkha nʉm khai, ajapha khĩirjunaata nem waubat ajim anʉm. 36Pãrau khaphʉ nʉm, ar na woun Teudas anarr agjo jãg nʉrrarr. Ich iiupain, woun thethem a jaau nʉrrajimgui ajim anʉm, ich igwia. Magbaawai õor pom cuatrocientojo i dʉi khapeerkhajierram. Mamʉ werbʉ nʉm ee warm khʉʉnau juau thõobapäaiwai mag i dʉi wenʉrrarr khʉʉn thum sĩi aaidʉwia tagjã abajierramgui ajim anʉm. 37Magtarr khur õor khapanag khap aag õor thʉ̃r phãkha nʉm jaarjã, Judas chi Galileapierr agjo aadewi phoborpien pom ichig paa aujimgui ajim anʉm. Mamʉ mag nʉrrawia agjo thõobpäaiwai thum i dʉi wenʉrraajerr khʉʉn sĩi aaidʉjierramgui ajim anʉm chi Gamalielau. 38Magnaa amag, Mʉchdeu mag ootarr aawai, ideu jãg Jesús iek jaau wenʉrrʉm khʉʉn khajapha sĩubat a chirʉmgui ajim anʉm. Cha amau nem waunaa jaau wenʉrrʉmjã sĩi amach khĩirjug eemuapai khai, magan ich jãgpai wenʉrrawia deeu ũrnaa aadejugui ajim anʉm. 39Mamʉ ich Ẽwandamauta amag chadcha ich iek mag jaaupi sim khai, pãrau am khechpʉiwiajã, oob magʉm iek tag bʉ̃ʉrjã ũrba ich mag sĩsiju amiet ajim anʉm. Ajapha khĩirjunaata nem waubat, eeu pãach Ẽwandam dʉi iekkhõr jʉr nʉm khãijã pãrau khaugba naadukham ajim anaabá jũrr amag chi Gamalielau.
40Magbaawai chadcha Gamalielau jaau sĩerrjo ajierram aajem. Maimua chadcha Pedro Juan dʉi daaugajãr narr deeu ierrag thʉ̃rkha auwia, wʉkhanaa, tag amag bʉ̃ʉrjã Jesús igwia nem jaaupiba jaaujierram aajem. Mag wʉkhanaan chadau am wetamkhĩir pʉapʉijierram aajem. 41Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai. 42Maimua mag ereuwia ed eepierr õrag jaau wenʉrrʉmua, “Jesuuta chadcha ich Ẽwandamaucha jʉr auwia maach peerdʉ aumkhĩir pʉitarraugui” aajeejim aajem. Ich mag iek Aai i jeeujem degjã jaaunaa sĩi dipierrjã ich mag jaau wenʉrraajeejim aajem.
Currently Selected:
Hechos 5: noaA
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 5
5
Ananiaau Safira dʉimua seukhatarr
1Mamʉ ĩchab woun ãb sĩejim aajem, Ananías a thʉ̃r sĩerr. Mag wounaujã ich ʉʉi Safira anʉm dʉimua amach jẽb wai narr perpʉiwia, 2amach khaugbaju awi, chi phatkhon eem ãaur amach athee auwia, agjo ãaurpai chi emkhooirau deen majim aajem, ich Jesuu jʉr autarr khʉʉn aar. Mamʉ mag ich jayau phatkhon thum deen maba arrjã chi ʉʉirau khaphʉ sĩejim anaabá. 3Mag amach aar deebaimaawai Pedroou chi Ananiaag magjim anʉm:
—Ananías, ¿Jãgwi jẽb pertarr param phatkhon pua thum deecheba, ag eem pãach athee autarrta, “Thum deechejim” a chirʉ́? ajim anʉm. Pʉch jãg seukha simua Ẽwandam Akhaarpata pua khũgur auju ẽkha sĩebahab ajim anʉm. 4¿Pua oowai chi jẽb pʉch den khabajĩ? Mag chi jẽb pʉch den arr aawai, ¿chi phatkhonjã pʉch den khabajieb? Mag simta, ¿khan jãgwi jãg seukhaju khĩirjubaadejĩma? ajim anʉm. Jãg sim aiguin Ẽwandampata pua khũgur auju ẽkha sĩebahab ajim aajem Ananiaag.
5Pedroou mag iekhabaawai warre chi meemta Ananías jẽkhʉt di bäjä aimajim aajem. Mag seukhatarr gaaimua Ananías meetarr ũrwia thum chi ũrmam khʉʉn thãar paraa nʉisijim aajem. 6Mag oobaawai ẽwannaan aig narr khʉʉnau put ee pʉreunaa warre aukheraan arrjierram aajem.
7Maimua magtarr khur ora thãrjupjo nʉm ee, chi ʉʉirau ich jaai magbarmjã khaugba, Pedro sim di aar majim aajem. 8Mag mawia barbaimaawai Pedroou chi jayau ichig phatkhon deeimatarr oopinaa chi Safiraag, —Safira, ¿chadchata pãar jẽb ich mʉgʉm gaaipaita perjierrá? a jeeujim anʉm.
Magbaawai Safiraau, —Chadcha jãgpaim gaaita perbajieb ajim anʉm.
9Magbaa Pedroou deeu irig, —Safira, ¿khantheeta pua jãg pʉch jaai iek ʉkhawia dʉi i ipierr pãach numiim khʉʉnau maach Por Ẽwandam Akhaar khũgurju ẽkha phobaadejĩma? ajim anʉm. Magnaa ichdeupai, Pʉde ũrbá ajim anʉm. Pʉ jaai aukheraan wettarr khʉʉn deeu barchewi puertdi aig bʉ eseserkham. Cha mʉ iekha chirʉm iekhau nau pʉjã ich jãkhʉʉnaupai pʉ aukheraan arrjugui ajim anʉm.
10Maimua irua magbarm bʉrre chadcha Safirata di bäjä a i bʉkhʉrr jẽer sĩeimajim anʉm, warre chi meemta. Magbarm ee chi ẽwannaan ujã aar narr khʉʉn dubchewia chadcha ya maach chi meemta werba thʉnʉm oobaicheewai, ĩchab arrwia ich jaai aukhertarr bigaau dʉi ãba aukherjierram aajem. 11Magtarr ũrwia thum Ẽwandam iek ʉkha narr khʉʉn jãphierrwia bigaaum khʉʉnpa thãar paraa nʉisijim aajem.
Nem maadeu ooba aajem pom waaujerr
12Ich Jesuucha ich i jaaumkhĩir jʉr autarr khʉʉn gaaimua Ẽwandamau ag na õrau nem ooba aajem pom waumaajeejim aajem, õor dakhĩir. Maagwai chará waragta chi ʉkha narr khʉʉnan Aai i jeeujem di bigaau dijãjo weu wejom “Pórtico de Salomón” a thʉ̃r sim ee biirdʉdʉ aajeejim aajem. 13Mamʉ chi ʉkha nʉm khʉʉn amach ap mag poposkhamjã, jũrr chi ʉkhaba narr khʉʉnaun warag am kha jõiju ogkha naajeejim anaabá, eeu degolp amachdeujã Ananiaau Safira dʉimua arrjo abaawai ich agjo khechju khĩirjuwia. Mag am kha jõiju okho naajieb mamʉ, khajapha am ig iyʉʉ aajeejim aajem. 14Mag ãaur khʉʉnau ogkha nʉm ãba, warm khʉʉnau jũrr pogkha maach Por iek ʉkhakhag wetumua warag khapaana aphobaadejim aajem, ʉʉinpa. 15Amach daúa mag oo nʉm dʉi ich Jesuucha ich i jaaumkhĩir jʉr autarr khʉʉnau õor dakhĩir ag na maadeu nem ooba aajempa mag dau daau wau nʉm oowai, waragta aaunaan khapan pa bʉʉrkham gaai dawag phe aumaajeejim aajem, Pedro dichmamua i akharaupai khãijã chi aaunaan ʉ̃r khĩsu dichdimaawai magbarmuapai monaaumamkhĩir. 16Mamagkham ũrwia ĩchab Jerusalén dakha phobordam nʉnʉidʉm eem khʉʉnaupa warag Jerusalén phobor ee am nʉm aig amach aaunaan aubeemaajeejim aajem. Mag amach aig aaunaan ben khaigbamua sĩi thõthõrrso sĩsidʉmpa aubeemarr khʉʉnan thum monaaupʉi maajeejim aajem chi Ẽwandam i jaaumkhĩir ich Jesuucha jʉr autarr khʉʉnau.
Õrau Pedro ẽudee ẽkhanaa ĩchab Juan ẽudeejã ẽkhaajerr
17Ẽwandam i jaaumkhĩir jʉr autarr khʉʉnau mag amach dakhĩir õor monaaupʉpʉikham oowia, phadnaan thumaam khʉʉn porou saduceonaan dʉimua amachdeu pod agjo aba aawai, iekkhõr wauwia, 18ich Jesuucha jʉr autarr khʉʉn pʉrkhanaa, cárcel deg phãarkha sĩujierram aajem. 19Mamʉ ya edaar pabaadeewai Ẽwandam chog ʉ̃gtharmua beewia, chi cárcel degam puertdi weeukhanaa, Pedro Juan dʉi dawag oberpinaa amag, 20—Jãigmua Aai i jeeujem deg wetwi thumaam khʉʉnag Ẽwandamau maach ʉ̃gtharcha obeerpiejem iekta jaaubaimat ajim anʉm.
21Amachig Ẽwandam chogau mag jaautarr aawai chadcha ag noram oo ãspapinaa, Aai i jeeujem deg wetwia, Ẽwandam iek jaauphobaadejim aajem. Am mag Aai i jeeujem deg nʉm ee, jũrr thoomgar phadnaan porou ich aig narr khʉʉn dʉi ãba biirdʉnaa cárcel di aar guardianaan pʉijierram aajem, amachdeu Pedro Juan dʉi phãarkhapitarr amach aig phe aubeemkhĩir. Mag am biirdʉ thʉnʉm ee naajim aajem Israel durram khʉʉn am Asamblea eem chi pornaan, amach thum. 22Mamʉ mag wetwi chi guardianaanau ooimaawai, Pedro Juan dʉi cárcel deg chukkhu thʉnaajim anaabá. Magbaawai deeu amach pʉitarr khʉʉn aig beewia, 23—Chadcha cárcel di wajapha phãar dʉnʉm marau ooimajim, maimua chi soldaaunjã daaugajãr puertdi aig oo dʉnʉnʉid thʉnaajim. Mamʉ weeunaa oowai, ag ee õor ãbjã marau oobajimgui a jaauchejierram aajem.
24Mag jaaubaichem chi phadnaan porou ũrwia, Aai i jeeujem degam guardianaan poroujã phadnaan porkha nʉm khʉʉn dʉimua ũrphobaadeewai, amach wir aigpai, —Keena, mag ooimaba abarm anʉm chad khai, ¿jãga aagauma? ajierram anʉm.
25Mamʉ amach wir aigpai mamagkham ee, woun ãb beewia, —Keena, pãrau wounaan cárcel deg phãarpitarr khʉʉnjã beewi chaggajãr Aai i jeeujem deg õrag jaau nʉmwai aichejim anʉm.
26Magbaawai mag Aai i jeeujem degam guardianaan porou agjo guardianaan ich khãai jua eegpaim khʉʉn dʉi mawia, õor pom am iek ũr narr khʉʉnag amach mokou barm ugua, bʉ̃ʉrjã am chig aba phe aubeejim aajem. 27Mag phe aubeewi chi thethem khʉʉn ãba biirdʉ thʉnʉm aig wai dubbaicheewai chi phadnaan porou amag jeeumamua, 28—¿Pãrag khabajĩ ajim anʉm, marau jãg Jesús igwia tag bʉ̃ʉrjã nem jaaupiba jaautarr? Magtarrta ya Jerusalén phobor ee pãachdeu ʉkha nʉm iekta thum aaidʉ wai nʉmgui ajim anʉm, jãg marau jaautarrjã ũrba jaau wenʉrrʉm gaaimua. Pãachdeu mag jaau wenʉrranaata jãgan jãg woun thõotarrjã pãrau maar gaaita thʉpʉim ig naabma ajim anʉm, Jesús igwia.
29Magbaawai Pedroou agjo ich khapeen Ẽwandam i jaaumkhĩir jʉr autarr khʉʉn kõitpa iekhamamua magjim aajem:
—Sĩi õor ipierraa aju khãyau, Ẽwandamau nem jaau simta marau agpierr wauju aai nʉmgui ajim anʉm. 30Warrgarwe maach jooinau ʉkhaajerr ag Ẽwandamauta Jesús phiriu aujim. Ich ag Jesús khabajieb ajim anʉm, ar pãachdeu pakuls gaai meerphe thõopʉitarr. 31Pãrau i mag thõopʉijieb mamʉ, Ẽwandamau jũrr ichta thumaam khʉʉn khãyaujã ʉ̃rʉʉcha apiwia, ĩchab chi Porkhanaa õor peerdʉajem khapijimgui ajim anʉm, magbaawai i gaaimua Israel durram khʉʉnau amach khaibag ãsie ewag khĩirjuwia Ẽwandamag chugpaapi jeeubaawai irig warre mag khaibag chugpaapʉimkhĩir. 32Mag pãrau i meerphe thõotarr maach daúa ootarr aawaita marau chadcha thum khaphʉ jaau nʉmgui ajim anʉm. Mag nʉm dʉi Ẽwandamau ich Akhaarta ar ich ipierraam khʉʉnag deejeewai, marau jaau nʉmʉn, ich ag Ẽwandam Akharau maachig jajaaukhamta jaau nʉmgui ajim anʉm.
33Mamʉ chi phadnaan porou aig narr khʉʉn dʉimua mag ũrbaawai meeukha phobaadewi warag am khechpʉimjã khõsi aphobaadejim aajem. 34Mag chi thierrnaan apha biirdʉ thʉnʉm ee woun ãb Gamaliel a thʉ̃r sim sĩejim aajem, Ẽwandamau Moiseeg ich iek phãpitarr iek ajapcha ʉʉrkhaajem khʉʉn eem. Mag woun ĩchab Ẽwandam iek jawaag chi mach ajim aajem. Maagwai phoborpien thumaam khʉʉnaujã ĩchab i okho aajeejim aajem. Mag wounau chi Jesuu ich i jaaumkhĩir jʉr autarr khʉʉn khũchpai dawag phe arrpi jaaujim anʉm, magʉmich amach ap iyʉʉ aag. 35Maimua mag daau paaukhabaadee ich khapeen ichjo chi thethem khʉʉnag, —Keena ajim anʉm, pãrau jãkhʉʉn wounaan dʉi nem khaigba aju ẽkha nʉm khai, ajapha khĩirjunaata nem waubat ajim anʉm. 36Pãrau khaphʉ nʉm, ar na woun Teudas anarr agjo jãg nʉrrarr. Ich iiupain, woun thethem a jaau nʉrrajimgui ajim anʉm, ich igwia. Magbaawai õor pom cuatrocientojo i dʉi khapeerkhajierram. Mamʉ werbʉ nʉm ee warm khʉʉnau juau thõobapäaiwai mag i dʉi wenʉrrarr khʉʉn thum sĩi aaidʉwia tagjã abajierramgui ajim anʉm. 37Magtarr khur õor khapanag khap aag õor thʉ̃r phãkha nʉm jaarjã, Judas chi Galileapierr agjo aadewi phoborpien pom ichig paa aujimgui ajim anʉm. Mamʉ mag nʉrrawia agjo thõobpäaiwai thum i dʉi wenʉrraajerr khʉʉn sĩi aaidʉjierramgui ajim anʉm chi Gamalielau. 38Magnaa amag, Mʉchdeu mag ootarr aawai, ideu jãg Jesús iek jaau wenʉrrʉm khʉʉn khajapha sĩubat a chirʉmgui ajim anʉm. Cha amau nem waunaa jaau wenʉrrʉmjã sĩi amach khĩirjug eemuapai khai, magan ich jãgpai wenʉrrawia deeu ũrnaa aadejugui ajim anʉm. 39Mamʉ ich Ẽwandamauta amag chadcha ich iek mag jaaupi sim khai, pãrau am khechpʉiwiajã, oob magʉm iek tag bʉ̃ʉrjã ũrba ich mag sĩsiju amiet ajim anʉm. Ajapha khĩirjunaata nem waubat, eeu pãach Ẽwandam dʉi iekkhõr jʉr nʉm khãijã pãrau khaugba naadukham ajim anaabá jũrr amag chi Gamalielau.
40Magbaawai chadcha Gamalielau jaau sĩerrjo ajierram aajem. Maimua chadcha Pedro Juan dʉi daaugajãr narr deeu ierrag thʉ̃rkha auwia, wʉkhanaa, tag amag bʉ̃ʉrjã Jesús igwia nem jaaupiba jaaujierram aajem. Mag wʉkhanaan chadau am wetamkhĩir pʉapʉijierram aajem. 41Mag Jesús iek jaau wenʉrrʉm gaaimuata mag amach wʉ thʉnʉʉubarmjã, okhĩirjugjã chukhu, warag aigmua onee ereubaadejim aajem, mag Jesús gaaimua amach aphʉʉ amkhĩirta Ẽwandamau amach jʉr athamjã khaphʉ narr aawai. 42Maimua mag ereuwia ed eepierr õrag jaau wenʉrrʉmua, “Jesuuta chadcha ich Ẽwandamaucha jʉr auwia maach peerdʉ aumkhĩir pʉitarraugui” aajeejim aajem. Ich mag iek Aai i jeeujem degjã jaaunaa sĩi dipierrjã ich mag jaau wenʉrraajeejim aajem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.