Hechos 6
6
Amach juag oomkhĩir emkhooin apha siete jʉr autarr
1Mag jaar ĩchab chi ʉkha durrum khʉʉnjã warag khapan paaukhamatarr aawai griegonaanau hebreonaan eugar iekkhõr wauphobaadejim aajem, ed eepierr khoopaa ʉʉinag nem jig nʉm aig griegonaanau oowai am meeun ʉʉinag hebreonaa ʉʉinag dee nʉmjo deeba narr gaaimua. 2Magbaawai mag doce ich Jesuucha jʉr autarr khʉʉnau Ẽwandam iek ʉkha durrum khʉʉn thum thʉ̃rkhanaa amag magjierram aajem:
—Keena ajierram anʉm, õrag thach jigam khõchgaupai chan pod marau mʉg maachdeu Ẽwandam iek jaau wenʉrrʉm tag jaauba sĩi werba sĩuju khaba nʉmgui ajierram anʉm. 3Maimua amachdeupai, Khodamnaan, ar mʉig pãach ee õor agpierraanaa chikhamnau am eugar bʉ̃ʉrjã khaigba jaau nʉm ũrba aajem khʉʉn emkhooin apha siete jʉr athat ajierram anʉm, ar pãachdeu oowai amach gaai Ẽwandam Akhaar phẽs paraanaa ĩchab khĩirjugdamjã khaphʉm khʉʉn. Magbaawai makhʉʉnag jũrr marau mʉg phidag jaau pʉajugui ajierram aajem, 4mag amag jaau pʉabajeewai marau jũrr ich jãg Ẽwandamag jeeu durrumua ãba i iek jaau nʉm gaaipai nʉisieg.
5Amau mag iekhabarm ĩchab warm khʉʉn khapan aig thʉnarr khʉʉnaujã thumaam khʉʉnau jʉ̃gaagaa ũrjierram aajem. Magbaawai woun ãb Esteban a thʉ̃r sĩerr jʉr aujierram aajem. Mag wounau Ẽwandam Akhaar ich gaai phẽsnaa nem waauwaijã ãba Ẽwandam gaaipai khĩirjunaata waaujeejim aajem. Mag tag i dʉi ãba jʉr autarr khʉʉn thʉ̃r mʉkhʉʉn ajim aajem: Felipe, Prócoro, Nicanor, Timón, Parmenas maimua Nicolás. Chamʉg Nicolás anʉm deeum durram phobor Antioquía anʉm ee thaabatarrta Jesús iek ʉkhaju nawe judionaan igar theerbawi sĩejim aajem. 6Makhʉʉn siete jʉr auwia, Jesuu ich i jaaumkhĩir jʉr autarr khʉʉn aar phe arrwi, “Cha nʉm pãrau õor jʉr aupitarr” ajierram aajem amag. Magbaawai chi Jesuu jʉr autarr khʉʉnau am ʉ̃r jua ausĩunaa, am dʉi ãba Ẽwandamag jeeuwia, warre amach phidkhaju phidag jaaujierram aajem.
7Magtarr aigmua warag Ẽwandam iek aaidʉmam dʉi ĩchab chi ʉkha durrum khʉʉnjã Jerusalén phobor ee waragta khapaana paaukhamajim aajem. Mag amau jaau durrum ũrwia judionaan eem phadnaanjã khapan ĩchab Ẽwandam iek gar theerbagkha majierram aajem.
Esteban pʉr autarr
8Mag woun Esteban anʉmua nem waauwai ich Ẽwandamauta nem thum ʉuu obeerpipi aajeejim aajem. Mag simua Ẽwandam jua theeg ich gaai wai sĩerr aawai ich Ẽwandamaujã irig õor ee ag na bʉ̃ʉrjã nem ooba aajempa waupimaajeejim aajem ĩchab. 9Irua mag nem wau nʉrrʉm oowia, judionaan Ẽwandam iek jaaujem di “Chi peerdʉm khʉʉn den” a thʉ̃ʉrjerr eem khʉʉn beewi, chi Esteban dʉi bebe khabaichejierram aajem. Magphobaadem ee warag am aig bee thʉnʉisijim aajem: Cirenepien, Alejandríapien, maimua ĩchab Ciliciapien dʉi Asia durram khʉʉnpa. Mag beewia dʉi warm khʉʉn igar am ipierr iekha phobaadejim aajem. 10Mamʉ Esteban iekhamam ich Ẽwandam Akharauta iekhapi sĩerr aawai mag khapan thʉnaajieb mamʉ, pod i dʉi barba aajeejim aajem, khĩirjug khaphʉ iekhaag. 11Mag amachdeu i dʉi podba abaawai õrag phagjierram aajem, makhʉʉnau seukha i eugar jaaumamua chadamjo, “Jãg wounaun chadcha maach jooi Moisés igwia iek khaigba iekhanaa Ẽwandam igwiajã agjo khaigba iekha sim marau ũrjimgui” a jaaumkhĩir. 12Magtarr aawai chadcha makhʉʉnaujã am ipierr mag seukha nem ĩgkhabarm gaaimua waa õor phogueupʉi. Magbaawai judionaan Asamblea eem jooinau Moisés iek phã pʉatarr jawaag chi machnaan dʉimua Esteban pʉrphobaadewi amach pornaan aar athaadejierram aajem. 13Magnaa ĩchab mam pawiajã waa seukha i khĩir amach daúa mag nʉrrʉm ootarrjo jaaumkhĩir õor jʉr auwi wawikha sĩujierram aajem. Mag ya am den wawikha wai narr aawai waa makhʉʉnau chadcha chi thethem khʉʉn aar wetwi amachig jaautarrjo, —Chamʉg wounau mʉg Aai i jeeujem di igwia khaigbata iekhanaa Moiseeu Ẽwandam iek phã pʉatarr igwiajã pʉaba ich mag iekha nʉrraajemgui aimajierram aajem. 14I iek mag Jesús Nazaretpierrauta mʉg Aai i jeeujem di magreupʉiwia maach jooin i warrgarwe Moiseeu phã pʉatarrjã mag warre deeumʉg paapʉiju aajem ajierram anʉm.
15Am iek mag am ijẽjẽbkham ee chi thethemnaanau thum aig narr khʉʉn dʉimua Esteban khĩir oowai sĩi Ẽwandam chog ʉ̃gtharmua beetarr khĩir ajaugjota ajappha khitajim anaabá.
Currently Selected:
Hechos 6: noaA
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Hechos 6
6
Amach juag oomkhĩir emkhooin apha siete jʉr autarr
1Mag jaar ĩchab chi ʉkha durrum khʉʉnjã warag khapan paaukhamatarr aawai griegonaanau hebreonaan eugar iekkhõr wauphobaadejim aajem, ed eepierr khoopaa ʉʉinag nem jig nʉm aig griegonaanau oowai am meeun ʉʉinag hebreonaa ʉʉinag dee nʉmjo deeba narr gaaimua. 2Magbaawai mag doce ich Jesuucha jʉr autarr khʉʉnau Ẽwandam iek ʉkha durrum khʉʉn thum thʉ̃rkhanaa amag magjierram aajem:
—Keena ajierram anʉm, õrag thach jigam khõchgaupai chan pod marau mʉg maachdeu Ẽwandam iek jaau wenʉrrʉm tag jaauba sĩi werba sĩuju khaba nʉmgui ajierram anʉm. 3Maimua amachdeupai, Khodamnaan, ar mʉig pãach ee õor agpierraanaa chikhamnau am eugar bʉ̃ʉrjã khaigba jaau nʉm ũrba aajem khʉʉn emkhooin apha siete jʉr athat ajierram anʉm, ar pãachdeu oowai amach gaai Ẽwandam Akhaar phẽs paraanaa ĩchab khĩirjugdamjã khaphʉm khʉʉn. Magbaawai makhʉʉnag jũrr marau mʉg phidag jaau pʉajugui ajierram aajem, 4mag amag jaau pʉabajeewai marau jũrr ich jãg Ẽwandamag jeeu durrumua ãba i iek jaau nʉm gaaipai nʉisieg.
5Amau mag iekhabarm ĩchab warm khʉʉn khapan aig thʉnarr khʉʉnaujã thumaam khʉʉnau jʉ̃gaagaa ũrjierram aajem. Magbaawai woun ãb Esteban a thʉ̃r sĩerr jʉr aujierram aajem. Mag wounau Ẽwandam Akhaar ich gaai phẽsnaa nem waauwaijã ãba Ẽwandam gaaipai khĩirjunaata waaujeejim aajem. Mag tag i dʉi ãba jʉr autarr khʉʉn thʉ̃r mʉkhʉʉn ajim aajem: Felipe, Prócoro, Nicanor, Timón, Parmenas maimua Nicolás. Chamʉg Nicolás anʉm deeum durram phobor Antioquía anʉm ee thaabatarrta Jesús iek ʉkhaju nawe judionaan igar theerbawi sĩejim aajem. 6Makhʉʉn siete jʉr auwia, Jesuu ich i jaaumkhĩir jʉr autarr khʉʉn aar phe arrwi, “Cha nʉm pãrau õor jʉr aupitarr” ajierram aajem amag. Magbaawai chi Jesuu jʉr autarr khʉʉnau am ʉ̃r jua ausĩunaa, am dʉi ãba Ẽwandamag jeeuwia, warre amach phidkhaju phidag jaaujierram aajem.
7Magtarr aigmua warag Ẽwandam iek aaidʉmam dʉi ĩchab chi ʉkha durrum khʉʉnjã Jerusalén phobor ee waragta khapaana paaukhamajim aajem. Mag amau jaau durrum ũrwia judionaan eem phadnaanjã khapan ĩchab Ẽwandam iek gar theerbagkha majierram aajem.
Esteban pʉr autarr
8Mag woun Esteban anʉmua nem waauwai ich Ẽwandamauta nem thum ʉuu obeerpipi aajeejim aajem. Mag simua Ẽwandam jua theeg ich gaai wai sĩerr aawai ich Ẽwandamaujã irig õor ee ag na bʉ̃ʉrjã nem ooba aajempa waupimaajeejim aajem ĩchab. 9Irua mag nem wau nʉrrʉm oowia, judionaan Ẽwandam iek jaaujem di “Chi peerdʉm khʉʉn den” a thʉ̃ʉrjerr eem khʉʉn beewi, chi Esteban dʉi bebe khabaichejierram aajem. Magphobaadem ee warag am aig bee thʉnʉisijim aajem: Cirenepien, Alejandríapien, maimua ĩchab Ciliciapien dʉi Asia durram khʉʉnpa. Mag beewia dʉi warm khʉʉn igar am ipierr iekha phobaadejim aajem. 10Mamʉ Esteban iekhamam ich Ẽwandam Akharauta iekhapi sĩerr aawai mag khapan thʉnaajieb mamʉ, pod i dʉi barba aajeejim aajem, khĩirjug khaphʉ iekhaag. 11Mag amachdeu i dʉi podba abaawai õrag phagjierram aajem, makhʉʉnau seukha i eugar jaaumamua chadamjo, “Jãg wounaun chadcha maach jooi Moisés igwia iek khaigba iekhanaa Ẽwandam igwiajã agjo khaigba iekha sim marau ũrjimgui” a jaaumkhĩir. 12Magtarr aawai chadcha makhʉʉnaujã am ipierr mag seukha nem ĩgkhabarm gaaimua waa õor phogueupʉi. Magbaawai judionaan Asamblea eem jooinau Moisés iek phã pʉatarr jawaag chi machnaan dʉimua Esteban pʉrphobaadewi amach pornaan aar athaadejierram aajem. 13Magnaa ĩchab mam pawiajã waa seukha i khĩir amach daúa mag nʉrrʉm ootarrjo jaaumkhĩir õor jʉr auwi wawikha sĩujierram aajem. Mag ya am den wawikha wai narr aawai waa makhʉʉnau chadcha chi thethem khʉʉn aar wetwi amachig jaautarrjo, —Chamʉg wounau mʉg Aai i jeeujem di igwia khaigbata iekhanaa Moiseeu Ẽwandam iek phã pʉatarr igwiajã pʉaba ich mag iekha nʉrraajemgui aimajierram aajem. 14I iek mag Jesús Nazaretpierrauta mʉg Aai i jeeujem di magreupʉiwia maach jooin i warrgarwe Moiseeu phã pʉatarrjã mag warre deeumʉg paapʉiju aajem ajierram anʉm.
15Am iek mag am ijẽjẽbkham ee chi thethemnaanau thum aig narr khʉʉn dʉimua Esteban khĩir oowai sĩi Ẽwandam chog ʉ̃gtharmua beetarr khĩir ajaugjota ajappha khitajim anaabá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.