San Mateo 25
25
Daupeen diez narr ag nem ĩgkhaa
1’Mag Ẽwandamau mʉg durr i agkham ed ichdeu auju wa auba khãijã isegju khʉʉnan, biek ãb daupeen diez narr khʉʉn õor jua pʉr nʉm phiesta ee wetaag chi jua pʉrju emkhooi nʉ narr khʉʉnjota nʉmgui ajim ich Jesuupai. Makhʉʉn daupeenau mʉgta ajim aajem: Amachdeu ya chi jaai paju urum a ũrbaawai agdaujo amach lámpara panhapha i khĩirphee wetju aadejim aajem. 2Mamʉ mag khĩirju narrta cincopaita khĩirjug khaphʉ naajim aajem, maimua agjo cinco sĩi khĩirjug chukhumjota sĩsid ajim anaabá. 3Mag khĩirjug chukhumjo narr khʉʉnaujã amachpierr amach lámpara arrjierram aajem. Mamʉ mag arrtarrta chi aceite obaadeewai deeu ag ee choo awaag awi khĩet chi aceite pʉ arrbajierram aajem. 4Pari chi khĩirjug khaphʉ narr khʉʉnaun chadau amach lámpara panhapha wetum dʉi ĩchab khĩet amach pipied deeum boteedeg aceite pʉkha arrjierram aajem, obaadeewai deeu ag ee choo awaag awia. 5Mamʉ mag chi emkhooi da beeba aawai, nʉ nʉʉ awi daphogkhabaadee khãidʉtkha phobaadejim aajem. 6Mag am khãidʉtkha thʉnʉm eeta, ya edacha pamamua, “Ya pãrau nʉ narr wounan urum; phiidʉtkhabathʉ̃ i khĩirphee oon maag” ajim anʉm ãbmua. 7Magbaawaita phiidʉtkhawi apuraa amach lámpara khĩir khaug nʉrrjee aadejim anaabá. 8Magbaawai mag cinco khĩirjug chukhumjo narr khʉʉnau ʉu amach khãai khĩirjugdam paraa narr khʉʉnag, “Keena, pãach aceitedam eem marag bʉchkhun choo deebat, ya maar lámpara thõogpam” ajierram anʉm. 9Pari magbaawai chi khĩirjug paraa narr khʉʉnau amag, “Marau pãrag deebamgui” ajierram anʉm. “Marau pãrag deekhiin, pom deeba aawai, pãarjã waaurwi maachjã waaurju. Mag khãai chi peerjem di aar mawi pãach athee per athamit” ajierram anʉm amag. 10Amachig magbaawai amach athee aceite per awaan ereubaademich, amau nʉ narr emkhooi barchejim aajem. Mag barchewi oocheewai ich dʉi dubaag ʉu khĩir khaug narr khʉʉnan ʉu ich dʉi wai dubjim aajem, ich jua pʉrju aar. Mag phe wai dubwi chi puertdijã phãar sĩujim aajem. 11Maimua ag khur nʉʉ awiata mag cinco amach lámpara athee aceite jʉraan wettarr khʉʉn beewi, “Señor, Señor, maar weeu athá, ya maar beejimgui” ajierram anʉm. 12Pari magbaawai chi emkhooirau, “Mua pãar khaugba chitʉm. Mua dubpibamgui” ajim anʉm.
13Mag nem ĩgkhaadam jaauwi deeu marag magjim: —Pãarjã daupeen khĩirjug chukhu narr khʉʉnjo daaugajãr thʉbagkhamapha nʉm khai, daukhananaa khĩir khaug nʉisit. Pãrau mʉch chi Emkhooi Iewaa beeju edjã khaugba, ni chi orajã khaugba nʉm. Mʉʉn degolpta barchejugui a jaaumajim marag.
Ãbmua ich chognaanag phidkhamkhĩir phatkhon dee pʉatarr
(Lc. 19:11-27)
14Mag jaaumamua deeu ich Jesuupai magjim: —Mʉchta mʉg durr gaai chi Porkha pierrum ed mʉch athee wajapha phidkhaajerr khʉʉnag amachpierr nem wajapham jigjuun, ãbmua ich piyonnaan dʉi arrjota ajugui ajim. Mag ich piyonnaan dʉi mʉgta ajim aajem: Mag wounau deeum durr maagpamua ich piyonnaan ãbam aig thʉ̃rkhanaa ich phatkhonau phidkhamkhĩir amag jaau pʉajim aajem. 15Ãbakhaíg phatkhon cinco mil deewi, ãbakhaíg dos mil maimua ãbakhaíg mil deejim aajem, ichdeu oowai ʉu amachdeu phidkhamajupierr. Mag amachpierr phatkhon jigpʉiwi petajim aajem. 16Mag i petaawai chi piyón mag cinco mil autarrau ag phatkhonau phidkhabaadewi ag ʉ̃r deeu cinco mil gan aujim aajem. 17Maimua ãbakhai dos mil autarraujã agjo agua phidkhawi deeu ag ʉ̃r dos mil gan aujim aajem. 18Mamʉ ãbakhai milpai autarraun mawia, jẽbdi khornaa warag ag ee bep sĩujim anaabá.
19’Maimua ag khur nʉʉ awia deeu beejim aajem, chi phatkhon pap. Mag beewi mag ich maagpamua phatkhon jigtarr autarr khʉʉn deeu thʉ̃rkhʉʉipʉijim aajem, kharrchata agdaujo ganmajĩ a khap aag. 20Nacha chi cinco mil autarr beejim aajem. Mag beewi ag ʉ̃r ichdeu cinco mil gan autarr chi papag deechewia irig, “Señor, pua mʉrʉg cinco mil werpʉarrau ag ʉ̃r mua agjo cinco mil gan aujim; cha kherʉm pʉ phatkhon” ajim anʉm. 21Magbaawai chi patrón jooirau irig, “Ʉu kherʉmgui” ajim anʉm. “Pʉ chadcha piyón wajaphamʉu; pua mua jaautarr thum agjo abarm. Mʉg phatkhon pom khaba deetarrau pua jãgbarpí, jãgtarr jũrr mua pʉrʉg warag ʉ̃r deekhimgui” ajim anʉm. Magnaa irig, “Ierrag dubwia mʉ dʉi onee abá” ajim aajem. 22Mag khur dos mil autarr beewi maguajã agjo, “Señor, pua mʉrʉg dos mil deetarr ʉ̃r muajã agjo dos mil gan aujim; cha kherʉm pʉ phatkhon” aichejim anʉm. 23Magbaawai chi patronau magʉgjã, “Pʉjã chadcha piyón wajaphamʉu; pua mua jaautarr thum agjoo abarmgui” ajim anʉm irig. “Phatkhondam pom khaba deetarrau pua ʉu jãgbarm khai, ag jũrr mua pʉrʉg warag ʉ̃r deejugui” ajim anʉm. “Jãgbarpí pʉjã ĩchab ierrag dubwi mʉ dʉi onee abá” ajim aajem magʉgjã agjo.
24’Maimua milpai autarrjã beejim aajem. Pari magua chan warm khʉʉn denjo phidkhawi gan auba arr aawai sĩi warag, “Señor, mua pʉ khaphʉ chitʉmgui ajim anʉm, pʉ õor dʉi atcha sĩerrʉm. Mua pʉ phatkhonau phidkhawi gantarr akhiin, pua sĩi chi ʉ̃rʉm mʉ jua eem khecheu aukhamgui” ajim anʉm, “pʉ den sĩi chikham jua phithur atarrta pʉch denjo aajeewai. 25Mʉchdeu mag khaphʉ chitaawai, pʉ phatkhonau mʉ phidkhaba, warag mua jẽb eeta bep sĩujim. Magtarr aawai cha simgui” ajim anʉm, “pʉ phatkhon pʉchdeu werpʉatarrpierr.” 26Magbaawai chi patronau irig, “Pʉʉn pʉchta khaibagnaa khuseug sĩerrʉmgui” ajim anʉm. “Pua mʉ õor dʉi mag chitʉm khaphʉ simta, 27¿jãgwi mʉ phatkhon warag banco ee deen mabajĩ” ajim anʉm jũrr irig, “mʉg mʉch barbaicheewai ʉ̃rʉʉpai bãau sim oochemkhĩir?” 28Magnaa aig narr khʉʉnag warag mag mil wai sĩerr i jua eem khecheunaa jũrr diez mil wai sĩerragta deepi jaaujim aajem.
29Mag nem ĩgkhaa jaau owia ich Jesuu magjim: —Ich agjota sĩebahab ĩchab Ẽwandam athee nem wau nʉmjã. Ar Ẽwandam athee nem wawaag nem par daúa ooba aajem khʉʉn dʉin irua ich garmuajã ajapha aju, amau chokhõgba i athee nem wau naawai. Mamʉ mag nem waumapha nʉm khʉʉn dʉi chan magba, ichdeu amag nem deetarrjã warag am jua eem khecheu aumaju. 30Magnaa, Mag chi patronau chi khuseumie dʉi arrjo, amach khĩircha am serbiibag phenaa khĩchag ee barkhʉʉipi jaaujugui ajim, mamta am gaai wajaug beemkhĩir.
Mag irua khĩchag a sĩerran khĩmie durr igwiata mag sĩejim.
Jãga aju khai õor dʉi Ẽwandam Iewaau ich beem ed
31’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag. 32Magbaawai õor durrpierram khʉʉnta thum mʉch chognaanag mʉch aig phe au beepiju. Mag thum ãba biirdʉbaicheewaita oveja thʉajem pastorrau chi ovejanaandam amach ag apha khĩet paanaa chĩbjã agjo amach ag apha khĩet paajemjo ajugui ajim, õor dʉi.
33Mag jaaumamua ich Jesuu i iek mag ed ich denkha nʉm khʉʉnta ich juachaar gar thʉ̃rkhʉʉinaa jũrr khaigbam khʉʉnta khĩet ich juawe gar thʉ̃rkhʉʉimaju aajem. 34Magnaa mag ich juachaar gar nʉm khʉʉnag ichta Rey aawai ichdeuta amag, “Pãar, mʉ Ayau ʉu abarm khʉʉn, ierrag dubbat mʉ dʉi jooba wenʉrraag” aju anaabá. “Mʉg durr ompaa nʉwe mʉch Aai dʉimua pãrag nem deeju atarr ĩsta chadcha mʉ Ayau pãachigcha deegpamgui” aju anʉm, “pãachdeu mʉ dʉi ʉu atarr jũrr.” 35Magnaa amag, “Pãrauta mʉ jãsoo jẽedʉ khitaawaijã ʉu mʉrʉg thachdam deejierramgui” aju anaabá; “obichaaga thʉnaawaijã ʉu mʉrʉg dodam dopijierram; mʉch maba aajem khʉʉn ee chitaawaijã pãrauta pãach aig jẽramkhĩir ʉu mʉrʉg didam jaaujierramgui” aju anʉm; 36“khajũadam chukkhu chiraawaijã pãrauta ʉu mʉrʉg deekherjierram; mʉ mor mas chiraawaijã pãrauta ʉu mʉ oothurjierram; cárcel deg preso chiraawaijã agjo pãrauta ʉu mʉ oothurjierramgui” aju anaabá ich Jesuucha, am khĩir jãsenkha iekhamamua. 37Mag amachig magbaawai mag i juachaar gar nʉm khʉʉnau jũrr irig “Señor, ¿jãagwai mag pʉ jãsoo khitʉm marau pʉ jãhogjĩ?” a jeeuju anaabá, amachdeu i khĩircha ooba aajerr aawai. “¿Jãagwai mag pʉ obissi khitʉm oobaawaijã marau pʉrʉg dodam dopijĩ? 38Pʉ iek mag maach aig jẽramkhĩir marau pʉrʉg maach dijã jaaunaa khajũadamjã chukkhu aawai deejeejim anʉm, ¿ma jãagwai ajĩma?” aju anʉm. 39“Pʉ iek mag pʉ mor mas sĩewaijã marau oothurwi, cárcel deg preso sĩewaijã agjo marau pʉ oothurjim anʉm, ¿ma jãagwai ajĩ, marau pʉ ooba aajerrta?” aju anaabá, jũrr irig amach garmua. 40Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.
41Warm khʉʉnag mag iekhawi ichdeupai jũrr mag chi khaigbam khʉʉn ich juawe gar nʉm khʉʉnag, “Jopai mʉ aigmua chawag ereubaadet” aju anʉm. “Pãar mʉ Ayau chi maldisiem khʉʉn aawai pãadeu khĩmie durr mepeer ich chognaan dʉi sĩemkhĩir wautarr aarta ereubaadet” aju anʉm, “õtdau uu wejom thõojã khaugba ich mag sĩerrʉm ee naaimaag.” 42Mag iekhamamua ĩchab amag amach khĩircha, “Pãrau chan mʉ jãsoo jẽedʉ khitaawaijã mʉrʉg thachdam khopibajierram; obichag khitʉmjã maachig, ‘Cha kherʉm dodam doju khai’ abajierram” aju anʉm amag. 43“Õor mʉch khaugbam khʉʉn eemjo phʉʉrdʉ chitaawaijã pãrau mʉrʉg didam deebajierram, pãach aig jẽermkhĩir. Khajũadam chukkhu daaupamaa aawaijã put sordamjã deeba; mor massi chiraawaijã mʉ oon wetba; ni cárcel deg chiraawaijã mʉ oon wetbajierramgui” aju anʉm amag amach khĩircha. 44Pari amachig magbaawai jũrr amau irig, “Señor, ¿jãagwai mag pʉ jãsoo obissinaa pʉch maba aajem eeta jẽerju dijã chukkhu khitʉm marau bʉ̃ʉrjã pʉ asekasbajĩ?” aju anʉm. “¿Jãagwai mag pʉ khajũadamjã chukkhu daaupamam marau pʉ oojĩ? ¿Jam mag pʉ mor massi marau oojĩ, wa cárcel deg sim khãijã marau pʉ oon wetbajĩ?” aju anaabá, amachdeu magbajim amkhĩir. 45Pari ichig magbaawai, makhʉʉnagjã irua magju anʉm: “Chadcha mʉkhʉʉn wounaan dau aphʉʉ wenʉrraawai pãrau bʉ̃ʉrjã am dau aug khaugba arran, jãan mʉchchata pãrau dau aug khaugba nʉm khabajieb, am mʉchdeu pʉiwiata jãg wenʉrrarr aawai” aju anʉm ĩchab amachigcha.
46Maimua ya ãbmiecha iekha oogpamua maar dakhĩir, —Muata mag iekhabarm khʉʉnan khĩmie durrta wetjugui ajim, mamta ich mag dau aphʉʉ wenʉrraag. Mamʉ õor wäjäaun mag mʉch juachaar gar atham khʉʉnan, mʉch dʉita ich mag iiu nʉisijugui ajim, ich mag wenʉrraag.
Currently Selected:
San Mateo 25: noaA
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
San Mateo 25
25
Daupeen diez narr ag nem ĩgkhaa
1’Mag Ẽwandamau mʉg durr i agkham ed ichdeu auju wa auba khãijã isegju khʉʉnan, biek ãb daupeen diez narr khʉʉn õor jua pʉr nʉm phiesta ee wetaag chi jua pʉrju emkhooi nʉ narr khʉʉnjota nʉmgui ajim ich Jesuupai. Makhʉʉn daupeenau mʉgta ajim aajem: Amachdeu ya chi jaai paju urum a ũrbaawai agdaujo amach lámpara panhapha i khĩirphee wetju aadejim aajem. 2Mamʉ mag khĩirju narrta cincopaita khĩirjug khaphʉ naajim aajem, maimua agjo cinco sĩi khĩirjug chukhumjota sĩsid ajim anaabá. 3Mag khĩirjug chukhumjo narr khʉʉnaujã amachpierr amach lámpara arrjierram aajem. Mamʉ mag arrtarrta chi aceite obaadeewai deeu ag ee choo awaag awi khĩet chi aceite pʉ arrbajierram aajem. 4Pari chi khĩirjug khaphʉ narr khʉʉnaun chadau amach lámpara panhapha wetum dʉi ĩchab khĩet amach pipied deeum boteedeg aceite pʉkha arrjierram aajem, obaadeewai deeu ag ee choo awaag awia. 5Mamʉ mag chi emkhooi da beeba aawai, nʉ nʉʉ awi daphogkhabaadee khãidʉtkha phobaadejim aajem. 6Mag am khãidʉtkha thʉnʉm eeta, ya edacha pamamua, “Ya pãrau nʉ narr wounan urum; phiidʉtkhabathʉ̃ i khĩirphee oon maag” ajim anʉm ãbmua. 7Magbaawaita phiidʉtkhawi apuraa amach lámpara khĩir khaug nʉrrjee aadejim anaabá. 8Magbaawai mag cinco khĩirjug chukhumjo narr khʉʉnau ʉu amach khãai khĩirjugdam paraa narr khʉʉnag, “Keena, pãach aceitedam eem marag bʉchkhun choo deebat, ya maar lámpara thõogpam” ajierram anʉm. 9Pari magbaawai chi khĩirjug paraa narr khʉʉnau amag, “Marau pãrag deebamgui” ajierram anʉm. “Marau pãrag deekhiin, pom deeba aawai, pãarjã waaurwi maachjã waaurju. Mag khãai chi peerjem di aar mawi pãach athee per athamit” ajierram anʉm amag. 10Amachig magbaawai amach athee aceite per awaan ereubaademich, amau nʉ narr emkhooi barchejim aajem. Mag barchewi oocheewai ich dʉi dubaag ʉu khĩir khaug narr khʉʉnan ʉu ich dʉi wai dubjim aajem, ich jua pʉrju aar. Mag phe wai dubwi chi puertdijã phãar sĩujim aajem. 11Maimua ag khur nʉʉ awiata mag cinco amach lámpara athee aceite jʉraan wettarr khʉʉn beewi, “Señor, Señor, maar weeu athá, ya maar beejimgui” ajierram anʉm. 12Pari magbaawai chi emkhooirau, “Mua pãar khaugba chitʉm. Mua dubpibamgui” ajim anʉm.
13Mag nem ĩgkhaadam jaauwi deeu marag magjim: —Pãarjã daupeen khĩirjug chukhu narr khʉʉnjo daaugajãr thʉbagkhamapha nʉm khai, daukhananaa khĩir khaug nʉisit. Pãrau mʉch chi Emkhooi Iewaa beeju edjã khaugba, ni chi orajã khaugba nʉm. Mʉʉn degolpta barchejugui a jaaumajim marag.
Ãbmua ich chognaanag phidkhamkhĩir phatkhon dee pʉatarr
(Lc. 19:11-27)
14Mag jaaumamua deeu ich Jesuupai magjim: —Mʉchta mʉg durr gaai chi Porkha pierrum ed mʉch athee wajapha phidkhaajerr khʉʉnag amachpierr nem wajapham jigjuun, ãbmua ich piyonnaan dʉi arrjota ajugui ajim. Mag ich piyonnaan dʉi mʉgta ajim aajem: Mag wounau deeum durr maagpamua ich piyonnaan ãbam aig thʉ̃rkhanaa ich phatkhonau phidkhamkhĩir amag jaau pʉajim aajem. 15Ãbakhaíg phatkhon cinco mil deewi, ãbakhaíg dos mil maimua ãbakhaíg mil deejim aajem, ichdeu oowai ʉu amachdeu phidkhamajupierr. Mag amachpierr phatkhon jigpʉiwi petajim aajem. 16Mag i petaawai chi piyón mag cinco mil autarrau ag phatkhonau phidkhabaadewi ag ʉ̃r deeu cinco mil gan aujim aajem. 17Maimua ãbakhai dos mil autarraujã agjo agua phidkhawi deeu ag ʉ̃r dos mil gan aujim aajem. 18Mamʉ ãbakhai milpai autarraun mawia, jẽbdi khornaa warag ag ee bep sĩujim anaabá.
19’Maimua ag khur nʉʉ awia deeu beejim aajem, chi phatkhon pap. Mag beewi mag ich maagpamua phatkhon jigtarr autarr khʉʉn deeu thʉ̃rkhʉʉipʉijim aajem, kharrchata agdaujo ganmajĩ a khap aag. 20Nacha chi cinco mil autarr beejim aajem. Mag beewi ag ʉ̃r ichdeu cinco mil gan autarr chi papag deechewia irig, “Señor, pua mʉrʉg cinco mil werpʉarrau ag ʉ̃r mua agjo cinco mil gan aujim; cha kherʉm pʉ phatkhon” ajim anʉm. 21Magbaawai chi patrón jooirau irig, “Ʉu kherʉmgui” ajim anʉm. “Pʉ chadcha piyón wajaphamʉu; pua mua jaautarr thum agjo abarm. Mʉg phatkhon pom khaba deetarrau pua jãgbarpí, jãgtarr jũrr mua pʉrʉg warag ʉ̃r deekhimgui” ajim anʉm. Magnaa irig, “Ierrag dubwia mʉ dʉi onee abá” ajim aajem. 22Mag khur dos mil autarr beewi maguajã agjo, “Señor, pua mʉrʉg dos mil deetarr ʉ̃r muajã agjo dos mil gan aujim; cha kherʉm pʉ phatkhon” aichejim anʉm. 23Magbaawai chi patronau magʉgjã, “Pʉjã chadcha piyón wajaphamʉu; pua mua jaautarr thum agjoo abarmgui” ajim anʉm irig. “Phatkhondam pom khaba deetarrau pua ʉu jãgbarm khai, ag jũrr mua pʉrʉg warag ʉ̃r deejugui” ajim anʉm. “Jãgbarpí pʉjã ĩchab ierrag dubwi mʉ dʉi onee abá” ajim aajem magʉgjã agjo.
24’Maimua milpai autarrjã beejim aajem. Pari magua chan warm khʉʉn denjo phidkhawi gan auba arr aawai sĩi warag, “Señor, mua pʉ khaphʉ chitʉmgui ajim anʉm, pʉ õor dʉi atcha sĩerrʉm. Mua pʉ phatkhonau phidkhawi gantarr akhiin, pua sĩi chi ʉ̃rʉm mʉ jua eem khecheu aukhamgui” ajim anʉm, “pʉ den sĩi chikham jua phithur atarrta pʉch denjo aajeewai. 25Mʉchdeu mag khaphʉ chitaawai, pʉ phatkhonau mʉ phidkhaba, warag mua jẽb eeta bep sĩujim. Magtarr aawai cha simgui” ajim anʉm, “pʉ phatkhon pʉchdeu werpʉatarrpierr.” 26Magbaawai chi patronau irig, “Pʉʉn pʉchta khaibagnaa khuseug sĩerrʉmgui” ajim anʉm. “Pua mʉ õor dʉi mag chitʉm khaphʉ simta, 27¿jãgwi mʉ phatkhon warag banco ee deen mabajĩ” ajim anʉm jũrr irig, “mʉg mʉch barbaicheewai ʉ̃rʉʉpai bãau sim oochemkhĩir?” 28Magnaa aig narr khʉʉnag warag mag mil wai sĩerr i jua eem khecheunaa jũrr diez mil wai sĩerragta deepi jaaujim aajem.
29Mag nem ĩgkhaa jaau owia ich Jesuu magjim: —Ich agjota sĩebahab ĩchab Ẽwandam athee nem wau nʉmjã. Ar Ẽwandam athee nem wawaag nem par daúa ooba aajem khʉʉn dʉin irua ich garmuajã ajapha aju, amau chokhõgba i athee nem wau naawai. Mamʉ mag nem waumapha nʉm khʉʉn dʉi chan magba, ichdeu amag nem deetarrjã warag am jua eem khecheu aumaju. 30Magnaa, Mag chi patronau chi khuseumie dʉi arrjo, amach khĩircha am serbiibag phenaa khĩchag ee barkhʉʉipi jaaujugui ajim, mamta am gaai wajaug beemkhĩir.
Mag irua khĩchag a sĩerran khĩmie durr igwiata mag sĩejim.
Jãga aju khai õor dʉi Ẽwandam Iewaau ich beem ed
31’Mʉch chi Emkhooi Iewaata ʉ̃gtharmua mʉch chognaan angelnaanau phʉʉr thuur beem edan, mʉchta chi Rey aawai mʉch khu juupjem wajappha sim gaaita jupchejugui ajim, õor dʉi mʉchdeu khap nem wawaag. 32Magbaawai õor durrpierram khʉʉnta thum mʉch chognaanag mʉch aig phe au beepiju. Mag thum ãba biirdʉbaicheewaita oveja thʉajem pastorrau chi ovejanaandam amach ag apha khĩet paanaa chĩbjã agjo amach ag apha khĩet paajemjo ajugui ajim, õor dʉi.
33Mag jaaumamua ich Jesuu i iek mag ed ich denkha nʉm khʉʉnta ich juachaar gar thʉ̃rkhʉʉinaa jũrr khaigbam khʉʉnta khĩet ich juawe gar thʉ̃rkhʉʉimaju aajem. 34Magnaa mag ich juachaar gar nʉm khʉʉnag ichta Rey aawai ichdeuta amag, “Pãar, mʉ Ayau ʉu abarm khʉʉn, ierrag dubbat mʉ dʉi jooba wenʉrraag” aju anaabá. “Mʉg durr ompaa nʉwe mʉch Aai dʉimua pãrag nem deeju atarr ĩsta chadcha mʉ Ayau pãachigcha deegpamgui” aju anʉm, “pãachdeu mʉ dʉi ʉu atarr jũrr.” 35Magnaa amag, “Pãrauta mʉ jãsoo jẽedʉ khitaawaijã ʉu mʉrʉg thachdam deejierramgui” aju anaabá; “obichaaga thʉnaawaijã ʉu mʉrʉg dodam dopijierram; mʉch maba aajem khʉʉn ee chitaawaijã pãrauta pãach aig jẽramkhĩir ʉu mʉrʉg didam jaaujierramgui” aju anʉm; 36“khajũadam chukkhu chiraawaijã pãrauta ʉu mʉrʉg deekherjierram; mʉ mor mas chiraawaijã pãrauta ʉu mʉ oothurjierram; cárcel deg preso chiraawaijã agjo pãrauta ʉu mʉ oothurjierramgui” aju anaabá ich Jesuucha, am khĩir jãsenkha iekhamamua. 37Mag amachig magbaawai mag i juachaar gar nʉm khʉʉnau jũrr irig “Señor, ¿jãagwai mag pʉ jãsoo khitʉm marau pʉ jãhogjĩ?” a jeeuju anaabá, amachdeu i khĩircha ooba aajerr aawai. “¿Jãagwai mag pʉ obissi khitʉm oobaawaijã marau pʉrʉg dodam dopijĩ? 38Pʉ iek mag maach aig jẽramkhĩir marau pʉrʉg maach dijã jaaunaa khajũadamjã chukkhu aawai deejeejim anʉm, ¿ma jãagwai ajĩma?” aju anʉm. 39“Pʉ iek mag pʉ mor mas sĩewaijã marau oothurwi, cárcel deg preso sĩewaijã agjo marau pʉ oothurjim anʉm, ¿ma jãagwai ajĩ, marau pʉ ooba aajerrta?” aju anaabá, jũrr irig amach garmua. 40Magbaawai deeu ich Jesuu amag, “Pãrau chadcha mʉchcha chan oobajierram, pari pãrau jãg dau aphʉʉ khithee arr khʉʉndam dau aug khaugwi am dʉi jãgtarr aig, mʉchchata dau aug khaug nʉmjo naabajieb” aju aajem amag.
41Warm khʉʉnag mag iekhawi ichdeupai jũrr mag chi khaigbam khʉʉn ich juawe gar nʉm khʉʉnag, “Jopai mʉ aigmua chawag ereubaadet” aju anʉm. “Pãar mʉ Ayau chi maldisiem khʉʉn aawai pãadeu khĩmie durr mepeer ich chognaan dʉi sĩemkhĩir wautarr aarta ereubaadet” aju anʉm, “õtdau uu wejom thõojã khaugba ich mag sĩerrʉm ee naaimaag.” 42Mag iekhamamua ĩchab amag amach khĩircha, “Pãrau chan mʉ jãsoo jẽedʉ khitaawaijã mʉrʉg thachdam khopibajierram; obichag khitʉmjã maachig, ‘Cha kherʉm dodam doju khai’ abajierram” aju anʉm amag. 43“Õor mʉch khaugbam khʉʉn eemjo phʉʉrdʉ chitaawaijã pãrau mʉrʉg didam deebajierram, pãach aig jẽermkhĩir. Khajũadam chukkhu daaupamaa aawaijã put sordamjã deeba; mor massi chiraawaijã mʉ oon wetba; ni cárcel deg chiraawaijã mʉ oon wetbajierramgui” aju anʉm amag amach khĩircha. 44Pari amachig magbaawai jũrr amau irig, “Señor, ¿jãagwai mag pʉ jãsoo obissinaa pʉch maba aajem eeta jẽerju dijã chukkhu khitʉm marau bʉ̃ʉrjã pʉ asekasbajĩ?” aju anʉm. “¿Jãagwai mag pʉ khajũadamjã chukkhu daaupamam marau pʉ oojĩ? ¿Jam mag pʉ mor massi marau oojĩ, wa cárcel deg sim khãijã marau pʉ oon wetbajĩ?” aju anaabá, amachdeu magbajim amkhĩir. 45Pari ichig magbaawai, makhʉʉnagjã irua magju anʉm: “Chadcha mʉkhʉʉn wounaan dau aphʉʉ wenʉrraawai pãrau bʉ̃ʉrjã am dau aug khaugba arran, jãan mʉchchata pãrau dau aug khaugba nʉm khabajieb, am mʉchdeu pʉiwiata jãg wenʉrrarr aawai” aju anʉm ĩchab amachigcha.
46Maimua ya ãbmiecha iekha oogpamua maar dakhĩir, —Muata mag iekhabarm khʉʉnan khĩmie durrta wetjugui ajim, mamta ich mag dau aphʉʉ wenʉrraag. Mamʉ õor wäjäaun mag mʉch juachaar gar atham khʉʉnan, mʉch dʉita ich mag iiu nʉisijugui ajim, ich mag wenʉrraag.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.