GENESIS 16
16
Héígar áádóó Íshmeiyel
1Áko Éíbram hwe'asdzą́ą́ Sérai doo ałchíi da; éí Ííjip kéyahdę́ę́' asdzání ła' Héígar wolyéego há naal'a'í nilį́. 2Áko Sérai éí Éíbram áyidííniid, Shoo, Bóhólníihii doo ashchį́į́góó áshósin; t'áá shǫǫdí asdzání shá naal'a'ígíí bił ałt'ani'aash, áko daats'í sha'áłchíní hodooleeł. Áko Éíbram éí Sérai bizaad k'eh ádziidzaa. 3Áádóó Éíbram éí Kéínan kéyah biyi' kééhojit'į́įgo neeznáá nááhaidóó bik'ijį' Éíbram be'asdzą́ą́ Sérai éí Ííjip kéyahdę́ę́' asdzání há naal'a'í Héígar éí hahastiin baazhníłtį́, be'asdzą́ą́ nilį́į doo biniyé. 4Áko Héígar baazhníyá, áádóó Héígar i'niiltsąąd, áko izh'niiltsąądgo hazhdeel'į́į'go bá nijil'a'í doo hoł yílįįd da. 5Áko Sérai éí Éíbram áyidííniid, Shich'į' nahwii'nánígíí bá ninádíítłish. Shinaal'a'í naa níłtį́, áko i'niiltsąądgo ha'ádeel'į́į'go doo bił nishłį́į da sélį́į́'. Bóhólníihii nihaa nídóot'įįł. 6Nidi Éíbram éí Sérai áyidííniid, Ninaal'a'í bee nóhólnííh, jó'akon; t'áá ni nínízinígi áhodíílííł. Áko Sérai atíháł'į́įgo bits'ą́ą́' yóó'ajoolwod.
7Áko Bóhólníihii bidiyingo naal'a'í halgaidi tó háálínídi nijigháahgo hak'íníyá; Shur hoolyéégóó atiin bíighahgi áhoolyé. 8Áko áhodííniid, Héígar nílíinii, Sérai bá naal'a'í, háádę́ę'shą' naniná? Háágóoshą' díníyá? Áko ázhdííniid, Sérai shinanit'a'í bits'ą́ą́' yóó'eeshwod. 9Áko Bóhólníihii bidiyingo naal'a'í áhodííniid, Ninanit'a'í bich'į' nídídááh; bá ninááníl'a' doo. 10Áádóó Bóhólníihii bidiyingo naal'a'í ánááhodoo'niid, Na'áłchíní náás da'ahílchíihii t'óó ahayóí ádeeshłíiłgo doo jóołta' ánéelą́ą́' dooleeł. 11Náá'áłdó' Bóhólníihii bidiyingo naal'a'í ánááhodoo'niid, Yíníltsą́, jó'akon, áko ashkii dííłchííł, Íshmeiyel#16:11 Íshmeiyel jiníigo éí Hííbrew k'ehjígo Diyin God íists'ą́ą́' jiníigo óolyé. bee yídíízhiił, háálá nich'į' nahwii'nánígíí Bóhólníihii ná yidiizts'ą́ą́'. 12Áádóó diné bitahgóó télii ałchinii nahojílin doo; diné t'áá ałtso hwe'ana'í doo, áádóó diné t'áá ałtso bi'ana'í jílį́į doo, áko hak'isóó kéédahat'į́į́dóó binaashiijí kééhojit'į́į doo. 13Áko Bóhólníihii hach'į' haadzí'ígíí, Diyin God shiníł'íinii nílį́, bizhdííniid, háálá ázhdííniid, Da' shiníł'ínígíísh yiiłtsą́?#Ex. 33:20; Judg. 13:21,22; Jn. 1:18. 14Éí bąą tó háálínígíí éí Bíyer-laháí-roi hoosye'; éí Kéídesh áádóó Bííred bita'gi áhoolyé.
15Áádóó Éíbram éí Héígar há haye' yishchį́,#Gal. 4:22. áko Éíbram haye' Héígar há yishchínígíí Íshmeiyel bee jíízhi'. 16Áko Éíbram éí tseebídiindóó ba'aan hastą́ą́h honááhaigo Héígar éí Íshmeiyel yishchį́.
Currently Selected:
GENESIS 16: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
