GENESIS 17
17
Ąąh náhinilgish éí aha'deet'ánígíí bee bééhózin
1Áko Éíbram náhást'édiindóó ba'aan náhást'éí binááhaigo Bóhólníihii bich'į' yit'íní í'diilyaago ádííniid, Diyin God Aláahgo Ayóó'ábóodziilii nishłį́; shinááł naniná áádóó t'áadoo bee nik'íhót'ahígóó hiníná. 2Áádóó shí nił aha'di'deesht'ááł índa t'áá íiyisí k'ee'ąą nooht'į́įłgo ánihideeshłííł. 3Áko Éíbram ni'jį' tsé'yaa jineeshjool, áádóó Diyin God hach'į' yáłti'go ání, 4Shoo, shí nił aha'di'nisht'ą́, áko ał'ąą dine'é t'óó ahayóí bizhé'é nílį́į doo. 5Éíbram#17:5 Hííbrew k'ehjígo Éíbram jiníigo éí aláahgo ataa' jiníigo óolyé áádóó Éíbraham jiníigo éí dine'é t'óó ahayóí bitaa' jiníigo óolyé. éí doo néinílyée da doo, Éíbraham yinílyée doo, háálá ał'ąą dine'é t'óó ahayóí bizhé'é ániishłaa.#Rom. 4:17. 6Áko na'áłchíní náás da'ahílchíihii t'óó ahayóigo ádeeshłííł, áádóó nits'ą́ą́dóó ał'ąą dine'é hólǫ́ǫgo ádeeshłííł, áádóó nits'ą́ą́dóó naat'áanii ch'íhidookah. 7Índa bohoníłdzilgo nił aha'di'deesht'ááł áádóó na'áłchíní náás da'ahílchíihii ałdó' éí hool'áágóó bee aha'deet'ą́ą doo,#Lk. 1:55. áko ni áádóó na'áłchíní náás da'ahílchíihii ałdó' bił nihiDiyin God nishłį́į doo. 8Áádóó dé'éyóní nílį́įgo kéyah biyi' kééhót'ínígíí naa dideesh'ááł; Kéínan kéyah t'áá át'éé nít'éé' áádóó na'áłchíní náás da'ahílchíihii hool'áágóó daabíí' dooleeł,#Acts 7:5. áádóó biDiyin God nishłį́į doo.
9Áko Diyin God éí Éíbraham ánéidoo'niid, Áko ni t'éí nił aha'di'nisht'áanii bik'eh honíł'į́į doo; ni áádóó na'áłchíní da'ahílchíihii ałdó' yik'eh dahół'į́į doo. 10Shibee aha'deet'áanii ni áádóó na'áłchíní náás da'ahílchíihii díidí nihá át'é; nihitahgi ashiiké t'áá ałtso bąąh nídahinołgish doo.#Acts 7:8; Rom. 4:11. 11Nihí bąąh náhinilgishí bílátahgi nihá nahjį' adahalgéesh doo, áko bee ééhózingo bee aha'deet'áanii bee nihił aha'di'nisht'ą́ą doo. 12Nihitahgi ła' ho'dizhchį́į́dóó tseebíí hwiiłkáahgo hąąh náhinilgish doo; nihighangi nidahachíhígíí áádóó náánáłahdę́ę́' yigáałii béeso bik'é nihíníláii ałdó' diné t'áá ałtso bada'áłchíní náás da'ahílchííhgóó ákót'ée doo. 13Nighan biyi' yizhchíinii áádóó nibéeso bik'é nihíníláii ałdó' díí ts'ídá bąąh nídahinołgish doo, áko shibee aha'deet'áanii nihits'íís t'ah hólǫ́ǫgo hool'áágóó nihił aha'di'nisht'ą́ą doo. 14Áko ashkii ła' bits'íís doo bąąh náhineeshgizhii éí hodine'é bits'ą́ąjį' hodi'yoolyééł, háálá bee aha'deet'áanii k'ízhníti'.
15Áko Diyin God éí Éíbraham áyidííniid, Jó, Sérai ne'asdzą́ą́ éí Sérai doo nááhodidíí'niił da; k'ad éí Sárah#17:15 Sárah jiníigo éí Hííbrew k'ehjígo aláahgo naat'áanii bitsi' jiníigo óolyé. bee hwíínízhíi doo. 16Hak'ijishdlíi doo, áádóó niye' dooleełii jidoołchííł; t'áá aaníí hak'ijishdlíi doo áádóó ał'ąą dine'é bimá jidooleeł; hats'ą́ą́dóó diné binanit'a'í dahodooleeł. 17Áko Éíbraham tsé'yaa jineeshjool áádóó aníjídlohgo t'áá hajéí biyi'ídi ázhdííniid, Da' neeznádiin honááhaigoósh há adoochííł? Da' Sárah daats'í náhást'édiin binááhaigo adoołchííł? 18Áádóó Éíbraham éí Diyin God áyidííniid, Íshmeiyel éí ninááł hináa dooleełę́ę! 19Nidi Diyin God ádííniid, Sárah ne'asdzą́ą́ t'áá aaníí niye' ná yidoołchííł; Áízak#17:19 Áízak jiníigo éí Hííbrew k'ehjígo dloh hasin jiníigo óolyé. bee yidíízhiił. Áko ha'áłchíní náás da'ahílchíihii t'áá hóóltą'go hool'áágóó bohoníłdzilgo shibee aha'deet'áanii há át'éego bee nihodeesh'ááł. 20Áádóó Íshmeiyel bá nidiséts'ą́ą́'; jó éí hak'ijiisisdli'; náás oołchíiłgo t'áá íiyisí k'ee'ąązhnoot'į́įłgo áhodeeshłííł; naat'áanii naakits'áadahgo bizhé'é jílį́į doo, áádóó ayóó át'éii dine'é áhodeeshłííł. 21Nidi bohoníłdzilgo Áízak t'éiyá bił aha'di'deesht'ááł; éí kodóó ła' nááhaigo Sárah ná yidoołchííł.
22Áko ałch'į' yájíłti'ígíí áádzísįįdgo Éíbraham bits'ą́ą́' Diyin God dah náhodiile'. 23Áko t'áá Diyin God áhodííniidígi át'éego Éíbraham haye' Íshmeiyel áádóó t'áá ałtso haghangi nidahaazhchínígíí índa habéeso bik'é nidziizláhígíí éí haghangi diné t'áá ałtso áłah ájiilaago éí bijį́ bąąh nídahizhneeshgizh. 24Áko íídą́ą́' Éíbraham náhást'édiindóó ba'aan náhást'éí binááhaigo hąąh náhineeshgizh. 25Haye' Íshmeiyel éí táá'ts'áadah binááhaigo bąąh náhineeshgizh. 26T'áá éí bijį́ Éíbraham hąąh náhineeshgizh; haye' Íshmeiyel ałdó', 27áádóó haghangi ashiiké áádóó diné t'áá ałtso haghangi nidahaazhchínígíida, łahdę́ę́' béeso bik'é nidziizláhígíida éí t'áá ałtso hoł bąąh nídahineeshgizh.
Currently Selected:
GENESIS 17: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 17
17
Ąąh náhinilgish éí aha'deet'ánígíí bee bééhózin
1Áko Éíbram náhást'édiindóó ba'aan náhást'éí binááhaigo Bóhólníihii bich'į' yit'íní í'diilyaago ádííniid, Diyin God Aláahgo Ayóó'ábóodziilii nishłį́; shinááł naniná áádóó t'áadoo bee nik'íhót'ahígóó hiníná. 2Áádóó shí nił aha'di'deesht'ááł índa t'áá íiyisí k'ee'ąą nooht'į́įłgo ánihideeshłííł. 3Áko Éíbram ni'jį' tsé'yaa jineeshjool, áádóó Diyin God hach'į' yáłti'go ání, 4Shoo, shí nił aha'di'nisht'ą́, áko ał'ąą dine'é t'óó ahayóí bizhé'é nílį́į doo. 5Éíbram#17:5 Hííbrew k'ehjígo Éíbram jiníigo éí aláahgo ataa' jiníigo óolyé áádóó Éíbraham jiníigo éí dine'é t'óó ahayóí bitaa' jiníigo óolyé. éí doo néinílyée da doo, Éíbraham yinílyée doo, háálá ał'ąą dine'é t'óó ahayóí bizhé'é ániishłaa.#Rom. 4:17. 6Áko na'áłchíní náás da'ahílchíihii t'óó ahayóigo ádeeshłííł, áádóó nits'ą́ą́dóó ał'ąą dine'é hólǫ́ǫgo ádeeshłííł, áádóó nits'ą́ą́dóó naat'áanii ch'íhidookah. 7Índa bohoníłdzilgo nił aha'di'deesht'ááł áádóó na'áłchíní náás da'ahílchíihii ałdó' éí hool'áágóó bee aha'deet'ą́ą doo,#Lk. 1:55. áko ni áádóó na'áłchíní náás da'ahílchíihii ałdó' bił nihiDiyin God nishłį́į doo. 8Áádóó dé'éyóní nílį́įgo kéyah biyi' kééhót'ínígíí naa dideesh'ááł; Kéínan kéyah t'áá át'éé nít'éé' áádóó na'áłchíní náás da'ahílchíihii hool'áágóó daabíí' dooleeł,#Acts 7:5. áádóó biDiyin God nishłį́į doo.
9Áko Diyin God éí Éíbraham ánéidoo'niid, Áko ni t'éí nił aha'di'nisht'áanii bik'eh honíł'į́į doo; ni áádóó na'áłchíní da'ahílchíihii ałdó' yik'eh dahół'į́į doo. 10Shibee aha'deet'áanii ni áádóó na'áłchíní náás da'ahílchíihii díidí nihá át'é; nihitahgi ashiiké t'áá ałtso bąąh nídahinołgish doo.#Acts 7:8; Rom. 4:11. 11Nihí bąąh náhinilgishí bílátahgi nihá nahjį' adahalgéesh doo, áko bee ééhózingo bee aha'deet'áanii bee nihił aha'di'nisht'ą́ą doo. 12Nihitahgi ła' ho'dizhchį́į́dóó tseebíí hwiiłkáahgo hąąh náhinilgish doo; nihighangi nidahachíhígíí áádóó náánáłahdę́ę́' yigáałii béeso bik'é nihíníláii ałdó' diné t'áá ałtso bada'áłchíní náás da'ahílchííhgóó ákót'ée doo. 13Nighan biyi' yizhchíinii áádóó nibéeso bik'é nihíníláii ałdó' díí ts'ídá bąąh nídahinołgish doo, áko shibee aha'deet'áanii nihits'íís t'ah hólǫ́ǫgo hool'áágóó nihił aha'di'nisht'ą́ą doo. 14Áko ashkii ła' bits'íís doo bąąh náhineeshgizhii éí hodine'é bits'ą́ąjį' hodi'yoolyééł, háálá bee aha'deet'áanii k'ízhníti'.
15Áko Diyin God éí Éíbraham áyidííniid, Jó, Sérai ne'asdzą́ą́ éí Sérai doo nááhodidíí'niił da; k'ad éí Sárah#17:15 Sárah jiníigo éí Hííbrew k'ehjígo aláahgo naat'áanii bitsi' jiníigo óolyé. bee hwíínízhíi doo. 16Hak'ijishdlíi doo, áádóó niye' dooleełii jidoołchííł; t'áá aaníí hak'ijishdlíi doo áádóó ał'ąą dine'é bimá jidooleeł; hats'ą́ą́dóó diné binanit'a'í dahodooleeł. 17Áko Éíbraham tsé'yaa jineeshjool áádóó aníjídlohgo t'áá hajéí biyi'ídi ázhdííniid, Da' neeznádiin honááhaigoósh há adoochííł? Da' Sárah daats'í náhást'édiin binááhaigo adoołchííł? 18Áádóó Éíbraham éí Diyin God áyidííniid, Íshmeiyel éí ninááł hináa dooleełę́ę! 19Nidi Diyin God ádííniid, Sárah ne'asdzą́ą́ t'áá aaníí niye' ná yidoołchííł; Áízak#17:19 Áízak jiníigo éí Hííbrew k'ehjígo dloh hasin jiníigo óolyé. bee yidíízhiił. Áko ha'áłchíní náás da'ahílchíihii t'áá hóóltą'go hool'áágóó bohoníłdzilgo shibee aha'deet'áanii há át'éego bee nihodeesh'ááł. 20Áádóó Íshmeiyel bá nidiséts'ą́ą́'; jó éí hak'ijiisisdli'; náás oołchíiłgo t'áá íiyisí k'ee'ąązhnoot'į́įłgo áhodeeshłííł; naat'áanii naakits'áadahgo bizhé'é jílį́į doo, áádóó ayóó át'éii dine'é áhodeeshłííł. 21Nidi bohoníłdzilgo Áízak t'éiyá bił aha'di'deesht'ááł; éí kodóó ła' nááhaigo Sárah ná yidoołchííł.
22Áko ałch'į' yájíłti'ígíí áádzísįįdgo Éíbraham bits'ą́ą́' Diyin God dah náhodiile'. 23Áko t'áá Diyin God áhodííniidígi át'éego Éíbraham haye' Íshmeiyel áádóó t'áá ałtso haghangi nidahaazhchínígíí índa habéeso bik'é nidziizláhígíí éí haghangi diné t'áá ałtso áłah ájiilaago éí bijį́ bąąh nídahizhneeshgizh. 24Áko íídą́ą́' Éíbraham náhást'édiindóó ba'aan náhást'éí binááhaigo hąąh náhineeshgizh. 25Haye' Íshmeiyel éí táá'ts'áadah binááhaigo bąąh náhineeshgizh. 26T'áá éí bijį́ Éíbraham hąąh náhineeshgizh; haye' Íshmeiyel ałdó', 27áádóó haghangi ashiiké áádóó diné t'áá ałtso haghangi nidahaazhchínígíida, łahdę́ę́' béeso bik'é nidziizláhígíida éí t'áá ałtso hoł bąąh nídahineeshgizh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).