GENESIS 18
18
Áízak doochíłígíí bee nihoot'ą́
1Áko Bóhólníihii hach'į' yit'íní í'diilyaa; Mámre bichéch'il naazkaadgi honíbaal bich'é'étiingi dzizdáago hwee honiigai. 2Áádóó hajííghal, nít'éé' jó'akon, diné táa'go hanaashii naazį́įgo dziiłtsą́,#Heb. 13:2. áko honíbaal bich'é'étiindóó nízhdii'na'go bidááh jílwodgo ni'jį' yaa ádziidzaago 3ázhdííniid, ShiBóhólníihii, nihił nishłį́į́ ládą́ą́' nihinaal'a'í t'ááká bits'ą́ą́' dah doohkááh yíila', t'áá shǫǫdí. 4Haa'íshą' tó ła' nídidookáałgo nihikee' bee táádadoohgis, áádóó díí chéch'il biyaagi háádadoołyįh. 5Ninaal'a'í baa noohkai; ch'iyáán ła' nihá nídideeshkááł, áko éí bee nihik'éé dahodootahgo náánáohkah doo. Lą́'ąą, t'áá ádííníniidígi át'éego ánínééh, dahodííniid. 6Áádóó Éíbraham honíbaal biyi' góne' Sárah bił yah ajoolwodgo ábizhdííniid, Tsxį́įłgo ak'áán táadi haaką́ągo taonihgo náneeskaadí ánílééh. 7Áádóó Éíbraham habéégashii naakaigóó jílwod, áko béégashii yáázh yá'át'éehii neesk'ahii názhníłtį́įgo há naal'a'í baazhníłtį́, áádóó tsį́įłgo néís'ah. 8Áádóó abe' neesk'ęhígíí áádóó abe' índa béégashii yáázh nídzís'ahígíí nidziist'éego bich'į' nidziizką́; tsin biyaagi bíighahdóó dzizį́įgo da'ííyą́ą́'.
9Áko ádahodííniid, Háájíshą' ne'asdzą́ą́ Sárah? Áko ázhdííniid, Níbaal yii' sidá. 10Áko Bóhólníihii ání, T'áá kojį' anáhoolzhiizhgo t'áá aaníí naa náádeeshdááł, jó'akon, ne'asdzą́ą́ ashkii yidoołchííł.#Rom. 9:9. Áko éí níbaal bich'é'étiindóó hane'jí wóne'dę́ę́' Sárah adíizts'ą́ą́'. 11Áko Éíbraham índa Sárah t'áá ájíłah t'áá hazhó'ó ho'niitih; Sárah éí doo ąądii níjídleeh da dzizlį́į́'. 12Éí bąą Sárah t'áá hayi'ídi ádaa joodlohgo ájíní, Da' shí hasistihdóó bik'ijį' índa shahastiin bóhonishníihii#1Pet. 3:6. haastihgoósh shił nááhoneeni doo? 13Áko Bóhólníihii éí Éíbraham áyidííniid, Ha'át'íishą' biniyé Sárah ádeidlohgo ání, T'áá aaníí hasistihgoósh awéé' shee hodooleeł? 14T'áá ha'át'íhídaásh Bóhólníihii ch'ééh íidooł'įįł?#Lk. 1:37. Ákwe'é nihoolzhiizhgo naa náádeeshdááł, áko Sárah biyáázh hodooleeł. 15Ákohgo Sárah, Doo yishdloh da, jidííniid, háálá nídzíldzid, áko áháłní, Dooda, t'áá aaníí yídloh.
Éíbraham éí Sádam kin haal'áhígíí yá ná'ookąąh
16Áko diné nídiijée'go Sádam kin haal'áii yich'į'go dadéé'į́į́', áko Éíbraham t'áá áyídíjį' hoł niikai. 17Áko Bóhólníihii ádííniid, Da' baa nídiisdzáhígíísh Éíbraham bits'ąą dínéesh'į́į́ł? 18Jó, Éíbraham t'áá aaníí ayóó át'éii áádóó dine'é t'áá íiyisí bidziilii dooleeł, áádóó nahasdzáán bikáa'gi ał'ąą dine'é t'áá ałtso hanahjį' bik'ihozhdoodliił. 19Hwééhasin; ha'áłchíní áádóó haghangi kéédahat'íinii Bóhólníihii yik'ehgo dayíkáah doo biniyé t'áá ákogi ádaaníiłgo yá'át'éehgo ádaat'į́į dooleełgi bee jinootį́įł doo, áko Bóhólníihii éí Éíbraham yá haadzíi'ii yá íidoolííł. 20Ákohgo Bóhólníihii ánáádoo'niid, Sádam kin haal'áii índa Gomárah kin haal'áii ayóó át'éego cha hahoyiinííh áádóó ádił da'ílzíihgo ts'ídá bąąh yínínígi ádaat'į́; 21éí bąą k'ad ákóyaa deesháałgo dínéesh'įįł; t'áá daats'í aaníí bik'ee jóchaaígi áhooníiłgo diséts'ą́ą́'; doodaii' éí shił bééhodoozįįł.
22Áko diné hats'ą́ąjį' t'áá áłah názyizgo Sádam kin haal'áajigo dah dii'áázh, áko Éíbraham t'éiyá Bóhólníihii t'ahdii yich'į' sizį́. 23Ákohgo Éíbraham áháníjį' hach'į' niníyáago ádííniid, Da' diné t'áá ákogi át'éiísh diné doo yá'áshóonii t'áá bił ádííłdįįł? 24Díí kin haal'áhígi ashdladiin diné t'áá ákogi ádaat'éii hólǫ́ǫgoósh t'áá bił ádííłdįįł; ashdladiin diné t'áá ákogi ádaat'éii daats'í biniinaa doo ádííłdįįł da? 25Diné t'áá ákogi ádaat'éii diné doo yá' áshóonii t'áá bił ádííłdįįłígíí éí doo ákóone' ánít'ée da! Ákwíindzaago diné t'áá ákogi ádaat'éii diné doo yá'áshóonii bił aheełt'éego ákóníléehgo doo ákóone' ánít'ée da! Nahasdzáán bikáa'gi t'áá át'éé nít'éé' Ánihwii'aahii nilíinii, da' éísh doo t'áá ákwii ádooníił da? 26Áko Bóhólníihii ádííniid, Sádam kin haal'áhígi ashdladiingo diné t'áá ákogi ádaat'éii bik'íníyáago hó hanahjį' kin haal'áii doo ádeeshdįįł da. 27Áko Éíbraham haadzíi'go ání, Jó, k'ad t'áá shí shíniik'ehgo azhą́ łeezh índa łeeshch'iih t'éiyá nishłį́į nidi shiBóhólníihii bich'į' haasdziih. 28Diné t'áá ákogi ádaat'éii ashdladiin dooleełjį' ashdla' bee bi'ohgoshą', da' ashdla' bee bi'oh nidiísh kin haal'áii t'áá át'é ałdó' ádííłdįįł? Áko ádííniid, Dízdiindóó ba'aan ashdla' bik'íníyáago lá kin haal'áii doo ádeeshdįįł da ni. 29Hach'į' haadzíi'go ánááhodoo'niid, Dízdiin yik'íníyáagoshą'? Áko áhodííniid, Dízdiin ázhnéelą́ą'go biniinaa doo áhodeeshdįįł da. 30Áko ánááhodoo'niid, T'áá shǫǫdí, Bóhólníihii, t'áadoo shá díílnihí, áko hanáádeesdzih. Tádiin yik'íníyáagoshą'? Áko ánááhodoo'niid, Tádiin bik'íníyáago doo áhodeeshdįįł da. 31Áko ázhdííniid, Jó, k'ad t'áá shí shíniik'ehgo Bóhólníihii bich'į' hanáánásdziih. Naadiin yik'íníyáagoshą'? Áko ánáádoo'niid, Naadiin jilt'éego biniinaa doo áhodeeshdįįł da. 32Áádóó ánáázhdoo'niid, T'áá shǫǫdí, Bóhólníihii, t'áadoo shá díílnihí, áko t'ááłáhídi hanáádeesdzih. Ákwe'é neeznáá jilt'éego yik'íníyáagoshą'? Áko ánáádoo'niid, Neeznáá jilt'éego biniinaa doo áhodeeshdįįł da. 33Áádóó Bóhólníihii dah náhodiile'; jó, Éíbraham ałtso bił ahił nahodzisne', áádóó Éíbraham bighangóó anáádzá.
Currently Selected:
GENESIS 18: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 18
18
Áízak doochíłígíí bee nihoot'ą́
1Áko Bóhólníihii hach'į' yit'íní í'diilyaa; Mámre bichéch'il naazkaadgi honíbaal bich'é'étiingi dzizdáago hwee honiigai. 2Áádóó hajííghal, nít'éé' jó'akon, diné táa'go hanaashii naazį́įgo dziiłtsą́,#Heb. 13:2. áko honíbaal bich'é'étiindóó nízhdii'na'go bidááh jílwodgo ni'jį' yaa ádziidzaago 3ázhdííniid, ShiBóhólníihii, nihił nishłį́į́ ládą́ą́' nihinaal'a'í t'ááká bits'ą́ą́' dah doohkááh yíila', t'áá shǫǫdí. 4Haa'íshą' tó ła' nídidookáałgo nihikee' bee táádadoohgis, áádóó díí chéch'il biyaagi háádadoołyįh. 5Ninaal'a'í baa noohkai; ch'iyáán ła' nihá nídideeshkááł, áko éí bee nihik'éé dahodootahgo náánáohkah doo. Lą́'ąą, t'áá ádííníniidígi át'éego ánínééh, dahodííniid. 6Áádóó Éíbraham honíbaal biyi' góne' Sárah bił yah ajoolwodgo ábizhdííniid, Tsxį́įłgo ak'áán táadi haaką́ągo taonihgo náneeskaadí ánílééh. 7Áádóó Éíbraham habéégashii naakaigóó jílwod, áko béégashii yáázh yá'át'éehii neesk'ahii názhníłtį́įgo há naal'a'í baazhníłtį́, áádóó tsį́įłgo néís'ah. 8Áádóó abe' neesk'ęhígíí áádóó abe' índa béégashii yáázh nídzís'ahígíí nidziist'éego bich'į' nidziizką́; tsin biyaagi bíighahdóó dzizį́įgo da'ííyą́ą́'.
9Áko ádahodííniid, Háájíshą' ne'asdzą́ą́ Sárah? Áko ázhdííniid, Níbaal yii' sidá. 10Áko Bóhólníihii ání, T'áá kojį' anáhoolzhiizhgo t'áá aaníí naa náádeeshdááł, jó'akon, ne'asdzą́ą́ ashkii yidoołchííł.#Rom. 9:9. Áko éí níbaal bich'é'étiindóó hane'jí wóne'dę́ę́' Sárah adíizts'ą́ą́'. 11Áko Éíbraham índa Sárah t'áá ájíłah t'áá hazhó'ó ho'niitih; Sárah éí doo ąądii níjídleeh da dzizlį́į́'. 12Éí bąą Sárah t'áá hayi'ídi ádaa joodlohgo ájíní, Da' shí hasistihdóó bik'ijį' índa shahastiin bóhonishníihii#1Pet. 3:6. haastihgoósh shił nááhoneeni doo? 13Áko Bóhólníihii éí Éíbraham áyidííniid, Ha'át'íishą' biniyé Sárah ádeidlohgo ání, T'áá aaníí hasistihgoósh awéé' shee hodooleeł? 14T'áá ha'át'íhídaásh Bóhólníihii ch'ééh íidooł'įįł?#Lk. 1:37. Ákwe'é nihoolzhiizhgo naa náádeeshdááł, áko Sárah biyáázh hodooleeł. 15Ákohgo Sárah, Doo yishdloh da, jidííniid, háálá nídzíldzid, áko áháłní, Dooda, t'áá aaníí yídloh.
Éíbraham éí Sádam kin haal'áhígíí yá ná'ookąąh
16Áko diné nídiijée'go Sádam kin haal'áii yich'į'go dadéé'į́į́', áko Éíbraham t'áá áyídíjį' hoł niikai. 17Áko Bóhólníihii ádííniid, Da' baa nídiisdzáhígíísh Éíbraham bits'ąą dínéesh'į́į́ł? 18Jó, Éíbraham t'áá aaníí ayóó át'éii áádóó dine'é t'áá íiyisí bidziilii dooleeł, áádóó nahasdzáán bikáa'gi ał'ąą dine'é t'áá ałtso hanahjį' bik'ihozhdoodliił. 19Hwééhasin; ha'áłchíní áádóó haghangi kéédahat'íinii Bóhólníihii yik'ehgo dayíkáah doo biniyé t'áá ákogi ádaaníiłgo yá'át'éehgo ádaat'į́į dooleełgi bee jinootį́įł doo, áko Bóhólníihii éí Éíbraham yá haadzíi'ii yá íidoolííł. 20Ákohgo Bóhólníihii ánáádoo'niid, Sádam kin haal'áii índa Gomárah kin haal'áii ayóó át'éego cha hahoyiinííh áádóó ádił da'ílzíihgo ts'ídá bąąh yínínígi ádaat'į́; 21éí bąą k'ad ákóyaa deesháałgo dínéesh'įįł; t'áá daats'í aaníí bik'ee jóchaaígi áhooníiłgo diséts'ą́ą́'; doodaii' éí shił bééhodoozįįł.
22Áko diné hats'ą́ąjį' t'áá áłah názyizgo Sádam kin haal'áajigo dah dii'áázh, áko Éíbraham t'éiyá Bóhólníihii t'ahdii yich'į' sizį́. 23Ákohgo Éíbraham áháníjį' hach'į' niníyáago ádííniid, Da' diné t'áá ákogi át'éiísh diné doo yá'áshóonii t'áá bił ádííłdįįł? 24Díí kin haal'áhígi ashdladiin diné t'áá ákogi ádaat'éii hólǫ́ǫgoósh t'áá bił ádííłdįįł; ashdladiin diné t'áá ákogi ádaat'éii daats'í biniinaa doo ádííłdįįł da? 25Diné t'áá ákogi ádaat'éii diné doo yá' áshóonii t'áá bił ádííłdįįłígíí éí doo ákóone' ánít'ée da! Ákwíindzaago diné t'áá ákogi ádaat'éii diné doo yá'áshóonii bił aheełt'éego ákóníléehgo doo ákóone' ánít'ée da! Nahasdzáán bikáa'gi t'áá át'éé nít'éé' Ánihwii'aahii nilíinii, da' éísh doo t'áá ákwii ádooníił da? 26Áko Bóhólníihii ádííniid, Sádam kin haal'áhígi ashdladiingo diné t'áá ákogi ádaat'éii bik'íníyáago hó hanahjį' kin haal'áii doo ádeeshdįįł da. 27Áko Éíbraham haadzíi'go ání, Jó, k'ad t'áá shí shíniik'ehgo azhą́ łeezh índa łeeshch'iih t'éiyá nishłį́į nidi shiBóhólníihii bich'į' haasdziih. 28Diné t'áá ákogi ádaat'éii ashdladiin dooleełjį' ashdla' bee bi'ohgoshą', da' ashdla' bee bi'oh nidiísh kin haal'áii t'áá át'é ałdó' ádííłdįįł? Áko ádííniid, Dízdiindóó ba'aan ashdla' bik'íníyáago lá kin haal'áii doo ádeeshdįįł da ni. 29Hach'į' haadzíi'go ánááhodoo'niid, Dízdiin yik'íníyáagoshą'? Áko áhodííniid, Dízdiin ázhnéelą́ą'go biniinaa doo áhodeeshdįįł da. 30Áko ánááhodoo'niid, T'áá shǫǫdí, Bóhólníihii, t'áadoo shá díílnihí, áko hanáádeesdzih. Tádiin yik'íníyáagoshą'? Áko ánááhodoo'niid, Tádiin bik'íníyáago doo áhodeeshdįįł da. 31Áko ázhdííniid, Jó, k'ad t'áá shí shíniik'ehgo Bóhólníihii bich'į' hanáánásdziih. Naadiin yik'íníyáagoshą'? Áko ánáádoo'niid, Naadiin jilt'éego biniinaa doo áhodeeshdįįł da. 32Áádóó ánáázhdoo'niid, T'áá shǫǫdí, Bóhólníihii, t'áadoo shá díílnihí, áko t'ááłáhídi hanáádeesdzih. Ákwe'é neeznáá jilt'éego yik'íníyáagoshą'? Áko ánáádoo'niid, Neeznáá jilt'éego biniinaa doo áhodeeshdįįł da. 33Áádóó Bóhólníihii dah náhodiile'; jó, Éíbraham ałtso bił ahił nahodzisne', áádóó Éíbraham bighangóó anáádzá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).