GENESIS 19
19
Sádam áádóó Gomárah atílyaa
1Áádóó i'íí'ą́ągo diyingo naal'a'í Sádam kin haal'áagi ní'áázh, áko Sádam kin haal'áii binaa ahéé'ítł'inii bich'é'étiingi Lat dzizdáá nít'éé'. Áko Lat hoołtsą́ągo hadááh níyá, áko tsé'yaa neeshjoolgo 2ání, Shinanit'a'í, nihinaal'a'í bighan góne' yah ooh'aashgo nihikee' tánáhgis, áádóó t'áá ákwe'é nihiidoołkááł, áko yiską́ągo t'áá íiyisí abínídą́ą́' nídidooht'ashgo dah náádidooht'ash. Áko t'áá áłah ání, Dooda, t'áá tł'óó'góó nihiidoołkááł. 3Nidi t'áá íiyisí nídzooskango índa haghan góne' hoł yah íí'áázh, áko bá áda'jíísįįd índa díík'ǫsh t'áágééd bááh ályaaígíí bá ájiilaago yiyííyą́ą́'. 4Nidi t'ah doo jinijeehgóó Sádam kintahdę́ę́' diné hadaastihígíí índa ániid nidaakaígíí ałdó' t'áadoo ła' doodaí ts'ídá t'áá ałtso da'níłch'ishídę́ę́' kin binaagi áłah silį́į́'. 5Áko Lat hágo deidííniidgo ádahałní, Háadishą' hiłiijį́į́dą́ą́' diné naa ní'áázhígíí? Béédahodiilzįįł biniyé nihich'į' ch'íní'éésh. 6Áko tł'óo'jį' Lat ch'íníyáago áne'dę́ę́' dádi'níłkaal. 7Áko ázhdííniid, Shik'isóó, nánihooshkąąh, t'áadoo kót'éego bąąhági ádaahníłí. 8Jó, naaki shitsi' t'ah doo diné bee haleeh da; t'áá shǫǫdí, shíni'dii éí nihich'į' ch'ídeesh'ish; t'áá nihí danohsinígi ádadoohłííł, áko díí diné doo ádadoohłíłí da, háálá shighan góne' yah íí'áázh. 9Nidi ádadííniid, Nahjį' t'ą́'ájį' yiizįįh! T'óó kónígháníjį' kééhat'į́ yiniyé níyáhígíí ánihwii'aahii í'diilyaa lá! Ádahodiilníłígíí biláahgo ádandiilnííł. Áádóó diné éí Lat yich'į' dah diijée'go dáádílkał yik'ijį' dahashjizhgo k'asdą́ą́' dáádílkał k'ídeizti'. 10Ákohgo diné t'áá áłah Lat yisiłgo kin góne' yah ayíídzį́įzgo dá'di'níłkaal. 11Áko diné nidilt'éhígíí éí kin bich'é'étiingi diné yíl'áhígíí ayáhígo ádaat'éii índa ayóó ádaat'éii ałdó' doo da'oo'į́į́góó dáádílkał ch'ééh hadahodziziid.
12Áko diné éí Lat áyidííniid, Da' nik'éísh ła' kwe'é kénáádahat'į́? Naadaaní índa niye'kéda áádóó nitsi'kéda índa díí kin haal'áhígi nik'éída díí haz'ánídóó ałtso nahgóó hani'éésh, 13háálá díí haz'ánígíí ádiildįįł, Bóhólníihii binááł ayóó át'éego chaał hahóół'á, áko ádiildįįł biniyé Bóhólníihii nihiníł'a'. 14Áko Lat hatsi' bee haadaaní dooleełígíí ábijiní, Nídooht'aash, háálá Bóhólníihii díí kin haal'áii áyi'niiłdįįd. Nidi haadaaní dooleełígíí t'óó ájíní hó'ní.
15Hayííłką́ągo diyingo naal'a'í éí Lat ííłní, Tsį́įłgo nídiidááh, ne'asdzą́ą́ áádóó nitsi' nidilt'éego bił nahínítánígíí dah dii'éésh, doodago éí doo ákwii ádaat'éii bitah ánihidi'dooldįįł. 16Nidi na'áhozdilziidgo diné hála' yiyiiłtsood, hwe'asdzą́ą́ ałdó' hatsi' nidilt'éego ałdó', háálá Bóhólníihii haa a'ááh nízingo kin haal'áhídóó ch'íhoní'eezh.#2Pet. 2:7. 17Áádóó ch'íhoní'eezhgo áhodííniid, Nílááh, yisdádoohkahígíí biniyé tsį́įłgo dah doohjeeh; t'áadoo nát'ą́ą́' nídadóht'į́'í; halgaigi nidi t'áadoo nida'áhodołziidí; dził bóohjeeh; t'áadoo ádaohdzaagóó éí ádadoohdįįł. 18Áko Lat áhodííniid, Dooda, shinanit'a'í, 19jó, ná naal'a'í baa jiiníbaah; nee aa a'ááh hasinii ayóó át'éego shich'į' íinilaago yisdáshííníłtį́, nidi dził bíideeshwołgi doo bíneesh'ą́ą da, ákóshnéehgo éí bąąhági áshidi'doolníiłgo dadeestsaał. 20Shoo, nahjí kin haal'áii bich'į' nízhdoolyeedígi át'é, éí áhání índa kin áłch'į́dí sinil. Éísh doo kin áłch'į́dí da? Háni'dii áajį' yisdáshyeed. 21Áko áhodííniid, Jó, díí ałdó' bee naa jiideeshbaał, éí kin sinilígíí baa nááshiisíníkanii doo ádeeshdįįł da. 22Doo hodíína' ákǫ́ǫ́ dohjeeh, áadi nihishoojée'go índa doo nantł'agóó ádeeshłííł. Éí bąą éí kin haal'áii Zó'er#19:22 Zó'er jiníigo éí Hííbrew k'ehjígo áłch'į́į́dí jiníigo óolyé. hoosye'. 23T'įįhdígo dah adii' ą́ągo Lat éí Zó'erdi jílwod.
24Ákohgo Bóhólníihii éí Sádam kin haal'áii áádóó Gomárah kin haal'áii bik'ijį' tsékǫ' łitsoii índa kǫ' nihiníłtánígíí Bóhólníihii bits'ą́ą́dóó yádiłhiłdę́ę́' nayííłtą́. 25Áko kin haal'áhígíí áádóó halgaigóó áádóó éí kin haal'áagi kéédahojit'ínígíí índa ákwii nanise' danéeséhígíí t'áá át'é íísdįįd.#Mt. 10:15; 11:23,24; Lk. 10:12; 17:29; 2Pet. 2:6; Jude7. 26Nidi Lat hakéédę́ę́' hwe'asdzą́ą́#Lk. 17:32. nát'ą́ą́' nídéét'į́į'go t'áá ákǫ́ǫ́ tsé áshįįh nídzísdlį́į́'. 27Áko Éíbraham éí t'áá íiyisí t'ah abínígo nízhdii'na'go Bóhólníihii binááł dzizį́į́ nít'éé' yę́ęgi jiníyá, 28áko Sádam áádóó Gomárah índa halgai kéyahjį' jidéé'į́į́' nít'éé', jó'akon, éí kéyah t'áá át'é bits'ą́ą́dóó łid t'óó ahayóí hahíítį́ nahalingo dziiłtsą́.
29Ákódzaago Diyin God halgaigi kin haal'áii íísdįįdgo Diyin God éí Éíbraham yénáálnii', áádóó éí Lat kééhat'į́į́ nít'éé' yę́ęgi kin haal'áii íísdįįd yę́ędą́ą́' kintahdóó Lat ch'íiníł'a'.
Mó'ab dine'é áádóó Áman dine'é hodideezlį́į́'
30Áko Lat hatsi'ké nidilt'éego bił Zó'erdóó hajíínáago dziłdi kéédahojit'į́, háálá Zó'ergi kééhojit'į́į dooleełgo béédzíldzid, áko tsé'áán góne' hatsi'ké nidilt'éego bił kééhojit'į́. 31Áko alą́ąjį' yizhchínígíí bideezhí áyidííniid, Nihizhé'é haastih; diné ádaat'ínígi át'éego nihá dooyehígíí nahasdzáán bikáa'gi t'ááłá'í nidi doo ła' naagháa da. 32Áko nihizhé'é wáin bidiyiildlį́įłgo bił díníitish, áko nihizhé'é bits'ą́ą́dóó ahoolchíiłii doo ádoodįįł da. 33Áko t'áá éí bitł'éé' bizhé'é wáin yiyííłdlą́ą'go alą́ąjį' yizhchínígíí bizhé'é yił yah ííyáago yił neezhtéézh; hwíighah neeztínígíí índa náádii'na'gi nidi t'áadoo hoł bééhoozin da. 34Ákódzaago éí biiskání alą́ąjį' nilínígíí bideezhí áyidííniid, Shoo, tł'éédą́ą́' shizhé'é bił nítéézh; díí tł'éé' wáin nááhodiyiildlį́į́ł, áko nihizhé'é bits'ą́ą́dóó háá'doochííł biniyé bił yah adíínáałgo bił díníítish. 35Áko t'áá éí bitł'éé' bizhé'é wáin nááyiyííłdlą́ą'go akéédę́ę́' jílínígíí nízhdiina'go hazhé'é bił jineezhtéézh, áko hwíighah neeztínígíí índa náádii'na'gi nidi t'áadoo hoł bééhoozin da. 36Ákódzaago Lat bitsi'ké t'áá ájíłah hazhé'é bá izh'niiltsąąd. 37Áko alą́ąjį' nijigháhígíí éí hayáázh jishchį́, áko bízhi' Mó'ab bee jíízhi'; t'áá éí Mó'ab dine'é díí jį́į́góó dahinánígíí bizhé'é jílį́. 38Áko akéédę́ę́' jílínígíí ałdó' hayáázh jishchį́; bízhi' Ben-ámi bee jíízhi'; t'áá éí Áman dine'é díí jį́į́góó dahinánígíí bizhé'é jílį́.
Currently Selected:
GENESIS 19: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
