GENESIS 26
26
Áízak éí Gíírargi áádóó Bíyer-shííbagi naagháá nít'éé'
1Éíbraham hináádą́ą́' átsé hodííchįįdii éí náábík'ijį' kéyahgi nááhodííchįįd. Áko Filístiya dine'é binanit'a'í Abímelek bich'į' Gíírar hoolyéejį' Áízak dashdiiyá. 2Áko Bóhólníihii hach'į' yit'íní í'diilyaago áháłní, Doo Ííjip kéyah góyaa díínáał da; kéyah bikáá' kééhót'į́į dooígíí bee nił hodeeshnih. 3Díí kéyahígíí bikáá' nidíínééł, áko nił honishłǫ́ǫgo nik'ijishdlíi doo, áádóó ni índa na'áłchíní náás da'ahílchíihii díí kédaayahígíí t'áá ałtso nihitaadideesh'aał, áko Éíbraham nizhé'é bich'į' bee ádee hadeesdzíi'ii bi'deeshłííł. 4Áko na'áłchíní náás da'ahílchíihii wót'áahdi sǫ'ígi ánéelą́ą'go k'ee'ąą noot'į́įłgo ádeeshłííł, áádóó ni índa na'áłchíní náás da'ahílchíihii díí kédaayahígíí t'áá ałtso nihitaadideesh'aał, índa nahasdzáán bikáa'gi na'áłchíní náás da'ahílchíihii binahjį' ał'ąą dine'é t'áá ałtso bik'idahozhdoodliił,#Gen. 22:16-18. 5háálá Éíbraham shizaad yik'eh hóół'įįd; éí bich'į' yíł'aadígíí áádóó shibik'eh ó'oo'níiłii áádóó bee nihoyí'áanii índa shibee nahaz'áanii yik'eh hóół'įįd.
6Áko Áízak éí Gíírargi kééhojit'į́. 7Ákwe'é diné kéédahat'ínígíí hwe'asdzą́ą́ yíndahódééłkidgo, Shideezhí jílį́,#Gen. 12:13; 20:2. jidííniid, She'asdzą́ą́ át'é, jididooniiłígíí bik'ee hoł yée'go biniinaa, áádóó Rebékah hodi'níl'į́įgo jízhóníyee'go biniinaa diné ákwe'é kéédahat'ínígíí dashidiyoołhééł sha'shin dziniizį́į́'. 8Áádóó ákódzaa, ákwe'é kééhojit'į́įgo nízaad nihoolzhiizhgo Filístiya dine'é aláahgo binanit'a'í Abímelek wolyéii tsésǫ'dę́ę́' déé'į́į́' nít'éé'; Áízak índa hwe'asdzą́ą́ Rebékah bił na'ahiji'nilgo hoołtsą́. 9Áko Abímelek éí Áízak hágo yidííniidgo ání, Jó, t'áá aaníí ne'asdzą́ą́ át'éé lá; ha'át'éegoshą', Shideezhí jílį́, diní? Áko Áízak ázhdííniid, Honiinaa dadeestsaał sha'shin nisingo biniinaa ádíshní. 10Áko Abímelek ání, Díishą' haa nihííníł'įįd? Diné ła'da ne'asdzą́ą́ yił neezhtéezhgo dashą'; bąąhági át'éii yiih nihíínil doo nít'éé'. 11Áádóó Abímelek bidine'é kót'éego yi'níłnii'go ání, Díí diné índa be'asdzą́ąda t'áá bizhdeelchidígíí éí t'áá aaníí hodi'yoolyééł.
12Áízak éí kéyah yikáá' k'i'díílá, áko t'áá éí yihahígíí biyi' neeznádiindi ánánéelą́ą'go há bilááh násdlį́į́', áádóó Bóhólníihii hak'ijisdli'. 13T'áá íiyisí náás deeyá, áádóó yódí boosą́ągo t'áá íiyisí bidziilgo dah adiilá. 14Bá dibé dah danéilkaad, áádóó bibéégashii deíl'á, índa t'óó ahayóí bá nidaal'a'; éí bąą Filístiya dine'é bik'ee dadeeznih. 15Áko Éíbraham hazhé'é yę́ę hináádą́ą́' bá nidaal'a'í tó hahadleeh ádayiilaa yę́ę éí Filístiya dine'é łeezh yee hats'ą́ą́' háádahodeesbįįd. 16Áko Abímelek éí Áízak áyidííniid, Nihits'ánínééh, háálá nihiláahgo ánóodziil sínílį́į́'.
17Áko Áízak dah diináago Gíírar honíteelgi honíbaal nizhnínil; ákwii kéénááhojit'į́į́ nít'éé'. 18Áko Áízak éí Éíbraham hazhé'é yę́ę hináádą́ą́' tó hadahaas'nil yę́ęgi tó hahadleeh náádahodeesbįįd yę́ęgi tó háádayiisnil; éí Éíbraham daaztsą́ą́dóó bik'ijį' Filístiya dine'é háádahodeesbįįd nít'éé', áko hazhé'é yę́ę tó hadahadleeh yee dayízhi'ígíí t'áá éí bee náádajíízhi'. 19Áádóó honíteelgi Áízak bá nidaal'a'í t'áá bíni' tó háálíinii yik'ída'azgeed. 20Áádóó Gíírardóó nida'niłkaadii Áízak bá nida'niłkaadii tó biniinaa yił ahinídiijée'go ádaaní, Tó éí nihí, áko tó hahadleeh Íísek#26:20 Íísek jiníigo éí Hííbrew k'ehjígo ahiní'diiltłáád jiníigo óolyé. bee hojíízhi', háálá biniinaa ahinízhdiijéé'. 21Áko tó ła' hanáádadziis'nilgo éí ałdó' biniinaa ahinínáázhdiijéé', áko éí Sítnah#26:21 Sítnah jiníigo éí Hííbrew k'ehjígo ajijoodlá jiníigo óolyé. bee hojíízhi'. 22Áko áádóó dah náázhdii'náago tó ła' hanáádadziis'nil; éí índída t'áadoo biniinaa ahinízhdiijée' da. Áko Riihóbath#26:22 Riihóbath jiníigo éí Hííbrew k'ehjígo honíteelgo óolyé. hoolyée doo, jidííniid; k'ad Bóhólníihii nihá hooł'a', áko díí kéyahgi k'ee'ąą díníit'į́į́ł.
23Áko Bíyer-shííbagóó náájí'ná. 24T'áá éí bitł'éé' Bóhólníihii haa honíle'go ádííniid, Nizhé'é Éíbraham biDiyin God ásht'į́; t'áadoo nił yé'í; nił honishłǫ́, áádóó nik'ijishdlíi doo, índa Éíbraham shinaal'a'í yę́ę biniit'aa na'áłchíní náás da'ahílchíihgo ádeeshłííł. 25Áko ákwe'é bikáá' náá'iiniihí ájiilaago Bóhólníihii bízhi' józhíigo sozdoolzin, áádóó ákwe'é honíbaal nizhnínil. Ákwe'é Áízak há nidaal'a'í tó hanáádayiis'nil.
Áízak éí Abímelek yił aha'deet'ą́
26Gíírar kin shijaa'dę́ę́' Abímelek#Gen. 21:22. bik'is Ahózath índa bisiláo binanit'a'í Fáíkal wolyéii yił haa yíkaigo 27Áízak ázhdííniid, Ha'át'íishą' biniyé shaa noohkai? Shą́ą́' dashijiinohłáa ni', áádóó yóó'adashinoołchą́ą' ni'. 28Áko ádahodííniid, T'áá aaníí Bóhólníihii nił hólǫ́ǫgo hadandeel'į́į́', áko ádadii'niid, Ni áádóó nihí bíni'dii nihita'gi saad bee ahádahwiidiil'aał, índa bee ahadadi'diit'ááł, 29áko t'áadoo nidadeelchidígi át'éego doo haada nihidi'doolníił da, áádóó nihí yá'át'éehgi ádaniil'į́, áádóó k'é daniidzingo yóó'adanisiil'a', áko k'ad Bóhólníihii bik'ijidlíhígíí sínílį́į́'. 30Áko bá ádadzíísįįdgo da'ííyą́ą́' áádóó da'oodlą́ą́'. 31Áádóó t'ah abínígo nízhdiijée'go ałch'į' ádee hadahizdeesdzíí', áko Áízak hwéé'níłnii'go bits'ą́ą́dóó hoł dahózhǫ́ǫgo dah nízhdiikai. 32Ákódzaago t'áá éí bijį́ Áízak bá nidaal'a'í yíkaigo tó hadayiiznilígíí yee hoł dahoolne'go ádahodííniid, Tó bik'ida'siigeed. 33Áko ákwe'é Shííba yee hóozhi'; éí bąą kin haal'áhígíí díí jį́į́góó Bíyer-shííba hoolyé.#Gen. 21:31.
34Íísa dízdiin binááhaigo Het dine'é Biyérai wolyéii bitsi' Júdith hwe'asdzą́ą́ ájiilaa; Het dine'é Íílan wolyéii bitsi' Báshiimath ałdó' hwe'asdzą́ą́ ájiilaa. 35Áko díidí Áízak índa Rebékah t'áá íiyisí doo bił yá'át'ééhgóó bíni' yii'a'.
Currently Selected:
GENESIS 26: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 26
26
Áízak éí Gíírargi áádóó Bíyer-shííbagi naagháá nít'éé'
1Éíbraham hináádą́ą́' átsé hodííchįįdii éí náábík'ijį' kéyahgi nááhodííchįįd. Áko Filístiya dine'é binanit'a'í Abímelek bich'į' Gíírar hoolyéejį' Áízak dashdiiyá. 2Áko Bóhólníihii hach'į' yit'íní í'diilyaago áháłní, Doo Ííjip kéyah góyaa díínáał da; kéyah bikáá' kééhót'į́į dooígíí bee nił hodeeshnih. 3Díí kéyahígíí bikáá' nidíínééł, áko nił honishłǫ́ǫgo nik'ijishdlíi doo, áádóó ni índa na'áłchíní náás da'ahílchíihii díí kédaayahígíí t'áá ałtso nihitaadideesh'aał, áko Éíbraham nizhé'é bich'į' bee ádee hadeesdzíi'ii bi'deeshłííł. 4Áko na'áłchíní náás da'ahílchíihii wót'áahdi sǫ'ígi ánéelą́ą'go k'ee'ąą noot'į́įłgo ádeeshłííł, áádóó ni índa na'áłchíní náás da'ahílchíihii díí kédaayahígíí t'áá ałtso nihitaadideesh'aał, índa nahasdzáán bikáa'gi na'áłchíní náás da'ahílchíihii binahjį' ał'ąą dine'é t'áá ałtso bik'idahozhdoodliił,#Gen. 22:16-18. 5háálá Éíbraham shizaad yik'eh hóół'įįd; éí bich'į' yíł'aadígíí áádóó shibik'eh ó'oo'níiłii áádóó bee nihoyí'áanii índa shibee nahaz'áanii yik'eh hóół'įįd.
6Áko Áízak éí Gíírargi kééhojit'į́. 7Ákwe'é diné kéédahat'ínígíí hwe'asdzą́ą́ yíndahódééłkidgo, Shideezhí jílį́,#Gen. 12:13; 20:2. jidííniid, She'asdzą́ą́ át'é, jididooniiłígíí bik'ee hoł yée'go biniinaa, áádóó Rebékah hodi'níl'į́įgo jízhóníyee'go biniinaa diné ákwe'é kéédahat'ínígíí dashidiyoołhééł sha'shin dziniizį́į́'. 8Áádóó ákódzaa, ákwe'é kééhojit'į́įgo nízaad nihoolzhiizhgo Filístiya dine'é aláahgo binanit'a'í Abímelek wolyéii tsésǫ'dę́ę́' déé'į́į́' nít'éé'; Áízak índa hwe'asdzą́ą́ Rebékah bił na'ahiji'nilgo hoołtsą́. 9Áko Abímelek éí Áízak hágo yidííniidgo ání, Jó, t'áá aaníí ne'asdzą́ą́ át'éé lá; ha'át'éegoshą', Shideezhí jílį́, diní? Áko Áízak ázhdííniid, Honiinaa dadeestsaał sha'shin nisingo biniinaa ádíshní. 10Áko Abímelek ání, Díishą' haa nihííníł'įįd? Diné ła'da ne'asdzą́ą́ yił neezhtéezhgo dashą'; bąąhági át'éii yiih nihíínil doo nít'éé'. 11Áádóó Abímelek bidine'é kót'éego yi'níłnii'go ání, Díí diné índa be'asdzą́ąda t'áá bizhdeelchidígíí éí t'áá aaníí hodi'yoolyééł.
12Áízak éí kéyah yikáá' k'i'díílá, áko t'áá éí yihahígíí biyi' neeznádiindi ánánéelą́ą'go há bilááh násdlį́į́', áádóó Bóhólníihii hak'ijisdli'. 13T'áá íiyisí náás deeyá, áádóó yódí boosą́ągo t'áá íiyisí bidziilgo dah adiilá. 14Bá dibé dah danéilkaad, áádóó bibéégashii deíl'á, índa t'óó ahayóí bá nidaal'a'; éí bąą Filístiya dine'é bik'ee dadeeznih. 15Áko Éíbraham hazhé'é yę́ę hináádą́ą́' bá nidaal'a'í tó hahadleeh ádayiilaa yę́ę éí Filístiya dine'é łeezh yee hats'ą́ą́' háádahodeesbįįd. 16Áko Abímelek éí Áízak áyidííniid, Nihits'ánínééh, háálá nihiláahgo ánóodziil sínílį́į́'.
17Áko Áízak dah diináago Gíírar honíteelgi honíbaal nizhnínil; ákwii kéénááhojit'į́į́ nít'éé'. 18Áko Áízak éí Éíbraham hazhé'é yę́ę hináádą́ą́' tó hadahaas'nil yę́ęgi tó hahadleeh náádahodeesbįįd yę́ęgi tó háádayiisnil; éí Éíbraham daaztsą́ą́dóó bik'ijį' Filístiya dine'é háádahodeesbįįd nít'éé', áko hazhé'é yę́ę tó hadahadleeh yee dayízhi'ígíí t'áá éí bee náádajíízhi'. 19Áádóó honíteelgi Áízak bá nidaal'a'í t'áá bíni' tó háálíinii yik'ída'azgeed. 20Áádóó Gíírardóó nida'niłkaadii Áízak bá nida'niłkaadii tó biniinaa yił ahinídiijée'go ádaaní, Tó éí nihí, áko tó hahadleeh Íísek#26:20 Íísek jiníigo éí Hííbrew k'ehjígo ahiní'diiltłáád jiníigo óolyé. bee hojíízhi', háálá biniinaa ahinízhdiijéé'. 21Áko tó ła' hanáádadziis'nilgo éí ałdó' biniinaa ahinínáázhdiijéé', áko éí Sítnah#26:21 Sítnah jiníigo éí Hííbrew k'ehjígo ajijoodlá jiníigo óolyé. bee hojíízhi'. 22Áko áádóó dah náázhdii'náago tó ła' hanáádadziis'nil; éí índída t'áadoo biniinaa ahinízhdiijée' da. Áko Riihóbath#26:22 Riihóbath jiníigo éí Hííbrew k'ehjígo honíteelgo óolyé. hoolyée doo, jidííniid; k'ad Bóhólníihii nihá hooł'a', áko díí kéyahgi k'ee'ąą díníit'į́į́ł.
23Áko Bíyer-shííbagóó náájí'ná. 24T'áá éí bitł'éé' Bóhólníihii haa honíle'go ádííniid, Nizhé'é Éíbraham biDiyin God ásht'į́; t'áadoo nił yé'í; nił honishłǫ́, áádóó nik'ijishdlíi doo, índa Éíbraham shinaal'a'í yę́ę biniit'aa na'áłchíní náás da'ahílchíihgo ádeeshłííł. 25Áko ákwe'é bikáá' náá'iiniihí ájiilaago Bóhólníihii bízhi' józhíigo sozdoolzin, áádóó ákwe'é honíbaal nizhnínil. Ákwe'é Áízak há nidaal'a'í tó hanáádayiis'nil.
Áízak éí Abímelek yił aha'deet'ą́
26Gíírar kin shijaa'dę́ę́' Abímelek#Gen. 21:22. bik'is Ahózath índa bisiláo binanit'a'í Fáíkal wolyéii yił haa yíkaigo 27Áízak ázhdííniid, Ha'át'íishą' biniyé shaa noohkai? Shą́ą́' dashijiinohłáa ni', áádóó yóó'adashinoołchą́ą' ni'. 28Áko ádahodííniid, T'áá aaníí Bóhólníihii nił hólǫ́ǫgo hadandeel'į́į́', áko ádadii'niid, Ni áádóó nihí bíni'dii nihita'gi saad bee ahádahwiidiil'aał, índa bee ahadadi'diit'ááł, 29áko t'áadoo nidadeelchidígi át'éego doo haada nihidi'doolníił da, áádóó nihí yá'át'éehgi ádaniil'į́, áádóó k'é daniidzingo yóó'adanisiil'a', áko k'ad Bóhólníihii bik'ijidlíhígíí sínílį́į́'. 30Áko bá ádadzíísįįdgo da'ííyą́ą́' áádóó da'oodlą́ą́'. 31Áádóó t'ah abínígo nízhdiijée'go ałch'į' ádee hadahizdeesdzíí', áko Áízak hwéé'níłnii'go bits'ą́ą́dóó hoł dahózhǫ́ǫgo dah nízhdiikai. 32Ákódzaago t'áá éí bijį́ Áízak bá nidaal'a'í yíkaigo tó hadayiiznilígíí yee hoł dahoolne'go ádahodííniid, Tó bik'ida'siigeed. 33Áko ákwe'é Shííba yee hóozhi'; éí bąą kin haal'áhígíí díí jį́į́góó Bíyer-shííba hoolyé.#Gen. 21:31.
34Íísa dízdiin binááhaigo Het dine'é Biyérai wolyéii bitsi' Júdith hwe'asdzą́ą́ ájiilaa; Het dine'é Íílan wolyéii bitsi' Báshiimath ałdó' hwe'asdzą́ą́ ájiilaa. 35Áko díidí Áízak índa Rebékah t'áá íiyisí doo bił yá'át'ééhgóó bíni' yii'a'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).