GENESIS 27
27
Áízak éí Íísa yee yik'izhdoodliił nít'éé' yę́ę Jéíkab néídiilá
1Ákódzaago Áízak hadzistihgo doo ajoo'į́į da dzizlį́į́', áko haye' alą́ąjį' nilínígíí Íísa hágo bizhdííniidgo ábijiní, Shiye'! Áko áhodííniid, Jó, kǫ́ǫ́ naashá. 2Áko ájíní, Shoo, k'ad hasistih. Hahgoshį́į́ dadeestsaał éí doo shił bééhózin da. 3Éí bąą t'áá shǫǫdí, k'ad nibee na'azheehí éí nik'aayééł índa ne'ełtį́į́' bił dah diijáahgo halgaigóó dínááh; áádę́ę́' bįįh bitsį' shá niníyeeh, 4áádóó atsį' shił yá'át'éhígi át'éego shá hasht'edíílíiłgo shaa dííkááł, áko adeeshghał, índa t'ah doo daastsaahdą́ą́' nik'ijiideeshdliił.
5Áko Áízak haye' Íísa bich'į' yájíłti'go Rebékah hodiizts'ą́ą́'. Áádóó Íísa halgaidę́ę́' bįįh nizhdooyééł biniyé ákǫ́ǫ́ ajoolzhee'. 6Rebékah hayáázh Jéíkab bich'į' hadzoodzíi'go ábijiní, Shoo, nizhé'é éí nínaaí yich'į' yáłti'go diséts'ą́ą'go ání, 7Bįįh bitsį' shá nidííyéełgo yá'át'éehgo shá hasht'edíílííł, áko adeeshghał, áádóó t'ah doo daastsaahdą́ą́' Bóhólníihii binááł nik'ijiideeshdliił. 8Éí bąą shiyáázh k'ad bee nich'į' haasdzí'ígíí bik'eh honíł'įįh. 9Dibé naakaigóó dínáahgo áádę́ę́' tł'ízí yázhí yá'át'éhígíí naakigo náníjááh, áko nizhé'é éí atsį' t'áá bił łikanígi át'éego bá hasht'edeeshłííł. 10Índa nizhé'é baa dííkáałgo adoolghał, áádóó t'ah doo daatsaahdą́ą́' nik'ijiidoodliił. 11Áko Jéíkab éí bimá Rebékah áyidííniid, Shoo, Íísa shínaaí éí diné ditł'oii nilį́; shí éí diné dilkǫǫhii nishłį́. 12Shizhé'é shídidoolnih, áko shizhdileeh lá nízingo hóyée'go shá hadoodzih; éí t'áá shí ásht'į́įgo doo shik'ihozhdoodliił da. 13Áko hamá áháłní, Shiyáázh, hóyée'go ha'doodzihígíí shígo shik'ijį' dooleeł; ándííniidígíí bik'eh honíł'įįhgo níláhdę́ę́' shá náníjááh. 14Áádóó dashdiiyáago áádę́ę́' hamá bá názhníjaa', áko hamá éí hazhé'é atsį' bił łikanígi át'éego hasht'eyiilaa. 15Áádóó Rebékah hayáázh alą́ąjį' nilínígíí Íísa bi'éé' yá'át'éhígíí wóne'dę́ę́' nízhdiinilgo hayáázh akéédę́ę́' nilínígíí Jéíkab bee hazhdiilaa. 16Tł'ízí yázhí bikágí Jéíkab bíla' áádóó bizénágháán gónaa ałdó' bik'ídzísti'. 17Áádóó atsį' ayóó áhálniihgo hasht'ejiilaii índa łees'áán biłgo hayáázh Jéíkab bílák'ejííką́.
18Áko hazhé'é baazhníyáago ázhdííniid, Shizhé'é! Áko áhodííniid, Kǫ́ǫ́ sétį́; háishą' ánít'į́, shiye'? 19Áko Jéíkab bizhé'é áyidííniid, Íísa ásht'į́, alą́ąjį' ná yizhchínígíí; áshidííníniidígíí bi'iishłaa; t'áá shǫǫdí nídii'néehgo nídaah; shibįįh bitsį' nilghał, áko shik'ijídliih. 20Áko Áízak haye' ábizhdííniid, Haaléit'éego t'áadoo hodina'í bik'ííníyá, shiye'? Áko ájíní, Bóhólníihii niDiyin God shíká aalwodgo bik'íníyá. 21Áko Áízak éí Jéíkab áyidííniid, Wóshdę́ę́', shíighahgi ninínááh, áko nídideeshnih; t'áá daats'í aaníí shiye' Íísa ánít'į́, dooda daats'í. 22Áko Jéíkab hazhé'é Áízak bíighah nizhníyáago hódeesnii'go ání, Bizhí la' éí Jéíkab bizhí; bíla' éí Íísa bíla'. 23Áko hánaaí Íísa bíla' nahalingo hála' ditł'ogo biniinaa t'áadoo hwéédi'nítą́ą da, áko t'óó hak'idzisdli'. 24Áádóó ázhdííniid, Da' t'áásh aaníí shiye' Íísa ánít'į́? Áko ání, Shí lá éí ásht'į́ ni. 25Áádóó ájíní, Shíighah niníkaahgo shiye' bibįįh bitsį' deeshghał, áko nik'iijiideeshdliił. Áko hwíighah niiníką́ągo ajoolghal, índa wáin ałdó' hainíką́ągo joodlą́ą́'. 26Áádóó hazhé'é Áízak áhodííniid, Hágo shiye', shíighah ninínáahgo shiits'ǫs. 27Áko bíighah nizhníyáago jizts'ǫs, áádóó ha'éé' halchinígíí yishchą́ą́', áko hak'ijisdli'go áháłní,
Shoo, shiye' halchinígíí éí Bóhólníihii kéyah yik'ijidlíhígi át'éego halchin!
28Éí bąą Diyin God éí yádiłhił biyi'dę́ę́' dahtoo' índa kéyah bikáá' t'áá íiyisí nida'nt'ą́'ígíí áádóó tł'oh naadą́ą́' índa wáin lą'ígo neididoo'ááł.
29Áko bíni' diné ná nidaal'a'; ał'ąą dine'é nich'į' yaa áńdaat'įįh le'.
Nik'isóó nídahółníih doo; nimá ba'áłchíní nich'į' yaa áńdaat'įįh doo.
Hóyée'go ná hadahadziihígíí éí ałdó' hóyée'go bá hada'iidziih doo;
nik'idajidlíhígíí éí bik'idahojidlíi dooleeł!#Gen. 12:3; Heb. 11:20.
30Áádóó ákódzaago Áízak éí ałtso Jéíkab bik'ijiijisdli', áádóó Jéíkab hazhé'é Áízak bits'ą́ą́' t'óó ch'éédzídzáhígo hánaaí Íísa naashzhee'dę́ę́' nádzá. 31Áko hó ałdó' hazhé'é bá atsį' ayóó áhálniihígíí bá hasht'ejiilaago baazhníką́ągo hazhé'é ábizhdííniid, Nídii'nééh shizhé'é, niye' bibįįh bitsį' nilghał, áko shik'iizhdíídliił. 32Áko hazhé'é Áízak áháłní, Háí lá ánít'į́įgo ádíní? Áko Íísa ání, Niye' alą́ąjį' ná yizhchínígíí Íísa ásht'į́. 33Áko Áízak t'áá íiyisí hatah hoditłidgo ájíní, Háí lá t'ah doo nánídááh yę́ędą́ą́' bįįh bitsį' sheiníką́ągo eeshghalgo bik'ijiisisdli' lá? Áko éí t'áá aaníí bik'ihojidlíi doo. 34Ákohgo Íísa éí hazhé'é bizaad jidiizts'ą́ą'go t'áá íiyisí yéego bąą háni'go hajííchah, áko hazhé'é ábijiní, Shizhé'é nílíinii, t'áá shǫǫdí shí ałdó' shik'ijiinídliih. 35Áádóó ání, Nitsilí shi'deezlo'go bee nik'ihojidlíi dooleeł yę́ę nighaideet'ą́. 36Áko ánáázhdoo'niid, Da' doósh t'áá hweełt'éego Jéíkab#27:36 Jéíkab jiníigo éí Hííbrew k'ehjígo ana'adlo' jinínígi át'éego nahalin. joolyée da? Jó'akon, k'ad naakidi shitsásk'eh shighahozhdeet'ą́; átséédą́ą́' alą́ąjį' yizhchíinii bee bóhólníihii shighazhdeet'ą́,#Gen. 25:29-34. áádóó jó'akon k'ad nááná bee ak'ihojidlíii shighanáázhdeet'ą́. Áádóó ázhdííniid, Da' bee ak'ihojidlíiísh t'áadoo ła' shá áásínísįįd da? 37Áko Áízak éí Íísa ánéidoo'niid, Jó'akon, bóhoníłníihii áshłaa, áádóó bik'isóó t'áá ałtso bá nidaalte' dooleeł go baa diní'ą́, áádóó tł'oh naadą́ą́' índa wáin bił baa diní'ą́; k'adshą' ha'át'íí íiyisí ná baa nideeshaał, shiye'? 38Áko Íísa hazhé'é ánáábizhdoo'niid, Da' t'ááshłá'í nibee ak'ihojidlíhí nít'éé', shizhé'é? T'áá shǫǫdí shizhé'é, shí ałdó' shik'ijiinídliih. Áko Íísa yéego hajííchah.#Heb. 12:17.
39Hazhé'é Áízak hach'į' hanáánáádzíi'go áháłní,
Jó'akon, kéyah bikáá' nida'nt'ą'ígíí bits'áhoní'ą́ądi
áádóó yádiłhiłdę́ę́' dahtoo' bits'áhoní'ą́ądi kééhót'į́į doo.
40Nidiltłish bee hinínáa doo, áádóó nitsilí bóhwííníłníih doo;
ííshją́ą́ biyaa háíníyáago doo bóhwííníłníih da dííleeł.#Gen. 36:8; 2Kgs. 8:20; Heb. 11:20.
Áízak éí Héírangóó Jéíkab ayííł'a'
41Éí bąą Íísa t'áá íiyisí Jéíkab bik'eezdeeznih, háálá hazhé'é bee ak'ihojidlíii yee yik'idzisdli', áko Íísa t'áá biyi'ídi ání, Shizhé'é baa dazhdoochahjį' áhání hadziih; áadi índa Jéíkab shitsilí hodiyeeshxééł. 42Áko Rebékah hayáázh alą́ąjį' nilínígíí bizaad bee hoł hóone'go hayáázh akéédę́ę́' nilínígíí bíká i'jííł'a'go hágo bizhdííniidgo ábijiní, Shoo, nínaaí Íísa kót'éego naa nitsékees lá; hodiyeeshxééł nízingo yee ha'ólníí lá. 43Éí bąą shiyáázh, k'ad ándishnínígíí bik'eh honíł'įįh; asht'e'ádílnéehgo Héírangóó shínaaí Léíban bich'į' tsį́įłgo ákǫ́ǫ́ dínááh; 44áadi díkwíida niidoołkááł; nínaaí bá náhoojǫǫdgo índa; 45nínaaí nich'į' bá náhoojǫǫdgo áádóó íínít'įįdii yaa yooznahgo índa níká adeesh'aał, áko áádę́ę́' nídíídááł. Ha'át'éegoshą' t'áá ánółah t'áá ła'óo jį́ shąąh dínóohnééł?
46Áko Rebékah éí Áízak áyidííniid, Het dine'é bitsi'ké biniinaa hinishnánígíí sé'įįd, áko Het dine'é bitsi'ké ła' díí kéyahgi kéédahat'ínígíí Jéíkab be'asdzą́ą́ silį́į'go t'áadoo biniyéhígóó hinishnáa doo.#Gen. 26:34.
Currently Selected:
GENESIS 27: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 27
27
Áízak éí Íísa yee yik'izhdoodliił nít'éé' yę́ę Jéíkab néídiilá
1Ákódzaago Áízak hadzistihgo doo ajoo'į́į da dzizlį́į́', áko haye' alą́ąjį' nilínígíí Íísa hágo bizhdííniidgo ábijiní, Shiye'! Áko áhodííniid, Jó, kǫ́ǫ́ naashá. 2Áko ájíní, Shoo, k'ad hasistih. Hahgoshį́į́ dadeestsaał éí doo shił bééhózin da. 3Éí bąą t'áá shǫǫdí, k'ad nibee na'azheehí éí nik'aayééł índa ne'ełtį́į́' bił dah diijáahgo halgaigóó dínááh; áádę́ę́' bįįh bitsį' shá niníyeeh, 4áádóó atsį' shił yá'át'éhígi át'éego shá hasht'edíílíiłgo shaa dííkááł, áko adeeshghał, índa t'ah doo daastsaahdą́ą́' nik'ijiideeshdliił.
5Áko Áízak haye' Íísa bich'į' yájíłti'go Rebékah hodiizts'ą́ą́'. Áádóó Íísa halgaidę́ę́' bįįh nizhdooyééł biniyé ákǫ́ǫ́ ajoolzhee'. 6Rebékah hayáázh Jéíkab bich'į' hadzoodzíi'go ábijiní, Shoo, nizhé'é éí nínaaí yich'į' yáłti'go diséts'ą́ą'go ání, 7Bįįh bitsį' shá nidííyéełgo yá'át'éehgo shá hasht'edíílííł, áko adeeshghał, áádóó t'ah doo daastsaahdą́ą́' Bóhólníihii binááł nik'ijiideeshdliił. 8Éí bąą shiyáázh k'ad bee nich'į' haasdzí'ígíí bik'eh honíł'įįh. 9Dibé naakaigóó dínáahgo áádę́ę́' tł'ízí yázhí yá'át'éhígíí naakigo náníjááh, áko nizhé'é éí atsį' t'áá bił łikanígi át'éego bá hasht'edeeshłííł. 10Índa nizhé'é baa dííkáałgo adoolghał, áádóó t'ah doo daatsaahdą́ą́' nik'ijiidoodliił. 11Áko Jéíkab éí bimá Rebékah áyidííniid, Shoo, Íísa shínaaí éí diné ditł'oii nilį́; shí éí diné dilkǫǫhii nishłį́. 12Shizhé'é shídidoolnih, áko shizhdileeh lá nízingo hóyée'go shá hadoodzih; éí t'áá shí ásht'į́įgo doo shik'ihozhdoodliił da. 13Áko hamá áháłní, Shiyáázh, hóyée'go ha'doodzihígíí shígo shik'ijį' dooleeł; ándííniidígíí bik'eh honíł'įįhgo níláhdę́ę́' shá náníjááh. 14Áádóó dashdiiyáago áádę́ę́' hamá bá názhníjaa', áko hamá éí hazhé'é atsį' bił łikanígi át'éego hasht'eyiilaa. 15Áádóó Rebékah hayáázh alą́ąjį' nilínígíí Íísa bi'éé' yá'át'éhígíí wóne'dę́ę́' nízhdiinilgo hayáázh akéédę́ę́' nilínígíí Jéíkab bee hazhdiilaa. 16Tł'ízí yázhí bikágí Jéíkab bíla' áádóó bizénágháán gónaa ałdó' bik'ídzísti'. 17Áádóó atsį' ayóó áhálniihgo hasht'ejiilaii índa łees'áán biłgo hayáázh Jéíkab bílák'ejííką́.
18Áko hazhé'é baazhníyáago ázhdííniid, Shizhé'é! Áko áhodííniid, Kǫ́ǫ́ sétį́; háishą' ánít'į́, shiye'? 19Áko Jéíkab bizhé'é áyidííniid, Íísa ásht'į́, alą́ąjį' ná yizhchínígíí; áshidííníniidígíí bi'iishłaa; t'áá shǫǫdí nídii'néehgo nídaah; shibįįh bitsį' nilghał, áko shik'ijídliih. 20Áko Áízak haye' ábizhdííniid, Haaléit'éego t'áadoo hodina'í bik'ííníyá, shiye'? Áko ájíní, Bóhólníihii niDiyin God shíká aalwodgo bik'íníyá. 21Áko Áízak éí Jéíkab áyidííniid, Wóshdę́ę́', shíighahgi ninínááh, áko nídideeshnih; t'áá daats'í aaníí shiye' Íísa ánít'į́, dooda daats'í. 22Áko Jéíkab hazhé'é Áízak bíighah nizhníyáago hódeesnii'go ání, Bizhí la' éí Jéíkab bizhí; bíla' éí Íísa bíla'. 23Áko hánaaí Íísa bíla' nahalingo hála' ditł'ogo biniinaa t'áadoo hwéédi'nítą́ą da, áko t'óó hak'idzisdli'. 24Áádóó ázhdííniid, Da' t'áásh aaníí shiye' Íísa ánít'į́? Áko ání, Shí lá éí ásht'į́ ni. 25Áádóó ájíní, Shíighah niníkaahgo shiye' bibįįh bitsį' deeshghał, áko nik'iijiideeshdliił. Áko hwíighah niiníką́ągo ajoolghal, índa wáin ałdó' hainíką́ągo joodlą́ą́'. 26Áádóó hazhé'é Áízak áhodííniid, Hágo shiye', shíighah ninínáahgo shiits'ǫs. 27Áko bíighah nizhníyáago jizts'ǫs, áádóó ha'éé' halchinígíí yishchą́ą́', áko hak'ijisdli'go áháłní,
Shoo, shiye' halchinígíí éí Bóhólníihii kéyah yik'ijidlíhígi át'éego halchin!
28Éí bąą Diyin God éí yádiłhił biyi'dę́ę́' dahtoo' índa kéyah bikáá' t'áá íiyisí nida'nt'ą́'ígíí áádóó tł'oh naadą́ą́' índa wáin lą'ígo neididoo'ááł.
29Áko bíni' diné ná nidaal'a'; ał'ąą dine'é nich'į' yaa áńdaat'įįh le'.
Nik'isóó nídahółníih doo; nimá ba'áłchíní nich'į' yaa áńdaat'įįh doo.
Hóyée'go ná hadahadziihígíí éí ałdó' hóyée'go bá hada'iidziih doo;
nik'idajidlíhígíí éí bik'idahojidlíi dooleeł!#Gen. 12:3; Heb. 11:20.
30Áádóó ákódzaago Áízak éí ałtso Jéíkab bik'ijiijisdli', áádóó Jéíkab hazhé'é Áízak bits'ą́ą́' t'óó ch'éédzídzáhígo hánaaí Íísa naashzhee'dę́ę́' nádzá. 31Áko hó ałdó' hazhé'é bá atsį' ayóó áhálniihígíí bá hasht'ejiilaago baazhníką́ągo hazhé'é ábizhdííniid, Nídii'nééh shizhé'é, niye' bibįįh bitsį' nilghał, áko shik'iizhdíídliił. 32Áko hazhé'é Áízak áháłní, Háí lá ánít'į́įgo ádíní? Áko Íísa ání, Niye' alą́ąjį' ná yizhchínígíí Íísa ásht'į́. 33Áko Áízak t'áá íiyisí hatah hoditłidgo ájíní, Háí lá t'ah doo nánídááh yę́ędą́ą́' bįįh bitsį' sheiníką́ągo eeshghalgo bik'ijiisisdli' lá? Áko éí t'áá aaníí bik'ihojidlíi doo. 34Ákohgo Íísa éí hazhé'é bizaad jidiizts'ą́ą'go t'áá íiyisí yéego bąą háni'go hajííchah, áko hazhé'é ábijiní, Shizhé'é nílíinii, t'áá shǫǫdí shí ałdó' shik'ijiinídliih. 35Áádóó ání, Nitsilí shi'deezlo'go bee nik'ihojidlíi dooleeł yę́ę nighaideet'ą́. 36Áko ánáázhdoo'niid, Da' doósh t'áá hweełt'éego Jéíkab#27:36 Jéíkab jiníigo éí Hííbrew k'ehjígo ana'adlo' jinínígi át'éego nahalin. joolyée da? Jó'akon, k'ad naakidi shitsásk'eh shighahozhdeet'ą́; átséédą́ą́' alą́ąjį' yizhchíinii bee bóhólníihii shighazhdeet'ą́,#Gen. 25:29-34. áádóó jó'akon k'ad nááná bee ak'ihojidlíii shighanáázhdeet'ą́. Áádóó ázhdííniid, Da' bee ak'ihojidlíiísh t'áadoo ła' shá áásínísįįd da? 37Áko Áízak éí Íísa ánéidoo'niid, Jó'akon, bóhoníłníihii áshłaa, áádóó bik'isóó t'áá ałtso bá nidaalte' dooleeł go baa diní'ą́, áádóó tł'oh naadą́ą́' índa wáin bił baa diní'ą́; k'adshą' ha'át'íí íiyisí ná baa nideeshaał, shiye'? 38Áko Íísa hazhé'é ánáábizhdoo'niid, Da' t'ááshłá'í nibee ak'ihojidlíhí nít'éé', shizhé'é? T'áá shǫǫdí shizhé'é, shí ałdó' shik'ijiinídliih. Áko Íísa yéego hajííchah.#Heb. 12:17.
39Hazhé'é Áízak hach'į' hanáánáádzíi'go áháłní,
Jó'akon, kéyah bikáá' nida'nt'ą'ígíí bits'áhoní'ą́ądi
áádóó yádiłhiłdę́ę́' dahtoo' bits'áhoní'ą́ądi kééhót'į́į doo.
40Nidiltłish bee hinínáa doo, áádóó nitsilí bóhwííníłníih doo;
ííshją́ą́ biyaa háíníyáago doo bóhwííníłníih da dííleeł.#Gen. 36:8; 2Kgs. 8:20; Heb. 11:20.
Áízak éí Héírangóó Jéíkab ayííł'a'
41Éí bąą Íísa t'áá íiyisí Jéíkab bik'eezdeeznih, háálá hazhé'é bee ak'ihojidlíii yee yik'idzisdli', áko Íísa t'áá biyi'ídi ání, Shizhé'é baa dazhdoochahjį' áhání hadziih; áadi índa Jéíkab shitsilí hodiyeeshxééł. 42Áko Rebékah hayáázh alą́ąjį' nilínígíí bizaad bee hoł hóone'go hayáázh akéédę́ę́' nilínígíí bíká i'jííł'a'go hágo bizhdííniidgo ábijiní, Shoo, nínaaí Íísa kót'éego naa nitsékees lá; hodiyeeshxééł nízingo yee ha'ólníí lá. 43Éí bąą shiyáázh, k'ad ándishnínígíí bik'eh honíł'įįh; asht'e'ádílnéehgo Héírangóó shínaaí Léíban bich'į' tsį́įłgo ákǫ́ǫ́ dínááh; 44áadi díkwíida niidoołkááł; nínaaí bá náhoojǫǫdgo índa; 45nínaaí nich'į' bá náhoojǫǫdgo áádóó íínít'įįdii yaa yooznahgo índa níká adeesh'aał, áko áádę́ę́' nídíídááł. Ha'át'éegoshą' t'áá ánółah t'áá ła'óo jį́ shąąh dínóohnééł?
46Áko Rebékah éí Áízak áyidííniid, Het dine'é bitsi'ké biniinaa hinishnánígíí sé'įįd, áko Het dine'é bitsi'ké ła' díí kéyahgi kéédahat'ínígíí Jéíkab be'asdzą́ą́ silį́į'go t'áadoo biniyéhígóó hinishnáa doo.#Gen. 26:34.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).