GENESIS 29
29
Jéíkab éí Réíchel áádóó Líyah bik'é Léíban yá naashnish
1Áádóó Jéíkab dah náádiidzáago ha'a'aah biyaadi diné kéédahat'ínígíí bikéyahdi jiníyá. 2Áko hajííghal, nít'éé' jó'akon, halgaigi tó hahadleeh bíighahgi táa'go dibé dah danéelkaadgo shijéé'; éí tó hahadleehígi nída'adlį́į́h lá, áko tsé ayóó áníłtsogo tó hahadleeh bidáádiní'ą́. 3Ákwe'é tó hahadleeh tsé bidádiní'áanii nahgóó anídeiłmasgo ákwii dibé t'áá ałtso ahanináhinilka'ígíí nída'adlį́į́h, áádóó tsé t'áá si'ą́ yę́ęjį' anídeiłmas lá.
4Áko Jéíkab áháłní, Shik'isóó, háádę́ę'shą' ádaaht'į́? Áko ádaaní, Héírandę́ę́' ádeiit'į́. 5Áko ánáábizhdoo'niid, Da' nihíísh Néíhor binálí Léíban wolyéii béédahonohsin? Áko áhodííniid, Aoo', béédahoniilzin. 6Da' yá'át'éehgoósh kééhat'į́? Áko ádadííniid, Aoo', yá'át'éehgo kééhat'į́. Jó, aadę́ę́' bitsi' Réíchel anoołkał. 7Áko ázhdííniid, Áko lá t'ahdii nízaa'az'ą́ ni; da'alį́į́' ahandadínóolkałgo t'ah doo baa hoolzhíish da; dibé da'oodlą́ą'go índa nílááhgóó bíni' ninááda'ałchozh doo. 8Áko ádadííniid, Dooda; t'áá ałtso ahanda'niilka'go índa tsé éí tó hahadleeh bidádiní'ánígíí nahgóó anídeilmasgo, índa dibé nída'adlį́į́h.
9Áko t'ahdii bił ałch'į' yádajiłti'go Réíchel hazhé'é bilį́į́' jininíłkaad, háálá éí nazh'niłkaad. 10Ákódzaago Jéíkab hamá bínaaí Léíban bitsi' Réíchel áádóó hamá bínaaí Léíban bilį́į́' jiiłtsą́ągo baazhníyá, áko Jéíkab éí tséhígíí tó hahadleeh bidádiní'áanii nahgóó ayííł máazgo hamá bínaaí Léíban bilį́į́' da'oodlą́ą́'. 11Áádóó Jéíkab éí Réíchel yizts'ǫsgo yícha. 12Kójíníigo Réíchel bił hojoolne', Nizhé'é éí shidá'í át'é; Rebékah biyáázh nishłį́, áko áádóó Réíchel dashdiilwodgo hazhé'é bił hojoolne'.
13Ákódzaago Léíban hadeezhí biyáázh Jéíkab níyá ha'níigo jidiizts'ą́ą'go ákǫ́ǫ́ bidááh jílwod, áádóó bizééjízhchidgo jizts'ǫs, índa haghangóó bił níjít'áázh, áko díidí t'áá ałtso bee Léíban bił nahojisne', 14áko Léíban áhodííniid, T'áá aaníí shits'in áádóó shits'íís nílį́į́ lá! Áko t'áá ákwe'é ba'ałk'ee dzizdáago ła' nídeezid.
15Áádóó Léíban éí Jéíkab áyidííniid, Da' t'óósh shidá'í nílínígíí bąą t'áá níík'eh shá nanilnish doo? Shił hólne', díkwíishą' bik'é nanilnish doo? 16Áko Léíban éí bitsi' naaki, alą́ąjį' nilínígíí Líyah wolyé, akéédę́'ígíí éí Réíchel wolyé. 17Líyah éí ha'át'e' ádin joolnáá', nidi Réíchel éí t'áá íiyisí ayóó ánóolnin áádóó baadzólní. 18Áko Jéíkab éí Réíchel ayóó'áyó'níigo ání, Nitsi' Réíchel, akéédę́ę́' naagháhígíí, tsosts'id nááhaijį' bideená ná naashnish doo. 19Áádóó Léíban ání, Nigo éí t'áá ákónéehee naa nishteeh doo; diné náánáła'go éí dooda, áko t'áá kǫ́ǫ́ naniná. 20Áko Jéíkab éí Réíchel bik'é nijilnishgo tsosts'id nááhai, áko ayóó'ájó'níigo bąą t'áá díkwíí yee' yiską́ hoł nahalin.
21Áko Jéíkab éí Léíban áyidííniid, She'asdzą́ą́ dooleełígíí shaa níłteeh, háálá k'ad beiníłką́, áko bił ahaa deesht'ash. 22Léíban éí diné ákwe'é kéédahat'ínígíí áłah áyiilaago áda'íísįįd. 23Ákódzaago hiłiijį́į'go bitsi' Líyah yił haa ní'áázh, áádóó bił yah ajííyá. 24Léíban éí asdzání há naal'a'í Zílpah wolyéii éí hatsi' Líyah yá naal'a' doo biniyé baazhníłtį́. 25Ákódzaago abínígo jó'akon, Líyah át'į́į́ lá, áko Léíban ábizhdííniid, Díishą' haa shííníł'įįd? Shą́ą́', Réíchel bik'é ná naash'a' ni'. Ha'át'éegoshą' shi'díínílo'? 26Áko Léíban ádííniid, Nihikéyahgi doo ákódaat'į́į da; akéédę́ę́' naagháii doo átsé diné baa yílteeh da; alą́ąjį' yizhchíinii éí átsé ádeił'į́. 27Díí bił síníkéego t'ááłáhídi damóo adooleeł, áádóó índa ła'ígíí naa náádadiiltééł; éí bik'é shá nanilnishgo tsosts'id nínáádoohah. 28Áko Jéíkab ákódzaago éí bee hach'į' ha'oodzí'ígíí bíighah adzisłį́į'go índa bitsi' Réíchel ałdó' haa néiníłtį́. 29Áádóó Léíban éí asdzání há naal'a'í Bílhah wolyéii éí hatsi' Réíchel yá naal'a' doo biniyé baazhníłtį́. 30Jéíkab éí Réíchel yił yah anáánáádzá, áko Líyah biláahgo Réíchel ayóó'ájó'ní, áádóó bik'é nijilnishgo tsosts'id nínáánááhai.
Jéíkab éí áłchíní bá nidahaazhchíinii
31Bóhólníihii éí Líyah bijijoodláago bił bééhózin, áko jooltsą́ągo áhoolaa, nidi Réíchel éí doo ałchíi da. 32Líyah izh'niiltsąądgo ashkii jishchį́; éí ashkii Rúben bee jíízhi'go ázhdííniid, T'áá aaníí shich'į' nahwiiłnáanii Bóhólníihii shá yaa ákoniizį́į́'; k'ad shahastiin ayóó'áshó'níi doo. 33Áádóó anáázh'niiltsąądgo ashkii náájíshchį́, áko ánáázhdí'ní, Shiji'joodláhígíí éí Bóhólníihii shá yidiizts'ą́ą́'; éí biniinaa díí ashkii shaa néiníłtį́, áko éí ashkii Símiyan bee jíízhi'. 34Náá'ákóne' anáázh'niiltsąądgo ashkii náájíshchį́, áko ázhdííniid, K'ad lá índa shahastiin bił hinish'náa doo ni, háálá táadi haye' há shéłchį́, áko díí bąą ashkii Líívai bee jíízhi'. 35Náábíkéé' góne' anáázh'niiltsąądgo ashkii náájíshchį́, áko ánáázhdoo'niid, K'ad Bóhólníihii baa hashniih doo; díí biniinaa ashkii Júdah bee jíízhi', áádóó t'áadoo náá'jíshchį́į da.
Currently Selected:
GENESIS 29: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 29
29
Jéíkab éí Réíchel áádóó Líyah bik'é Léíban yá naashnish
1Áádóó Jéíkab dah náádiidzáago ha'a'aah biyaadi diné kéédahat'ínígíí bikéyahdi jiníyá. 2Áko hajííghal, nít'éé' jó'akon, halgaigi tó hahadleeh bíighahgi táa'go dibé dah danéelkaadgo shijéé'; éí tó hahadleehígi nída'adlį́į́h lá, áko tsé ayóó áníłtsogo tó hahadleeh bidáádiní'ą́. 3Ákwe'é tó hahadleeh tsé bidádiní'áanii nahgóó anídeiłmasgo ákwii dibé t'áá ałtso ahanináhinilka'ígíí nída'adlį́į́h, áádóó tsé t'áá si'ą́ yę́ęjį' anídeiłmas lá.
4Áko Jéíkab áháłní, Shik'isóó, háádę́ę'shą' ádaaht'į́? Áko ádaaní, Héírandę́ę́' ádeiit'į́. 5Áko ánáábizhdoo'niid, Da' nihíísh Néíhor binálí Léíban wolyéii béédahonohsin? Áko áhodííniid, Aoo', béédahoniilzin. 6Da' yá'át'éehgoósh kééhat'į́? Áko ádadííniid, Aoo', yá'át'éehgo kééhat'į́. Jó, aadę́ę́' bitsi' Réíchel anoołkał. 7Áko ázhdííniid, Áko lá t'ahdii nízaa'az'ą́ ni; da'alį́į́' ahandadínóolkałgo t'ah doo baa hoolzhíish da; dibé da'oodlą́ą'go índa nílááhgóó bíni' ninááda'ałchozh doo. 8Áko ádadííniid, Dooda; t'áá ałtso ahanda'niilka'go índa tsé éí tó hahadleeh bidádiní'ánígíí nahgóó anídeilmasgo, índa dibé nída'adlį́į́h.
9Áko t'ahdii bił ałch'į' yádajiłti'go Réíchel hazhé'é bilį́į́' jininíłkaad, háálá éí nazh'niłkaad. 10Ákódzaago Jéíkab hamá bínaaí Léíban bitsi' Réíchel áádóó hamá bínaaí Léíban bilį́į́' jiiłtsą́ągo baazhníyá, áko Jéíkab éí tséhígíí tó hahadleeh bidádiní'áanii nahgóó ayííł máazgo hamá bínaaí Léíban bilį́į́' da'oodlą́ą́'. 11Áádóó Jéíkab éí Réíchel yizts'ǫsgo yícha. 12Kójíníigo Réíchel bił hojoolne', Nizhé'é éí shidá'í át'é; Rebékah biyáázh nishłį́, áko áádóó Réíchel dashdiilwodgo hazhé'é bił hojoolne'.
13Ákódzaago Léíban hadeezhí biyáázh Jéíkab níyá ha'níigo jidiizts'ą́ą'go ákǫ́ǫ́ bidááh jílwod, áádóó bizééjízhchidgo jizts'ǫs, índa haghangóó bił níjít'áázh, áko díidí t'áá ałtso bee Léíban bił nahojisne', 14áko Léíban áhodííniid, T'áá aaníí shits'in áádóó shits'íís nílį́į́ lá! Áko t'áá ákwe'é ba'ałk'ee dzizdáago ła' nídeezid.
15Áádóó Léíban éí Jéíkab áyidííniid, Da' t'óósh shidá'í nílínígíí bąą t'áá níík'eh shá nanilnish doo? Shił hólne', díkwíishą' bik'é nanilnish doo? 16Áko Léíban éí bitsi' naaki, alą́ąjį' nilínígíí Líyah wolyé, akéédę́'ígíí éí Réíchel wolyé. 17Líyah éí ha'át'e' ádin joolnáá', nidi Réíchel éí t'áá íiyisí ayóó ánóolnin áádóó baadzólní. 18Áko Jéíkab éí Réíchel ayóó'áyó'níigo ání, Nitsi' Réíchel, akéédę́ę́' naagháhígíí, tsosts'id nááhaijį' bideená ná naashnish doo. 19Áádóó Léíban ání, Nigo éí t'áá ákónéehee naa nishteeh doo; diné náánáła'go éí dooda, áko t'áá kǫ́ǫ́ naniná. 20Áko Jéíkab éí Réíchel bik'é nijilnishgo tsosts'id nááhai, áko ayóó'ájó'níigo bąą t'áá díkwíí yee' yiską́ hoł nahalin.
21Áko Jéíkab éí Léíban áyidííniid, She'asdzą́ą́ dooleełígíí shaa níłteeh, háálá k'ad beiníłką́, áko bił ahaa deesht'ash. 22Léíban éí diné ákwe'é kéédahat'ínígíí áłah áyiilaago áda'íísįįd. 23Ákódzaago hiłiijį́į'go bitsi' Líyah yił haa ní'áázh, áádóó bił yah ajííyá. 24Léíban éí asdzání há naal'a'í Zílpah wolyéii éí hatsi' Líyah yá naal'a' doo biniyé baazhníłtį́. 25Ákódzaago abínígo jó'akon, Líyah át'į́į́ lá, áko Léíban ábizhdííniid, Díishą' haa shííníł'įįd? Shą́ą́', Réíchel bik'é ná naash'a' ni'. Ha'át'éegoshą' shi'díínílo'? 26Áko Léíban ádííniid, Nihikéyahgi doo ákódaat'į́į da; akéédę́ę́' naagháii doo átsé diné baa yílteeh da; alą́ąjį' yizhchíinii éí átsé ádeił'į́. 27Díí bił síníkéego t'ááłáhídi damóo adooleeł, áádóó índa ła'ígíí naa náádadiiltééł; éí bik'é shá nanilnishgo tsosts'id nínáádoohah. 28Áko Jéíkab ákódzaago éí bee hach'į' ha'oodzí'ígíí bíighah adzisłį́į'go índa bitsi' Réíchel ałdó' haa néiníłtį́. 29Áádóó Léíban éí asdzání há naal'a'í Bílhah wolyéii éí hatsi' Réíchel yá naal'a' doo biniyé baazhníłtį́. 30Jéíkab éí Réíchel yił yah anáánáádzá, áko Líyah biláahgo Réíchel ayóó'ájó'ní, áádóó bik'é nijilnishgo tsosts'id nínáánááhai.
Jéíkab éí áłchíní bá nidahaazhchíinii
31Bóhólníihii éí Líyah bijijoodláago bił bééhózin, áko jooltsą́ągo áhoolaa, nidi Réíchel éí doo ałchíi da. 32Líyah izh'niiltsąądgo ashkii jishchį́; éí ashkii Rúben bee jíízhi'go ázhdííniid, T'áá aaníí shich'į' nahwiiłnáanii Bóhólníihii shá yaa ákoniizį́į́'; k'ad shahastiin ayóó'áshó'níi doo. 33Áádóó anáázh'niiltsąądgo ashkii náájíshchį́, áko ánáázhdí'ní, Shiji'joodláhígíí éí Bóhólníihii shá yidiizts'ą́ą́'; éí biniinaa díí ashkii shaa néiníłtį́, áko éí ashkii Símiyan bee jíízhi'. 34Náá'ákóne' anáázh'niiltsąądgo ashkii náájíshchį́, áko ázhdííniid, K'ad lá índa shahastiin bił hinish'náa doo ni, háálá táadi haye' há shéłchį́, áko díí bąą ashkii Líívai bee jíízhi'. 35Náábíkéé' góne' anáázh'niiltsąądgo ashkii náájíshchį́, áko ánáázhdoo'niid, K'ad Bóhólníihii baa hashniih doo; díí biniinaa ashkii Júdah bee jíízhi', áádóó t'áadoo náá'jíshchį́į da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).