GENESIS 30
30
1Áko Réíchel éí Jéíkab doo bá ajiłchíígóó hádí joołch'į́į́d, áko Jéíkab ábijiní, Áłchíní ła' shaa nínííł, doodago éí dadeestsaał. 2Áko Jéíkab éí Réíchel bich'į' hashkézniidzį́į'go ázhdííniid, Da' shíísh Diyin God sizínígi sézį́įgo doo íłchíígóó ániishłaa? 3Áko Réíchel ádííniid, Shoo, shá naal'a'í Bílhah bił yah aninááh, áko azhdoołchíiłgo honiiłt'aa sha'áłchíní hodooleeł. 4Áádóó há naal'a'í Bílhah hwe'asdzą́ą́ dooleeł biniyé haazhníłtį́, áko Jéíkab hoł yah ííyá. 5Áko Bílhah i'niiltsąądgo ashkii Jéíkab yá yishchį́. 6Áádóó Réíchel ádííniid, Diyin God shá yaa nást'įįd, áádóó shidiizts'ą́ą'go shiyáázh sheiníłtį́; díí bąą ashkii éí Dan bee jíízhi'. 7Réíchel bá naal'a'í Bílhah ináá'niiltsąądgo Jéíkab bá ashkii náájíshchį́. 8Áko Réíchel ánáádoo'niid, Ayóó át'éego shádí bił ahaa naasht'aashgo baa honíłná, áko ashkii éí Náftalai bee jíízhi'.
9Áko Líyah doo náá'jílchíígóó ha'ízh'deel'į́į́', áko há naal'a'í Zílpah éí Jéíkab be'asdzą́ą́ dooleeł biniyé baazhníłtį́. 10Áádóó Líyah bá naal'a'í Zílpah éí Jéíkab yá ashkii yishchį́. 11Líyah ádííniid, Shich'ohasne'! Éí bąą ashkii éí Géed bee jíízhi'. 12Áko Líyah bá naal'a'í Zílpah éí Jéíkab bá ashkii náájíshchį́. 13Líyah ánáádoo'niid, Shił hózhǫ́! Háálá diné dabitsi' éí bik'ihojidlíii dashiłníi doo, áko ashkii éí Ásher bee jíízhi'.
14Áádóó tł'oh naadą́ą́' ádaalne'jį' ayííłką́ągo Rúben halgaigóó ííyá, áko ch'il bich'į' ni'iichíhígíí yik'íníyáago bimá Líyah yá néiníłjool, ákohgo Réíchel éí Líyah áyidííniid, T'áá shǫǫdí niyáázh ch'il néiníłjoolígíí ła' shaa níłjooł. 15Líyah áhodííniid, Da' shahastiin shits'ąą naní'aahígíísh t'įįhdígo íínít'įįdgo baa nitsíníkees? Da' ákoósh shiyáázh bich'il dah náádidííłjoł? Áko Réíchel ádííniid, Niyáázh bich'il shaa níłjooł, áko díí tł'éé' Jéíkab nił dízhnóotish. 16Áádóó i'íí'ą́ągo Jéíkab dá'ák'ehdę́ę́' náádáałgo Líyah ch'íníyáago hadááh níyá, áko ádííniid, T'áá shił yah adíínáłí, háálá shiyáázh bich'il bik'é niníłjool. Áko t'áá éí bitł'éé' hoł jineezhtéézh. 17Áko Líyah ázhdííniidígíí Diyin God yidiizts'ą́ą'go izh'niiltsąąd, áádóó Jéíkab bá ashkii náájíshchį́; éí bił ashdladi ajishchį́. 18Áko Líyah ání, Shá naal'a'í shahastiin baa níłtį́įgo bąą Diyin God shich'į' na'nílá, áko ashkii éí Ísakar bee jíízhi'. 19Náá'áłdó' Líyah ináá'niiltsąądgo Jéíkab bá ashkii náájíshchį́; éí bił hastą́ądi ajishchį́. 20Áko Líyah ání, Diyin God éí aa yílyáii shá áyiilaa; k'ad shahastiin shił sikée doo, háálá biye' hastą́ą́h bá shéłchį́, áko ashkii éí Zébyulan bee jíízhi'. 21Áádóó bik'ijį' hach'é'é jishchį́įgo at'ééd éí Dáínah bee jíízhi'. 22Áko índa Diyin God éí Réíchel yénáálnii', áádóó Diyin God hodiizts'ą́ą'go jooltsą́ągo áhoolaa. 23Áko Réíchel izh'niiltsąądgo ashkii jishchį́, áádóó ájíní, Doo ił nishłį́į da yę́ę Diyin God shits'áidiní'ą́; 24ashkii éí Jóseph#30:24 Jóseph jiníigo éí Hííbrew k'ehjígo ła' aa nádooltééł jinínígi át'éego nahalin. bee jíízhi'go ájíní, Bóhólníihii bíni'dii shiyáázh ła' shaa nááyółtééł.
Léíban éí Jéíkab yik'é nidoolnishígíí yił aha'deet'ą́
25Ákódzaago Réíchel hayáázh Jóseph jishchį́įgo Jéíkab éí Léíban áyidííniid, Kééhasht'į́į́ nít'é'ígóó shikéyahgóó nídeeshdleeł biniyé nihééshidííł'aał. 26Sha'ákéí índa sha'áłchíní bideená ná nishishnish nít'é'ígíí shaa nínííł, áko shíni' dah diishnééh, háálá ná nishishnishígíí nił bééhózin. 27Nidi Léíban áháłní, Shich'oha'néego shaa nitsíníkees ládą́ą́' t'áá shǫǫdí t'áá kǫ́ǫ́ sínídá, háálá lą'ígóó shił ni'ééhwiizįįdgo niniit'aa Bóhólníihii shik'ijidlíigo shił bééhoozin. 28Díkwíishą' bik'é nanilnish doo éí bee shił hólne', ákohgo nich'į' ni'iishłée doo. 29Áko ábizhdííniid, Nił bééhózingo ná choisí'įįd, áádóó nilį́į́' baa áháshyą́ą́ nít'éé'. 30T'ah doo naa nishááhdą́ą́' nilį́į́' áłch'į́į́dí yee' nít'éé', áko k'ad t'óó ahayóí silį́į́'; naa níyáádóó índa Bóhólníihii nik'ijidlíigo hodideeshzhiizh, ákohgo hahgoshą' sha'áłchíní daabí dooleełígíí nabik'ítsískees doo? jidííniid. 31Áko ánáádoo'niid, Ha'át'íishą' naa deeshłééł? Jéíkab ání, Doo ha'át'íhída shaa dííléeł da; t'óó kóshidíílíiłgo nilį́į́' ná ninááníshkaad doo índa baa áháshyą́ą doo. 32Díí jį́ nilį́į́' bitahgóó deesháałgo áádę́ę́' dibé daastł'inígíí áádóó daalkizhígíí ats'ádeesh'nił, áádóó dibé bitahdę́ę́' dibéłchí'í t'áá ałtso, áádóó tł'ízí bitahdę́ę́' tł'ízí daalkizhígíí índa daastł'inígíí ats'ádeesh'niłgo éí bik'é ná naashnish doo. 33Baa hoolzhiizhgo shich'į' nidííléłígíí biniyé yíníyáago sha'át'e' ádingo nił bééhodoozįįł. Tł'ízí bitahdę́ę́' tł'ízí doo daastł'inígíí áádóó doo daalkizhígíí t'áá ałtso índa dibé bitahdę́ę́' doo dibéłchí'ígi ádaat'éhígíí ła' shilį́į́' bitah yiniłtsą́ągo ííshją́ą́ neest'į́į'ii ádaat'ée doo. 34Áádóó Léíban ání, Shił t'áá áko, t'áá ádííníniidígi át'ée doo. 35Ákohgo t'áá éí bijį́ Léíban éí tł'ízíką' danoodǫ́zígíí áádóó daalkizhígíí áádóó tł'ízí dabi'áadii daalkizhígíí áádóó daastł'inígíí t'áá ałtso t'áá hait'éegoda dah daalgaígíí t'áá ałtso, índa dibé bitahdę́ę́' dibéłchí'í t'áá ałtso haye'ké éí yaa ádahalyą́ą dooleełgo bá ats'ázh'nínil, 36áádóó tágí jį́ oodááł bíighah ánízáágóó Jéíkab bits'ádzískai, áádóó Léíban bilį́į́' łahjį'ígíí éí t'áá ákǫ́ǫ́ Jéíkab há yaa áhályą́.
37Ákódzaago Jéíkab éí t'iis áádóó tsin héízel wolyéii índa chésnat wolyéii bits'áoz'a' daditłé'ígíí néidiinilgo náhineesk'ęę'go yídayíízǫ́ǫzgo łigaigo noodǫ́ǫzgo áyiilaa. 38Áko tsin bídzíízǫ́ǫzgo noodǫ́ǫzgo ájiilaaígíí dibé yii' da'adlánígíí biyi'gi adadziztsih, áko dibé da'adlą́ągo adadí'nóoltsąął dzinízingo ájít'į́. 39Áko dibé índa tł'ízí ałdó' tsin yidááhdóó ada'niiltsąąd; biyázhí daashtłizh áádóó daastł' in índa daalkizhgo nidayiishchį́. 40Áko Jéíkab éí dibé yázhí ats'éinínil áádóó Léíban bilį́į́' bitahgóó dibé daashtłizhígíí índa dibéłchí'ígíí yił neiniłkaad. Áko Jéíkab t'áá sahdii bilį́į́' neiniłkaadgo t'áadoo Léíban bilį́į́' yitah yiinínil da. 41Ákót'éego alį́'ígíí aláahgo dabidziilii adadí'nóoltsąąłgo tsinígíí bíighahgi inída'niiltsąąh doo biniyé Jéíkab éí alį́'ígíí binááł tsinígíí éí tsé yii' nída'adlį́hígíí yiih néí'nił. 42Nidi alį́į́' doo dabidziilígíí éí doo tsin yá ninéí'nił da, áko doo dabidziilígíí éí Léíban bí; dabidziilígíí t'éiyá Jéíkab bí. 43Áko Jéíkab t'áá íiyisí azdeest'įįd; halį́į́' áádóó asdzání há nidaalte' áádóó diné há nidaalte' áádóó ghą́ą́'ask'idii índa télii t'óó ahóóyóí.
Currently Selected:
GENESIS 30: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 30
30
1Áko Réíchel éí Jéíkab doo bá ajiłchíígóó hádí joołch'į́į́d, áko Jéíkab ábijiní, Áłchíní ła' shaa nínííł, doodago éí dadeestsaał. 2Áko Jéíkab éí Réíchel bich'į' hashkézniidzį́į'go ázhdííniid, Da' shíísh Diyin God sizínígi sézį́įgo doo íłchíígóó ániishłaa? 3Áko Réíchel ádííniid, Shoo, shá naal'a'í Bílhah bił yah aninááh, áko azhdoołchíiłgo honiiłt'aa sha'áłchíní hodooleeł. 4Áádóó há naal'a'í Bílhah hwe'asdzą́ą́ dooleeł biniyé haazhníłtį́, áko Jéíkab hoł yah ííyá. 5Áko Bílhah i'niiltsąądgo ashkii Jéíkab yá yishchį́. 6Áádóó Réíchel ádííniid, Diyin God shá yaa nást'įįd, áádóó shidiizts'ą́ą'go shiyáázh sheiníłtį́; díí bąą ashkii éí Dan bee jíízhi'. 7Réíchel bá naal'a'í Bílhah ináá'niiltsąądgo Jéíkab bá ashkii náájíshchį́. 8Áko Réíchel ánáádoo'niid, Ayóó át'éego shádí bił ahaa naasht'aashgo baa honíłná, áko ashkii éí Náftalai bee jíízhi'.
9Áko Líyah doo náá'jílchíígóó ha'ízh'deel'į́į́', áko há naal'a'í Zílpah éí Jéíkab be'asdzą́ą́ dooleeł biniyé baazhníłtį́. 10Áádóó Líyah bá naal'a'í Zílpah éí Jéíkab yá ashkii yishchį́. 11Líyah ádííniid, Shich'ohasne'! Éí bąą ashkii éí Géed bee jíízhi'. 12Áko Líyah bá naal'a'í Zílpah éí Jéíkab bá ashkii náájíshchį́. 13Líyah ánáádoo'niid, Shił hózhǫ́! Háálá diné dabitsi' éí bik'ihojidlíii dashiłníi doo, áko ashkii éí Ásher bee jíízhi'.
14Áádóó tł'oh naadą́ą́' ádaalne'jį' ayííłką́ągo Rúben halgaigóó ííyá, áko ch'il bich'į' ni'iichíhígíí yik'íníyáago bimá Líyah yá néiníłjool, ákohgo Réíchel éí Líyah áyidííniid, T'áá shǫǫdí niyáázh ch'il néiníłjoolígíí ła' shaa níłjooł. 15Líyah áhodííniid, Da' shahastiin shits'ąą naní'aahígíísh t'įįhdígo íínít'įįdgo baa nitsíníkees? Da' ákoósh shiyáázh bich'il dah náádidííłjoł? Áko Réíchel ádííniid, Niyáázh bich'il shaa níłjooł, áko díí tł'éé' Jéíkab nił dízhnóotish. 16Áádóó i'íí'ą́ągo Jéíkab dá'ák'ehdę́ę́' náádáałgo Líyah ch'íníyáago hadááh níyá, áko ádííniid, T'áá shił yah adíínáłí, háálá shiyáázh bich'il bik'é niníłjool. Áko t'áá éí bitł'éé' hoł jineezhtéézh. 17Áko Líyah ázhdííniidígíí Diyin God yidiizts'ą́ą'go izh'niiltsąąd, áádóó Jéíkab bá ashkii náájíshchį́; éí bił ashdladi ajishchį́. 18Áko Líyah ání, Shá naal'a'í shahastiin baa níłtį́įgo bąą Diyin God shich'į' na'nílá, áko ashkii éí Ísakar bee jíízhi'. 19Náá'áłdó' Líyah ináá'niiltsąądgo Jéíkab bá ashkii náájíshchį́; éí bił hastą́ądi ajishchį́. 20Áko Líyah ání, Diyin God éí aa yílyáii shá áyiilaa; k'ad shahastiin shił sikée doo, háálá biye' hastą́ą́h bá shéłchį́, áko ashkii éí Zébyulan bee jíízhi'. 21Áádóó bik'ijį' hach'é'é jishchį́įgo at'ééd éí Dáínah bee jíízhi'. 22Áko índa Diyin God éí Réíchel yénáálnii', áádóó Diyin God hodiizts'ą́ą'go jooltsą́ągo áhoolaa. 23Áko Réíchel izh'niiltsąądgo ashkii jishchį́, áádóó ájíní, Doo ił nishłį́į da yę́ę Diyin God shits'áidiní'ą́; 24ashkii éí Jóseph#30:24 Jóseph jiníigo éí Hííbrew k'ehjígo ła' aa nádooltééł jinínígi át'éego nahalin. bee jíízhi'go ájíní, Bóhólníihii bíni'dii shiyáázh ła' shaa nááyółtééł.
Léíban éí Jéíkab yik'é nidoolnishígíí yił aha'deet'ą́
25Ákódzaago Réíchel hayáázh Jóseph jishchį́įgo Jéíkab éí Léíban áyidííniid, Kééhasht'į́į́ nít'é'ígóó shikéyahgóó nídeeshdleeł biniyé nihééshidííł'aał. 26Sha'ákéí índa sha'áłchíní bideená ná nishishnish nít'é'ígíí shaa nínííł, áko shíni' dah diishnééh, háálá ná nishishnishígíí nił bééhózin. 27Nidi Léíban áháłní, Shich'oha'néego shaa nitsíníkees ládą́ą́' t'áá shǫǫdí t'áá kǫ́ǫ́ sínídá, háálá lą'ígóó shił ni'ééhwiizįįdgo niniit'aa Bóhólníihii shik'ijidlíigo shił bééhoozin. 28Díkwíishą' bik'é nanilnish doo éí bee shił hólne', ákohgo nich'į' ni'iishłée doo. 29Áko ábizhdííniid, Nił bééhózingo ná choisí'įįd, áádóó nilį́į́' baa áháshyą́ą́ nít'éé'. 30T'ah doo naa nishááhdą́ą́' nilį́į́' áłch'į́į́dí yee' nít'éé', áko k'ad t'óó ahayóí silį́į́'; naa níyáádóó índa Bóhólníihii nik'ijidlíigo hodideeshzhiizh, ákohgo hahgoshą' sha'áłchíní daabí dooleełígíí nabik'ítsískees doo? jidííniid. 31Áko ánáádoo'niid, Ha'át'íishą' naa deeshłééł? Jéíkab ání, Doo ha'át'íhída shaa dííléeł da; t'óó kóshidíílíiłgo nilį́į́' ná ninááníshkaad doo índa baa áháshyą́ą doo. 32Díí jį́ nilį́į́' bitahgóó deesháałgo áádę́ę́' dibé daastł'inígíí áádóó daalkizhígíí ats'ádeesh'nił, áádóó dibé bitahdę́ę́' dibéłchí'í t'áá ałtso, áádóó tł'ízí bitahdę́ę́' tł'ízí daalkizhígíí índa daastł'inígíí ats'ádeesh'niłgo éí bik'é ná naashnish doo. 33Baa hoolzhiizhgo shich'į' nidííléłígíí biniyé yíníyáago sha'át'e' ádingo nił bééhodoozįįł. Tł'ízí bitahdę́ę́' tł'ízí doo daastł'inígíí áádóó doo daalkizhígíí t'áá ałtso índa dibé bitahdę́ę́' doo dibéłchí'ígi ádaat'éhígíí ła' shilį́į́' bitah yiniłtsą́ągo ííshją́ą́ neest'į́į'ii ádaat'ée doo. 34Áádóó Léíban ání, Shił t'áá áko, t'áá ádííníniidígi át'ée doo. 35Ákohgo t'áá éí bijį́ Léíban éí tł'ízíką' danoodǫ́zígíí áádóó daalkizhígíí áádóó tł'ízí dabi'áadii daalkizhígíí áádóó daastł'inígíí t'áá ałtso t'áá hait'éegoda dah daalgaígíí t'áá ałtso, índa dibé bitahdę́ę́' dibéłchí'í t'áá ałtso haye'ké éí yaa ádahalyą́ą dooleełgo bá ats'ázh'nínil, 36áádóó tágí jį́ oodááł bíighah ánízáágóó Jéíkab bits'ádzískai, áádóó Léíban bilį́į́' łahjį'ígíí éí t'áá ákǫ́ǫ́ Jéíkab há yaa áhályą́.
37Ákódzaago Jéíkab éí t'iis áádóó tsin héízel wolyéii índa chésnat wolyéii bits'áoz'a' daditłé'ígíí néidiinilgo náhineesk'ęę'go yídayíízǫ́ǫzgo łigaigo noodǫ́ǫzgo áyiilaa. 38Áko tsin bídzíízǫ́ǫzgo noodǫ́ǫzgo ájiilaaígíí dibé yii' da'adlánígíí biyi'gi adadziztsih, áko dibé da'adlą́ągo adadí'nóoltsąął dzinízingo ájít'į́. 39Áko dibé índa tł'ízí ałdó' tsin yidááhdóó ada'niiltsąąd; biyázhí daashtłizh áádóó daastł' in índa daalkizhgo nidayiishchį́. 40Áko Jéíkab éí dibé yázhí ats'éinínil áádóó Léíban bilį́į́' bitahgóó dibé daashtłizhígíí índa dibéłchí'ígíí yił neiniłkaad. Áko Jéíkab t'áá sahdii bilį́į́' neiniłkaadgo t'áadoo Léíban bilį́į́' yitah yiinínil da. 41Ákót'éego alį́'ígíí aláahgo dabidziilii adadí'nóoltsąąłgo tsinígíí bíighahgi inída'niiltsąąh doo biniyé Jéíkab éí alį́'ígíí binááł tsinígíí éí tsé yii' nída'adlį́hígíí yiih néí'nił. 42Nidi alį́į́' doo dabidziilígíí éí doo tsin yá ninéí'nił da, áko doo dabidziilígíí éí Léíban bí; dabidziilígíí t'éiyá Jéíkab bí. 43Áko Jéíkab t'áá íiyisí azdeest'įįd; halį́į́' áádóó asdzání há nidaalte' áádóó diné há nidaalte' áádóó ghą́ą́'ask'idii índa télii t'óó ahóóyóí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).