GENESIS 31
31
Jéíkab éí Léíban yits'ą́ą́' anííchą́ą́'
1Áko Jéíkab éí Léíban biye'ké kódaaníigo jidiizts'ą́ą́', Jéíkab éí nihizhé'é bí nít'é'ígíí ałtso bighazhdeet'ą́, áko nihizhé'é bí nít'é'ígíí bee ayóó ájít'é dzizlį́į́', Jéíkab jíínii'. 2Ákohgo Jéíkab éí Léíban baa ákozniizį́į'go t'ah nahdę́ę́' hach'į' át'éé nít'éé' yę́ę doo ákót'ée da. 3Nít'éé' Bóhólníihii éí Jéíkab áyidííniid, Danizhé'é yę́ę bikéyahgóó índa nik'éítahgóó nídídááh, áko nił honishłǫ́ǫ doo. 4Áko halgaidi na'nilkaadóó Jéíkab éí Réíchel índa Líyah ałdó' yíká i'ííł'a'go hágo yidííniid, 5áko áyidííniid, Nihizhé'é t'ah nahdę́ę́' shich'į' át'éé nít'éé' yę́ę doo shich'į' ákót'éégóó baa ákoniizį́į́', nidi shizhé'é biDiyin God shił hólǫ́. 6Nihił bééhózingo t'áá bíneesh'ánígi bee nihizhé'é bá naashnish nít'éé'. 7Nihizhé'é shina'azlo' índa baa honishnéhígíí neeznáadi ał'ąą ánáyiidlaa, ákondi atíshizhdoolíiłgi t'áadoo Diyin God hadi'ní'ą́ą da. 8Daastł'inígíí níí' neheleeh doo, shizhdííniidgo halį́į́' daastł'ingo deideeshchį́; Daashtłizhígíí níí' neheleeh doo, shizhdííniidgo halį́į́' dadeeshtłizhígíí náádeideeshchį́. 9Kót'éego Diyin God éí nihizhé'é bilį́į́' néidiinilgo sheinínil. 10Ákódzaago halį́į́' ada'niiltsąądgo, jó'akon, deenásts'aa' daashtłizhígíí áádóó daastł'inígíí áádóó áhánígo daastł'inígíí t'éiyá nináda'niyo'go baa neiseeł. 11Áádóó Diyin God bidiyingo naal'a'í biłee shich'į' haadzíi'go Jéíkab! shíłníigo shíízhi'. Áko ádííniid, Kǫ́ǫ́ honishłǫ́. 12Nít'éé' áshíłní, Díghaałgo níléí deenásts'aa' daashtłizhígíí áádóó daastł'inígíí áádóó áhánígo daastł'inígíí nida'niyoodgo níníł'į́, háálá Léíban ánííł'įįdígíí t'áá ałtso nésh'į́į́ nít'éé'. 13Shí Bétheldóó Diyin God ásht'į́; tsé íínítsigo ak'ah bik'i yeiniziid yę́ędi, áádóó shich'į' ádee háínídzíí'#Gen. 28:18-22. yę́ędóó ásht'į́, áko k'ad dah diinéehgo díí kéyahdóó nik'éí bikéyahgóó nídídááh. 14Áko Réíchel índa Líyah éí Jéíkab yich'į' haadzíi'go áyidííniid, Nihizhé'é bighandi ha'át'íhída nihíí' dooleełii ádin. 15Dé'éyóní niidlį́įgo nihaa nitsídzíkees ni'. Shą́ą́', nanihidziisnii' índa nihik'é naalyáhígíí ałtso bik'íjooyá. 16Nihizhé'é yit'íinii Diyin God néidiiláago éí k'ad nihíí' índa niha'áłchíní daabíí', áko k'ad Diyin God t'áá áníłnínígóó ánínééh.
17Áko Jéíkab nihizh'nínáago haye'ké índa ha'akéí ghą́ą́'ask'idii bikáá' dah bizdineesbin, 18áádóó halį́į́' t'áá ałtso áádóó Péídan-éíram hoolyéegi shójoost'e'ígíí hééł ájiilaago hazhé'é Áízak bich'į' Kéínan dine'é bikéyahgóó nihizh'níná. 19Léíban bilį́į́' táididoogishgóó ííyáago Réíchel éí dinéshchíín bich'į' nidahadláhígíí hazhé'é bee dzineez'į́į́' lá. 20Áko Jéíkab éí Síriya dine'é nilíinii Léíban wolyéii t'áadoo yiniihí áádóó t'áadoo yił halne'é yóó'anoot'į́į́' lá. 21Áko nihizh'nínáago ha'át'íhída hwee hólónígíí bił dashdíníichą́ą́', áádóó tooh ha'naa nizh'nínáago Dził Gíliyad bich'į' nihizh'níná.
Léíban éí Jéíkab yikéé' heedzá
22Nít'éé' táá' yiską́ągo índa Léíban bił hóone', Jéíkab yóó'íínáá lá, hodoo'niid. 23Áko hak'isóó ádíjii'nilgo bikéé' joonéełgo tsosts'id dahwiiską́ągo Dził Gíliyadi bízhníłná. 24Áko Síriya dine'é nilíinii Léíban wolyéii tł'ée'go Diyin God biłee haa honíle'go áhodííniid, Ádaa áhólyą́; t'ááká yá'át'éehgoda, doodaii' nichxǫ́'ígoda Jéíkab bich'į' hawóódziih lágo.
25Áko Léíban éí Jéíkab bízhníłná. Jéíkab éí dziłdi biníbaal nideiznil; Léíban áádóó hak'isóó Dził Gíliyadi haníbaal nidadziznil. 26Áádóó Léíban éí Jéíkab áyidííniid, Haashą' yínít'įįd? T'áadoo shił hólne'é íínínáá lá; shitsi'ké yisnááh nahalingo bił íínínáá lá. 27Ha'át'íishą' biniyé nanít'ingo shits'ą́ą́' anííníchą́ą́', áádóó shee aníní'į́į́' lá, áádóó t'áadoo shił hwíínílne' da? Shił hwíínílne'go t'éí sin áádóó ásaa' yilghaałígíí áádóó tsin tł'óół bąąh daneelzhee'go bee nida'a'néii índa nihi ł dahózhǫ́ǫgo shits'ą́ą́' dah doonáa dooleeł nít'éé'. 28Índa ha'át'éegoshą' t'áadoo shíni'dii shitsi'ké áádóó shitsóóké daséts'ǫsí dah dini'eezh lá? Doo áhólyą́ą́góó ánít'į́! 29Nideeshłíłígíí bíneesh'ą́ą nidi; tł'éédą́ą́' nizhé'é biDiyin God shich'į' haadzíi'go ání, Ádaa áhólyą́; t'ááká Jéíkab yá'át'éehgo, doodaii' nichxǫ́'ígo bich'į' hawóódziih lágo. 30Shizhé'é bighangóó nihideesh'nééł t'áá íiyisí bídin nilį́į́ nít'é'ígíí k'ad ákǫ́ǫ́ yínééł, nidi ha'át'íishą' biniyé dinéshchíín shee níní'į́į́'? 31Áko Jéíkab éí Léíban ánéidoo'niid, Násdzidgo lą́ą, háálá ádíshní, Nitsi'ké shighawóó'nííł lágo, nisingo bąą ásht'į́. 32T'áá háiida dinééshchíín nits'ą́ą́' neijaahgo bik'ííníyáá shį́į́; éí háni'dii doo jiináa da doo. Nihik'éí dabinááł shee hólónígíí bitahgi ha'át'íhída nihígíí hanítáago nídiilé. Háálá Réíchel yineez'į́'ígíí doo hoł bééhózin da.
33Áko Léíban dashdiiyáago Jéíkab biníbaal biyi' góne' yah ajííyá, áádóó Líyah biníbaal biyi' góne' ałdó', índa asdzání naaki naal'a'ígíí biníbaal biyi' góne' ałdó', áko t'áadoo bik'ízhních'id da. Líyah biníbaal biyi'dóó ch'éédzídzáago Réíchel biníbaal biyi' góne' yah ajííyá. 34Áko Réíchel éí dinéshchíín néidiinilgo ghą́ą́'ask'idii biyéél biyaa góne' ayíínilgo yik'i sidá, áko haníbaal biyi' t'áá át'é Léíban ch'ééh nináá'ázhch'id, nidi t'áadoo yik'íních'id da. 35Áko hazhé'é ábizhdííniid, Doo nídoosh'nééh át'ée daígíí t'áadoo bik'ee níni' si'ání, bóhonish'níihii, háálá ąądii sélį́į́'. Áko nináá'jízhch'id, nidi t'áadoo bik'ízhních'id da.
36Áko Jéíkab t'áá íiyisí báhóóchįįdgo kóníigo Léíban ayóo nayíyáłti', Ha'át'íishą' bee doo ákǫ́ǫ́ íít'įįd da? Ha'át'íishą' bee ádił asísiihgo t'áadoo biniyéhígóó shikéé' híínídzá. 37Shinaalye'é t'áá ałtso bii' nishíních'id, áko ha'át'íishą' nighandóó naalye'é shį́į́ nídinilá? Kwe'é shik'éí índa nik'éí binááł ninílé, áko nihá yaa nídadóot'įįł. 38T'áá nił naash'aashgo naadiin nááhai; nidibé dabi'ádígíí índa tł'ízí dabi'ádígíí t'áadoo bitsą́ hada'iiz'éel da, índa nideenásts'aa' t'áadoo ła' yishghal da. 39Dabi'doot'aalígíí éí doo naa hánil da; éí bik'é niná'ayéshdla'; jį́įgoda, doodaii' tł'ée'goda nit'įįhígíí éí bee shaa nánít'į́į́ nít'éé'. 40Kónísht'éé nít'éé'; jį́įgo hadoh bik'ee ti'hooshnííh nít'éé'; tł'ée'go hak'az bik'ee ti'hooshnííh nít'éé', áko díí bił shits'ánéíłkééh nít'éé'. 41Kót'éego nighangi naadiin shinááhai; nitsi' naaki bik'é naash'a'go dį́į́'ts'áadah nááhai, índa nilį́į́' bik'é naash'a'go hastą́ą́h nááhai, áádóó ałdó' naa honishnéhígíí neeznáadi ał'ąą ánéinidlaa. 42Áko shizhé'é biDiyin God éí Éíbraham yę́ę biDiyin God índa Áízak biDiyin God yidósinígíí doo shił hólǫ́ǫ́góó t'áá aaníí t'áá kohígo ashííníł'a' doo nít'éé'. Diyin God éí shich'į' nahwii'nánígíí áádóó shinaanishígíí yiyiiłtsą́, áko tł'éédą́ą́' nideezteh.
Jéíkab éí Léíban yił aha'deet'ą́
43Áko Léíban ánááhodoo'niid, Díí atsi'kéhígíí éí shitsi'ké, díí áłchíní éí sha'áłchíní, díí łį́'ígíí shilį́į́', índa yíní'ínígíí t'áá ałtso shí. Nidi k'ad díí shitsi'ké índa ba'áłchíní nidayiishchínígíida daashdeeshłííł? 44Éí bąą shí áádóó ni k'ad nił aha'di'deesht'ááł, áko éí bee nihita'gi ééhózin doo. 45Áko Jéíkab tsé ła' néidii' ą́ągo yeidíníishin. 46Áádóó Jéíkab bik'isóó áyidííniid, Tsé áłah ádaahłééh, áko tsé nídayiizláa'go ałk'i yáádayiitsih, áko tsé ałk'i yanáa'áago yíighahgi da'ííyą́ą́'. 47Áko Léíban éí Jíígar-sahadútha#31:47 Jíígar-sahadótha jiníigo éí Áram k'ehjígo tsé ninájihí bee ééhózin jiníigo óolyé. hoolyée doo, dííniid, nidi Jéíkab éí Galíid#31:47 Galíid jiníigo éí Hííbrew k'ehjígo tsé ninájihí bee ééhózin jiníigo óolyé. hoolyée doo, dííniid. 48Áádóó Léíban ání, Díí tsé ałk'i yanáa'áhígíí díí jį́ nihita'gi bee ééhózin doo. Éí biniinaa Galíid hoosye'. 49Índa Mízpah ałdó' hoosye', háálá ájíní, Ał'ąą neit'aashgo Bóhólníihii hanihisíid doo. 50Shitsi' haada yinilaago áádóó asdzání ła' ne'asdzą́ą́ ánáádeindlaago, azhą́ diné doo ła' nihinaagóó naagháa da nidi, Diyin God nihita'gi hólǫ́ǫgo ániit'éegi bił bééhózin; éí béénílniih.
51Áko Léíban éí Jéíkab áyidííniid, Jó'akon, díí nihita'gi tsé ałk'i yanáa'áhígíí áádóó díí tsé íí'áhígíí shí éí ásht'į́. 52Díí tsé ałk'i yanáa'áhígíí áádóó tsé íí'áhígíí ałdó' bee ééhózin doo, doo haada áhi'diilníił da biniyé tsé ałk'i yanáa'áhígíí doo bitis nich'į' nideesháał da, índa ni ałdó' díí tsé ałk'i yanáa'áhígíí índa díí tsé íí'áhígíí doo bitis shich'į' nidíínáał da. 53Éíbraham yę́ę biDiyin God índa Néíhor yę́ę biDiyin God éí hazhé'é yę́ę biDiyin God lá nihá yeinít'į́į doo. Áko Jéíkab bizhé'é Áízak biDiyin God yidósinígíí bee ádee hazdoodzíí', 54áko Jéíkab dziłghą́ą'di náá'dziisnii'go hak'isóó hágo dabizhdííniidgo bił da'jííyą́ą́', índa t'áá dziłghą́ą'di dahwiiską́.
55Áko abínígo Léíban nihizh'nínáago hatsóóké áádóó hatsi'ké dadzizts'ǫsgo bik'ijiijisdli', áádóó índa Léíban haghangóó anídzoodzá.
Currently Selected:
GENESIS 31: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 31
31
Jéíkab éí Léíban yits'ą́ą́' anííchą́ą́'
1Áko Jéíkab éí Léíban biye'ké kódaaníigo jidiizts'ą́ą́', Jéíkab éí nihizhé'é bí nít'é'ígíí ałtso bighazhdeet'ą́, áko nihizhé'é bí nít'é'ígíí bee ayóó ájít'é dzizlį́į́', Jéíkab jíínii'. 2Ákohgo Jéíkab éí Léíban baa ákozniizį́į'go t'ah nahdę́ę́' hach'į' át'éé nít'éé' yę́ę doo ákót'ée da. 3Nít'éé' Bóhólníihii éí Jéíkab áyidííniid, Danizhé'é yę́ę bikéyahgóó índa nik'éítahgóó nídídááh, áko nił honishłǫ́ǫ doo. 4Áko halgaidi na'nilkaadóó Jéíkab éí Réíchel índa Líyah ałdó' yíká i'ííł'a'go hágo yidííniid, 5áko áyidííniid, Nihizhé'é t'ah nahdę́ę́' shich'į' át'éé nít'éé' yę́ę doo shich'į' ákót'éégóó baa ákoniizį́į́', nidi shizhé'é biDiyin God shił hólǫ́. 6Nihił bééhózingo t'áá bíneesh'ánígi bee nihizhé'é bá naashnish nít'éé'. 7Nihizhé'é shina'azlo' índa baa honishnéhígíí neeznáadi ał'ąą ánáyiidlaa, ákondi atíshizhdoolíiłgi t'áadoo Diyin God hadi'ní'ą́ą da. 8Daastł'inígíí níí' neheleeh doo, shizhdííniidgo halį́į́' daastł'ingo deideeshchį́; Daashtłizhígíí níí' neheleeh doo, shizhdííniidgo halį́į́' dadeeshtłizhígíí náádeideeshchį́. 9Kót'éego Diyin God éí nihizhé'é bilį́į́' néidiinilgo sheinínil. 10Ákódzaago halį́į́' ada'niiltsąądgo, jó'akon, deenásts'aa' daashtłizhígíí áádóó daastł'inígíí áádóó áhánígo daastł'inígíí t'éiyá nináda'niyo'go baa neiseeł. 11Áádóó Diyin God bidiyingo naal'a'í biłee shich'į' haadzíi'go Jéíkab! shíłníigo shíízhi'. Áko ádííniid, Kǫ́ǫ́ honishłǫ́. 12Nít'éé' áshíłní, Díghaałgo níléí deenásts'aa' daashtłizhígíí áádóó daastł'inígíí áádóó áhánígo daastł'inígíí nida'niyoodgo níníł'į́, háálá Léíban ánííł'įįdígíí t'áá ałtso nésh'į́į́ nít'éé'. 13Shí Bétheldóó Diyin God ásht'į́; tsé íínítsigo ak'ah bik'i yeiniziid yę́ędi, áádóó shich'į' ádee háínídzíí'#Gen. 28:18-22. yę́ędóó ásht'į́, áko k'ad dah diinéehgo díí kéyahdóó nik'éí bikéyahgóó nídídááh. 14Áko Réíchel índa Líyah éí Jéíkab yich'į' haadzíi'go áyidííniid, Nihizhé'é bighandi ha'át'íhída nihíí' dooleełii ádin. 15Dé'éyóní niidlį́įgo nihaa nitsídzíkees ni'. Shą́ą́', nanihidziisnii' índa nihik'é naalyáhígíí ałtso bik'íjooyá. 16Nihizhé'é yit'íinii Diyin God néidiiláago éí k'ad nihíí' índa niha'áłchíní daabíí', áko k'ad Diyin God t'áá áníłnínígóó ánínééh.
17Áko Jéíkab nihizh'nínáago haye'ké índa ha'akéí ghą́ą́'ask'idii bikáá' dah bizdineesbin, 18áádóó halį́į́' t'áá ałtso áádóó Péídan-éíram hoolyéegi shójoost'e'ígíí hééł ájiilaago hazhé'é Áízak bich'į' Kéínan dine'é bikéyahgóó nihizh'níná. 19Léíban bilį́į́' táididoogishgóó ííyáago Réíchel éí dinéshchíín bich'į' nidahadláhígíí hazhé'é bee dzineez'į́į́' lá. 20Áko Jéíkab éí Síriya dine'é nilíinii Léíban wolyéii t'áadoo yiniihí áádóó t'áadoo yił halne'é yóó'anoot'į́į́' lá. 21Áko nihizh'nínáago ha'át'íhída hwee hólónígíí bił dashdíníichą́ą́', áádóó tooh ha'naa nizh'nínáago Dził Gíliyad bich'į' nihizh'níná.
Léíban éí Jéíkab yikéé' heedzá
22Nít'éé' táá' yiską́ągo índa Léíban bił hóone', Jéíkab yóó'íínáá lá, hodoo'niid. 23Áko hak'isóó ádíjii'nilgo bikéé' joonéełgo tsosts'id dahwiiską́ągo Dził Gíliyadi bízhníłná. 24Áko Síriya dine'é nilíinii Léíban wolyéii tł'ée'go Diyin God biłee haa honíle'go áhodííniid, Ádaa áhólyą́; t'ááká yá'át'éehgoda, doodaii' nichxǫ́'ígoda Jéíkab bich'į' hawóódziih lágo.
25Áko Léíban éí Jéíkab bízhníłná. Jéíkab éí dziłdi biníbaal nideiznil; Léíban áádóó hak'isóó Dził Gíliyadi haníbaal nidadziznil. 26Áádóó Léíban éí Jéíkab áyidííniid, Haashą' yínít'įįd? T'áadoo shił hólne'é íínínáá lá; shitsi'ké yisnááh nahalingo bił íínínáá lá. 27Ha'át'íishą' biniyé nanít'ingo shits'ą́ą́' anííníchą́ą́', áádóó shee aníní'į́į́' lá, áádóó t'áadoo shił hwíínílne' da? Shił hwíínílne'go t'éí sin áádóó ásaa' yilghaałígíí áádóó tsin tł'óół bąąh daneelzhee'go bee nida'a'néii índa nihi ł dahózhǫ́ǫgo shits'ą́ą́' dah doonáa dooleeł nít'éé'. 28Índa ha'át'éegoshą' t'áadoo shíni'dii shitsi'ké áádóó shitsóóké daséts'ǫsí dah dini'eezh lá? Doo áhólyą́ą́góó ánít'į́! 29Nideeshłíłígíí bíneesh'ą́ą nidi; tł'éédą́ą́' nizhé'é biDiyin God shich'į' haadzíi'go ání, Ádaa áhólyą́; t'ááká Jéíkab yá'át'éehgo, doodaii' nichxǫ́'ígo bich'į' hawóódziih lágo. 30Shizhé'é bighangóó nihideesh'nééł t'áá íiyisí bídin nilį́į́ nít'é'ígíí k'ad ákǫ́ǫ́ yínééł, nidi ha'át'íishą' biniyé dinéshchíín shee níní'į́į́'? 31Áko Jéíkab éí Léíban ánéidoo'niid, Násdzidgo lą́ą, háálá ádíshní, Nitsi'ké shighawóó'nííł lágo, nisingo bąą ásht'į́. 32T'áá háiida dinééshchíín nits'ą́ą́' neijaahgo bik'ííníyáá shį́į́; éí háni'dii doo jiináa da doo. Nihik'éí dabinááł shee hólónígíí bitahgi ha'át'íhída nihígíí hanítáago nídiilé. Háálá Réíchel yineez'į́'ígíí doo hoł bééhózin da.
33Áko Léíban dashdiiyáago Jéíkab biníbaal biyi' góne' yah ajííyá, áádóó Líyah biníbaal biyi' góne' ałdó', índa asdzání naaki naal'a'ígíí biníbaal biyi' góne' ałdó', áko t'áadoo bik'ízhních'id da. Líyah biníbaal biyi'dóó ch'éédzídzáago Réíchel biníbaal biyi' góne' yah ajííyá. 34Áko Réíchel éí dinéshchíín néidiinilgo ghą́ą́'ask'idii biyéél biyaa góne' ayíínilgo yik'i sidá, áko haníbaal biyi' t'áá át'é Léíban ch'ééh nináá'ázhch'id, nidi t'áadoo yik'íních'id da. 35Áko hazhé'é ábizhdííniid, Doo nídoosh'nééh át'ée daígíí t'áadoo bik'ee níni' si'ání, bóhonish'níihii, háálá ąądii sélį́į́'. Áko nináá'jízhch'id, nidi t'áadoo bik'ízhních'id da.
36Áko Jéíkab t'áá íiyisí báhóóchįįdgo kóníigo Léíban ayóo nayíyáłti', Ha'át'íishą' bee doo ákǫ́ǫ́ íít'įįd da? Ha'át'íishą' bee ádił asísiihgo t'áadoo biniyéhígóó shikéé' híínídzá. 37Shinaalye'é t'áá ałtso bii' nishíních'id, áko ha'át'íishą' nighandóó naalye'é shį́į́ nídinilá? Kwe'é shik'éí índa nik'éí binááł ninílé, áko nihá yaa nídadóot'įįł. 38T'áá nił naash'aashgo naadiin nááhai; nidibé dabi'ádígíí índa tł'ízí dabi'ádígíí t'áadoo bitsą́ hada'iiz'éel da, índa nideenásts'aa' t'áadoo ła' yishghal da. 39Dabi'doot'aalígíí éí doo naa hánil da; éí bik'é niná'ayéshdla'; jį́įgoda, doodaii' tł'ée'goda nit'įįhígíí éí bee shaa nánít'į́į́ nít'éé'. 40Kónísht'éé nít'éé'; jį́įgo hadoh bik'ee ti'hooshnííh nít'éé'; tł'ée'go hak'az bik'ee ti'hooshnííh nít'éé', áko díí bił shits'ánéíłkééh nít'éé'. 41Kót'éego nighangi naadiin shinááhai; nitsi' naaki bik'é naash'a'go dį́į́'ts'áadah nááhai, índa nilį́į́' bik'é naash'a'go hastą́ą́h nááhai, áádóó ałdó' naa honishnéhígíí neeznáadi ał'ąą ánéinidlaa. 42Áko shizhé'é biDiyin God éí Éíbraham yę́ę biDiyin God índa Áízak biDiyin God yidósinígíí doo shił hólǫ́ǫ́góó t'áá aaníí t'áá kohígo ashííníł'a' doo nít'éé'. Diyin God éí shich'į' nahwii'nánígíí áádóó shinaanishígíí yiyiiłtsą́, áko tł'éédą́ą́' nideezteh.
Jéíkab éí Léíban yił aha'deet'ą́
43Áko Léíban ánááhodoo'niid, Díí atsi'kéhígíí éí shitsi'ké, díí áłchíní éí sha'áłchíní, díí łį́'ígíí shilį́į́', índa yíní'ínígíí t'áá ałtso shí. Nidi k'ad díí shitsi'ké índa ba'áłchíní nidayiishchínígíida daashdeeshłííł? 44Éí bąą shí áádóó ni k'ad nił aha'di'deesht'ááł, áko éí bee nihita'gi ééhózin doo. 45Áko Jéíkab tsé ła' néidii' ą́ągo yeidíníishin. 46Áádóó Jéíkab bik'isóó áyidííniid, Tsé áłah ádaahłééh, áko tsé nídayiizláa'go ałk'i yáádayiitsih, áko tsé ałk'i yanáa'áago yíighahgi da'ííyą́ą́'. 47Áko Léíban éí Jíígar-sahadútha#31:47 Jíígar-sahadótha jiníigo éí Áram k'ehjígo tsé ninájihí bee ééhózin jiníigo óolyé. hoolyée doo, dííniid, nidi Jéíkab éí Galíid#31:47 Galíid jiníigo éí Hííbrew k'ehjígo tsé ninájihí bee ééhózin jiníigo óolyé. hoolyée doo, dííniid. 48Áádóó Léíban ání, Díí tsé ałk'i yanáa'áhígíí díí jį́ nihita'gi bee ééhózin doo. Éí biniinaa Galíid hoosye'. 49Índa Mízpah ałdó' hoosye', háálá ájíní, Ał'ąą neit'aashgo Bóhólníihii hanihisíid doo. 50Shitsi' haada yinilaago áádóó asdzání ła' ne'asdzą́ą́ ánáádeindlaago, azhą́ diné doo ła' nihinaagóó naagháa da nidi, Diyin God nihita'gi hólǫ́ǫgo ániit'éegi bił bééhózin; éí béénílniih.
51Áko Léíban éí Jéíkab áyidííniid, Jó'akon, díí nihita'gi tsé ałk'i yanáa'áhígíí áádóó díí tsé íí'áhígíí shí éí ásht'į́. 52Díí tsé ałk'i yanáa'áhígíí áádóó tsé íí'áhígíí ałdó' bee ééhózin doo, doo haada áhi'diilníił da biniyé tsé ałk'i yanáa'áhígíí doo bitis nich'į' nideesháał da, índa ni ałdó' díí tsé ałk'i yanáa'áhígíí índa díí tsé íí'áhígíí doo bitis shich'į' nidíínáał da. 53Éíbraham yę́ę biDiyin God índa Néíhor yę́ę biDiyin God éí hazhé'é yę́ę biDiyin God lá nihá yeinít'į́į doo. Áko Jéíkab bizhé'é Áízak biDiyin God yidósinígíí bee ádee hazdoodzíí', 54áko Jéíkab dziłghą́ą'di náá'dziisnii'go hak'isóó hágo dabizhdííniidgo bił da'jííyą́ą́', índa t'áá dziłghą́ą'di dahwiiską́.
55Áko abínígo Léíban nihizh'nínáago hatsóóké áádóó hatsi'ké dadzizts'ǫsgo bik'ijiijisdli', áádóó índa Léíban haghangóó anídzoodzá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).