GENESIS 35
35
Bétheldi Diyin God éí Jéíkab yik'ijisdli'
1Diyin God éí Jéíkab áyidííniid, Dah diinéehgo Béthelgóó dínééh; áadi kénááhót'į́į doo; ákwe'é Diyin God bich'į' náádi'yííłnih biniyé bikáá' náá'iiniihí ádíílííł; nínaaí Íísa bits'ą́ą́' yóó'íínílwod yę́ędą́ą́' ákwii nich'į' yit'íní í'diishyaa.#Gen. 28:11-17. 2Ákohgo Jéíkab éí ba'áłchíní índa yił naakaígíí t'áá ałtso áyidííniid, Ana'í bi'eda'alyaii nihee dahólóonii yóó'adahołtł'iid áádóó ádąąh dahołdééh, índa danihi'éé' ła' biih náádaahkai. 3Áko sołtį', Béthel góde dii'nééł; áadi Diyin God bich'į' náádi'yeesh'nih biniyé bikáá' náá'iiniihí ádeeshłííł; shich'į' nahwii'ná yę́ędą́ą́' éí shich'į' ééhoosinii éí t'áá naasháágóó shaa áhályą́ą́ nít'éé'. 4Áko ana'í bi'eda'alyaii nidajijaahígíí t'áá a łtso índa jaatł'óół hajaa' bighá daaz'áhígíí Jéíkab baa dadziiznil, áko Jéíkab éí Shííkem bíighahgi chéch'il biyaagi nooh yishchį́.
5Áko índa dah náádazhdii'ná, áko éí dahanaagóó kin hadaas'áhígíí Diyin God bik'ee hoł daayéé', áko Jéíkab biye'ké t'áadoo yich'į' dadeezbaa' da. 6Áádóó Kéínan kéyahgi Luz kin shijaa'di éí biyi' (t'áá éí Béthel hoolyéhígi); Jéíkab índa diné bił nijikaígíí t'áá ałtso bił jíkai. 7Ákwe'é bikáá' náá'iiniihí ájiilaa, áko éí haz'ánígi El Béthel hoolyée doo, jidííniid, háálá hánaaí bits'ą́ą́' yóó'ajoolwod yę́ędą́ą́' ákwe'é Diyin God hach'į' yit'íní í'diilyaa. 8Áko Déborah éí Rebékah bineesánígíí daaztsą́ągo Béthel biyeijígo chéch'il biyaagi łeeh bi'dooltį́; ákwe'é Álan-bákoth#35:8 Álan-bákoth jiníigo éí Hííbrew k'ehjígo chéch'il sikaadgi dajíícha jiníigo óolyé. hoosye'.
9Áko Diyin God éí Jéíkab yich'į' yit'íní í'diilyaa; Péídan-éíramdę́ę́' ch'íná'náago bik'ijisdli'. 10Áádóó Diyin God ábidííniid, Jéíkab éí nízhi'; k'ad éí doo Jéíkab yinílyée da doo, nidi Ízrel yinílyée doo,#Gen. 32:28. áádóó Ízrel yee hóózhi'. 11Áko Diyin God ánáábidoo'niid, Diyin God Aláahgo Ayóó'ábóodziilii nishłį́; náásgóó na'áłchíní k'ee'ąą yilzhish doo; k'ee'ąą nooht'į́įł doo; dadine'é índa ał'ąą dine'é nits'ą́ą́dóó hodooleeł, índa nits'ą́ą́dóó naat'áanii ch'íhidookah. 12Éíbraham índa Áízak éí kéyah baa diní'áanii naa dideesh'ááł, índa na'áłchíní náás da'ahílchíihii ałdó' baa dideesh'ááł.#Gen. 17:4-8. 13Áádóó índa Diyin God hach'į' yáłti' yę́ę hats'ą́ą́' dah náhodiidle'. 14Áádóó Jéíkab éí Diyin God hach'į' haadzí'ígi tsé#Gen. 28:13-18. ajíítsigo bik'ijį' yanáadzi'go nááhániihii yajiiziid, índa ak'ah ałdó' yajiiziid. 15Áko Jéíkab ákwe'é Diyin God hach'į' haadzí'ígi Béthel hoolyée doo, jidííniid.#Gen. 28:18,19.
Réíchel daaztsą́
16Áádóó Bétheldóó dah náázhdii'ná, áko Éfrath t'áá áyídí hadziihgo Réíchel awéé' bídii'na'go t'áá íiyisí bich'į' nahwiisnáá'. 17Ákódzaago t'áá íiyisí bich'į' nahwii'náago asdzání ha'niyóodii áhodííniid, T'áadoo nił yé'í, niyáázh k'ad ła' nááhodoodleeł. 18Ákódzaago hwii' sizíinii hwii' haalyeedgo Benónai#35:18 Hííbrew k'ehjígo Benónai jiníigo yínííł nishłį́įgo shiyáázh shíłchínígíí jiníigo óolyé. joolyée doo, jidííniid, háálá dadziztsą́, nidi bizhé'é éí Bénjamin#35:18 Bénjamin jiníigo éí Hííbrew k'ehjígo shiye' shinish'náájíígíí jiníigo óolyé. yidííniid. 19Áko Réíchel daaztsą́ągo Éfrathgóó atiinígíí bíighahgi łeeh bi'dooltį́; t'áá ákwe'é Béthlehem hoolyé. 20Áko Jéíkab jishcháá' bikáa'gi tsé yeidíníishin; éí díí jį́į́góó Réíchel bijishcháá' bikáa'gi tsé yadíníilzhin át'é. 21Áádóó Ízrel dah náázhdii'náago Ííden kin nineezgo yaa'áhígíí biláahdi honíbaal nizhnínil.
Jéíkab biye'ké
(1Chr. 2:1,2)
22Áko ákódzaago Ízrel éí kéyah yiyi'gi kééhat'į́įgo Rúben dah diiyáago Bílhah, hazhé'é be'asdzą́ą́ yíł'íní, bił jineezhtéézh, áko éí Ízrel yiyíínii'.
Jéíkab biye'ké éí naakits'áadah. 23Líyah biyáázhké: Jéíkab bá alą́ąjį' yizhchíinii éí Rúben wolyéii áádóó Símiyan áádóó Líívai áádóó Júdah áádóó Ísakar índa Zébyulan daolyé. 24Réíchel biyáázhké éí Jóseph índa Bénjamin wolyé. 25Áádóó Réíchel bá naal'a'í Bílhah biyáázhké éí Dan índa Náftalai wolyé. 26Líyah bá naal'a'í Zílpah biyáázhké éí Géed índa Ásher wolyé. Díidí Jéíkab biye'ké ádaat'į́; éí Péídan-éíram hoolyéegi bá niheezhchį́.
Áízak daaztsą́
27Áádóó Mámre hoolyéegi Árbah bikin haal'áhígíí éí Hííbran hoolyéedi Jéíkab bizhé'é Áízak yaa níyá. Ákwe'é Éíbraham índa Áízak t'óó átsééd kééhat'į́į́ nít'éé'.#Gen. 13:18. 28Áko Áízak bíídíiską́ą́dóó neeznádiindóó ba'aan tseebídiin binááhai. 29Áko Áízak honíłch'i hwii' haalwodgo dadziztsą́; hwíídíiską́ą́dóó lą'í hwiiską́ągo hadzistihgo hak'éí yę́ę ahikááhgóó dzizlį́į́', áko haye' Íísa índa Jéíkab łeeh hóółtį́.
Currently Selected:
GENESIS 35: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 35
35
Bétheldi Diyin God éí Jéíkab yik'ijisdli'
1Diyin God éí Jéíkab áyidííniid, Dah diinéehgo Béthelgóó dínééh; áadi kénááhót'į́į doo; ákwe'é Diyin God bich'į' náádi'yííłnih biniyé bikáá' náá'iiniihí ádíílííł; nínaaí Íísa bits'ą́ą́' yóó'íínílwod yę́ędą́ą́' ákwii nich'į' yit'íní í'diishyaa.#Gen. 28:11-17. 2Ákohgo Jéíkab éí ba'áłchíní índa yił naakaígíí t'áá ałtso áyidííniid, Ana'í bi'eda'alyaii nihee dahólóonii yóó'adahołtł'iid áádóó ádąąh dahołdééh, índa danihi'éé' ła' biih náádaahkai. 3Áko sołtį', Béthel góde dii'nééł; áadi Diyin God bich'į' náádi'yeesh'nih biniyé bikáá' náá'iiniihí ádeeshłííł; shich'į' nahwii'ná yę́ędą́ą́' éí shich'į' ééhoosinii éí t'áá naasháágóó shaa áhályą́ą́ nít'éé'. 4Áko ana'í bi'eda'alyaii nidajijaahígíí t'áá a łtso índa jaatł'óół hajaa' bighá daaz'áhígíí Jéíkab baa dadziiznil, áko Jéíkab éí Shííkem bíighahgi chéch'il biyaagi nooh yishchį́.
5Áko índa dah náádazhdii'ná, áko éí dahanaagóó kin hadaas'áhígíí Diyin God bik'ee hoł daayéé', áko Jéíkab biye'ké t'áadoo yich'į' dadeezbaa' da. 6Áádóó Kéínan kéyahgi Luz kin shijaa'di éí biyi' (t'áá éí Béthel hoolyéhígi); Jéíkab índa diné bił nijikaígíí t'áá ałtso bił jíkai. 7Ákwe'é bikáá' náá'iiniihí ájiilaa, áko éí haz'ánígi El Béthel hoolyée doo, jidííniid, háálá hánaaí bits'ą́ą́' yóó'ajoolwod yę́ędą́ą́' ákwe'é Diyin God hach'į' yit'íní í'diilyaa. 8Áko Déborah éí Rebékah bineesánígíí daaztsą́ągo Béthel biyeijígo chéch'il biyaagi łeeh bi'dooltį́; ákwe'é Álan-bákoth#35:8 Álan-bákoth jiníigo éí Hííbrew k'ehjígo chéch'il sikaadgi dajíícha jiníigo óolyé. hoosye'.
9Áko Diyin God éí Jéíkab yich'į' yit'íní í'diilyaa; Péídan-éíramdę́ę́' ch'íná'náago bik'ijisdli'. 10Áádóó Diyin God ábidííniid, Jéíkab éí nízhi'; k'ad éí doo Jéíkab yinílyée da doo, nidi Ízrel yinílyée doo,#Gen. 32:28. áádóó Ízrel yee hóózhi'. 11Áko Diyin God ánáábidoo'niid, Diyin God Aláahgo Ayóó'ábóodziilii nishłį́; náásgóó na'áłchíní k'ee'ąą yilzhish doo; k'ee'ąą nooht'į́įł doo; dadine'é índa ał'ąą dine'é nits'ą́ą́dóó hodooleeł, índa nits'ą́ą́dóó naat'áanii ch'íhidookah. 12Éíbraham índa Áízak éí kéyah baa diní'áanii naa dideesh'ááł, índa na'áłchíní náás da'ahílchíihii ałdó' baa dideesh'ááł.#Gen. 17:4-8. 13Áádóó índa Diyin God hach'į' yáłti' yę́ę hats'ą́ą́' dah náhodiidle'. 14Áádóó Jéíkab éí Diyin God hach'į' haadzí'ígi tsé#Gen. 28:13-18. ajíítsigo bik'ijį' yanáadzi'go nááhániihii yajiiziid, índa ak'ah ałdó' yajiiziid. 15Áko Jéíkab ákwe'é Diyin God hach'į' haadzí'ígi Béthel hoolyée doo, jidííniid.#Gen. 28:18,19.
Réíchel daaztsą́
16Áádóó Bétheldóó dah náázhdii'ná, áko Éfrath t'áá áyídí hadziihgo Réíchel awéé' bídii'na'go t'áá íiyisí bich'į' nahwiisnáá'. 17Ákódzaago t'áá íiyisí bich'į' nahwii'náago asdzání ha'niyóodii áhodííniid, T'áadoo nił yé'í, niyáázh k'ad ła' nááhodoodleeł. 18Ákódzaago hwii' sizíinii hwii' haalyeedgo Benónai#35:18 Hííbrew k'ehjígo Benónai jiníigo yínííł nishłį́įgo shiyáázh shíłchínígíí jiníigo óolyé. joolyée doo, jidííniid, háálá dadziztsą́, nidi bizhé'é éí Bénjamin#35:18 Bénjamin jiníigo éí Hííbrew k'ehjígo shiye' shinish'náájíígíí jiníigo óolyé. yidííniid. 19Áko Réíchel daaztsą́ągo Éfrathgóó atiinígíí bíighahgi łeeh bi'dooltį́; t'áá ákwe'é Béthlehem hoolyé. 20Áko Jéíkab jishcháá' bikáa'gi tsé yeidíníishin; éí díí jį́į́góó Réíchel bijishcháá' bikáa'gi tsé yadíníilzhin át'é. 21Áádóó Ízrel dah náázhdii'náago Ííden kin nineezgo yaa'áhígíí biláahdi honíbaal nizhnínil.
Jéíkab biye'ké
(1Chr. 2:1,2)
22Áko ákódzaago Ízrel éí kéyah yiyi'gi kééhat'į́įgo Rúben dah diiyáago Bílhah, hazhé'é be'asdzą́ą́ yíł'íní, bił jineezhtéézh, áko éí Ízrel yiyíínii'.
Jéíkab biye'ké éí naakits'áadah. 23Líyah biyáázhké: Jéíkab bá alą́ąjį' yizhchíinii éí Rúben wolyéii áádóó Símiyan áádóó Líívai áádóó Júdah áádóó Ísakar índa Zébyulan daolyé. 24Réíchel biyáázhké éí Jóseph índa Bénjamin wolyé. 25Áádóó Réíchel bá naal'a'í Bílhah biyáázhké éí Dan índa Náftalai wolyé. 26Líyah bá naal'a'í Zílpah biyáázhké éí Géed índa Ásher wolyé. Díidí Jéíkab biye'ké ádaat'į́; éí Péídan-éíram hoolyéegi bá niheezhchį́.
Áízak daaztsą́
27Áádóó Mámre hoolyéegi Árbah bikin haal'áhígíí éí Hííbran hoolyéedi Jéíkab bizhé'é Áízak yaa níyá. Ákwe'é Éíbraham índa Áízak t'óó átsééd kééhat'į́į́ nít'éé'.#Gen. 13:18. 28Áko Áízak bíídíiską́ą́dóó neeznádiindóó ba'aan tseebídiin binááhai. 29Áko Áízak honíłch'i hwii' haalwodgo dadziztsą́; hwíídíiską́ą́dóó lą'í hwiiską́ągo hadzistihgo hak'éí yę́ę ahikááhgóó dzizlį́į́', áko haye' Íísa índa Jéíkab łeeh hóółtį́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).