GENESIS 38
38
Júdah áádóó Téímar
1Ákódzaago íídą́ą́' Júdah bik'isóó yits'ą́ą́' dah diiyáago Adálam dine'é léi' ła' Háírah yolyéego yaa níyá. 2Ákwe'é Júdah éí Kéínan dine'é léi' Shúwah wolyéii bitsi' jiiłtsą́. Áko éí yił ahaa yít'áazhgo 3i'niiltsąądgo ashkii yishchį́; éí Er bee jíízhi'. 4Áádóó anáá'niiltsąądgo ashkii náánéíshchį́; éí Ónan bee jíízhi'. 5Áádóó anáá'niiltsąądgo ashkii ła' náánéíshchį́; éí Shíílah bee jíízhi'; Júdah éí Kíízib hoolyéegi nijigháago há ashchį́. 6Áko Júdah bá alą́ąjį' yizhchíinii Er wolyé; éí Téímar wolyéii be'asdzą́ą́ dooleeł biniyé yá néidiiłtį́. 7Áko Júdah bá alą́ąjį' yizhchíinii Er wolyéego Bóhólníihii binááł doo yá'áshóonii yaa yigáałgo Bóhólníihii biisxį́. 8Áko Júdah éí Ónan áyidííniid, Nínaaí yę́ę be'asdzą́ą́ bił yah anináahgo bá'dííyeh, áko nínaaí yę́ę bá áłchíní hodooleeł. 9Nidi hánaaí yę́ę bá áłchíní doo hodooleeł da biniyé hánaaí yę́ę be'asdzą́ą́ bił yah ajííyáago t'óó ni'jį' hwíígąsh hadziistł'ííd. 10Áko ájíít'įįdígíí Bóhólníihii doo bił yá'át'ééhgóó biniinaa nááhwiisxį́. 11Ákohgo Júdah hazháá'áád Téímar ábizhdííniid, Haa'íshą', nahastiin t'áá ádingo nizhé'é bighandi sínídáa doo, shiye' Shíílah neiyą́ągo índa. Háálá ájíní, Éí doodago éí ałdó' dadootsaał sha'shin. Áko Téímar dashdiiyáago bizhé'é bighandi kééhat'į́.
12Áko náás hodeeshzhiizhgo Shúwah bitsi' Júdah be'asdzą́ą́ daaztsą́, áko Júdah habi'doosni'go bí áádóó bik'is Háírah; éí Adálam dine'é nilíinii Tímnathgóó halį́į́' há tándeidigishii bich'į' ajíí'áázh. 13Áko Téímar bił hóóne'go ábi'doo'niid, Shoo, bizháá'áád nílíinii Tímnathgóó bilį́į́' táididoogish yiniyé yigááł. 14Áko ahastiin daaztsą́ągo éé' bee bééhózinii hazhdii'nilgo anii' bik'ínáltihí hanii' bik'ídzísti', áádóó náánáła' éé' biih jííyáago Tímnathgóó atiin bąąhgi náhoot'ínígi dzineezdá; jó, Shíílah neeyą́ą nidi be'asdzą́ą́ jidooleeł biniyé t'ah doo baa ho'deelteehígíí bąą ájít'į́. 15Áko Júdah hoołtsą́ągo ałjiłnii át'į́, hó'ní, háálá hanii' bik'é'ésti'. 16Atiin bąąhgóó dzizdáago haa níyáago áhodííniid, Tį', nił yah adeeshááł; hazháá'áád át'į́įgo éí doo hoł bééhózin da, áko Téímar ání, Ha'át'íishą' shaa dííleełgo bik'é shił yah adíínááł? 17Áádóó ázhdííniid, Dibé shijéé'dę́ę́' tł'ízí yázhí ła' nánídooltééł. Áko Téímar ádííniid, Éí shaa yíltį́įjį' t'áadoo le'é shaa nílé. 18Áko ázhdííniid, Ha'át'íishą' naa deeshłééł? Áádóó ábizhdííniid, Niyoostsah lą́ą, áádóó nílátsíní índa nigish nílák'ee sitánígíí. Áko éí hainínil áádóó t'áá áko hoł yah ííyáago bá izh'niiltsąąd. 19Áádóó asdzání nízhdii'na'go anídzoodzá; anii' bik'ínáltihí hazhdiiltsoozgo ahastiin daaztsą́ą́jí éé' bee ééhózinii hazhdii'nil yę́ę biih nídzoodzá.
20Áko Júdah hach'ooní Adálam dine'é nilíinii yódí há néidoojih biniyé ákǫ́ǫ́ tł'ízí yázhí há ayííłtį́; nít'éé' t'áadoo yik'íníyáa da. 21Ákohgo diné ákwe'é kéédahat'ínígíí kójíníigo nabízhdééłkid, Háájíshą' ałjiłnii atiin bąąhgóó náhoot'ínígi sidáá nít'éé' yę́ę? Áko ádahodííniid, Kwe'éga' ałjiłnii doo ła' hólǫ́ǫ da. 22Júdah baa nídzídzáago ázhdííniid, Ch'ééh hanétą́ą́'; ákwe'é kéédahat'ínígíí ałdó', Kwe'é ałjiłnii doo hólǫ́ǫ da, daaní. 23Áko Júdah ádííniid, Doo nihaa yáhodoosįįłígíí biniyé bíni' yódí t'áá bí dooleeł. Jó'akon, díí tł'ízí yázhí nisíníłtį́į nidi t'áadoo hak'ííníyáa da.
24Ákódzaadóó bik'ijį' táá' nídeezidgo, Téímar nizháá'áád ałjiłnii yéé'iidlaa, áádóó jó'akon, ajił bee izh'niiltsąąd, ha'níigo Júdah bił hóóne'. Áádóó Júdah ádííniid, Aadę́ę́' bił ch'ínóhkááh, áko bíni'dii azhdidook'ą́ą́ł. 25Áko hoł ch'í'íldee'go bizháá'áád jílíinii bich'į' i'jííł'a'go ájíní, Diné bá i'niistsąądígíí díí yódí bí. Díí yoostsah áádóó látsíní índa gish níníł'į́. Háísh bí? 26Áko Júdah hó nít'é'ígíí át'éego baa ákozniizį́į'go ázhdííniid, Hó shiláahgo t'áá ákwii ájít'éé lá, háálá shiye' Shíílah t'áadoo baa honíłtį́į da. Áádóó ts'ídá t'áadoo baa nínáádzíst'įįd da.
27Ákódzaago awéé' hodooleeł baa hoolzhiizhgo, jó'akon, naakií bíjooltsą́ą́ lá. 28Áko awéé' hódii'na'go ła' hadoolchid, áko asdzání ha'niyóodii, Díí átsé hadoolchid, níigo bílátsíín gónaa tł'óół łichxí'ígíí yee ye'eztł'ǫ́. 29Nidi t'ą́ą́' anídoolchidgo, jó'akon, bínaaí háátłizh, áko ázhdííniid, Ha'át'éegoshą' háínítłizh! Díí íinidzaaígíí nik'ijį' nídoodleeł; éí Píírez dzoosye'. 30Áádóó bik'ijį' hatsilí bílátsíín gónaa tł'óół łichxíí' binázt'i'ígíí háátłizh. Éí Zíírah woosye'.
Currently Selected:
GENESIS 38: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 38
38
Júdah áádóó Téímar
1Ákódzaago íídą́ą́' Júdah bik'isóó yits'ą́ą́' dah diiyáago Adálam dine'é léi' ła' Háírah yolyéego yaa níyá. 2Ákwe'é Júdah éí Kéínan dine'é léi' Shúwah wolyéii bitsi' jiiłtsą́. Áko éí yił ahaa yít'áazhgo 3i'niiltsąądgo ashkii yishchį́; éí Er bee jíízhi'. 4Áádóó anáá'niiltsąądgo ashkii náánéíshchį́; éí Ónan bee jíízhi'. 5Áádóó anáá'niiltsąądgo ashkii ła' náánéíshchį́; éí Shíílah bee jíízhi'; Júdah éí Kíízib hoolyéegi nijigháago há ashchį́. 6Áko Júdah bá alą́ąjį' yizhchíinii Er wolyé; éí Téímar wolyéii be'asdzą́ą́ dooleeł biniyé yá néidiiłtį́. 7Áko Júdah bá alą́ąjį' yizhchíinii Er wolyéego Bóhólníihii binááł doo yá'áshóonii yaa yigáałgo Bóhólníihii biisxį́. 8Áko Júdah éí Ónan áyidííniid, Nínaaí yę́ę be'asdzą́ą́ bił yah anináahgo bá'dííyeh, áko nínaaí yę́ę bá áłchíní hodooleeł. 9Nidi hánaaí yę́ę bá áłchíní doo hodooleeł da biniyé hánaaí yę́ę be'asdzą́ą́ bił yah ajííyáago t'óó ni'jį' hwíígąsh hadziistł'ííd. 10Áko ájíít'įįdígíí Bóhólníihii doo bił yá'át'ééhgóó biniinaa nááhwiisxį́. 11Ákohgo Júdah hazháá'áád Téímar ábizhdííniid, Haa'íshą', nahastiin t'áá ádingo nizhé'é bighandi sínídáa doo, shiye' Shíílah neiyą́ągo índa. Háálá ájíní, Éí doodago éí ałdó' dadootsaał sha'shin. Áko Téímar dashdiiyáago bizhé'é bighandi kééhat'į́.
12Áko náás hodeeshzhiizhgo Shúwah bitsi' Júdah be'asdzą́ą́ daaztsą́, áko Júdah habi'doosni'go bí áádóó bik'is Háírah; éí Adálam dine'é nilíinii Tímnathgóó halį́į́' há tándeidigishii bich'į' ajíí'áázh. 13Áko Téímar bił hóóne'go ábi'doo'niid, Shoo, bizháá'áád nílíinii Tímnathgóó bilį́į́' táididoogish yiniyé yigááł. 14Áko ahastiin daaztsą́ągo éé' bee bééhózinii hazhdii'nilgo anii' bik'ínáltihí hanii' bik'ídzísti', áádóó náánáła' éé' biih jííyáago Tímnathgóó atiin bąąhgi náhoot'ínígi dzineezdá; jó, Shíílah neeyą́ą nidi be'asdzą́ą́ jidooleeł biniyé t'ah doo baa ho'deelteehígíí bąą ájít'į́. 15Áko Júdah hoołtsą́ągo ałjiłnii át'į́, hó'ní, háálá hanii' bik'é'ésti'. 16Atiin bąąhgóó dzizdáago haa níyáago áhodííniid, Tį', nił yah adeeshááł; hazháá'áád át'į́įgo éí doo hoł bééhózin da, áko Téímar ání, Ha'át'íishą' shaa dííleełgo bik'é shił yah adíínááł? 17Áádóó ázhdííniid, Dibé shijéé'dę́ę́' tł'ízí yázhí ła' nánídooltééł. Áko Téímar ádííniid, Éí shaa yíltį́įjį' t'áadoo le'é shaa nílé. 18Áko ázhdííniid, Ha'át'íishą' naa deeshłééł? Áádóó ábizhdííniid, Niyoostsah lą́ą, áádóó nílátsíní índa nigish nílák'ee sitánígíí. Áko éí hainínil áádóó t'áá áko hoł yah ííyáago bá izh'niiltsąąd. 19Áádóó asdzání nízhdii'na'go anídzoodzá; anii' bik'ínáltihí hazhdiiltsoozgo ahastiin daaztsą́ą́jí éé' bee ééhózinii hazhdii'nil yę́ę biih nídzoodzá.
20Áko Júdah hach'ooní Adálam dine'é nilíinii yódí há néidoojih biniyé ákǫ́ǫ́ tł'ízí yázhí há ayííłtį́; nít'éé' t'áadoo yik'íníyáa da. 21Ákohgo diné ákwe'é kéédahat'ínígíí kójíníigo nabízhdééłkid, Háájíshą' ałjiłnii atiin bąąhgóó náhoot'ínígi sidáá nít'éé' yę́ę? Áko ádahodííniid, Kwe'éga' ałjiłnii doo ła' hólǫ́ǫ da. 22Júdah baa nídzídzáago ázhdííniid, Ch'ééh hanétą́ą́'; ákwe'é kéédahat'ínígíí ałdó', Kwe'é ałjiłnii doo hólǫ́ǫ da, daaní. 23Áko Júdah ádííniid, Doo nihaa yáhodoosįįłígíí biniyé bíni' yódí t'áá bí dooleeł. Jó'akon, díí tł'ízí yázhí nisíníłtį́į nidi t'áadoo hak'ííníyáa da.
24Ákódzaadóó bik'ijį' táá' nídeezidgo, Téímar nizháá'áád ałjiłnii yéé'iidlaa, áádóó jó'akon, ajił bee izh'niiltsąąd, ha'níigo Júdah bił hóóne'. Áádóó Júdah ádííniid, Aadę́ę́' bił ch'ínóhkááh, áko bíni'dii azhdidook'ą́ą́ł. 25Áko hoł ch'í'íldee'go bizháá'áád jílíinii bich'į' i'jííł'a'go ájíní, Diné bá i'niistsąądígíí díí yódí bí. Díí yoostsah áádóó látsíní índa gish níníł'į́. Háísh bí? 26Áko Júdah hó nít'é'ígíí át'éego baa ákozniizį́į'go ázhdííniid, Hó shiláahgo t'áá ákwii ájít'éé lá, háálá shiye' Shíílah t'áadoo baa honíłtį́į da. Áádóó ts'ídá t'áadoo baa nínáádzíst'įįd da.
27Ákódzaago awéé' hodooleeł baa hoolzhiizhgo, jó'akon, naakií bíjooltsą́ą́ lá. 28Áko awéé' hódii'na'go ła' hadoolchid, áko asdzání ha'niyóodii, Díí átsé hadoolchid, níigo bílátsíín gónaa tł'óół łichxí'ígíí yee ye'eztł'ǫ́. 29Nidi t'ą́ą́' anídoolchidgo, jó'akon, bínaaí háátłizh, áko ázhdííniid, Ha'át'éegoshą' háínítłizh! Díí íinidzaaígíí nik'ijį' nídoodleeł; éí Píírez dzoosye'. 30Áádóó bik'ijį' hatsilí bílátsíín gónaa tł'óół łichxíí' binázt'i'ígíí háátłizh. Éí Zíírah woosye'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).