GENESIS 37
37
Jóseph áádóó bínaaíké
1Jéíkab éí hazhé'é kéyah Kéínan yiyi' tádííná yę́ęgi kééhojit'į́. 2Díí Jéíkab ba'áłchíní náás da'ahílchíihii baa hane'.
Jóseph tsosts'idts'áadah binááhaigo bínaaíké yił nida'niłkaad, áko hazhé'é be'asdzą́ą́ yíł'íní Bílhah índa Zílpah biyáázhké bił tázhdíkááh, áko bąąhági ádajit'į́įgo Jóseph éí bizhé'é yee yił hoolne'. 3Áko Ízrel ła' ha'áłchínígíí biláahgo Jóseph ayóó'ájó'ní, háálá hadzistihgo há yizhchį́, áko éé' ał'ąą ádaat'eełgo łikizhgo bá ájiilaa. 4Áko hánaaíké éí hazhé'é hánaaíké t'áá ałtso biláahgo áhó'níigo bił béédahoozingo dahodzoosłáá', áádóó yá'át'éehgo doo hach'į' hadaodziih át'ée da.
5Áko Jóseph nidziizyeelgo baa nidziizyeelígíí bee hánaaíké bił hojoolne'; nít'éé' t'óó yówehda hak'ee dadeez'nih. 6Áko ábizhdííniid, T'áá shǫǫdí, da'íísółts'ą́ą́', baa neiséyeelígíí bee nihił hodeesh'nih: 7éíyee' dá'ák'ehdi tł'oh naadą́ą́' bida'iitł'o'go, áko shí be'sétł'ónígíí nídii'na'go yiizį', áko nít'éé', nihí bida'sootł'ónígíí t'áá ałtso shíhígíí yich'į' ahąh ádzaago yaa ádaadzaa. 8Áko hánaaíké ádahodííniid, Da' t'áásh aaníí nihinant'áa doo? Da' t'áásh íiyisí nihee ádíhwíínílníih doo? Áko nidziizyeelígíí índa bee bił hojoolne'ígíí biniinaa t'óó yówehda hak'ee náádadeez'nih. 9Áádóó łah nináádziizyeelgo baa nináádziisyeelígíí bee hánaaíké bił nááhojoolne'go ájíní, Shoo, ninéisíyeelgo baa neiseełígíí éí jį́honaa'éí áádóó tł'ééhonaa'éí índa sǫ' ła'ts'áadahgo shich'į' yaa áńdaat'įįh nisin. 10Nidi hazhé'é índa hánaaíké bił hojoolne'go hazhé'é hach'ahóóshkeedgo áháłní, Ha'át'íishą' bił shį́į́ bee nayííníyeel? Da' t'áásh aaníí shí áádóó nimá índa nínaaíké naa nídeiikahgo nich'į' yaa áńdeit'įįh doo? 11Áko díí biniinaa hánaaíké dahoołch'į́į́d,#Acts 7:9. nidi hazhé'é t'éiyá t'óó yaa nitsékees.
Jóseph éí Ííjip kéyahgóó nabi'diiznii'
12Áko hánaaíké hazhé'é bilį́į́' Shííkem bikin haal'á nahós'a'góó adeineeskaad. 13Áko Ízrel éí Jóseph áyidííniid, Nínaaíké Shííkemdi nida'niłkaad. Tį', ákǫ́ǫ́ nidish'á. Áko ábizhdííniid, Kǫ́ǫ́ naashá. 14Áko ábijiní, Ákǫ́ǫ́ dínáahgo nínaaíké áádóó dibé baa nidíníítaał; nínaaíké índa dibéda daats'í yá'ádaat'ééh. Áko áádę́ę́' hane' shaa nídíí'ááł. Ákohgo Hííbran honíteeldóó dahozhdiił'a'go Shííkem nahós'a'di jiníyá. 15Áko halgaigi ch'ééh nazh'ntáago diné léi' hak'íníyáago áháłní, Ha'át'íishą' hanítá? 16Áko ájíní, Shínaaíké hanishtá; t'áá shǫǫdí shił hólne', háadi nida'niłkaad? 17Áko éí diné ání, Kodóó lá dah dadiináa ni'; Dóthan nahós'a'góó dii'nééł, daaníigo diséts'ą́ą́'. Áádóó Jóseph hánaaíké bikéé' dah náázdiidzáago Dóthandi bíznísá. 18T'ah nízaadę́ę́' joogáałgo dahoołtsą́, áko t'ah doo baa jíghááhgóó, Dahodiyiilyééł, daaníigo hondahaz'ą́. 19Ahidadeeshchidgo ádaaní, Shoo, aadę́ę́' ashkii nayiiyeełí yigááł. 20Tį'éi, dahodiyiilyéełgo haa'ída a'áán góyaa adahodiyiilghą́ą́ł, áko, Naaldlooshii da'aldeełii ła' boolghal lá, dadidii'niił, áko nidziizyeelígíí ha'át'íí nídoodlee łgo nihił béédahodoozįįł. 21Nidi Rúben yidiizts'ą́ą'go hach'ą́ą́h haadzíi'go ání, Doo dadiyiilyéeł da! 22Áko Rúben ánááhodoo'niid, Doo bidił doogoh da; kwe'é halgaigi t'óó a'áán góyaa adahołhan, áko doo atídadoohłíił da; dabílák'ee hadeeshtéełgo yisdádeeshtééł, áádóó bizhé'é bił baa nídeesht'ash dziniizį́į́'. 23Áko ákódzaago Jóseph hánaaíké baazhníyáago Jóseph ha'éétsoh naashch'ąą'ígíí t'áá na'níle'dii haa deidiyiiłhan. 24Áko ałts'ą́ą́' dahasiłgo a'áán góyaa adahasgo'; a'áán góyaa éí doo siláhí da; tó nidi ádin.
25Áko dineezbingo ada'niiyą́ą́'; nít'éé' hadaazghalgo dadéé'į́į́'; nít'éé' Gíliyad kéyahdóó Íshmeiyel dine'é Ííjip kéyahgóó yinéełgo łikání dahalchinii spáis wolyéii áádóó azee' índa tłah ílíinii mir wolyéii ghą́ą́'ask'idii yee dayíyeeh. 26Áko Judah éí bik'isóó áyidííniid, Nihitsilí daseelyį́įgo índa bidił nídadeel'į́įgoshą' ha'át'íí bits'ą́ą́dóó nídadidiilyééł? 27Tį', Íshmeiyel dine'é bich'į' nidahodiyiilnih, áko doo haada dahodiilníił da, háálá nihitsilí jílį́, índa nihits'íís jílį́. Áko bik'isóó bił t'áá da'ííko. 28Áko Mídiyan dine'é naalyéhé nayiiłniihii hwíighahgóó deeznáago a'áándę́ę́' Jóseph hadadzizlo', áko Jóseph éí Íshmeiyel dine'é bich'į' naho'diiznii'; naadiin béésh łigaii hą́ą́h azlį́į́'; áko Jóseph éí Ííjip kéyahdi hoł aníná.#Acts 7:9.
29Áko Rúben a'áandi nídzídzá, nít'éé' Jóseph doo a'áán góyaa hólǫ́ǫ da, áko bąąh háni'go ádąąh ni'jooldláád. 30Hak'isóó baa náádzídzáago ábizhdííniid, Ashkii doo áadi da. Áko shíshą' háájí deeshááł? 31Áko tł'ízí dayiisxį́įgo bidił Jóseph bi'éétsoh yéédeistsooz, 32áko éétsoh naashch'ąą'ígíí bizhé'é yaa deistsoozgo ádaaní, Díidí nídadiiltsooz; díí niye' bi'éétsoh daats'í át'é, dooda daats'í? 33Áko yééhoosįįdgo ádííniid, Jó, shiye' bi'éétsoh át'é; naaldlooshii da'aldeełii boolghal sha'shin; t'áá aaníí Jóseph yę́ę nibi'diisdláád lá. 34Áko Jéíkab ádąąh na'ooldláadgo tł'oh yishbizh hatł'aajį' bik'ídzísti', áko haye' bąą háni'go lą'í yiską́. 35Áádóó haye'ké t'áá ałtso índa hatsi'ké t'áá ałtso hada'ahoyiiłniih doo biniyé haa dahaaskai, áko hadabi'joołniihígíí doo yinízingóó ádííniid, Shiye' bąą shíni', áko bikéé' łeeyi' góyaa deeshłeeł, níigo hazhé'é haa yicha. 36Áko Mídiyan dine'é éí Ííjip kéyahdi Féro bisiláo binanit'a'í Pátifer bich'į' Jóseph naho'diiznii'.
Currently Selected:
GENESIS 37: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 37
37
Jóseph áádóó bínaaíké
1Jéíkab éí hazhé'é kéyah Kéínan yiyi' tádííná yę́ęgi kééhojit'į́. 2Díí Jéíkab ba'áłchíní náás da'ahílchíihii baa hane'.
Jóseph tsosts'idts'áadah binááhaigo bínaaíké yił nida'niłkaad, áko hazhé'é be'asdzą́ą́ yíł'íní Bílhah índa Zílpah biyáázhké bił tázhdíkááh, áko bąąhági ádajit'į́įgo Jóseph éí bizhé'é yee yił hoolne'. 3Áko Ízrel ła' ha'áłchínígíí biláahgo Jóseph ayóó'ájó'ní, háálá hadzistihgo há yizhchį́, áko éé' ał'ąą ádaat'eełgo łikizhgo bá ájiilaa. 4Áko hánaaíké éí hazhé'é hánaaíké t'áá ałtso biláahgo áhó'níigo bił béédahoozingo dahodzoosłáá', áádóó yá'át'éehgo doo hach'į' hadaodziih át'ée da.
5Áko Jóseph nidziizyeelgo baa nidziizyeelígíí bee hánaaíké bił hojoolne'; nít'éé' t'óó yówehda hak'ee dadeez'nih. 6Áko ábizhdííniid, T'áá shǫǫdí, da'íísółts'ą́ą́', baa neiséyeelígíí bee nihił hodeesh'nih: 7éíyee' dá'ák'ehdi tł'oh naadą́ą́' bida'iitł'o'go, áko shí be'sétł'ónígíí nídii'na'go yiizį', áko nít'éé', nihí bida'sootł'ónígíí t'áá ałtso shíhígíí yich'į' ahąh ádzaago yaa ádaadzaa. 8Áko hánaaíké ádahodííniid, Da' t'áásh aaníí nihinant'áa doo? Da' t'áásh íiyisí nihee ádíhwíínílníih doo? Áko nidziizyeelígíí índa bee bił hojoolne'ígíí biniinaa t'óó yówehda hak'ee náádadeez'nih. 9Áádóó łah nináádziizyeelgo baa nináádziisyeelígíí bee hánaaíké bił nááhojoolne'go ájíní, Shoo, ninéisíyeelgo baa neiseełígíí éí jį́honaa'éí áádóó tł'ééhonaa'éí índa sǫ' ła'ts'áadahgo shich'į' yaa áńdaat'įįh nisin. 10Nidi hazhé'é índa hánaaíké bił hojoolne'go hazhé'é hach'ahóóshkeedgo áháłní, Ha'át'íishą' bił shį́į́ bee nayííníyeel? Da' t'áásh aaníí shí áádóó nimá índa nínaaíké naa nídeiikahgo nich'į' yaa áńdeit'įįh doo? 11Áko díí biniinaa hánaaíké dahoołch'į́į́d,#Acts 7:9. nidi hazhé'é t'éiyá t'óó yaa nitsékees.
Jóseph éí Ííjip kéyahgóó nabi'diiznii'
12Áko hánaaíké hazhé'é bilį́į́' Shííkem bikin haal'á nahós'a'góó adeineeskaad. 13Áko Ízrel éí Jóseph áyidííniid, Nínaaíké Shííkemdi nida'niłkaad. Tį', ákǫ́ǫ́ nidish'á. Áko ábizhdííniid, Kǫ́ǫ́ naashá. 14Áko ábijiní, Ákǫ́ǫ́ dínáahgo nínaaíké áádóó dibé baa nidíníítaał; nínaaíké índa dibéda daats'í yá'ádaat'ééh. Áko áádę́ę́' hane' shaa nídíí'ááł. Ákohgo Hííbran honíteeldóó dahozhdiił'a'go Shííkem nahós'a'di jiníyá. 15Áko halgaigi ch'ééh nazh'ntáago diné léi' hak'íníyáago áháłní, Ha'át'íishą' hanítá? 16Áko ájíní, Shínaaíké hanishtá; t'áá shǫǫdí shił hólne', háadi nida'niłkaad? 17Áko éí diné ání, Kodóó lá dah dadiináa ni'; Dóthan nahós'a'góó dii'nééł, daaníigo diséts'ą́ą́'. Áádóó Jóseph hánaaíké bikéé' dah náázdiidzáago Dóthandi bíznísá. 18T'ah nízaadę́ę́' joogáałgo dahoołtsą́, áko t'ah doo baa jíghááhgóó, Dahodiyiilyééł, daaníigo hondahaz'ą́. 19Ahidadeeshchidgo ádaaní, Shoo, aadę́ę́' ashkii nayiiyeełí yigááł. 20Tį'éi, dahodiyiilyéełgo haa'ída a'áán góyaa adahodiyiilghą́ą́ł, áko, Naaldlooshii da'aldeełii ła' boolghal lá, dadidii'niił, áko nidziizyeelígíí ha'át'íí nídoodlee łgo nihił béédahodoozįįł. 21Nidi Rúben yidiizts'ą́ą'go hach'ą́ą́h haadzíi'go ání, Doo dadiyiilyéeł da! 22Áko Rúben ánááhodoo'niid, Doo bidił doogoh da; kwe'é halgaigi t'óó a'áán góyaa adahołhan, áko doo atídadoohłíił da; dabílák'ee hadeeshtéełgo yisdádeeshtééł, áádóó bizhé'é bił baa nídeesht'ash dziniizį́į́'. 23Áko ákódzaago Jóseph hánaaíké baazhníyáago Jóseph ha'éétsoh naashch'ąą'ígíí t'áá na'níle'dii haa deidiyiiłhan. 24Áko ałts'ą́ą́' dahasiłgo a'áán góyaa adahasgo'; a'áán góyaa éí doo siláhí da; tó nidi ádin.
25Áko dineezbingo ada'niiyą́ą́'; nít'éé' hadaazghalgo dadéé'į́į́'; nít'éé' Gíliyad kéyahdóó Íshmeiyel dine'é Ííjip kéyahgóó yinéełgo łikání dahalchinii spáis wolyéii áádóó azee' índa tłah ílíinii mir wolyéii ghą́ą́'ask'idii yee dayíyeeh. 26Áko Judah éí bik'isóó áyidííniid, Nihitsilí daseelyį́įgo índa bidił nídadeel'į́įgoshą' ha'át'íí bits'ą́ą́dóó nídadidiilyééł? 27Tį', Íshmeiyel dine'é bich'į' nidahodiyiilnih, áko doo haada dahodiilníił da, háálá nihitsilí jílį́, índa nihits'íís jílį́. Áko bik'isóó bił t'áá da'ííko. 28Áko Mídiyan dine'é naalyéhé nayiiłniihii hwíighahgóó deeznáago a'áándę́ę́' Jóseph hadadzizlo', áko Jóseph éí Íshmeiyel dine'é bich'į' naho'diiznii'; naadiin béésh łigaii hą́ą́h azlį́į́'; áko Jóseph éí Ííjip kéyahdi hoł aníná.#Acts 7:9.
29Áko Rúben a'áandi nídzídzá, nít'éé' Jóseph doo a'áán góyaa hólǫ́ǫ da, áko bąąh háni'go ádąąh ni'jooldláád. 30Hak'isóó baa náádzídzáago ábizhdííniid, Ashkii doo áadi da. Áko shíshą' háájí deeshááł? 31Áko tł'ízí dayiisxį́įgo bidił Jóseph bi'éétsoh yéédeistsooz, 32áko éétsoh naashch'ąą'ígíí bizhé'é yaa deistsoozgo ádaaní, Díidí nídadiiltsooz; díí niye' bi'éétsoh daats'í át'é, dooda daats'í? 33Áko yééhoosįįdgo ádííniid, Jó, shiye' bi'éétsoh át'é; naaldlooshii da'aldeełii boolghal sha'shin; t'áá aaníí Jóseph yę́ę nibi'diisdláád lá. 34Áko Jéíkab ádąąh na'ooldláadgo tł'oh yishbizh hatł'aajį' bik'ídzísti', áko haye' bąą háni'go lą'í yiską́. 35Áádóó haye'ké t'áá ałtso índa hatsi'ké t'áá ałtso hada'ahoyiiłniih doo biniyé haa dahaaskai, áko hadabi'joołniihígíí doo yinízingóó ádííniid, Shiye' bąą shíni', áko bikéé' łeeyi' góyaa deeshłeeł, níigo hazhé'é haa yicha. 36Áko Mídiyan dine'é éí Ííjip kéyahdi Féro bisiláo binanit'a'í Pátifer bich'į' Jóseph naho'diiznii'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).