GENESIS 43
43
Jóseph bínaaíké Bénjamin Ííjipgi yił nákai
1Áko éí kéyahgi t'áá íiyisí hodichin. 2Áko Ííjipdę́ę́' tł'oh naadą́ą́' nidadziizyį́ yę́ę ałtso dajííyą́ą'go hazhé'é ánááhodoo'niid, Náádóhkáahgo ch'iyáán ła' nináádahołniih. 3Áko Júdah áhodííniid, T'áadoo naaki nilíní diné nihich'į' haadzíi'go ání, Nihitsilí t'áadoo bił noohkaigóó t'éiyá doo náádashiidoołtséeł da. 4Nihitsilí nihitah díníł'a'go t'éiyá ákóyaa diikahgo ch'iyáán ła' nináádahidiilnih. 5Áko éí doo nihił díníł'a'góó doo ákóyaa náádiikah da, háálá diné ánihiłní, Nihitsilí t'áadoo bił noohkaigóó t'éiyá doo náádashiidoołtséeł da. 6Áádóó Ízrel ádííniid, Ha'át'íishą' biniyé doo shaa dajiinohba'góó, Nihitsilí ła' t'ah hólǫ́, dadohníigo diné bił dahołne'? 7Áko ádahodííniid, Nihí índa nihik'éí yínanihídíłkidgo ání, Nihizhé'éésh t'ah hiná? Nihitsilíísh ła' nááhódlǫ́? Áko t'áá nanihídíłkidgóó bee bił nídahwiilne' nít'éé'. Nihitsilí bił nínáánóhkááh nihididooniiłígíishą', haash yit'éego nihił béédahózin doo? 8Áko Júdah éí bizhé'é Ízrel áyidííniid, Nihí áádóó ni lá índa niha'áłchíní yázhí t'áá ałtso doo dadíníi'néeł da, nidi dahinii'náa doo biniyé ashkii shił bi' níłnííh, áko dah didiikah. 9Shí bá naashtłizh doo, áko biniyé nishiníłteeh. Doo bił naa náánísht'áázhgóó hool'áágóó bíni'dii shik'íhát'áah doo; 10doo nida'áhodiilziidgóó k'ad naakidi nániikai doo nít'éé'.
11Áko hazhé'é Ízrel áhodííniid, T'áá aaníí t'áá ákót'éego kódaohnééh; kéyahgi aneest'ą' ts'ídá yá'ádaat'éehii nihiyéél dabiyi'go t'áá níík'eh diné bich'į' dadohjááh; éí ch'óh bijeeh áłch'į́į́dígo áádóó tsés'ná bitł'izh áłch'į́į́dígo áádóó jeeh łikání halchinígíí áádóó tłah ílíinii mir wolyéii áádóó neeshch'íí' t'áá ał'ąą ádaat'éii índa álman wolyéhígíí bił dadohjááh. 12Béeso naakidi ákónánéelt'e'go dayínóhjáah doo. Índa béeso éí nihe'azis biih nídahaas'nil yę́ę éí ałdó' nídayínóhjáah doo; doo t'áá ákónéehgo ádaat'į́į da sha'shin. 13Hasht'e'ádadołnéehgo nihílááh; nihik'is ałdó' bił diné baa nínáánóhkááh. 14Áko Diyin God Aláahgo Ayóó'ábóodziilii éí diné nihaa a'ááh nízingo íidoolíiłgo nihitsilí ła'ígíí áádóó Bénjamin yił nihich'į' yéé'doołnih. Áko sha'áłchíní shighaa'nilgo éí shį́į́ shighaa'nil doo. 15Áko aye' ké éí aneest'ą' atisgo yá'ádaat'éhígíí índa béeso naakidi ákónánéelt'e'ígíí dah dazhdiijaa'; Bénjamin ałdó' bił dashdiikaigo Ííjip kéyah góyaa anáájookaigo Jóseph bidááhdóó nijíkai.
16Áko Jóseph éí Bénjamin atah jiiłtsą́ągo hakin yaa áhályáanii ábizhdííniid, Díí diné shighan góne' yah ani'éésh. Áádóó aałk'ee áhóléehgo ałníní'ą́ągo díí diné shił da'dooyį́į́ł. 17Díí diné éí t'áá Jóseph áhodííniidígi ádziidzaa; Jóseph bighan góne' diné yah ajíí'eezh. 18Áko Jóseph bighan góne' yah aho'doot'eezhígíí biniinaa nídadzisdzíidgo ádazhdííniid, Áłtséédą́ą́' nihe'azis biyi' béeso naaznil yę́ę biniinaa lą́ą; nihik'i hodidoo'ááł índa danihiidoołtsołgo binaa'nil ádanihidoolííł, áádóó nihitélii nihighaidoo'nił biniyé yah anihi'doot'eezh ni. 19Áko Jóseph bikin yaa áhályánígíí yich'į' niikaigo ch'é'étiingi yich'į' yádaałti'. 20Áko ádazhdííniid, Shoo, nihinanit'a'í, nihí áłtséédą́ą́' ch'iyáán nidahidiilnih biniyé niikai. 21Áádóó nída'njahgi niikaigo nihe'azis ąą ádeiilyaa nít'éé'; t'ááłá'í niitínígo nihibéeso t'áá át'é azis bii' naaz'nil lá, áko éí béeso naa nídaniijaa'. 22Ch'iyáán nidahidiilnih biniyé béeso ła' náádashiijaa'. Háí shį́į́ nihibéeso nihe'azis yiih ná yoo'nil lá doo nihił béédahózin da. 23Áko ádííniid, Nihił dahózhǫ́; t'áadoo nídaałdzidí; nihiDiyin God índa nihizhé'é biDiyin God éí béeso nihe'azis yiih yiyíínil; shí nihibéeso nídiinil nít'éé'. Áko Símiyan haa néiníłtį́. 24Áko diné éí Jóseph bikin góne' yah ayíí'eezhgo tó yeiníką́ągo hakee' táádadzizgiz, áádóó dahatélii yá nida'azhjaa'. 25Áko ałníní'ą́ągo Jóseph nádzáago t'áá jíík'eh baa dahizhdooníłígíí hasht'edajiilaa, háálá ákwii dazh'dooyį́įłgo dazdiizts'ą́ą́'.
26Áádóó Jóseph nádzáago t'áá jíík'eh baa dahizhdooníłígíí bił yah adajiizhjaa'go ni'jį' bich'į' tsé'yaa dazhneeshjool. 27Ákohgo ádajít'éhígíí yínahódéé łkidgo áhodííniid, Da' hastiin baa dahołne'ígíí nihizhé'é, éísh yá'át'ééh? T'ahásh hiná? 28Áko ánáádabizhdoo'niid, Nihizhé'é ná naal'a'í doo át'éhí da, t'ah hiná. Áko bich'į' yaa ánáádadziidzaa. 29Áádóó bitaadzizghalgo hatsilí Bénjamin hamá biyáázh jiiłtsą́ągo ázhdííniid, Da' díísh nihitsilí bee shił dahoołne'ígíí át'į́? Áádóó ábizhdííniid, Shiye' nílíinii, Diyin God naa jooba' le'. 30Áko Jóseph hatsilí baa a'áhí jiniizį́į'go tsį́į́ł dzizlį́į́', áko haa'ída deeshchah jinízingo jintéhí góne' yah ajííyáago t'áá íiyisí atínízhdindleehgo jíícha. 31Áko hanii' táádzízgizgo áádę́ę́' ch'éédzídzá, áko hasht'éézhdíít'e'go ájíní, Nida'ayohkaah. 32Ííjip dine'é éí Hííbrew dine'é yił da'ayą́ągo doo deíłdingóó bąą Ííjip dine'é éí Hííbrew dine'é doo yił da'ayą́ą da, áko éí biniinaa t'áá sahdii há ni'íką́, áádóó bik'is ałdó' t'áá sahdii yá nída'iizką́, áádóó ałdó' Ííjip dine'é hoł nída'adį́į́hígíí t'áá sahdii yá nída'iizką́. 33Áko hadáahgi t'áá nidaho'diizhchínígi át'éego dah deidineesbin, áko diné ałch'į' yik'ee t'óó bił adahayóí. 34Áko ch'iyáán hadááhdóó hach'į'go dadeeską́, nidi Bénjamin éí hó ádanéelt'e'ígíí ashdladi ákónánéelt'e'go ba'íką́. Áádóó doodlį́įłii dajoodlą́ą'go bił hoł dahózhǫ́.
Currently Selected:
GENESIS 43: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 43
43
Jóseph bínaaíké Bénjamin Ííjipgi yił nákai
1Áko éí kéyahgi t'áá íiyisí hodichin. 2Áko Ííjipdę́ę́' tł'oh naadą́ą́' nidadziizyį́ yę́ę ałtso dajííyą́ą'go hazhé'é ánááhodoo'niid, Náádóhkáahgo ch'iyáán ła' nináádahołniih. 3Áko Júdah áhodííniid, T'áadoo naaki nilíní diné nihich'į' haadzíi'go ání, Nihitsilí t'áadoo bił noohkaigóó t'éiyá doo náádashiidoołtséeł da. 4Nihitsilí nihitah díníł'a'go t'éiyá ákóyaa diikahgo ch'iyáán ła' nináádahidiilnih. 5Áko éí doo nihił díníł'a'góó doo ákóyaa náádiikah da, háálá diné ánihiłní, Nihitsilí t'áadoo bił noohkaigóó t'éiyá doo náádashiidoołtséeł da. 6Áádóó Ízrel ádííniid, Ha'át'íishą' biniyé doo shaa dajiinohba'góó, Nihitsilí ła' t'ah hólǫ́, dadohníigo diné bił dahołne'? 7Áko ádahodííniid, Nihí índa nihik'éí yínanihídíłkidgo ání, Nihizhé'éésh t'ah hiná? Nihitsilíísh ła' nááhódlǫ́? Áko t'áá nanihídíłkidgóó bee bił nídahwiilne' nít'éé'. Nihitsilí bił nínáánóhkááh nihididooniiłígíishą', haash yit'éego nihił béédahózin doo? 8Áko Júdah éí bizhé'é Ízrel áyidííniid, Nihí áádóó ni lá índa niha'áłchíní yázhí t'áá ałtso doo dadíníi'néeł da, nidi dahinii'náa doo biniyé ashkii shił bi' níłnííh, áko dah didiikah. 9Shí bá naashtłizh doo, áko biniyé nishiníłteeh. Doo bił naa náánísht'áázhgóó hool'áágóó bíni'dii shik'íhát'áah doo; 10doo nida'áhodiilziidgóó k'ad naakidi nániikai doo nít'éé'.
11Áko hazhé'é Ízrel áhodííniid, T'áá aaníí t'áá ákót'éego kódaohnééh; kéyahgi aneest'ą' ts'ídá yá'ádaat'éehii nihiyéél dabiyi'go t'áá níík'eh diné bich'į' dadohjááh; éí ch'óh bijeeh áłch'į́į́dígo áádóó tsés'ná bitł'izh áłch'į́į́dígo áádóó jeeh łikání halchinígíí áádóó tłah ílíinii mir wolyéii áádóó neeshch'íí' t'áá ał'ąą ádaat'éii índa álman wolyéhígíí bił dadohjááh. 12Béeso naakidi ákónánéelt'e'go dayínóhjáah doo. Índa béeso éí nihe'azis biih nídahaas'nil yę́ę éí ałdó' nídayínóhjáah doo; doo t'áá ákónéehgo ádaat'į́į da sha'shin. 13Hasht'e'ádadołnéehgo nihílááh; nihik'is ałdó' bił diné baa nínáánóhkááh. 14Áko Diyin God Aláahgo Ayóó'ábóodziilii éí diné nihaa a'ááh nízingo íidoolíiłgo nihitsilí ła'ígíí áádóó Bénjamin yił nihich'į' yéé'doołnih. Áko sha'áłchíní shighaa'nilgo éí shį́į́ shighaa'nil doo. 15Áko aye' ké éí aneest'ą' atisgo yá'ádaat'éhígíí índa béeso naakidi ákónánéelt'e'ígíí dah dazhdiijaa'; Bénjamin ałdó' bił dashdiikaigo Ííjip kéyah góyaa anáájookaigo Jóseph bidááhdóó nijíkai.
16Áko Jóseph éí Bénjamin atah jiiłtsą́ągo hakin yaa áhályáanii ábizhdííniid, Díí diné shighan góne' yah ani'éésh. Áádóó aałk'ee áhóléehgo ałníní'ą́ągo díí diné shił da'dooyį́į́ł. 17Díí diné éí t'áá Jóseph áhodííniidígi ádziidzaa; Jóseph bighan góne' diné yah ajíí'eezh. 18Áko Jóseph bighan góne' yah aho'doot'eezhígíí biniinaa nídadzisdzíidgo ádazhdííniid, Áłtséédą́ą́' nihe'azis biyi' béeso naaznil yę́ę biniinaa lą́ą; nihik'i hodidoo'ááł índa danihiidoołtsołgo binaa'nil ádanihidoolííł, áádóó nihitélii nihighaidoo'nił biniyé yah anihi'doot'eezh ni. 19Áko Jóseph bikin yaa áhályánígíí yich'į' niikaigo ch'é'étiingi yich'į' yádaałti'. 20Áko ádazhdííniid, Shoo, nihinanit'a'í, nihí áłtséédą́ą́' ch'iyáán nidahidiilnih biniyé niikai. 21Áádóó nída'njahgi niikaigo nihe'azis ąą ádeiilyaa nít'éé'; t'ááłá'í niitínígo nihibéeso t'áá át'é azis bii' naaz'nil lá, áko éí béeso naa nídaniijaa'. 22Ch'iyáán nidahidiilnih biniyé béeso ła' náádashiijaa'. Háí shį́į́ nihibéeso nihe'azis yiih ná yoo'nil lá doo nihił béédahózin da. 23Áko ádííniid, Nihił dahózhǫ́; t'áadoo nídaałdzidí; nihiDiyin God índa nihizhé'é biDiyin God éí béeso nihe'azis yiih yiyíínil; shí nihibéeso nídiinil nít'éé'. Áko Símiyan haa néiníłtį́. 24Áko diné éí Jóseph bikin góne' yah ayíí'eezhgo tó yeiníką́ągo hakee' táádadzizgiz, áádóó dahatélii yá nida'azhjaa'. 25Áko ałníní'ą́ągo Jóseph nádzáago t'áá jíík'eh baa dahizhdooníłígíí hasht'edajiilaa, háálá ákwii dazh'dooyį́įłgo dazdiizts'ą́ą́'.
26Áádóó Jóseph nádzáago t'áá jíík'eh baa dahizhdooníłígíí bił yah adajiizhjaa'go ni'jį' bich'į' tsé'yaa dazhneeshjool. 27Ákohgo ádajít'éhígíí yínahódéé łkidgo áhodííniid, Da' hastiin baa dahołne'ígíí nihizhé'é, éísh yá'át'ééh? T'ahásh hiná? 28Áko ánáádabizhdoo'niid, Nihizhé'é ná naal'a'í doo át'éhí da, t'ah hiná. Áko bich'į' yaa ánáádadziidzaa. 29Áádóó bitaadzizghalgo hatsilí Bénjamin hamá biyáázh jiiłtsą́ągo ázhdííniid, Da' díísh nihitsilí bee shił dahoołne'ígíí át'į́? Áádóó ábizhdííniid, Shiye' nílíinii, Diyin God naa jooba' le'. 30Áko Jóseph hatsilí baa a'áhí jiniizį́į'go tsį́į́ł dzizlį́į́', áko haa'ída deeshchah jinízingo jintéhí góne' yah ajííyáago t'áá íiyisí atínízhdindleehgo jíícha. 31Áko hanii' táádzízgizgo áádę́ę́' ch'éédzídzá, áko hasht'éézhdíít'e'go ájíní, Nida'ayohkaah. 32Ííjip dine'é éí Hííbrew dine'é yił da'ayą́ągo doo deíłdingóó bąą Ííjip dine'é éí Hííbrew dine'é doo yił da'ayą́ą da, áko éí biniinaa t'áá sahdii há ni'íką́, áádóó bik'is ałdó' t'áá sahdii yá nída'iizką́, áádóó ałdó' Ííjip dine'é hoł nída'adį́į́hígíí t'áá sahdii yá nída'iizką́. 33Áko hadáahgi t'áá nidaho'diizhchínígi át'éego dah deidineesbin, áko diné ałch'į' yik'ee t'óó bił adahayóí. 34Áko ch'iyáán hadááhdóó hach'į'go dadeeską́, nidi Bénjamin éí hó ádanéelt'e'ígíí ashdladi ákónánéelt'e'go ba'íką́. Áádóó doodlį́įłii dajoodlą́ą'go bił hoł dahózhǫ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).