GENESIS 44
44
Bee adlání bóhohya'
1Áádóó hakin yaa áhályáanii ábizhdííniid, Hééł t'áá yídaneel'ánígi diné t'áá ałtso bida'azis bii' ch'iyáán hadadidííłbį́į́ł, índa dabibéeso bida'azis biih náhidíí'nił. 2Áádóó béésh łigaii shibee adlání índa béeso yee tł'oh naadą́ą́' nayiis'nii'ígíí ałdó' akéédę́ę́' nilínígíí be'azis biih díínił. Áko Jóseph áhodííniidígíí bi'jiilaa. 3Áko hoos'įįdgo diné áádóó dabitélii bił bééda'iisnii'. 4Áko kin haal'áádę́ę́' ch'íjíkaigo t'áá áhánígóó jookahgo Jóseph bikin yaa áhályáanii áyidííniid, Nílááh, diné bikéé' dínááh, áko bíínísáago ábididííniił, Ha'át'éegoshą' yá'át'éhígi ánihiishłaa nidi nihí éí bąąhági ádashooł'įįd? 5Díí shinanit'a'í yee adlánígíí át'é; éí yee náásgóó áhodooníiłii bił bééhózin. Kódaohdzaaígíí bee doo yá'áshónígi ádaohdzaa, yidííniid.
6Áko bízhnísáago díí saad bee bich'į' hadzoodzíí'. 7Áko ádahodííniid, Ha'át'éegoshą' nihinanit'a'í díí saad yee haadzíí'. Ná nidaal'a'í t'áá íiyisí doo ákódaone' át'ée da. 8Shoo, nihe'azis bii' béeso nídadii'nilígíí Kéínan kéyahdę́ę́' nídashiijaa', ákoshą' ha'át'íí biniyé ninanit'a'í bighandę́ę́' béésh łigaii áádóó óolada dadíníit'į́į́ł? 9Ná nidaal'a'í t'áá háí shį́į́ nei'áhígíí háni'dii bidi'yoolyééł; nihí ałdó' nihinanit'a'í yá nidaalte' dadiidleeł. 10Áko ádííniid, T'áá ádadohnínígi át'ée doo; t'áá nei'áhígíí éí shinaalte' doo; nihí éí doo nihik'íhát'áah da doo. 11Áko t'áá ádzíłtso tsį́įłgo hoda'azis hadadadziizyį́įgo ąą ádajiilaa. 12Áko bíká nikizh'diich'idgo alą́ąjį' naagháhígíí bee hodeeshzhiizhgo akéédę́ę́' naagháhígíí bee nihoolzhiizh, áko Bénjamin be'azis bii'dę́ę́' bee adlání hanáát'ą́. 13Ákohgo daha'éé' nidadziizǫ́ǫzgo t'áá ádzíłtso dahayéél dahatélii bik'i dah nidadzis'nilgo kin haal'áágóó nát'ą́ą́' níjíkai.
14Áko Júdah hak'is bił Jóseph bighandi níjíkaigo t'ah t'áá ákwii lá, áádóó bich'į' yaa ánáádadziidzaa. 15Áko Jóseph áhodííniid, Díísh haa daoht'įįd lá? Da' doósh nihił béédahózin da, diné shígi át'éii náásgóó áhodooníiłii bił bééhózin. 16Áko Júdah ádííniid, Shinanit'a'í, ha'át'íishą' dabididii'niił? Ha'át'íishą' bee hadadiidzih? Índa ha'át'éegoshą' doo nihidahodiit'i'góó bikáá' ídadi'diilnííł? Diyin God éí ná nidaal'a'í doo ákwii ádáát' įįdígíí bił bééhoozin. Shoo, nihí índa bee adlání hats'ą́ą́' hanáát'ánígíí hoł shinanit'a'í bá nidaalte' dasiidlį́į́'. 17Áko ádííniid, Ákódeeshníłígíí t'áá íiyisí doo óoshne' át'ée da. Bee adlání bits'ą́ą́' hanáát'ánígíí éí shinaalte' jílį́į doo. Áko nihí t'éiyá nihił dahózhǫ́ǫgo nihizhé'é bich'į' nídoohkah.
Júdah éí Bénjamin yich'ą́ą́h ná'ookąąh.
18Ákohgo Júdah hwíighahgi niníyáago ádííniid, Shoo, shinanit'a'í, t'áá shǫǫdí, ná naal'a'í yóhółníihii t'ááłáhígo bee nich'į' haasdziih. Áádóó ná naal'a'í t'áadoo bich' į' náháchį'í, háálá Féro bił ahiníłt'é. 19Shinanit'a'í, ná nidaal'a'ígíí nabídííníłkidgo ádííníniid, Da' nihizhé'éésh hólǫ́, índa nihitsilíísh hólǫ́. 20Áko shinanit'a'í ádandii'niid, Nihizhé'é hólǫ́; t'áá hazhó'ó haastih, índa haastihgo bá yizhchínígíí éí t'ah ániid naaghá; bínaaí ádin, áko bí t'éí bimá yę́ę yits'ą́ą́dóó yidziih, áko bizhé'é ayóó'ábó'ní. 21Áko ná nidaal'a'í daniidlíinii ánihidííníniid, Hwiideestsééł biniyé bił shaa nohkááh. 22Áko shinanit'a'í ádandii'niid, Ashkii bizhé'é doo yits'ágháah da, háálá bizhé'é yits'áníyáago bizhé'é dadootsaał. 23Nihitsilí doo bił noohkaigóó t'éiyá doo náádashiidoołtséeł da, diníigo ná nidaal'a'í bich'į' háínídzíi' ni'. 24Ákohgo shizhé'é ná naal'a'í nilíinii baa nániikaigo shinanit'a'í áníinii bee bił dahwiilne'. 25Áko nihizhé'é ánáánihidoo'niid, Nihílááh, náádóhkáahgo ch'iyáán áłch'į́į́dígo nihá nináádahołniih. 26Áko ádadii'niid, Doo ákóyaa dookááh át'ée da. Nihitsilí akéédę́'ígíí biłgo t'éiyá ákóyaa diikah, háálá nihitsilí akéédę́ę́' nilínígíí t'áadoo bił niikaigóó éí diné doo náádeidiiltséeł da. 27Áko ná naal'a'í nihizhé'é ánihidííniid, Nihił béédahózingo she'asdzą́ą́ ashiiké naaki shá yishchį́. 28Áko ła' shits'ą́ą́' yóó'ííyá, dííniid, t'áá aaníí nibi'diisdláád lá, áko t'áadoo néiiłtsą́ą da. 29Áádóó díidí ałdó' bił dah náádadoohkaigo haada yidzaago shitsii' t'áá íiyisí yiigaigo áádóó yíní biih néítłizhgo dasétsą́ągo łeeh dashidoołtéeł ni. 30Éí bąą ná naal'a'í shizhé'é baa nánísdzáago ashkii doo nihitah nádzáágóó éí t'áá íiyisí ádíyóltą'ii nilį́, 31ákohgo doo nihitah nádzáágóó bił bééhoozingo dadootsaał. Áko ná nidaal'a'í bizhé'é bitsii' t'áá íiyisí yiigaigo áádóó yíní yiih náátłizhgo dadootsaałgo łeeh deidoołtééł. 32Háálá ná naal'a'í bizhé'é kwíidííniid yę́ędą́ą́' ání, Ashkii bá naashtłizh doo; t'áadoo bił naa nánísht'áázhgóó hool'áágóó shizhé'é shik'íhá'áah doo. 33Éí bąą t'áá shǫǫdí, shinanit'a'í binaalte' nishłį́į doo biniyé ná naal'a'í bíni'dii ashkii yitsásk'ehgi sidáa doo, áko ashkii bíni' bínaaíké yił nihinákááh. 34Ashkii t'áágéedgoshą' haash yit'éego shizhé'é bich'į' nídeeshdááł. Doodago éí bąąhági át'éii shizhé'é bik'i hwiidooleełígíí binásdzid.
Currently Selected:
GENESIS 44: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
GENESIS 44
44
Bee adlání bóhohya'
1Áádóó hakin yaa áhályáanii ábizhdííniid, Hééł t'áá yídaneel'ánígi diné t'áá ałtso bida'azis bii' ch'iyáán hadadidííłbį́į́ł, índa dabibéeso bida'azis biih náhidíí'nił. 2Áádóó béésh łigaii shibee adlání índa béeso yee tł'oh naadą́ą́' nayiis'nii'ígíí ałdó' akéédę́ę́' nilínígíí be'azis biih díínił. Áko Jóseph áhodííniidígíí bi'jiilaa. 3Áko hoos'įįdgo diné áádóó dabitélii bił bééda'iisnii'. 4Áko kin haal'áádę́ę́' ch'íjíkaigo t'áá áhánígóó jookahgo Jóseph bikin yaa áhályáanii áyidííniid, Nílááh, diné bikéé' dínááh, áko bíínísáago ábididííniił, Ha'át'éegoshą' yá'át'éhígi ánihiishłaa nidi nihí éí bąąhági ádashooł'įįd? 5Díí shinanit'a'í yee adlánígíí át'é; éí yee náásgóó áhodooníiłii bił bééhózin. Kódaohdzaaígíí bee doo yá'áshónígi ádaohdzaa, yidííniid.
6Áko bízhnísáago díí saad bee bich'į' hadzoodzíí'. 7Áko ádahodííniid, Ha'át'éegoshą' nihinanit'a'í díí saad yee haadzíí'. Ná nidaal'a'í t'áá íiyisí doo ákódaone' át'ée da. 8Shoo, nihe'azis bii' béeso nídadii'nilígíí Kéínan kéyahdę́ę́' nídashiijaa', ákoshą' ha'át'íí biniyé ninanit'a'í bighandę́ę́' béésh łigaii áádóó óolada dadíníit'į́į́ł? 9Ná nidaal'a'í t'áá háí shį́į́ nei'áhígíí háni'dii bidi'yoolyééł; nihí ałdó' nihinanit'a'í yá nidaalte' dadiidleeł. 10Áko ádííniid, T'áá ádadohnínígi át'ée doo; t'áá nei'áhígíí éí shinaalte' doo; nihí éí doo nihik'íhát'áah da doo. 11Áko t'áá ádzíłtso tsį́įłgo hoda'azis hadadadziizyį́įgo ąą ádajiilaa. 12Áko bíká nikizh'diich'idgo alą́ąjį' naagháhígíí bee hodeeshzhiizhgo akéédę́ę́' naagháhígíí bee nihoolzhiizh, áko Bénjamin be'azis bii'dę́ę́' bee adlání hanáát'ą́. 13Ákohgo daha'éé' nidadziizǫ́ǫzgo t'áá ádzíłtso dahayéél dahatélii bik'i dah nidadzis'nilgo kin haal'áágóó nát'ą́ą́' níjíkai.
14Áko Júdah hak'is bił Jóseph bighandi níjíkaigo t'ah t'áá ákwii lá, áádóó bich'į' yaa ánáádadziidzaa. 15Áko Jóseph áhodííniid, Díísh haa daoht'įįd lá? Da' doósh nihił béédahózin da, diné shígi át'éii náásgóó áhodooníiłii bił bééhózin. 16Áko Júdah ádííniid, Shinanit'a'í, ha'át'íishą' dabididii'niił? Ha'át'íishą' bee hadadiidzih? Índa ha'át'éegoshą' doo nihidahodiit'i'góó bikáá' ídadi'diilnííł? Diyin God éí ná nidaal'a'í doo ákwii ádáát' įįdígíí bił bééhoozin. Shoo, nihí índa bee adlání hats'ą́ą́' hanáát'ánígíí hoł shinanit'a'í bá nidaalte' dasiidlį́į́'. 17Áko ádííniid, Ákódeeshníłígíí t'áá íiyisí doo óoshne' át'ée da. Bee adlání bits'ą́ą́' hanáát'ánígíí éí shinaalte' jílį́į doo. Áko nihí t'éiyá nihił dahózhǫ́ǫgo nihizhé'é bich'į' nídoohkah.
Júdah éí Bénjamin yich'ą́ą́h ná'ookąąh.
18Ákohgo Júdah hwíighahgi niníyáago ádííniid, Shoo, shinanit'a'í, t'áá shǫǫdí, ná naal'a'í yóhółníihii t'ááłáhígo bee nich'į' haasdziih. Áádóó ná naal'a'í t'áadoo bich' į' náháchį'í, háálá Féro bił ahiníłt'é. 19Shinanit'a'í, ná nidaal'a'ígíí nabídííníłkidgo ádííníniid, Da' nihizhé'éésh hólǫ́, índa nihitsilíísh hólǫ́. 20Áko shinanit'a'í ádandii'niid, Nihizhé'é hólǫ́; t'áá hazhó'ó haastih, índa haastihgo bá yizhchínígíí éí t'ah ániid naaghá; bínaaí ádin, áko bí t'éí bimá yę́ę yits'ą́ą́dóó yidziih, áko bizhé'é ayóó'ábó'ní. 21Áko ná nidaal'a'í daniidlíinii ánihidííníniid, Hwiideestsééł biniyé bił shaa nohkááh. 22Áko shinanit'a'í ádandii'niid, Ashkii bizhé'é doo yits'ágháah da, háálá bizhé'é yits'áníyáago bizhé'é dadootsaał. 23Nihitsilí doo bił noohkaigóó t'éiyá doo náádashiidoołtséeł da, diníigo ná nidaal'a'í bich'į' háínídzíi' ni'. 24Ákohgo shizhé'é ná naal'a'í nilíinii baa nániikaigo shinanit'a'í áníinii bee bił dahwiilne'. 25Áko nihizhé'é ánáánihidoo'niid, Nihílááh, náádóhkáahgo ch'iyáán áłch'į́į́dígo nihá nináádahołniih. 26Áko ádadii'niid, Doo ákóyaa dookááh át'ée da. Nihitsilí akéédę́'ígíí biłgo t'éiyá ákóyaa diikah, háálá nihitsilí akéédę́ę́' nilínígíí t'áadoo bił niikaigóó éí diné doo náádeidiiltséeł da. 27Áko ná naal'a'í nihizhé'é ánihidííniid, Nihił béédahózingo she'asdzą́ą́ ashiiké naaki shá yishchį́. 28Áko ła' shits'ą́ą́' yóó'ííyá, dííniid, t'áá aaníí nibi'diisdláád lá, áko t'áadoo néiiłtsą́ą da. 29Áádóó díidí ałdó' bił dah náádadoohkaigo haada yidzaago shitsii' t'áá íiyisí yiigaigo áádóó yíní biih néítłizhgo dasétsą́ągo łeeh dashidoołtéeł ni. 30Éí bąą ná naal'a'í shizhé'é baa nánísdzáago ashkii doo nihitah nádzáágóó éí t'áá íiyisí ádíyóltą'ii nilį́, 31ákohgo doo nihitah nádzáágóó bił bééhoozingo dadootsaał. Áko ná nidaal'a'í bizhé'é bitsii' t'áá íiyisí yiigaigo áádóó yíní yiih náátłizhgo dadootsaałgo łeeh deidoołtééł. 32Háálá ná naal'a'í bizhé'é kwíidííniid yę́ędą́ą́' ání, Ashkii bá naashtłizh doo; t'áadoo bił naa nánísht'áázhgóó hool'áágóó shizhé'é shik'íhá'áah doo. 33Éí bąą t'áá shǫǫdí, shinanit'a'í binaalte' nishłį́į doo biniyé ná naal'a'í bíni'dii ashkii yitsásk'ehgi sidáa doo, áko ashkii bíni' bínaaíké yił nihinákááh. 34Ashkii t'áágéedgoshą' haash yit'éego shizhé'é bich'į' nídeeshdááł. Doodago éí bąąhági át'éii shizhé'é bik'i hwiidooleełígíí binásdzid.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).