MARK 12:29-31

Áko Jesus hach'į' hanáánáádzíi'go áháłní, Ts'ídá aláahgoígíí éí díí, Ízrel dine'é danohłíinii, da'íísółts'ą́ą́': Bóhólníihii nihiDiyin God éí Bóhólníihii t'ááłá'í, áko nijéí t'áá át'é bee, áádóó nii' sizíinii t'áá át'é bee, áádóó níni' t'áá át'é bee, índa ne'adziil t'áá át'é bee Bóhólníihii niDiyin God ayóó'ííní'ní. Éí bee haz'áanii aláahgoígíí át'é. Naaki góne'ígíí éí kót'é, T'áá ni ádííní'nínígi át'éego bił kééhót'íinii ayóó'ííní'ní. Bee haz'áanii náánáła' díí biláahgo át'éego nááhódlǫ́ǫ dooleełii t'áá ádin.