MARK 15
15
Jesus éí Páílat bidááhdę́ę́' niho'deedlóóz
(Mt. 27:1,2,11-14; Lk. 23:1-5; Jn. 18:28-38)
1T'áá áko abínígo aláahgo nááda'iiłniihii éí diné yá aląąjį' naazíinii áádóó bee haz'áanii yínda'niłtinii índa diné ándaha'áii t'áá át'é áłah silį́į'go haa nídaast'įįd, áko Jesus yeda'aztł'ǫ́ǫgo dah deidiilóóz, áádóó Páílat yaa dahodeez'ą́. 2Áko Páílat nahódééłkidgo áháłní, Da' niísh Jew dine'é Aláahgo biNanit'a'í nílį́? Áko ábizhdííniid, Jó, bee háínídzíí'. 3Áádóó aláahgo nááda'iiłniihii lą'ígóó hak'i dahodii'ą́. [Nidi t'áadoo hadzoodzíi' da.] 4Áko Páílat kóníigo ninááhódééłkid, Da' niísh doo t'ą́ą́' háádíídzih da? Jó'akon, haa shį́į́ néelą́ą́' yee nik'ídaha'ááh. 5Nidi Jesus t'áadoo hach'į' hanáádzíi' da, áko Páílat díidíígíí yik'ee t'óó bił ahayóí.
Jesus hodi'yoolyéełjį' há nihoot'ą́
(Mt. 27:15-26; Lk. 23:13-25; Jn. 18:39—19:16)
6Áko hodílzingo áłah ná'ádleeh baa náhwiilzhíishgo, Páílat éí awáalyaaí t'ááłá'ígo t'áá diné bíndayóki'ígíí yá ch'éiyiiłt'e' łeh. 7Íídą́ą́' nidaachxǫ'go naat'áanii yił da'ahigą́ągo awáalyaa shijé'ígíí bitahdóó diné ła' iisxíinii nilį́įgo Barábas wolyéé lá. 8Áko diné lą'í áłah nilínígíí Páílat yaa nísą́ągo [hadadeeshghaazhgo] ádeiłní, T'áá nihá ánánít'įįhígi át'éego nihá ánáádíí'nííł. 9Nít'éé' áhodííniid, Da' Jew dine'é Aláahgo biNanit'a'í nilíiniísh nihá béédíshchííd? 10Háálá aláahgo nááda'iiłniihii dahoołch'į́įdgo biniinaa haa deizlóozgo hoł bééhózin. 11Nidi aláahgo nááda'iiłniihii éí áłah nilínígíí yíni' yá ádahoolaago, Éí dooda, Barábasgo nihá ch'ééníłt'e' dadidoohniił, deidííniid. 12Ákoshą' Jew dine'é Aláahgo biNanit'a'í dabidohnínígíí haa deeshłííł? hałníigo Páílat hach'į' hanáánáádzíí'. 13Áko, Tsin ałnáoszid bikáa'jį' bił o'ołkaałgo sołhé, daaníigo hanáádadeeshghaazh. 14Nít'éé' Páílat ájíní, Ha'át'éegoshą'? Ha'át'íí doo aaníí shį́įshą' yaa naayá? Nidi, Tsin ałnáoszid bikáa'jį' bił o'ołkaałgo sołhé, daaníigo t'ah yówehígo hanáádadeeshghaazh. 15Áko Páílat éí áłah nilínígíí k'adę́ę bíni' bá bi'jilééh biniyé Barábas bá ch'éézhníłt'e', nidi hazaad k'ehgo Jesus nibí'íltsxasgo tsin ałnáoszid bikáa'jį' hoł ida'doolkał biniyé baa hozhdiní'ą́.
Jesus éí siláo há nidahast'i'
(Mt. 27:27-31; Jn. 19:2,3)
16Ákohgo naat'áanii bikin, éí Priitóriyam#15:16 Naat'áanii bikin áádóó éí binaagi haz'ą́ągo biná'ástł'ingo haz'ą́. Naat'ááh kin ałdó' hoolyé. hoolyéé góne' yah adahazlóozgo, siláo t'áá yinélee haa áłah ádayiilaa. 17Áko éénééz tsídídééh nahalingo łichí'ígíí yee hadahodiilaa, áádóó ch'il hooshahii nídeiniisxodgo ch'ah ádayiilaago hak'i deideez'ą́. 18Áko hach'į' nehekáahgo, Yá'át'éhéi, Jew dine'é Aláahgo biNanit'a'í nílíinii! dahałníigo haa nídiikai. 19Áko lók'aatsoh yee hatsiits'iin nínádeidiiłhał, áádóó hak'ídahidizheeh, índa hach'į' nitséédadigohgo hach'į' nidahałá. 20Índa há nidahast'i'dóó bik'ijį', éénééz tsídídééh nahalingo łichí'ígíí haa nídeidiiłtsoozgo t'áá hó ha'éé' yee háádahodiidlaa. Áádóó tsin ałnáoszid bikáa'jį' hoł ada'doołkał biniyé ch'ídahazlóóz.
Tsin ałnáoszid bikáa'jį' Jesus hoł o'oolkaal
(Mt. 27:32-44; Lk. 23:26-43; Jn. 19:17-27)
21Nít'éé' Sairíin hoolyéédę́ę́' diné léi' Sáíman wolyéego, Alezáander áádóó Rúfas#Rom. 16:13. bizhé'é nilį́įgo dáda'ak'ehdę́ę́' yigááł, áko, Tsin ałnáoszid yítį́į́ł, deiłníigo áajį' adeineeshchą́ą́'. 22Áko Gálgatha hoolyéejį' adahazlóóz, éí tsiits'in si'ání jiníigo óolyé. 23Áádóó wáin, jeeh mir wolyéii bił ałtahgo jidoodlį́į́ł biniyé haa deizką́, nidi doo jinízin da. 24Áko tsin ałnáoszid bikáa'jį' hoł ada'askaal, índa ha'éé' t'ááłá'í níłtsoozígo yiniyé yáá'iilt'e' yaa naaskaigo ałtaadeis'nii'.#Ps. 22:18. 25Abínígo náhást'éigi oolkiłgo tsin ałnáoszid bikáa'jį' hoł ada'askaal. 26Yee hak'i dahodii'ánígíí éí, Jew dine'é Aláahgo biNanit'a'í, níigo bee ak'e'ashchį́. 27Áádóó ani'įįhii nidilt'éego ałdó' t'áá ał'ąą tsin ałnáoszid bikáa'jį' bił ada'askaal, ła' éí honish'náájí dah hidiilt'e', ła' éí honishtł'ají. 28[Áko, Bee haz'áanii yilááh nidahideestáalii bił bi'déélta',#Is. 53:12. níigo bee ak'e'ashchínígíí bohoolyaa.] 29Áko hwíighah dahidikáhígíí há nidahałt'i'go bitsiits'iin deiłne'go#Ps. 22:7; 109:25. ádaaní, Há háa! Kin bii' sohodizin atídeeshłííł, áádóó táá' yiską́ąjį' ninádeesh'ááł dííníniidii,#Mk. 14:58; Jn. 2:19. 30tsin ałnáoszid bąąhdę́ę́' hadáánídáahgo yisdá'ádílteeh. 31T'áá ákót'éego ałdó' aláahgo nááda'iiłniihii áádóó bee haz'áanii yínda'niłtinii há nidahałt'i'go áda'ahidi'ní, Náánáła' yisdánídziiznil nidi, t'áá hó t'éí doo yisdá'ázhdóltééł át'ée da. 32K'ad Christ, Ízrel dine'é Aláahgo biNanit'a'í jílíinii háni'dii dahoníil'į́įgo tsin ałnáoszid bąąhdę́ę́' hadajighááh, áko índa dahwiidiidląął. Áádóó nidilt'éego, hoł bił ada'askaalígíí ałdó' hóó'įįd.
Jesus dadziztsą́
(Mt. 27:45-56; Lk. 23:44-49; Jn. 19:28-30)
33Nít'éé' ałní'ní'ą́ą́dóó táadi ahéé'ílkidjį' t'áá át'éé nít'éé' chahóółhéél. 34Áko tá'ígi oolkiłgo Jesus yéego hadoolghaazhgo ání, Éílii, Éílii, lama sabákthanii? Éí, ShiDiyin God, shiDiyin God, ha'át'éegoshą' yóó'ashidííní'ą́?#Ps. 22:1. jiníigo óolyé. 35Áko ła' ákǫ́ǫ́ naazínígíí éí deidiizts'ą́ą'go, Jó'akon, Iiláíjah yíká ání, dadííniid. 36Áko ła' dah diilwodgo tó náyiits'ǫsígíí ch'il na'atł'o'ii bitoo' dók'ǫ́zhígíí yénéíz'ą́,#Ps. 69:21. áádóó lók'aatsoh bílátahgi dah yiz'ą́ągo bąąh jidoots'ǫs biniyé haa yí'níłtsih kóníigo, Átsé, t'áadoo baa nídaaht'íní, haa'íshą' Iiláíjah daats'í haa doogáałgo adahodoołtééł dadíníil'įįł. 37Nít'éé' Jesus yéego hazhdoolghaazhgo hajííyol. 38Áko kin bii' sohodizin biyi' góne' ach'ą́ą́h naníbaal#Ex. 26:31-33. wódahdę́ę́' yaago ałch'áádláád. 39Ákohgo siláo neeznádiingo binanit'a'í hadááhdę́ę́' sizínígíí ákót'éego [hazhdoolghaazh áádóó] hajííyolgo yiyiiłtsą́ągo ání, T'áá aaníí, díí diné Diyin God biYe' nilį́į́ nít'éé' lá.
40Ákwe'é ałdó' asdzání ła' Mary Mágdaliin áádóó Mary, éí James akéédę́'ígíí áádóó Jóses bimá, índa Salómii nízaadę́ę́' dadéez'į́į'go atah naazį́. 41Éí díí asdzání, Gáliliidi nijighá yę́ędą́ą́' hakéé' naakaigo há nidaal'a' nít'éé',#Lk. 8:2,3. áádóó asdzání náádaała' lą'í Jerúsalemgi bił jíkaígíí ałdó' áadi atah naazį́.
Jesus yóó'áho'diilyaa
(Mt. 27:57-61; Lk. 23:50-56; Jn. 19:38-42)
42Áko hííłch'į'go hasht'ehodi'nééh bijį́, jó, éí biiskání háá'áyį́į́h jį́ dooleełgo bąą, 43Arimathíya hoolyéédę́ę́' Jóseph éí diné ándaha'áii bitahdóó hastóí ílíinii jílį́, hó ałdó' Diyin God bee bóhólníihgo bił haz'áanii nijólí, áko éí t'áadoo dzisti'í Páílat baazhníyáago Jesus bits'íís yę́ę bíjííkeed. 44Áko Páílat, t'áá daats'í íídą́ą́' dadziztsą́ niizį́į'go t'óó bił ahayóí, áko siláo binanit'a'í hágo yidííniid, T'áá daats'í íídą́ą́' dadziztsą́, níigo nayídééłkid. 45Áko siláo binanit'a'í bits'ą́ą́dę́ę́' náhóóne'go índa Jesus bits'íís yę́ę Jóseph yeidiní'ą́. 46Áádóó Jóseph éí áłts'óózígo yisdizígíí bee na'at'ą́hí łigaii dits'idgo ályaii nayiisnii', áádóó tsin ałnáoszid bąąhdę́ę́' nayííłtį́įgo éí yił yizdis, índa tséní'ootséél góne' ayííłtį́įgo tsé yidéidiníłmááz. 47Áko Mary Mágdaliin índa Mary, Jóses bimá éí niho'deeltínígi bił bééhoozin.
Currently Selected:
MARK 15: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
MARK 15
15
Jesus éí Páílat bidááhdę́ę́' niho'deedlóóz
(Mt. 27:1,2,11-14; Lk. 23:1-5; Jn. 18:28-38)
1T'áá áko abínígo aláahgo nááda'iiłniihii éí diné yá aląąjį' naazíinii áádóó bee haz'áanii yínda'niłtinii índa diné ándaha'áii t'áá át'é áłah silį́į'go haa nídaast'įįd, áko Jesus yeda'aztł'ǫ́ǫgo dah deidiilóóz, áádóó Páílat yaa dahodeez'ą́. 2Áko Páílat nahódééłkidgo áháłní, Da' niísh Jew dine'é Aláahgo biNanit'a'í nílį́? Áko ábizhdííniid, Jó, bee háínídzíí'. 3Áádóó aláahgo nááda'iiłniihii lą'ígóó hak'i dahodii'ą́. [Nidi t'áadoo hadzoodzíi' da.] 4Áko Páílat kóníigo ninááhódééłkid, Da' niísh doo t'ą́ą́' háádíídzih da? Jó'akon, haa shį́į́ néelą́ą́' yee nik'ídaha'ááh. 5Nidi Jesus t'áadoo hach'į' hanáádzíi' da, áko Páílat díidíígíí yik'ee t'óó bił ahayóí.
Jesus hodi'yoolyéełjį' há nihoot'ą́
(Mt. 27:15-26; Lk. 23:13-25; Jn. 18:39—19:16)
6Áko hodílzingo áłah ná'ádleeh baa náhwiilzhíishgo, Páílat éí awáalyaaí t'ááłá'ígo t'áá diné bíndayóki'ígíí yá ch'éiyiiłt'e' łeh. 7Íídą́ą́' nidaachxǫ'go naat'áanii yił da'ahigą́ągo awáalyaa shijé'ígíí bitahdóó diné ła' iisxíinii nilį́įgo Barábas wolyéé lá. 8Áko diné lą'í áłah nilínígíí Páílat yaa nísą́ągo [hadadeeshghaazhgo] ádeiłní, T'áá nihá ánánít'įįhígi át'éego nihá ánáádíí'nííł. 9Nít'éé' áhodííniid, Da' Jew dine'é Aláahgo biNanit'a'í nilíiniísh nihá béédíshchííd? 10Háálá aláahgo nááda'iiłniihii dahoołch'į́įdgo biniinaa haa deizlóozgo hoł bééhózin. 11Nidi aláahgo nááda'iiłniihii éí áłah nilínígíí yíni' yá ádahoolaago, Éí dooda, Barábasgo nihá ch'ééníłt'e' dadidoohniił, deidííniid. 12Ákoshą' Jew dine'é Aláahgo biNanit'a'í dabidohnínígíí haa deeshłííł? hałníigo Páílat hach'į' hanáánáádzíí'. 13Áko, Tsin ałnáoszid bikáa'jį' bił o'ołkaałgo sołhé, daaníigo hanáádadeeshghaazh. 14Nít'éé' Páílat ájíní, Ha'át'éegoshą'? Ha'át'íí doo aaníí shį́įshą' yaa naayá? Nidi, Tsin ałnáoszid bikáa'jį' bił o'ołkaałgo sołhé, daaníigo t'ah yówehígo hanáádadeeshghaazh. 15Áko Páílat éí áłah nilínígíí k'adę́ę bíni' bá bi'jilééh biniyé Barábas bá ch'éézhníłt'e', nidi hazaad k'ehgo Jesus nibí'íltsxasgo tsin ałnáoszid bikáa'jį' hoł ida'doolkał biniyé baa hozhdiní'ą́.
Jesus éí siláo há nidahast'i'
(Mt. 27:27-31; Jn. 19:2,3)
16Ákohgo naat'áanii bikin, éí Priitóriyam#15:16 Naat'áanii bikin áádóó éí binaagi haz'ą́ągo biná'ástł'ingo haz'ą́. Naat'ááh kin ałdó' hoolyé. hoolyéé góne' yah adahazlóozgo, siláo t'áá yinélee haa áłah ádayiilaa. 17Áko éénééz tsídídééh nahalingo łichí'ígíí yee hadahodiilaa, áádóó ch'il hooshahii nídeiniisxodgo ch'ah ádayiilaago hak'i deideez'ą́. 18Áko hach'į' nehekáahgo, Yá'át'éhéi, Jew dine'é Aláahgo biNanit'a'í nílíinii! dahałníigo haa nídiikai. 19Áko lók'aatsoh yee hatsiits'iin nínádeidiiłhał, áádóó hak'ídahidizheeh, índa hach'į' nitséédadigohgo hach'į' nidahałá. 20Índa há nidahast'i'dóó bik'ijį', éénééz tsídídééh nahalingo łichí'ígíí haa nídeidiiłtsoozgo t'áá hó ha'éé' yee háádahodiidlaa. Áádóó tsin ałnáoszid bikáa'jį' hoł ada'doołkał biniyé ch'ídahazlóóz.
Tsin ałnáoszid bikáa'jį' Jesus hoł o'oolkaal
(Mt. 27:32-44; Lk. 23:26-43; Jn. 19:17-27)
21Nít'éé' Sairíin hoolyéédę́ę́' diné léi' Sáíman wolyéego, Alezáander áádóó Rúfas#Rom. 16:13. bizhé'é nilį́įgo dáda'ak'ehdę́ę́' yigááł, áko, Tsin ałnáoszid yítį́į́ł, deiłníigo áajį' adeineeshchą́ą́'. 22Áko Gálgatha hoolyéejį' adahazlóóz, éí tsiits'in si'ání jiníigo óolyé. 23Áádóó wáin, jeeh mir wolyéii bił ałtahgo jidoodlį́į́ł biniyé haa deizką́, nidi doo jinízin da. 24Áko tsin ałnáoszid bikáa'jį' hoł ada'askaal, índa ha'éé' t'ááłá'í níłtsoozígo yiniyé yáá'iilt'e' yaa naaskaigo ałtaadeis'nii'.#Ps. 22:18. 25Abínígo náhást'éigi oolkiłgo tsin ałnáoszid bikáa'jį' hoł ada'askaal. 26Yee hak'i dahodii'ánígíí éí, Jew dine'é Aláahgo biNanit'a'í, níigo bee ak'e'ashchį́. 27Áádóó ani'įįhii nidilt'éego ałdó' t'áá ał'ąą tsin ałnáoszid bikáa'jį' bił ada'askaal, ła' éí honish'náájí dah hidiilt'e', ła' éí honishtł'ají. 28[Áko, Bee haz'áanii yilááh nidahideestáalii bił bi'déélta',#Is. 53:12. níigo bee ak'e'ashchínígíí bohoolyaa.] 29Áko hwíighah dahidikáhígíí há nidahałt'i'go bitsiits'iin deiłne'go#Ps. 22:7; 109:25. ádaaní, Há háa! Kin bii' sohodizin atídeeshłííł, áádóó táá' yiską́ąjį' ninádeesh'ááł dííníniidii,#Mk. 14:58; Jn. 2:19. 30tsin ałnáoszid bąąhdę́ę́' hadáánídáahgo yisdá'ádílteeh. 31T'áá ákót'éego ałdó' aláahgo nááda'iiłniihii áádóó bee haz'áanii yínda'niłtinii há nidahałt'i'go áda'ahidi'ní, Náánáła' yisdánídziiznil nidi, t'áá hó t'éí doo yisdá'ázhdóltééł át'ée da. 32K'ad Christ, Ízrel dine'é Aláahgo biNanit'a'í jílíinii háni'dii dahoníil'į́įgo tsin ałnáoszid bąąhdę́ę́' hadajighááh, áko índa dahwiidiidląął. Áádóó nidilt'éego, hoł bił ada'askaalígíí ałdó' hóó'įįd.
Jesus dadziztsą́
(Mt. 27:45-56; Lk. 23:44-49; Jn. 19:28-30)
33Nít'éé' ałní'ní'ą́ą́dóó táadi ahéé'ílkidjį' t'áá át'éé nít'éé' chahóółhéél. 34Áko tá'ígi oolkiłgo Jesus yéego hadoolghaazhgo ání, Éílii, Éílii, lama sabákthanii? Éí, ShiDiyin God, shiDiyin God, ha'át'éegoshą' yóó'ashidííní'ą́?#Ps. 22:1. jiníigo óolyé. 35Áko ła' ákǫ́ǫ́ naazínígíí éí deidiizts'ą́ą'go, Jó'akon, Iiláíjah yíká ání, dadííniid. 36Áko ła' dah diilwodgo tó náyiits'ǫsígíí ch'il na'atł'o'ii bitoo' dók'ǫ́zhígíí yénéíz'ą́,#Ps. 69:21. áádóó lók'aatsoh bílátahgi dah yiz'ą́ągo bąąh jidoots'ǫs biniyé haa yí'níłtsih kóníigo, Átsé, t'áadoo baa nídaaht'íní, haa'íshą' Iiláíjah daats'í haa doogáałgo adahodoołtééł dadíníil'įįł. 37Nít'éé' Jesus yéego hazhdoolghaazhgo hajííyol. 38Áko kin bii' sohodizin biyi' góne' ach'ą́ą́h naníbaal#Ex. 26:31-33. wódahdę́ę́' yaago ałch'áádláád. 39Ákohgo siláo neeznádiingo binanit'a'í hadááhdę́ę́' sizínígíí ákót'éego [hazhdoolghaazh áádóó] hajííyolgo yiyiiłtsą́ągo ání, T'áá aaníí, díí diné Diyin God biYe' nilį́į́ nít'éé' lá.
40Ákwe'é ałdó' asdzání ła' Mary Mágdaliin áádóó Mary, éí James akéédę́'ígíí áádóó Jóses bimá, índa Salómii nízaadę́ę́' dadéez'į́į'go atah naazį́. 41Éí díí asdzání, Gáliliidi nijighá yę́ędą́ą́' hakéé' naakaigo há nidaal'a' nít'éé',#Lk. 8:2,3. áádóó asdzání náádaała' lą'í Jerúsalemgi bił jíkaígíí ałdó' áadi atah naazį́.
Jesus yóó'áho'diilyaa
(Mt. 27:57-61; Lk. 23:50-56; Jn. 19:38-42)
42Áko hííłch'į'go hasht'ehodi'nééh bijį́, jó, éí biiskání háá'áyį́į́h jį́ dooleełgo bąą, 43Arimathíya hoolyéédę́ę́' Jóseph éí diné ándaha'áii bitahdóó hastóí ílíinii jílį́, hó ałdó' Diyin God bee bóhólníihgo bił haz'áanii nijólí, áko éí t'áadoo dzisti'í Páílat baazhníyáago Jesus bits'íís yę́ę bíjííkeed. 44Áko Páílat, t'áá daats'í íídą́ą́' dadziztsą́ niizį́į'go t'óó bił ahayóí, áko siláo binanit'a'í hágo yidííniid, T'áá daats'í íídą́ą́' dadziztsą́, níigo nayídééłkid. 45Áko siláo binanit'a'í bits'ą́ą́dę́ę́' náhóóne'go índa Jesus bits'íís yę́ę Jóseph yeidiní'ą́. 46Áádóó Jóseph éí áłts'óózígo yisdizígíí bee na'at'ą́hí łigaii dits'idgo ályaii nayiisnii', áádóó tsin ałnáoszid bąąhdę́ę́' nayííłtį́įgo éí yił yizdis, índa tséní'ootséél góne' ayííłtį́įgo tsé yidéidiníłmááz. 47Áko Mary Mágdaliin índa Mary, Jóses bimá éí niho'deeltínígi bił bééhoozin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).