MARK 16
16
Jesus daaztsą́ą́dę́ę́' náádiidzá
(Mt. 28:1-8; Lk. 24:1-12; Jn. 20:1-10)
1Áko háá'áyį́į́h jį́ azlį́į́'dóó bik'ijį', Mary Mágdaliin áádóó Mary, James bimá, índa Salómii éí łikání halchinii spáis wolyéii ła' nidadziisnii', haazhdookahgo bee dahozhdoołtłah biniyé. 2Áko Damį́įgo t'óó ha'íí'ánígo tséní'ootséélgóó jookahgo, 3Háí lá tséní'ootséelgi tsé dáádeelmázígíí nahgóó nihá iidoołmas lá? da'ahizhdi'ní. 4Nít'éé' hadadzizghalgo éí tsé nahjį' eelmááz lágo dajiiłtsą́; jó, éí t'áá íiyisí nitsaa. 5Áko tséní'ootséél góne' yah ajookai, nít'éé' dinééh léi' algaigo hadít'éego nish'náájígo sidáago dajiiłtsą́, áko t'óó bik'ee tsídazdeesyiz. 6Nít'éé' áhodííniid, T'áadoo t'óó nihił adahayóí; jó, Názarethdóó Jesus, tsin ałnáoszid bikáa'jį' bił o'oolkaalígíí hadanohtá. Éí daaztsą́ą́dę́ę́' náádiidzá, áko doo kwe'é da, jó'akon, sitį́į́ nít'éé' yę́ęjį' dadóh'į́į́'. 7Nidi nihílááh, nihiba' Gáliliigóó jideeyáhígíí#Mt. 26:32; Mk. 14:28. éí Jesus yídahooł'aahii índa Peter ałdó' bił dahołne'; t'áá yee nihił hoolne' yę́ęgi át'éego áadi dahwiidoołtsééł. 8Áko tséní'ootsééldóó ch'ééjíkaigo dashdiijéé', háálá bik'ee t'óó hoł adahayóigo hatah dahoditłid, áko nídadzildzidgo biniinaa diné ła' t'áadoo bee bił dahojoolne' da.
Jesus éí Mary Mágdaliin yich'į' yit'íní í'diilyaa
(Mt. 28:9,10; Jn. 20:11-18)
9[Áko Damíigo aleeh góne' dadziztsą́ą́dę́ę́' náázdiidzáádóó bik'ijį' t'áá íiyisí t'ah abínígo Mary Mágdaliin, éí asdzání biyi'dę́ę́' níłch'i bi'iiníziinii tsosts'id hazhnííłkaadígíí, éí ts'ídá áłtsé bich'į' yit'íní ízh'diilyaa. 10Ákohgo yił naakai yę́ę atínídadindleeh áádóó daacha lágo baazhníyáago bił hojoolne'. 11Azhą́ éí jiináago dayíínii' nidi, áádóó asdzání hoołtsánígíí bił béédahoozin nidi doo dayoosdląąd da.
Jesus éí bídahooł'aahii nidilt'éego yich'į' yit'íní í'diilyaa
(Lk. 24:13-35)
12Ákódzaadóó bik'ijį' łahgo át'éego diné nidilt'é atiingóó yi'ashgo, bich'į' yit'íní ánáázh'diilyaa. 13Áko t'ą́ą́' níjít'áazhgo ła' ídahooł'aahii bee bił dahojoolne', nidi doo dahoosdląąd da.
Jesus éí bídahooł'aahii ła'ts'áadahígíí naanish yeidiyiiz'ą́
(Mt. 28:16-20; Lk. 24:36-49; Jn. 20:19-23; Acts 1:6-8)
14Áádóó náábík'ijį' ła'ts'áadahígíí da'ayą́ągo bich'į' yit'íní ánáázh'diilyaa, áko dadziztsą́ą́dę́ę́' náázdiidzáádóó dahoołtsánígíí doo dayoodlą́ą́góó áádóó bijéí doo binídahaz'áhígíí biniinaa dzideezteh. 15Áko ábizhdííniid, Nihílááh, nahasdzáán nidanees'ą́ąjį' diné t'áá át'é hane' yá'át'éehii bee bił dahołne'.#Acts 1:8. 16T'áá háiida oosdląąd áádóó tó bee bi'doolzį́į'go éí yisdádooltééł, nidi t'áá háiida doo oodlánígíí éí ti'hoo'nííhgóó bá nihodoot'ááł. 17Áko da'oodlánígíí éí bee ééhózinii kódaat'éhígíí ádayoolíiłgo yídaneel'ą́ą doo: éí shízhi' bee níłch'i bi'iiníziinii ayi'dę́ę́' hadeiniiłkaad doo, áádóó saad ał'ąą ádaat'éii yee yádaałti' doo, 18índa tł'iish nídayiiláah doo, áádóó ha'át'íhígíida da'agháanii deidlą́ą nidi doo atídabile' da doo, índa bąąh dah nidahaz'ánígíí yik'i dah dahidilníihgo hadaałt'é ninádahadleeh dooleeł.
Jesus yá'ąąshgóó dah nídiidzá
(Lk. 24:50-53; Acts 1:9-11)
19Áko Bóhólníihii Jesus hach'į' haadzíí'dóó bik'ijį' yá'ąąsh góde anáhóóle'go#Acts 1:9-11. Diyin God binish'náájí dah neezdá. 20Áádóó da'níłts'ą́ą́'góó adadziiskaigo hane' yá'át'éehii baa dahojoolne', Bóhólníihii hoł hólǫ́ǫgo nidajilnish, áko bee éédahózinii bee ádajooníłígíí bee hazaad bidziilgo ádeile'. T'áá ákót'ée doo.]#16:20 Saad dah naazhjaa'ígíí 9-20 ła' naaltsoos Gríik k'ehjí ádaalyaaígíí doo bikáa' da.
Currently Selected:
MARK 16: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
MARK 16
16
Jesus daaztsą́ą́dę́ę́' náádiidzá
(Mt. 28:1-8; Lk. 24:1-12; Jn. 20:1-10)
1Áko háá'áyį́į́h jį́ azlį́į́'dóó bik'ijį', Mary Mágdaliin áádóó Mary, James bimá, índa Salómii éí łikání halchinii spáis wolyéii ła' nidadziisnii', haazhdookahgo bee dahozhdoołtłah biniyé. 2Áko Damį́įgo t'óó ha'íí'ánígo tséní'ootséélgóó jookahgo, 3Háí lá tséní'ootséelgi tsé dáádeelmázígíí nahgóó nihá iidoołmas lá? da'ahizhdi'ní. 4Nít'éé' hadadzizghalgo éí tsé nahjį' eelmááz lágo dajiiłtsą́; jó, éí t'áá íiyisí nitsaa. 5Áko tséní'ootséél góne' yah ajookai, nít'éé' dinééh léi' algaigo hadít'éego nish'náájígo sidáago dajiiłtsą́, áko t'óó bik'ee tsídazdeesyiz. 6Nít'éé' áhodííniid, T'áadoo t'óó nihił adahayóí; jó, Názarethdóó Jesus, tsin ałnáoszid bikáa'jį' bił o'oolkaalígíí hadanohtá. Éí daaztsą́ą́dę́ę́' náádiidzá, áko doo kwe'é da, jó'akon, sitį́į́ nít'éé' yę́ęjį' dadóh'į́į́'. 7Nidi nihílááh, nihiba' Gáliliigóó jideeyáhígíí#Mt. 26:32; Mk. 14:28. éí Jesus yídahooł'aahii índa Peter ałdó' bił dahołne'; t'áá yee nihił hoolne' yę́ęgi át'éego áadi dahwiidoołtsééł. 8Áko tséní'ootsééldóó ch'ééjíkaigo dashdiijéé', háálá bik'ee t'óó hoł adahayóigo hatah dahoditłid, áko nídadzildzidgo biniinaa diné ła' t'áadoo bee bił dahojoolne' da.
Jesus éí Mary Mágdaliin yich'į' yit'íní í'diilyaa
(Mt. 28:9,10; Jn. 20:11-18)
9[Áko Damíigo aleeh góne' dadziztsą́ą́dę́ę́' náázdiidzáádóó bik'ijį' t'áá íiyisí t'ah abínígo Mary Mágdaliin, éí asdzání biyi'dę́ę́' níłch'i bi'iiníziinii tsosts'id hazhnííłkaadígíí, éí ts'ídá áłtsé bich'į' yit'íní ízh'diilyaa. 10Ákohgo yił naakai yę́ę atínídadindleeh áádóó daacha lágo baazhníyáago bił hojoolne'. 11Azhą́ éí jiináago dayíínii' nidi, áádóó asdzání hoołtsánígíí bił béédahoozin nidi doo dayoosdląąd da.
Jesus éí bídahooł'aahii nidilt'éego yich'į' yit'íní í'diilyaa
(Lk. 24:13-35)
12Ákódzaadóó bik'ijį' łahgo át'éego diné nidilt'é atiingóó yi'ashgo, bich'į' yit'íní ánáázh'diilyaa. 13Áko t'ą́ą́' níjít'áazhgo ła' ídahooł'aahii bee bił dahojoolne', nidi doo dahoosdląąd da.
Jesus éí bídahooł'aahii ła'ts'áadahígíí naanish yeidiyiiz'ą́
(Mt. 28:16-20; Lk. 24:36-49; Jn. 20:19-23; Acts 1:6-8)
14Áádóó náábík'ijį' ła'ts'áadahígíí da'ayą́ągo bich'į' yit'íní ánáázh'diilyaa, áko dadziztsą́ą́dę́ę́' náázdiidzáádóó dahoołtsánígíí doo dayoodlą́ą́góó áádóó bijéí doo binídahaz'áhígíí biniinaa dzideezteh. 15Áko ábizhdííniid, Nihílááh, nahasdzáán nidanees'ą́ąjį' diné t'áá át'é hane' yá'át'éehii bee bił dahołne'.#Acts 1:8. 16T'áá háiida oosdląąd áádóó tó bee bi'doolzį́į'go éí yisdádooltééł, nidi t'áá háiida doo oodlánígíí éí ti'hoo'nííhgóó bá nihodoot'ááł. 17Áko da'oodlánígíí éí bee ééhózinii kódaat'éhígíí ádayoolíiłgo yídaneel'ą́ą doo: éí shízhi' bee níłch'i bi'iiníziinii ayi'dę́ę́' hadeiniiłkaad doo, áádóó saad ał'ąą ádaat'éii yee yádaałti' doo, 18índa tł'iish nídayiiláah doo, áádóó ha'át'íhígíida da'agháanii deidlą́ą nidi doo atídabile' da doo, índa bąąh dah nidahaz'ánígíí yik'i dah dahidilníihgo hadaałt'é ninádahadleeh dooleeł.
Jesus yá'ąąshgóó dah nídiidzá
(Lk. 24:50-53; Acts 1:9-11)
19Áko Bóhólníihii Jesus hach'į' haadzíí'dóó bik'ijį' yá'ąąsh góde anáhóóle'go#Acts 1:9-11. Diyin God binish'náájí dah neezdá. 20Áádóó da'níłts'ą́ą́'góó adadziiskaigo hane' yá'át'éehii baa dahojoolne', Bóhólníihii hoł hólǫ́ǫgo nidajilnish, áko bee éédahózinii bee ádajooníłígíí bee hazaad bidziilgo ádeile'. T'áá ákót'ée doo.]#16:20 Saad dah naazhjaa'ígíí 9-20 ła' naaltsoos Gríik k'ehjí ádaalyaaígíí doo bikáa' da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).