Aepa Gemae 36
36
Iso aginago vayaʼai apakiʼapimo haneʼniya gemae
1Isoʼa alu agiʼamo Iʼnomi aginago vayaʼai apakiʼapimo haneʼniye. 2Isoʼa Kenani nofi vayaʼai a mafaʼnemo aliʼniye. Agaemo Aʼnaʼmo Eloniʼa Hiti nofi vekamo a mafaʼnemo alite Aholimaʼmo Ana a mafaʼnemo Hivi nofi vekamo Yimiyoni a mafaʼnemo alite 3Masematiʼmo Isameli a mafaʼnemo aganaʼamoʼmo Nemayotiʼmo alite huno aliʼniye. 4Isoʼa Anapatiʼmo Elifasiʼmo alino atege Masematipatiʼmo Leyuveliʼmo alino atege 5Aholimapatiʼmo Yeyusiʼagi Yalamiʼagi Kolaʼagi huno alino apatege huʼniye. Isoʼa Kenani kote maiʼniya afinaʼmo ani mafaʼne anagaʼamo alino apateʼniye. 6Henagaʼamo Isoʼa muki aʼne mafaʼneʼagi muki vayaʼagi muki afu anagaʼagi Kenani kote maiʼnenoʼaeʼmo aliʼniya kagemi yaʼagi huno aliteno Yekopuʼmo ataleno alu haopalegamo uʼniye. 7-8Iso afu anagaʼmogiʼe Yekopu afu anagaʼmogiʼeʼmo ani maiʼnaʼa mopaleʼmo kili pageʼana magokete lokaeʼana maisaʼaʼfeʼmo ohauʼniyaʼmofeʼmo ataleno Siya avefiʼmo uno haiʼniye. Afu anagaʼmogimo nesaya kahaumo ohaneʼniyaʼmofeʼmae. Iso alu agiʼamo Iʼnomiʼae.
9Isoʼa Iʼnomi nofi vayaʼai afoʼapimoʼmogeʼa Siya avefiʼmo maiʼnae. 10Iso mafaʼne anagaʼmogi apakiʼapimo Aʼnapatiʼmo alino ateʼniya mafaʼnemo Elifasiʼe Masematipatiʼmo alino ateʼniya mafaʼnemo Leyuveliʼeʼmo maiʼnaʼae. 11Inagi Elifasi mafaʼne anagaʼmogi apakiʼapimo Temaniʼagi Omaʼagi Yefoʼagi Gatamuʼagi Kenasiʼagi huʼa maiʼnae. 12Iso mafaʼnemo Elifasi napa tu aʼamo Timanapatiʼmo Amalekiʼmo alino ateʼniye. Ani vayaʼmo Isoʼa Aʼnapatiʼmo alino anateʼniya vekalapati nofi vayaʼmae. 13Leyuveli mafaʼne anagaʼmogi apakiʼapimo Nahatiʼagi Yelaʼagi Samaʼagi Misaʼagi huʼa maiʼnae. Ani vayaʼmo Isoʼa Masematipatiʼmo alino apateʼniya nofi vayane. 14Isoʼa Aholimapatiʼmo Yeyusiʼagi Yalamuʼagi Kolaʼagi huno alino apateʼniye. Aholima itaʼamoʼmo Anaʼmo maiʼnigeno Ana afoʼamoʼmo Yimiyoniʼmae. 15-16Iso mafaʼne anagapatiʼmo yahauve vayaʼmo maiteʼa yagaiʼa apateʼnaya vayaʼai apakiʼapimo haneʼniye. Iso yege mafaʼneʼamo Elifasiʼa alino apateya mafaʼne anagaʼmogi yahauve maiteʼa yagaiʼa apateʼnaya vayaʼai apakiʼapimo Temaniʼagi Omaʼagi Sefoʼagi Kenasiʼagi Kolaʼagi Gatamuʼagi Amalekiʼagi huʼa Iʼnomi kotega vayaʼapileʼmo yagaiʼa apateʼnae. Isoʼa Aʼnapatiʼmo alino ateʼniya mafaʼnefatiʼmo vayaʼmae.
17Iso mafaʼnemo Leyuveliʼa alino apateʼniya mafaʼne anagaʼmogi yahauve vayaʼmo maiteʼa yagaiʼa apateʼnaya vayaʼai apakiʼapimo Nahatiʼagi Yelaʼagi Samaʼagi Misaʼagi huʼa vayaʼapileʼmo yagaiʼa apateʼnae. Isoʼa Masematipatiʼmo alino apateʼniya mafaʼne anagaʼmae.
18Isoʼa Aholimapatiʼmo alino apateya mafaʼne anagaʼmogi yahauve vayaʼmo maiteʼa yagaiʼa apateʼnaya vayaʼai apakiʼapimo Yeyusiʼagi Yalamuʼagi Kolaʼagi huʼa yagaiʼa apateʼnae. Aholima itaʼamoʼmo Anaʼae. 19Muki mani vayaʼmo Iso nofi vayapatiʼmo yahauve vayaʼmo maiʼneʼa yagaiʼa apatesaya vayaʼmo hamaleʼnae. Iso alu agiʼamo Iʼnomiʼae.
Siya nofi vayaʼmogi apakiʼapimo haneʼniya gemae
20-21Siyaʼa Holi nofi vekamo ani Iʼnomi kotegamo maiʼnenoʼaeʼmo alino apateʼniya mafaʼne anagaʼmogi apakiʼapimo Lotaniʼagi Somaliʼagi Yimiyoniʼagi Anaʼagi Nisoniʼagi Esaʼagi Nisaniʼagi huno alino apateʼniye. Mani mafaʼne anagaʼmo Siya mafaʼne anagaʼmo maiʼneʼa Holi nofi vayaʼaiteʼmo yahauve vayaʼmo maiteʼa yagaiʼa apateʼnae. 22Lotani mafaʼnelaʼani anakiʼanimo Holiʼe Hemaniʼeʼmo alino anateʼniye. Lotani asaʼamoʼmo Timanaʼmae. 23Somali mafaʼne anagaʼmogi apakiʼapimo Alavaniʼagi Manahatiʼagi Emaliʼagi Sefoʼagi Onamiʼagi huʼa maiʼnae. 24Yimiyoni mafaʼnelaʼani anakiʼanimo Ayaʼe Anaʼeʼmo maiʼnaʼae. Anaʼa afoʼamoʼmo Yimiyoni nokileʼmo kaʼme kotega yagaino maiʼneno mago ani kotuʼmo ageʼniya vekae. 25Ana mafaʼnelaʼani anakiʼanimo Nisoniʼe Aholimaʼeʼmo maiʼnaʼae. Ana aʼmafaʼneʼamo Aholimaʼmo maiʼniye. 26Nisani mafaʼne anagaʼmogi apakiʼapimo Hemananiʼagi Esamaniʼagi Italaniʼagi Kelaniʼagi huʼa maiʼnae. 27Iye mafaʼne anagaʼmogi apakiʼapimo Milihaniʼagi Savaniʼagi Akaniʼagi huʼa maiʼnae. 28Nisani mafaʼnelaʼani anakiʼanimo Usiʼe Alaniʼeʼmo maiʼnaʼae.
29-30Holi nofi vayaʼaiteʼmo yagaiʼa apateʼnaya yahauve vayaʼai apakiʼapimo Lotaniʼagi Somaliʼagi Yimiyoniʼagi Anaʼagi Nisoniʼagi Esaʼagi Nisaniʼagi huʼa yagaiʼnae. Mani vayaʼmogi Siya koteʼmo yahauve vayaʼmo maiʼneʼa aliʼa yagaiʼa apateʼnae.
31Isaleli nofi vayaʼaiteʼmo mago kini vayaʼmo oʼmaiʼnaya afinaʼmo mani vayaʼmogimo Iʼnomi koteʼmo yagaiʼa apateʼnae. 32Hogoteno yagaino apateʼniya kini vekamo Melaʼa Meyo mafaʼnemoʼmo Iʼnomi koteʼmo yagaino apateʼniye. Agaemo Niniyama taonifiʼmo maiʼniye. 33Melaʼa falitegenoʼaeʼmo Mosala kotega vekamo Yela mafaʼnemo Yomamiʼa agae aimuʼyaleʼmo maiteno yagaino apateʼniye. 34Yomamiʼa falitegenoʼaeʼmo Temani nofi vekamo Husamiʼa agae aimuʼyaleʼmo maiteno yagaino apateʼniye. 35Husamiʼa falitegenoʼaeʼmo Menani mafaʼnemo Hatatiʼa agae aimuʼyaleʼmo maiteno yagaino apateʼniye. Agaemo Movapu kotega Mitiyani nofi vayaʼeʼmo kame huteno aeno apaka seʼniye. Agaemo Aviti taonifiʼmo maiʼniye. 36Hatatiʼa falitegenoʼaeʼmo Masaleka vekamo Samalaʼa agae aimuʼyaleʼmo maiteno yagaino apateʼniye. 37Samalaʼa falitegenoʼaeʼmo ani haigifiʼmo haneʼniya taonifiʼmo Lihamoti vekamo Soloʼa agae aimuʼyaleʼmo maiteno yagaino apateʼniye. 38Soloʼa falitegenoʼaeʼmo Akamo mafaʼnemo Meli Hananiʼa agae aimuʼyaleʼmo maiteno yagaino apateʼniye. 39Akamo mafaʼnemo Meli Hananiʼmo falitegenoʼaeʼmo Hetaʼa agae aimuʼyaleʼmo maiteno yagaino apateʼniye. Agaemo Pau taonifiʼmo maiʼniye. Aʼamo agiʼamo Mehetameliʼae. Itaʼamoʼmo Mataletiʼae. Mataleti itaʼamoʼmo Mesahapiʼae. 40-43Iso nofi vayapatiʼmo yagaiʼa apateʼnaya vayaʼai apakiʼapimo Timanaʼagi Alavaʼagi Yetetiʼagi Aholimamaʼagi Elaʼagi Pinoniʼagi Kenasiʼagi Temaniʼagi Mimasaʼagi Makatiyeliʼagi Ilamuʼagi huʼa maiʼnae. Ani vayaʼamogimo Iʼnomi nofi vayaʼaiteʼmo yagaiʼa apateʼnae. Isoʼa Iʼnomi nofi vayaʼai afoʼapimoʼmo maiʼniye.
Currently Selected:
Aepa Gemae 36: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
