Maki 11
11
Yesuʼa Yulusalemu taonifiʼmo eno kini vekagana huno uno haiʼniya gemae
(Mt 21:1-11; Lu 19:28-40; Yo 12:12-19)
1Apakaemo Yulusalemu taoni haopaleʼmo Metapesi taoniʼe Metani taoniʼeʼmo Alifiʼaepa aveleʼmo haneʼniya taonifiʼmo uʼa avaʼyi huteʼapaeʼmo agaemo lole vekalaʼmo geʼamo neʼafiʼa vekalaʼmo alino anateʼniye. 2Alino anateteno hana painoʼaeʼmo, nagae naulagaleʼmo haneʼniya taonifiʼmo utana haiʼao. Uta haitana avaʼyi hutetanaeʼmo agesaʼana mago aikeli noki afumo nofi aeʼa ateʼnisaya noki afuleʼmo mago vayaʼmo faiʼa oʼmaiʼnaya noki afumo maiʼnisigetana agegaʼae. Agetetanaeʼmo hatu maetana avalelitana eʼao. 3Mago vayaʼmogi huʼapaeʼmo, na kava hisaʼafeʼmo hatu neʼmaʼae, huʼa lanafi gesagetanaeʼmo, Ala kava neʼmoʼa aliʼyaʼamo haneʼnigetaʼaene, hutana hisaʼagenoʼaeʼmo malage huno alino atesigeno manileʼmo egaiye, huno hana paiʼniye. 4Anakaemo uʼana agaʼana ani aikeli noki afumo no kipateʼmo nofi aeʼa ateʼnageno kateʼmo maiʼnigeʼana ageteʼana hatu maeʼnaʼae. 5Hatu neʼmaʼageʼapaeʼmo mago anile he tiʼa maiʼnaya vayaʼmogi huʼapaeʼmo, na kava hisaʼafeʼmo hatu neʼmaʼae, huʼa anafi geʼnaʼageʼanaeʼmo 6Yesuʼa hana paiʼniya gemo huʼnaʼageʼa anataleʼnaʼageʼana aliniʼana eʼnaʼae. 7Yesutega avaleliʼeʼanaeʼmo yatala kukenaʼanimo alapaʼage kukenamo asagiʼana agotofuleʼmo maleʼnaʼageno Yesuʼa uno haino fai maiʼniye. 8Asole vayaʼmogimo ani kava huʼa yatala kukenaʼapimo alapaʼage kukenamo asagiʼa kapiʼmo yakaige mago vayaʼamogi uʼa yahaofilaga yosa akopamo heʼa hatagauʼa kapiʼmo yakaige huliʼa uʼnae. 9#Sam 118:25-26Uʼa hogoteʼnaya vayaʼmogiʼe akame huʼa eʼnaya vayaʼmogiʼeʼmo alopa gefatiʼmo huʼapaeʼmo, amuse higetao.
Ala kava neʼmo agiʼalefeʼmo neʼeyanagi alita auletapa ateyo.
10Laginago vekatimo Neviniʼa kini vekamo maiʼneno yagaino apateʼniya kava huno Ala kava neʼmo agiʼaletiʼmo yagaino apatesiya vekamo alita auletapa ateyo.
Gotifeʼmo amuse higetao, huʼa huteʼa hume hume uʼnae
(Mt 21:18-19)
11Agaemo noki afuleʼmo maiteno Yulusalemu taonifiʼmo uno haino avaʼyi huteno Yu vayaʼai alopa mono nopiʼmo uno haino muki yakofeʼmo aulu heno ageno maiʼniye. Maiʼniyaʼmonanafa ago hani hugefe huʼnigeʼapaeʼmo agaeʼe geʼamo neʼafiya vayaʼeʼmo Metani taonifiʼmo aiʼa atagineʼa eʼnae.
Yesuʼa figi yosaeʼmo ke huʼnigeno falu teʼniya gemae
12-13 #
Lu 13:6
Egaʼamo Metani taonifatiʼmo neʼeʼapaeʼmo Yesuʼa aga teʼnigeno ageyana muga afagiʼaleʼmo figi yosamo haneʼnigeno ageyana lusi haitamo maleʼnigeno ageteno alagamo aeʼnegaiye, huno huteno uʼniye. Uno ageyana haitaʼage haneʼnigeno ageʼniye. Figi yosamoʼmo alaga neʼaeya afinaʼmo ohaneʼniyaʼmofeʼmo alagamo oʼaeʼniye. 14#Mk 11:20Yesuʼa hunoʼaeʼmo, halate alagamo oʼaesanageʼa vayaʼmogi eʼa lagiʼa oʼnegae, huno huʼnigeʼa geʼamo neʼafiya vayaʼmogi afiʼnae.
Yesuʼa alopa mono nopatiʼmo alino hapa faino apataleʼniya gemae
(Mt 21:12-17; Lu 19:45-48; Yo 2:13-22)
15Apakaemo Yulusalemu taonifiʼmo uʼa avaʼyi huteʼa Yesuʼa Yu vayaʼai alopa mono nopiʼmo uno haino ageyana ani mono nopiʼmo maketi nehaya vayaʼmo maiʼnageno apaketeno alino hapa faino apataleʼniye. Agaemo alu vayaʼai monimo aliteʼa Yu vayaʼai monimo neʼapamiya vayaʼai hiʼyalamuʼapimo alino agoʼya faino atalege namamo maketi nehaya vayaʼai siyaʼapimo alino agoʼya faino atalege huʼniye. 16Agaemo hunoʼaeʼmo, mono no kuma kateʼmo kagemi yaʼmo aliʼnituteta osiyo, huno huteno ka akanino apateʼniye. 17#Aiy 56:7; Yel 7:11Alino apaya malenoʼaeʼmo,
vayaʼmogimo noʼnieʼmo huʼapaeʼmo, nunumuʼmo nehaya none, huʼa hugae,
huno avoʼmo kaeno oʼmaleʼnifiye. Lapakaemo
kumaya neʼaliya vayaʼmo eʼa fala kiʼa neʼmaiya nokana
hutapa alita ha maletapa ateʼnae, huno hapa paiʼniye.
18 #
Mk 14:1
Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo ava gemo afiteʼapaeʼmo amagisaya kafeʼmo kahauya huʼa maiʼnae. Muki vayaʼmogi geʼamo afiteʼa hapau aiʼnayaʼmofeʼmo agaefeʼmo koli huʼnae. 19Hani hugefe huʼnigenoʼaeʼmo taonifatiʼmo ataleno uʼniye.
Falu teʼniya yosaeʼmo huʼniya gemae
(Mt 21:20-22)
20 #
Mk 11:14
Gotilamiyapiʼmo kateʼmo neʼuʼapaeʼmo ageyana figi yosamoʼmo muki haitaʼagi akopaʼagi hafuʼyaʼagi huno alagi falu teʼnigeʼa ageʼnae. 21Pitaʼa Yesuʼmo huʼniya kavafeʼmo agesamo afino ho huʼniye. Hunoʼaeʼmo, Tisao, huno, ago. Lifana huka ateʼnana figi yosamo ago falu teʼniye, huno huʼnigeno 22Yesuʼa hunoʼaeʼmo, Gotifeʼmo lapakesamo afita fatago hiyo. 23#Mt 17:20Lama gemo lapa nepauve, huno, mago vekamoʼa lole agesamo oʼafiʼneno, hisuva gemo alagi afole aigiye, huno agesamo afino fatago huʼnenoʼaeʼmo mani aveeʼmo, nokamo atalekuka solovala anipiʼmo asagauka aiyo, huno huʼnisiyaʼmoʼmo huvo huno hisiya kavaʼmo afaʼa hugiye. 24#Mt 7:7Ani kavaʼmo haneʼniyaʼmofeʼmo lapa nepauve, huno, lapakaemo na agufa kavafeʼmo nunumuʼmo hutapa afi negesafi aliguve hutapa lapakesa afita fatago huʼnetapa hiyo afaʼa aligayanagi. 25#Mt 5:23; Mt 6:14-15Nunumuʼmo hugefeʼmo he tita maiʼnetapaeʼmo hosu lapaipamo kalitapa ateʼnisaya vekamo hosu kavaʼamo alita atalegenoʼao kokuʼnapi Afotapimoʼmo ina kava huno hosu kavatapimo alino ataleno. 26Hosu kavaʼamo alita oʼatalesayana kokuʼnapi Afotapimoʼmo ina kava huno hosu kavatapimo alino oʼatalegaiye, huno hapa paiʼniye.
Yesufeʼmo, ina laʼmo ani aliʼyaʼmo aliyo, huno huʼniye, huʼa ge huʼa afi geʼnaya gemae
(Mt 21:23-27; Lu 20:1-8)
27Apakaemo halate Yulusalemu taonifiʼmo eʼapaeʼmo agaemo alopa mono no kumateʼmo umenitata nehigeʼapaeʼmo mono huʼa neʼapataya vayaʼaiteʼmo yagaiʼa apateʼnaya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa agaetegamo eʼnae. 28Eʼa ha paiʼapaeʼmo, haiya agufa alagena yaʼmo yagaika apateʼnana alagena yaʼmo aliʼnekaeʼmo ani agufa kavaʼmo nehane. Ina laʼmo ani agufa kavaʼmo huvo, huno kaha paiʼniye, huʼa ge huʼa afi geʼnae. 29Afi geʼnagenoʼaeʼmo Yesuʼa hunoʼaeʼmo, nagaeʼeʼmo mago gemo loka huʼna lapafi gegauve. Keʼnileʼmo aeta atagaina huta naha paisageʼnaeʼmo haiya yaʼmo yagaiʼna apateʼnova alagena yaʼmo aliʼnofi, huʼna lapa paiguve. 30Gotiʼa Yoniʼmo aniʼmo faleno apatesiyafeʼmo lekana paino ateʼnifi vayaʼmogimo lekana paiʼa ateʼnae, huno apafi geʼnigeʼapaeʼmo 31apakaiʼapimo ge huge afige huʼapaeʼmo, Lagaemo hutaeʼmo Gotiʼa lekana paino ateʼniye, huta hisunana agaemo hunoʼaeʼmo, na kava higetapa Yoni geʼaeʼmo lama gemo nehiye, hutapa osuʼnae, huno lafi gegaiye. 32Hugiyaʼmofeʼmo lagaemo hutaeʼmo, vayaʼmogi lekana paiʼa ateʼnae, huta hisunana ani gemoʼa kanale osugiye. Apakaemo muki vayaʼaifeʼmo koli huʼnayaʼmofeʼmo ani gemo osuʼnae. Muki vayaʼmogimo Yonifeʼmo alagepa vekamo Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnae. 33Afiʼnayaʼmofeʼmo Yesufeʼmo huʼapaeʼmo, oʼafiʼnone, huʼa huʼnagenoʼaeʼmo, ina kava huʼna haiya agufa alagena yaʼmo yagaiʼna apateʼnova alagena yaʼmo aliʼneʼna ani kavaʼmo nehufi, huʼna lapa opaiguve, huno hapa paiʼniye.
Currently Selected:
Maki 11: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Maki 11
11
Yesuʼa Yulusalemu taonifiʼmo eno kini vekagana huno uno haiʼniya gemae
(Mt 21:1-11; Lu 19:28-40; Yo 12:12-19)
1Apakaemo Yulusalemu taoni haopaleʼmo Metapesi taoniʼe Metani taoniʼeʼmo Alifiʼaepa aveleʼmo haneʼniya taonifiʼmo uʼa avaʼyi huteʼapaeʼmo agaemo lole vekalaʼmo geʼamo neʼafiʼa vekalaʼmo alino anateʼniye. 2Alino anateteno hana painoʼaeʼmo, nagae naulagaleʼmo haneʼniya taonifiʼmo utana haiʼao. Uta haitana avaʼyi hutetanaeʼmo agesaʼana mago aikeli noki afumo nofi aeʼa ateʼnisaya noki afuleʼmo mago vayaʼmo faiʼa oʼmaiʼnaya noki afumo maiʼnisigetana agegaʼae. Agetetanaeʼmo hatu maetana avalelitana eʼao. 3Mago vayaʼmogi huʼapaeʼmo, na kava hisaʼafeʼmo hatu neʼmaʼae, huʼa lanafi gesagetanaeʼmo, Ala kava neʼmoʼa aliʼyaʼamo haneʼnigetaʼaene, hutana hisaʼagenoʼaeʼmo malage huno alino atesigeno manileʼmo egaiye, huno hana paiʼniye. 4Anakaemo uʼana agaʼana ani aikeli noki afumo no kipateʼmo nofi aeʼa ateʼnageno kateʼmo maiʼnigeʼana ageteʼana hatu maeʼnaʼae. 5Hatu neʼmaʼageʼapaeʼmo mago anile he tiʼa maiʼnaya vayaʼmogi huʼapaeʼmo, na kava hisaʼafeʼmo hatu neʼmaʼae, huʼa anafi geʼnaʼageʼanaeʼmo 6Yesuʼa hana paiʼniya gemo huʼnaʼageʼa anataleʼnaʼageʼana aliniʼana eʼnaʼae. 7Yesutega avaleliʼeʼanaeʼmo yatala kukenaʼanimo alapaʼage kukenamo asagiʼana agotofuleʼmo maleʼnaʼageno Yesuʼa uno haino fai maiʼniye. 8Asole vayaʼmogimo ani kava huʼa yatala kukenaʼapimo alapaʼage kukenamo asagiʼa kapiʼmo yakaige mago vayaʼamogi uʼa yahaofilaga yosa akopamo heʼa hatagauʼa kapiʼmo yakaige huliʼa uʼnae. 9#Sam 118:25-26Uʼa hogoteʼnaya vayaʼmogiʼe akame huʼa eʼnaya vayaʼmogiʼeʼmo alopa gefatiʼmo huʼapaeʼmo, amuse higetao.
Ala kava neʼmo agiʼalefeʼmo neʼeyanagi alita auletapa ateyo.
10Laginago vekatimo Neviniʼa kini vekamo maiʼneno yagaino apateʼniya kava huno Ala kava neʼmo agiʼaletiʼmo yagaino apatesiya vekamo alita auletapa ateyo.
Gotifeʼmo amuse higetao, huʼa huteʼa hume hume uʼnae
(Mt 21:18-19)
11Agaemo noki afuleʼmo maiteno Yulusalemu taonifiʼmo uno haino avaʼyi huteno Yu vayaʼai alopa mono nopiʼmo uno haino muki yakofeʼmo aulu heno ageno maiʼniye. Maiʼniyaʼmonanafa ago hani hugefe huʼnigeʼapaeʼmo agaeʼe geʼamo neʼafiya vayaʼeʼmo Metani taonifiʼmo aiʼa atagineʼa eʼnae.
Yesuʼa figi yosaeʼmo ke huʼnigeno falu teʼniya gemae
12-13 #
Lu 13:6
Egaʼamo Metani taonifatiʼmo neʼeʼapaeʼmo Yesuʼa aga teʼnigeno ageyana muga afagiʼaleʼmo figi yosamo haneʼnigeno ageyana lusi haitamo maleʼnigeno ageteno alagamo aeʼnegaiye, huno huteno uʼniye. Uno ageyana haitaʼage haneʼnigeno ageʼniye. Figi yosamoʼmo alaga neʼaeya afinaʼmo ohaneʼniyaʼmofeʼmo alagamo oʼaeʼniye. 14#Mk 11:20Yesuʼa hunoʼaeʼmo, halate alagamo oʼaesanageʼa vayaʼmogi eʼa lagiʼa oʼnegae, huno huʼnigeʼa geʼamo neʼafiya vayaʼmogi afiʼnae.
Yesuʼa alopa mono nopatiʼmo alino hapa faino apataleʼniya gemae
(Mt 21:12-17; Lu 19:45-48; Yo 2:13-22)
15Apakaemo Yulusalemu taonifiʼmo uʼa avaʼyi huteʼa Yesuʼa Yu vayaʼai alopa mono nopiʼmo uno haino ageyana ani mono nopiʼmo maketi nehaya vayaʼmo maiʼnageno apaketeno alino hapa faino apataleʼniye. Agaemo alu vayaʼai monimo aliteʼa Yu vayaʼai monimo neʼapamiya vayaʼai hiʼyalamuʼapimo alino agoʼya faino atalege namamo maketi nehaya vayaʼai siyaʼapimo alino agoʼya faino atalege huʼniye. 16Agaemo hunoʼaeʼmo, mono no kuma kateʼmo kagemi yaʼmo aliʼnituteta osiyo, huno huteno ka akanino apateʼniye. 17#Aiy 56:7; Yel 7:11Alino apaya malenoʼaeʼmo,
vayaʼmogimo noʼnieʼmo huʼapaeʼmo, nunumuʼmo nehaya none, huʼa hugae,
huno avoʼmo kaeno oʼmaleʼnifiye. Lapakaemo
kumaya neʼaliya vayaʼmo eʼa fala kiʼa neʼmaiya nokana
hutapa alita ha maletapa ateʼnae, huno hapa paiʼniye.
18 #
Mk 14:1
Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo ava gemo afiteʼapaeʼmo amagisaya kafeʼmo kahauya huʼa maiʼnae. Muki vayaʼmogi geʼamo afiteʼa hapau aiʼnayaʼmofeʼmo agaefeʼmo koli huʼnae. 19Hani hugefe huʼnigenoʼaeʼmo taonifatiʼmo ataleno uʼniye.
Falu teʼniya yosaeʼmo huʼniya gemae
(Mt 21:20-22)
20 #
Mk 11:14
Gotilamiyapiʼmo kateʼmo neʼuʼapaeʼmo ageyana figi yosamoʼmo muki haitaʼagi akopaʼagi hafuʼyaʼagi huno alagi falu teʼnigeʼa ageʼnae. 21Pitaʼa Yesuʼmo huʼniya kavafeʼmo agesamo afino ho huʼniye. Hunoʼaeʼmo, Tisao, huno, ago. Lifana huka ateʼnana figi yosamo ago falu teʼniye, huno huʼnigeno 22Yesuʼa hunoʼaeʼmo, Gotifeʼmo lapakesamo afita fatago hiyo. 23#Mt 17:20Lama gemo lapa nepauve, huno, mago vekamoʼa lole agesamo oʼafiʼneno, hisuva gemo alagi afole aigiye, huno agesamo afino fatago huʼnenoʼaeʼmo mani aveeʼmo, nokamo atalekuka solovala anipiʼmo asagauka aiyo, huno huʼnisiyaʼmoʼmo huvo huno hisiya kavaʼmo afaʼa hugiye. 24#Mt 7:7Ani kavaʼmo haneʼniyaʼmofeʼmo lapa nepauve, huno, lapakaemo na agufa kavafeʼmo nunumuʼmo hutapa afi negesafi aliguve hutapa lapakesa afita fatago huʼnetapa hiyo afaʼa aligayanagi. 25#Mt 5:23; Mt 6:14-15Nunumuʼmo hugefeʼmo he tita maiʼnetapaeʼmo hosu lapaipamo kalitapa ateʼnisaya vekamo hosu kavaʼamo alita atalegenoʼao kokuʼnapi Afotapimoʼmo ina kava huno hosu kavatapimo alino ataleno. 26Hosu kavaʼamo alita oʼatalesayana kokuʼnapi Afotapimoʼmo ina kava huno hosu kavatapimo alino oʼatalegaiye, huno hapa paiʼniye.
Yesufeʼmo, ina laʼmo ani aliʼyaʼmo aliyo, huno huʼniye, huʼa ge huʼa afi geʼnaya gemae
(Mt 21:23-27; Lu 20:1-8)
27Apakaemo halate Yulusalemu taonifiʼmo eʼapaeʼmo agaemo alopa mono no kumateʼmo umenitata nehigeʼapaeʼmo mono huʼa neʼapataya vayaʼaiteʼmo yagaiʼa apateʼnaya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa agaetegamo eʼnae. 28Eʼa ha paiʼapaeʼmo, haiya agufa alagena yaʼmo yagaika apateʼnana alagena yaʼmo aliʼnekaeʼmo ani agufa kavaʼmo nehane. Ina laʼmo ani agufa kavaʼmo huvo, huno kaha paiʼniye, huʼa ge huʼa afi geʼnae. 29Afi geʼnagenoʼaeʼmo Yesuʼa hunoʼaeʼmo, nagaeʼeʼmo mago gemo loka huʼna lapafi gegauve. Keʼnileʼmo aeta atagaina huta naha paisageʼnaeʼmo haiya yaʼmo yagaiʼna apateʼnova alagena yaʼmo aliʼnofi, huʼna lapa paiguve. 30Gotiʼa Yoniʼmo aniʼmo faleno apatesiyafeʼmo lekana paino ateʼnifi vayaʼmogimo lekana paiʼa ateʼnae, huno apafi geʼnigeʼapaeʼmo 31apakaiʼapimo ge huge afige huʼapaeʼmo, Lagaemo hutaeʼmo Gotiʼa lekana paino ateʼniye, huta hisunana agaemo hunoʼaeʼmo, na kava higetapa Yoni geʼaeʼmo lama gemo nehiye, hutapa osuʼnae, huno lafi gegaiye. 32Hugiyaʼmofeʼmo lagaemo hutaeʼmo, vayaʼmogi lekana paiʼa ateʼnae, huta hisunana ani gemoʼa kanale osugiye. Apakaemo muki vayaʼaifeʼmo koli huʼnayaʼmofeʼmo ani gemo osuʼnae. Muki vayaʼmogimo Yonifeʼmo alagepa vekamo Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnae. 33Afiʼnayaʼmofeʼmo Yesufeʼmo huʼapaeʼmo, oʼafiʼnone, huʼa huʼnagenoʼaeʼmo, ina kava huʼna haiya agufa alagena yaʼmo yagaiʼna apateʼnova alagena yaʼmo aliʼneʼna ani kavaʼmo nehufi, huʼna lapa opaiguve, huno hapa paiʼniye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.