Maki 12
12
Nofi hoyaeʼmo aeno kalafefa gemo huʼniya gemae
(Mt 21:33-46; Lu 20:9-19)
1 #
Aiy 5:1-2
Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleʼneno kegiʼya huno vego hu maleteno nofi alagamo aeʼa lata paisageno aniʼamo uno lamisiya kelimo kafiteno yatala noʼmo ani hoyaleʼmo yagaiʼa maisaya vayaʼai noʼmo ki maleʼniye. Agaemo mago vayaʼmogi yagaiʼa ateʼnisageno nofi alaga afu lesigeʼapaeʼmo apakaemo ani nofi alagamo lagisayafeʼmo apavaleno apateteno afagi kotega uʼniye. 2Nofi alagamo ago afu leʼnigenoʼaeʼmo agaemo mago nofi alagamo alisiyafeʼmo aliʼyaʼaleʼmo maiʼniya vekamo alino ateʼnigeno hoyaʼaleʼmo yagaiʼa ateʼnaya vayaʼaitegamo uʼniye. 3Uʼnigeʼa hoyaʼaleʼmo yagaiʼa ateʼnaya vayaʼmogimo atafauʼa amagiteʼapaeʼmo, okamigunanagi afaʼa ataleka uvo, huʼa huʼnageno ataleno uʼniye. 4Hoya aepa vekamoʼa halate alu vekamo aliyaʼaleʼmo maiʼniya vekamo alino ategeno neʼvigeʼapaeʼmo yafa kayotetiʼmo aliʼa agenopamo aiʼa apalo atiʼa amagiteʼa aliʼa hosu huʼa ateʼnae. 5Agaemo mago alu vekamo aliʼyaʼmo neʼaliya vekamo alino ategeno uno avaʼyi nehigeʼapaeʼmo kamitimo amagiʼnae. Ina kava huno magoʼe vayaʼmo alino apateʼnigeʼa uʼnageʼapaeʼmo mago vayaʼamo vase huʼa apamagige mago vayaʼamo kamitimo apamagige huʼae. 6#Mt 3:17Magoke mafaʼneʼamo hau ayamopafiʼmo hauʼniya mafaʼneʼageʼmo maiʼnigeno henagaʼamo hunoʼaeʼmo, ani mafaʼneʼnimo geʼamo afaʼa afigae, huno huteno alino ateʼnigeno uʼniye. 7Uʼnigeʼa hoyaʼaleʼmo yagaiʼa ateʼnaya vayaʼmogimo ageteʼapaeʼmo, hoya aepa vekamo mafaʼneʼamoʼmo muki afoʼamo yaʼmo aligiye. Amagigetao agaemo alisiya hoyamo lagaemo aligunanagi, huʼa huteʼa 8#Hi 13:12atafauʼa kamitimo amagiteʼa agufaʼamo aliniʼuʼa kegiʼya malaga yaga auʼa ataleʼnae. 9Inagi hoya aepa vekamoʼmo na agufa kavaʼmo hugiye. Eno hoyaʼaleʼmo yagaiʼa ateʼnaya vayaʼaina kamitimo apamagitenoʼaeʼmo alu vayaʼmogi hoyaʼaleʼmo yagaiʼa atesayafeʼmo apavaleno apategaiye. 10#Sam 118:22-23Lapakaemo mago gemo Gotiʼa avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo,
yafatetiʼmo noʼmo nekiya vayaʼmogimo mago yafafeʼmo huʼapaeʼmo, afa yafane, huʼa huʼnaya yafaʼmo hogote yafaʼmo afole aiʼniye. 11Ala kava neʼmoʼa ani kavaʼmo alino afole aino ateʼnigeta ageta lahau aitetaeʼmo, vae, huta, alagepa kavaʼmo nehiye, huta nehune,
huno huʼniye, huno Yesuʼa hapa paiʼniye. 12Hapa paiʼnigeʼa afiteʼapaeʼmo, ani aeno kalafefa gemo lagaefeʼmo huʼniye, huʼa huteʼa atafauʼa kalavusi huʼa atesayafe huʼnayaʼmonanafa muki vayaʼaifeʼmo koli huʼnayaʼmofeʼmo ataleʼa uʼnae.
Monimo takesi hisaya kavafeʼmo ge huʼa afi geʼnaya gemae
(Mt 22:15-22; Lu 20:20-26)
13 #
Mk 3:6
Apakaemo ataleʼa uteʼa Falasi vayaʼe Helotiʼa akame nehaya vayaʼefeʼmo hapa paiʼapaeʼmo, aneʼaimo hanagi maleʼnageno malage huno neʼatafaiya kava hutapa yagaiʼneta geʼaletiʼmo atafaiyo, huʼa huteʼa aliʼa apateʼnageʼa agaetegamo uʼnae. 14Eʼapaeʼmo, Tisao, huʼa, ago kageʼnonana lama gemo nehana vekamo maiʼneka muki vayaʼaifeʼmo koli osuka muki vayaʼaitegamo magoke aiyaya kavaʼmo nehane. Goti geʼamo akame hisaya katefeʼmo lama gekaletiʼmo alika apaya neʼmalane. Lagaemo takesi monimo Sisaʼa yagaino neʼapateya gamani vekamo amisunafeʼmo keʼaepa gemoʼa hunoʼaeʼmo, amiyo, huno huʼnifi osuʼniye. 15Takesi monimo apamisupi oʼapamisune huʼa afi geʼnagenoʼaeʼmo Yesuʼa apakesamo afiteʼa apaipafatiʼmo ge osuʼnafa aeʼa ati kaeʼa huʼnaya geʼapimo apaketenoʼaeʼmo, na kava higetapa namalageka huta nafi negae. Laga monimo aliniteta nave liyo, huno hapa paiʼniye. 16Apakaemo alini eʼa amiʼnagenoʼaeʼmo, mani laga monileʼmo ina la augosaʼe agiʼeʼmo avoʼmo kae maleʼnaya monimo haneʼniye, huno apafi geʼnigeʼapaeʼmo, Sisa augosaʼe agiʼeʼmo haneʼniye, huʼa huʼnagenoʼaeʼmo, 17#Lo 13:7Sisa yaʼamo Sisana amitetapa Goti yaʼamo Gotina amiyo, huno hapa paiʼnigeʼa hapau aiʼnae.
Faliʼnaya vayaʼmo he tisaya kavafeʼmo ge huʼa afi geʼnaya gemae
(Mt 22:23-33; Lu 20:27-40)
18 #
Ap 23:8
Satiyusi mono vayaʼmogi faliʼnaya vayaʼaifeʼmo he otigae, huʼa apakesamo neʼafiya vayaʼmo agaetegamo eʼnae. Apakaemo loka huʼa ge huʼa afigeʼapaeʼmo, 19#Loa 25:5Tisao, huʼa, Moseseʼa avoʼmo kae maleʼniya gemoʼa hunoʼaeʼmo, mago vekamoʼmo a aliteno mafaʼne alino oʼateno falitesigenoʼaeʼmo konagaʼamoʼmo koguʼamo aliteno faliʼniya vekamo aimuʼyaleʼmo mafaʼnemo alino apateno, huno huʼniye. 20Mago afinaʼmo seveniʼa konagamo maiʼnae. Nepuʼapimoʼmo mafaʼnemo alino oʼateno ataleno falitegeno 21aganaʼamoʼmo kogu aʼmo aliʼniye. Napa tu konagaʼamoʼmo ina kava huno falitegeno napa tali konagaʼamoʼmo ina kava huno falitegeʼa 22ina kava huʼa falite falite huʼa seveniʼa konagamo ago faliʼa hano huʼnae. Falitagenoʼaeʼmo ani a kanomo henagaʼamo faliʼniye. 23Faliʼa uʼnayategatiʼmo he tisagenoʼaeʼmo haiya vekaleʼmo ani aʼmo maigiye. Seveniʼa konagamogimo aliʼnayaʼmofeʼmae, huʼa afi geʼnae. 24Afi geʼnagenoʼaeʼmo, lapakaemo Goti mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye. 25Faliʼnayategatiʼmo he tiʼapaeʼmo a oʼalige vele oʼmaige hugayaʼmonanafa kokuʼnapi enisole vayakana huʼa maigae. 26#Hat 3:2,6Faliʼnayategatiʼmo he tisaya kavafeʼmo Moseseʼa avoʼmo kae maleʼniya mukufi gemo aise yosafatiʼmo ata nelegeno Gotiʼa Mosesefeʼmo ha paiʼniya gemo lekana paita oʼafiʼnafiye. Gotiʼa hunoʼaeʼmo,
Emalehamu Gotiʼamoʼnamo maige Aisiki Gotiʼamoʼnamo maige Yekopu Gotiʼamoʼnamo maige huʼna Gotiʼapimoʼnamo maiʼnove,
huno huʼniye. 27Agaemo alagi faliʼnaya vayaʼai Gotiʼapimoʼa oʼmaiʼnifa apauneʼapameʼmo aliʼnaya vayaʼai Gotiʼapimoʼa maiʼniye. Alagi ika ika lapakesamo afiʼnetapaeʼmo ani gemo nehae, huno hapa paiʼniye.
Hogote keʼaepa geʼaeʼmo huʼniya gemae
(Mt 22:34-40; Lu 10:25-28)
28 #
Lu 10:25-28
Mago vekamo keʼaepa gemo afiteno alino apaya neʼmaleya vekamoʼmo eno afiyana ge huge afige huʼa maiʼnaya gemo afiʼniyana Yesuʼa geʼapileʼmo alagepa huno aeno atagaina huno hapa paiʼniye, huno agesamo afitenoʼaeʼmo, keʼaepa gefatiʼmo hogote keʼaepa gemo haiya gemo haneʼniye, huno afi geʼniye. 29#Loa 6:4-5Afi geʼnigenoʼaeʼmo, hogote keʼaepa gemo haneʼniyana,
Isaleli vayaʼmogitapamo afiyo, huno, Ala kava neʼmo Gotitimoʼmo maiʼniye. Ala kava neʼmo magoke vekamo maiʼniye. 30Lapakaemo Ala kava neʼmo Gotitapimofeʼmo muki lapaipafatinagi muki lapagupi mafaʼnefatinagi muki lapakesa afi yatapifatinagi muki lapaya mufafatinagi huno lapaino.
Ani gemo hogote keʼaepa gemo haneʼniye, huno huteno, 31#Mon 19:18Lole keʼaepa gemoʼa hunoʼaeʼmo,
lapakaitapieʼmo lapau lapayamopafiʼmo nelapaiya agufa kavaʼmo huno lapaopaleʼmo maiʼnaya vayaʼaifeʼmo lapaino,
huno huʼniye. Huno hutenoʼaeʼmo, mani lole keʼaepa gelaʼmoʼa muki keʼaepa geʼamo ago aeno aga seʼniye, huno ha paiʼniye. 32Ha paiʼnigenoʼaeʼmo keʼaepa gemo avoʼmo kaeno alino apaya neʼmaleya vekamoʼmo hunoʼaeʼmo, Tisao, huno, alagepa ge hane. Gotiʼa magoke vekamo maiʼniyaʼmofeʼmo alu gotiʼa oʼmaiʼnifa agaiʼagekeʼmo maiʼniye, huka hana gemo lama gemo hane. 33#Loa 4:35; Aiy 45:21; 1 Sam 15:22; Hos 6:6Agaefeʼmo muki laipafatinagi muki lapagupi mafaʼnefatinagi muki laune lamepatinagi muki laya mufafatinagi huno lahauʼnisigeta lagaitieʼmo lahau layamopafiʼmo nelahaiya kava huta lahaopaleʼmo maiʼnaya vayaʼaifeʼmo lahaisiya kavaʼmoʼa afumo amagita atafiʼmo kaeta Gotina ofalinimo amige alu ofalinimo amige hisuna kavaʼmo ago aeno aga seʼniye, huno huʼniye. 34Yesuʼa ani huʼniya gemo afitenoʼaeʼmo alagepa huno afiʼniye, huno agesa afitenoʼaeʼmo, kagaemo Gotiʼa yagaino apateʼniya kegiʼyafiʼmo uka haisanafeʼmo eka hogo hane, huno ha paiʼniye. Yesuʼa ani ge huno ha paiʼnigeʼapaeʼmo koli huteʼa magoʼe gemo huʼa loka huʼa afi okeʼnae.
Kalaisi vekaeʼmo apafi geʼniya gemae
(Mt 22:41-46; Lu 20:41-44)
35Yesuʼa Yu vayaʼai alopa mono nopiʼmo uno haino alino apaya neʼmalenoʼaeʼmo, na kava higeʼa keʼaepa gemo aliʼa apaya neʼmalaya vayaʼmogi huʼapaeʼmo, Kalaisi vekamo Nevini akamelegati aginagoʼamo maigiye, huʼa nehae. 36#Sam 110:1Aote Aunemeʼamoʼmo Neviniʼmo mago gemo alino amiʼnigeno hunoʼaeʼmo,
Ala kava Neʼmoʼa Ala kava neʼnieʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo apamagisugeʼa kaiya afeʼalumenaga maigayanagi,
huno huʼniye. 37Neviniʼa Kalaisi vekaeʼmo Ala kava neʼnie, huno huʼniyaʼmofeʼmo haiya kava huno Kalaisi neʼmoʼa Nevini akamelegatiʼmo aginagoʼamo maiʼniye, huno apafi geʼniye. Muki asole afa vayaʼmogimo geʼamo afiteʼapaeʼmo apamogaga aiʼnae. 38Alino apaya maletenoʼaeʼmo, keʼaepa gemo aliʼa apaya neʼmalaya vayaʼaifeʼmo ehetapiye. Apakaemo hapauʼnigeʼa yatala kukenamo vaiʼa aliteʼa umenitata nehae. Maketi kumateʼmo maiʼnaya vayaʼmogimo ge apamamaeteʼa amuse huʼa neʼapataya geeʼmo nehapaiye. 39Hapauʼnigeʼa alu mono nopi alu mono nopiʼmo uʼa haiʼa anaga maige yagita nehayategamo ala apaki vayaʼmo neʼmaiya siyateʼmo uʼa haiʼa maige nehae. 40Apakaemo kogu aʼneʼai kagemi yaʼapimo kumaya aliteʼapaeʼmo aeʼa ati kaesayafeʼmo yatala nunumuʼmo nehae, huno hapa paiʼniye.
Kogu aʼmoʼa monimo ofalini huʼniya gemae
(Lu 21:1-4)
41 #
2 Kin 12:9
Yesuʼa Yu vayaʼai alopa mono nopiʼmo uno haino ofalini monimo neʼmalaya kesimo haopaleʼmo fai maiʼnigeʼa asole vayaʼmogimo monimo ofalini huʼnageno apakeʼniye. 42Mago kogu akanomo kagemi yaʼamo ohaneʼniya kogu aʼmoʼa eno lole sagalifa monimo huʼnigeno ageʼniye. 43#2 Ko 8:12Agaemo geʼamo neʼafiya vayaʼaifeʼmo ge huʼnigeʼa eʼnagenoʼaeʼmo, lama gemo lapa nepauve, huno, mani kogu akanomo kagemi yaʼamo ohaneʼniya kogu aʼmoʼa huʼniya monimoʼmo muki vayaʼamogimo huʼnaya monimo ago aeno aga seʼniye. 44Muki vayaʼamogimo alopa moniʼapimo maleʼnaya yapatiʼmo alini eʼa ofalini huʼnayaʼmonanafa agaemo moniʼamo ohaneʼniya yapatiʼmo neʼyaʼamo miya faino nesiya monimo ataleno hano huʼniye, huno hapa paiʼniye.
Currently Selected:
Maki 12: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
Maki 12
12
Nofi hoyaeʼmo aeno kalafefa gemo huʼniya gemae
(Mt 21:33-46; Lu 20:9-19)
1 #
Aiy 5:1-2
Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleʼneno kegiʼya huno vego hu maleteno nofi alagamo aeʼa lata paisageno aniʼamo uno lamisiya kelimo kafiteno yatala noʼmo ani hoyaleʼmo yagaiʼa maisaya vayaʼai noʼmo ki maleʼniye. Agaemo mago vayaʼmogi yagaiʼa ateʼnisageno nofi alaga afu lesigeʼapaeʼmo apakaemo ani nofi alagamo lagisayafeʼmo apavaleno apateteno afagi kotega uʼniye. 2Nofi alagamo ago afu leʼnigenoʼaeʼmo agaemo mago nofi alagamo alisiyafeʼmo aliʼyaʼaleʼmo maiʼniya vekamo alino ateʼnigeno hoyaʼaleʼmo yagaiʼa ateʼnaya vayaʼaitegamo uʼniye. 3Uʼnigeʼa hoyaʼaleʼmo yagaiʼa ateʼnaya vayaʼmogimo atafauʼa amagiteʼapaeʼmo, okamigunanagi afaʼa ataleka uvo, huʼa huʼnageno ataleno uʼniye. 4Hoya aepa vekamoʼa halate alu vekamo aliyaʼaleʼmo maiʼniya vekamo alino ategeno neʼvigeʼapaeʼmo yafa kayotetiʼmo aliʼa agenopamo aiʼa apalo atiʼa amagiteʼa aliʼa hosu huʼa ateʼnae. 5Agaemo mago alu vekamo aliʼyaʼmo neʼaliya vekamo alino ategeno uno avaʼyi nehigeʼapaeʼmo kamitimo amagiʼnae. Ina kava huno magoʼe vayaʼmo alino apateʼnigeʼa uʼnageʼapaeʼmo mago vayaʼamo vase huʼa apamagige mago vayaʼamo kamitimo apamagige huʼae. 6#Mt 3:17Magoke mafaʼneʼamo hau ayamopafiʼmo hauʼniya mafaʼneʼageʼmo maiʼnigeno henagaʼamo hunoʼaeʼmo, ani mafaʼneʼnimo geʼamo afaʼa afigae, huno huteno alino ateʼnigeno uʼniye. 7Uʼnigeʼa hoyaʼaleʼmo yagaiʼa ateʼnaya vayaʼmogimo ageteʼapaeʼmo, hoya aepa vekamo mafaʼneʼamoʼmo muki afoʼamo yaʼmo aligiye. Amagigetao agaemo alisiya hoyamo lagaemo aligunanagi, huʼa huteʼa 8#Hi 13:12atafauʼa kamitimo amagiteʼa agufaʼamo aliniʼuʼa kegiʼya malaga yaga auʼa ataleʼnae. 9Inagi hoya aepa vekamoʼmo na agufa kavaʼmo hugiye. Eno hoyaʼaleʼmo yagaiʼa ateʼnaya vayaʼaina kamitimo apamagitenoʼaeʼmo alu vayaʼmogi hoyaʼaleʼmo yagaiʼa atesayafeʼmo apavaleno apategaiye. 10#Sam 118:22-23Lapakaemo mago gemo Gotiʼa avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo,
yafatetiʼmo noʼmo nekiya vayaʼmogimo mago yafafeʼmo huʼapaeʼmo, afa yafane, huʼa huʼnaya yafaʼmo hogote yafaʼmo afole aiʼniye. 11Ala kava neʼmoʼa ani kavaʼmo alino afole aino ateʼnigeta ageta lahau aitetaeʼmo, vae, huta, alagepa kavaʼmo nehiye, huta nehune,
huno huʼniye, huno Yesuʼa hapa paiʼniye. 12Hapa paiʼnigeʼa afiteʼapaeʼmo, ani aeno kalafefa gemo lagaefeʼmo huʼniye, huʼa huteʼa atafauʼa kalavusi huʼa atesayafe huʼnayaʼmonanafa muki vayaʼaifeʼmo koli huʼnayaʼmofeʼmo ataleʼa uʼnae.
Monimo takesi hisaya kavafeʼmo ge huʼa afi geʼnaya gemae
(Mt 22:15-22; Lu 20:20-26)
13 #
Mk 3:6
Apakaemo ataleʼa uteʼa Falasi vayaʼe Helotiʼa akame nehaya vayaʼefeʼmo hapa paiʼapaeʼmo, aneʼaimo hanagi maleʼnageno malage huno neʼatafaiya kava hutapa yagaiʼneta geʼaletiʼmo atafaiyo, huʼa huteʼa aliʼa apateʼnageʼa agaetegamo uʼnae. 14Eʼapaeʼmo, Tisao, huʼa, ago kageʼnonana lama gemo nehana vekamo maiʼneka muki vayaʼaifeʼmo koli osuka muki vayaʼaitegamo magoke aiyaya kavaʼmo nehane. Goti geʼamo akame hisaya katefeʼmo lama gekaletiʼmo alika apaya neʼmalane. Lagaemo takesi monimo Sisaʼa yagaino neʼapateya gamani vekamo amisunafeʼmo keʼaepa gemoʼa hunoʼaeʼmo, amiyo, huno huʼnifi osuʼniye. 15Takesi monimo apamisupi oʼapamisune huʼa afi geʼnagenoʼaeʼmo Yesuʼa apakesamo afiteʼa apaipafatiʼmo ge osuʼnafa aeʼa ati kaeʼa huʼnaya geʼapimo apaketenoʼaeʼmo, na kava higetapa namalageka huta nafi negae. Laga monimo aliniteta nave liyo, huno hapa paiʼniye. 16Apakaemo alini eʼa amiʼnagenoʼaeʼmo, mani laga monileʼmo ina la augosaʼe agiʼeʼmo avoʼmo kae maleʼnaya monimo haneʼniye, huno apafi geʼnigeʼapaeʼmo, Sisa augosaʼe agiʼeʼmo haneʼniye, huʼa huʼnagenoʼaeʼmo, 17#Lo 13:7Sisa yaʼamo Sisana amitetapa Goti yaʼamo Gotina amiyo, huno hapa paiʼnigeʼa hapau aiʼnae.
Faliʼnaya vayaʼmo he tisaya kavafeʼmo ge huʼa afi geʼnaya gemae
(Mt 22:23-33; Lu 20:27-40)
18 #
Ap 23:8
Satiyusi mono vayaʼmogi faliʼnaya vayaʼaifeʼmo he otigae, huʼa apakesamo neʼafiya vayaʼmo agaetegamo eʼnae. Apakaemo loka huʼa ge huʼa afigeʼapaeʼmo, 19#Loa 25:5Tisao, huʼa, Moseseʼa avoʼmo kae maleʼniya gemoʼa hunoʼaeʼmo, mago vekamoʼmo a aliteno mafaʼne alino oʼateno falitesigenoʼaeʼmo konagaʼamoʼmo koguʼamo aliteno faliʼniya vekamo aimuʼyaleʼmo mafaʼnemo alino apateno, huno huʼniye. 20Mago afinaʼmo seveniʼa konagamo maiʼnae. Nepuʼapimoʼmo mafaʼnemo alino oʼateno ataleno falitegeno 21aganaʼamoʼmo kogu aʼmo aliʼniye. Napa tu konagaʼamoʼmo ina kava huno falitegeno napa tali konagaʼamoʼmo ina kava huno falitegeʼa 22ina kava huʼa falite falite huʼa seveniʼa konagamo ago faliʼa hano huʼnae. Falitagenoʼaeʼmo ani a kanomo henagaʼamo faliʼniye. 23Faliʼa uʼnayategatiʼmo he tisagenoʼaeʼmo haiya vekaleʼmo ani aʼmo maigiye. Seveniʼa konagamogimo aliʼnayaʼmofeʼmae, huʼa afi geʼnae. 24Afi geʼnagenoʼaeʼmo, lapakaemo Goti mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye. 25Faliʼnayategatiʼmo he tiʼapaeʼmo a oʼalige vele oʼmaige hugayaʼmonanafa kokuʼnapi enisole vayakana huʼa maigae. 26#Hat 3:2,6Faliʼnayategatiʼmo he tisaya kavafeʼmo Moseseʼa avoʼmo kae maleʼniya mukufi gemo aise yosafatiʼmo ata nelegeno Gotiʼa Mosesefeʼmo ha paiʼniya gemo lekana paita oʼafiʼnafiye. Gotiʼa hunoʼaeʼmo,
Emalehamu Gotiʼamoʼnamo maige Aisiki Gotiʼamoʼnamo maige Yekopu Gotiʼamoʼnamo maige huʼna Gotiʼapimoʼnamo maiʼnove,
huno huʼniye. 27Agaemo alagi faliʼnaya vayaʼai Gotiʼapimoʼa oʼmaiʼnifa apauneʼapameʼmo aliʼnaya vayaʼai Gotiʼapimoʼa maiʼniye. Alagi ika ika lapakesamo afiʼnetapaeʼmo ani gemo nehae, huno hapa paiʼniye.
Hogote keʼaepa geʼaeʼmo huʼniya gemae
(Mt 22:34-40; Lu 10:25-28)
28 #
Lu 10:25-28
Mago vekamo keʼaepa gemo afiteno alino apaya neʼmaleya vekamoʼmo eno afiyana ge huge afige huʼa maiʼnaya gemo afiʼniyana Yesuʼa geʼapileʼmo alagepa huno aeno atagaina huno hapa paiʼniye, huno agesamo afitenoʼaeʼmo, keʼaepa gefatiʼmo hogote keʼaepa gemo haiya gemo haneʼniye, huno afi geʼniye. 29#Loa 6:4-5Afi geʼnigenoʼaeʼmo, hogote keʼaepa gemo haneʼniyana,
Isaleli vayaʼmogitapamo afiyo, huno, Ala kava neʼmo Gotitimoʼmo maiʼniye. Ala kava neʼmo magoke vekamo maiʼniye. 30Lapakaemo Ala kava neʼmo Gotitapimofeʼmo muki lapaipafatinagi muki lapagupi mafaʼnefatinagi muki lapakesa afi yatapifatinagi muki lapaya mufafatinagi huno lapaino.
Ani gemo hogote keʼaepa gemo haneʼniye, huno huteno, 31#Mon 19:18Lole keʼaepa gemoʼa hunoʼaeʼmo,
lapakaitapieʼmo lapau lapayamopafiʼmo nelapaiya agufa kavaʼmo huno lapaopaleʼmo maiʼnaya vayaʼaifeʼmo lapaino,
huno huʼniye. Huno hutenoʼaeʼmo, mani lole keʼaepa gelaʼmoʼa muki keʼaepa geʼamo ago aeno aga seʼniye, huno ha paiʼniye. 32Ha paiʼnigenoʼaeʼmo keʼaepa gemo avoʼmo kaeno alino apaya neʼmaleya vekamoʼmo hunoʼaeʼmo, Tisao, huno, alagepa ge hane. Gotiʼa magoke vekamo maiʼniyaʼmofeʼmo alu gotiʼa oʼmaiʼnifa agaiʼagekeʼmo maiʼniye, huka hana gemo lama gemo hane. 33#Loa 4:35; Aiy 45:21; 1 Sam 15:22; Hos 6:6Agaefeʼmo muki laipafatinagi muki lapagupi mafaʼnefatinagi muki laune lamepatinagi muki laya mufafatinagi huno lahauʼnisigeta lagaitieʼmo lahau layamopafiʼmo nelahaiya kava huta lahaopaleʼmo maiʼnaya vayaʼaifeʼmo lahaisiya kavaʼmoʼa afumo amagita atafiʼmo kaeta Gotina ofalinimo amige alu ofalinimo amige hisuna kavaʼmo ago aeno aga seʼniye, huno huʼniye. 34Yesuʼa ani huʼniya gemo afitenoʼaeʼmo alagepa huno afiʼniye, huno agesa afitenoʼaeʼmo, kagaemo Gotiʼa yagaino apateʼniya kegiʼyafiʼmo uka haisanafeʼmo eka hogo hane, huno ha paiʼniye. Yesuʼa ani ge huno ha paiʼnigeʼapaeʼmo koli huteʼa magoʼe gemo huʼa loka huʼa afi okeʼnae.
Kalaisi vekaeʼmo apafi geʼniya gemae
(Mt 22:41-46; Lu 20:41-44)
35Yesuʼa Yu vayaʼai alopa mono nopiʼmo uno haino alino apaya neʼmalenoʼaeʼmo, na kava higeʼa keʼaepa gemo aliʼa apaya neʼmalaya vayaʼmogi huʼapaeʼmo, Kalaisi vekamo Nevini akamelegati aginagoʼamo maigiye, huʼa nehae. 36#Sam 110:1Aote Aunemeʼamoʼmo Neviniʼmo mago gemo alino amiʼnigeno hunoʼaeʼmo,
Ala kava Neʼmoʼa Ala kava neʼnieʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo apamagisugeʼa kaiya afeʼalumenaga maigayanagi,
huno huʼniye. 37Neviniʼa Kalaisi vekaeʼmo Ala kava neʼnie, huno huʼniyaʼmofeʼmo haiya kava huno Kalaisi neʼmoʼa Nevini akamelegatiʼmo aginagoʼamo maiʼniye, huno apafi geʼniye. Muki asole afa vayaʼmogimo geʼamo afiteʼapaeʼmo apamogaga aiʼnae. 38Alino apaya maletenoʼaeʼmo, keʼaepa gemo aliʼa apaya neʼmalaya vayaʼaifeʼmo ehetapiye. Apakaemo hapauʼnigeʼa yatala kukenamo vaiʼa aliteʼa umenitata nehae. Maketi kumateʼmo maiʼnaya vayaʼmogimo ge apamamaeteʼa amuse huʼa neʼapataya geeʼmo nehapaiye. 39Hapauʼnigeʼa alu mono nopi alu mono nopiʼmo uʼa haiʼa anaga maige yagita nehayategamo ala apaki vayaʼmo neʼmaiya siyateʼmo uʼa haiʼa maige nehae. 40Apakaemo kogu aʼneʼai kagemi yaʼapimo kumaya aliteʼapaeʼmo aeʼa ati kaesayafeʼmo yatala nunumuʼmo nehae, huno hapa paiʼniye.
Kogu aʼmoʼa monimo ofalini huʼniya gemae
(Lu 21:1-4)
41 #
2 Kin 12:9
Yesuʼa Yu vayaʼai alopa mono nopiʼmo uno haino ofalini monimo neʼmalaya kesimo haopaleʼmo fai maiʼnigeʼa asole vayaʼmogimo monimo ofalini huʼnageno apakeʼniye. 42Mago kogu akanomo kagemi yaʼamo ohaneʼniya kogu aʼmoʼa eno lole sagalifa monimo huʼnigeno ageʼniye. 43#2 Ko 8:12Agaemo geʼamo neʼafiya vayaʼaifeʼmo ge huʼnigeʼa eʼnagenoʼaeʼmo, lama gemo lapa nepauve, huno, mani kogu akanomo kagemi yaʼamo ohaneʼniya kogu aʼmoʼa huʼniya monimoʼmo muki vayaʼamogimo huʼnaya monimo ago aeno aga seʼniye. 44Muki vayaʼamogimo alopa moniʼapimo maleʼnaya yapatiʼmo alini eʼa ofalini huʼnayaʼmonanafa agaemo moniʼamo ohaneʼniya yapatiʼmo neʼyaʼamo miya faino nesiya monimo ataleno hano huʼniye, huno hapa paiʼniye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.