Marcos 15
15
Sa Pagbistiga Ki Jesus Hi Pilato
(Marcos 15:1-5; Mateo 27:1-2, 11-14; Lucas 23:1-5; Juan 18:28-38)
1Su maselem en sa mga labaw ha sinaligan hu paghalad daw sa mga manunudlù hu Kasuguan, sa mga magulang daw sa alan ha duma dan ha mga labaw ha agalen hu mga Judio miglalang-lalang ku in-inuwen dan si Jesus. Dayun binakus dan haena daw itugyan diyà ki Pilato. 2Ininsaan hi Pilato si Jesus, “Iyan ka ba Harì hu mga Judio?”
Si Jesus tuminubag, “Iyan ad en su inikagi nu.”
3Sa mga labaw ha sinaligan hu paghalad migsumbung hu madakel gayed mahitenged ki Jesus. 4Aman inisaban ininsaan hi Pilato si Jesus, “Hurà nu ba katarengan hu mga sumbung dan? Palilimani nu sa madakel ha sumbung dan mahitenged ikaw.”
5Ba hurà en gayed tubag si Jesus aman tungkay nabeleng si Pilato.
Sa Paghukum Ki Jesus Hu Kamatayen
(Marcos 15:6-15; Mateo 27:15-26; Lucas 23:13-25; Juan 18:39—19:16)
6Ku agsaulugen sa Aldaw hu Paglabay iyan naanadan hi Pilato sa amin sabuwa ha prisu ha aglibriyen din sumalà hu agpanayuen hu mga etaw. 7Duun taena ha panahun amin naprisu tumenged hu pagsupak dan hu gubirnu. Sa sabuwa kandan iyan si Barabas ha nakapatay su panahun ha samuken dan sa banuwa. 8Su maamul-amul en sa mga etaw hinangyù dan si Pilato ha buhaten din sa naanadan din hu paglibri hu sabuwa ha prisu.
9Nanginginsà si Pilato, “Agkabayaan nuy ba ha libriyen ku haini sa Harì hu mga Judio?” 10Ta natun-an hi Pilato ha si Jesus intugyan hu mga labaw ha sinaligan hu paghalad tumenged hu kasina dan kandin. 11Ba pigdasig sa kaet-etawan taena ha mga labaw ha sinaligan hu paghalad ha iyan dan panayuen si Barabas ha libriyen.
12Ininsaan hi Pilato su mga etaw, “In-inuwen ku diay sa tagngaranan nuy ha Harì hu mga Judio?”
13Alan sidan nangulahì, “Ilansang hayana duun hu krus.”
14Ba minikagi si Pilato, “Imbà nuy igpalansang hayana? Inu diay sa nabuhat din ha madaet?”
Ba bà dà nasì uminiseg sa kulahì hu mga etaw, “Ilansang hayana.”
15Tumenged ta agkabayaan hi Pilato ha mabayà-bayà su mga etaw impaguwà din si Barabas. Dayun pinalagkutan din si Jesus daw itugyan duun hu mga etaw ta daw makalansang dan duun hu krus.
Sa Pagpasipala Ki Jesus Hu Mga Sundalu
(Marcos 15:16-20; Mateo 27:27-31; Juan 19:2-3)
16Impaseled si Jesus hu mga sundalu duun ku balay hi Pilato dayun inamul-amulan haena hu mga kasundaluwan. 17Pininaksuyan dan si Jesus hu maligà ha manggad. Tuminimù daan sidan hu gawed ha dugiyen ha binangkulà daw insuup dan diyà ta ulu hi Jesus. 18Dayun nangulahì sidan, “Dayeen sa Harì hu mga Judio.” 19Sigi dan dà tagbunalai sa ulu hi Jesus hu kayu daw inileban dan daan haena. Migluhud-luhud sidan diyà ta kandin ha tagpasibù-sibù ha agtahuran dan haena. 20Su mapengahan dan en sa pagpasipala ki Jesus inawà dan dà su maligà ha manggad daw ilikù diyà ta kandin su pinaksuy din. Dayun inuwit dan si Jesus duun hu lugar ha duun dan iglansang hu krus.
Sa Paglansanga Ki Jesus Duun Hu Krus
(Marcos 15:21-32; Mateo 27:32-44; Lucas 23:26-43; Juan 19:17-27)
21Amin etaw ha taga-Cirene ha tagngaranan ki Simon ha amay hi Alejandro daw hi Rufo. Nasal-aw dan haena ha tagdiyà ngaay ta banuwa, dayun pineges dan ha tiangen din su krus hi Jesus. 22Inuwit dan si Jesus duun hu lugar ha tagngaranan hu Golgotha ha sa kahulugan taena Tul-an hu Ulu hu Etaw. 23Diyà igpainum dan ngaay si Jesus hu binu ha inamulan hu bulung ha mira ba hurà din haena inuma. 24Dayun inlansang dan si Jesus duun hu krus. Binahin taena ha mga sundalu sa pinaksuy din pinaagi hu ripa ta daw matun-an dan ku inu sa timuen hu kada sabuwa kandan.
25Agliwaraan en sa saselem su ilansang dan si Jesus duun hu krus. 26Insulat sa sumbung mahitenged kandin ha tagyanaen, “Iyan haini Harì hu mga Judio.” 27Inlansang dan daan su daruwa ha tulisan duma ki Jesus, sa sabuwa diyà dapit ta kawanan din daw sa sabuwa diyà ta gibang din. 28Pinaagi taena natuman gayed sa insulat ha lalang hu Dios ha tagyanaen, “Inisip haena ha duma hu mga etaw ha masinupaken.” 29Sa mga etaw ha agpamanagad tagkuyeng-kuyengà hu pagtameyes ki Jesus ha tagyanaen, “Kagi nu man ha agkagasen nu sa Timplu ta agbalayen nu dà duun hu tatulu ha aldaw. 30Libriya sa kaugalingen nu daw lugnà ka duun tayan ha krus.”
31Iling daan taena sa pagpasipala hu mga labaw ha sinaligan hu paghalad daw hu mga manunudlù hu Kasuguan, “Aglibriyen din man gid sa duma ha mga etaw ba sa kandin ha kaugalingen harì din agkalibri. 32Ahaen taw hayana sa Misiyas ha iyan Harì hu mga kaliwatan hi Israel ku lumugnà ba iman duun tayan ha krus ta daw makatuu kuy kandin.” Saena ha mga tulisan ha inlansang duma kandin migpasipala en daan kandin.
Sa Pagpatay Hi Jesus
(Marcos 15:33-41; Mateo 27:45-56; Lucas 23:44-49; Juan 19:28-30)
33Su maugtu en sa aldaw suminukilem sa tibuuk ha kalibutan hu tatulu ha uras. 34Su agkabalalay en sa aldaw nangulahì si Jesus hu madaging ha tagyanaen, “Eli, Eli, lama sabaktani?” ha tagkahulugan, “Dios ku, imbà a ikaw bay-ani?”
35Su mapaliman haena hu duma ha mga etaw ha tagtiyadeg diyà ta ubay din minikagi sidan, “Tag-umawen din gid si Elias sa prupita.”
36Sa sabuwa kandan tuminimù hu manggad ha inteleb duun hu sukà daw ibedbed duun hu panga, dayun insungit din ki Jesus daw minikagi, “Bay-ani hayan ta ag-ahaen taw pa ku makahiwal ba si Elias hu pagpalugnà kandin.”
37Nangulahì si Jesus dayun nabugtuan.
38Su makepal ha manggad ha in-elang diyà ta Timplu sagunà naliwarà nayahà sugud ta sampaw payanaen en ta sagayadan taena. 39Su maahà ku kapitan ha tagtiyadeg duun hu ubay taena ha krus sa kapatay hi Jesus nakaikagi haena, “Laus gayed ha Batà haini hu Dios.”
40Amin daan mga bahi ha tagbantay ki Jesus ba diyà dà sidan ta madiyù, sa duma kandan iyan si Maria Magdalena, si Salome daw si Maria sa inay hi Santiago daw hi Jose. 41Duminuma sidan ki Jesus diyà ta Galilea hu pag-alima kandin. Diyà daan sa madakel pa ha mga bahi ha duminuma kandin payanaen ta Jerusalem.
Sa Paglebeng Ki Jesus
(Marcos 15:42-47; Mateo 27:57-61; Lucas 23:50-56; Juan 19:38-42)
42Hapun haena hu Birnis na ku sumalep en sa aldaw agsugud en sa Aldaw hu Paghimlay. 43Amin etaw ha tagngaranan ki Jose ha taga-Arimatea ha tinahud hu alan ha mga labaw ha agalen hu mga Judio daw tagsalap daan hu pagharì hu Dios. Saena namalaw gayed hu pagdiyà ki Pilato daw panayua sa lawa hi Jesus. 44Migduwa-duwa si Pilato ku minatay en ba si Jesus aman inumaw din su kapitan hu mga sundalu daw insai ku minatay en ba si Jesus. 45Su matun-an din ha minatay en in-ila din sa lawa hi Jesus diyà ki Jose. 46Aman tinimù din haena daw bungkusi hu maputì ha manggad ha pinalit din daw itagù duun hu binangbangan ha dampiyas. Dayun inipelan din haena hu adagi ha batu. 47Si Maria Magdalena daw sa sabuwa ha Maria ha inay hi Jose nakaahà ku hindu inlebeng si Jesus.
Currently Selected:
Marcos 15: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Marcos 15
15
Sa Pagbistiga Ki Jesus Hi Pilato
(Marcos 15:1-5; Mateo 27:1-2, 11-14; Lucas 23:1-5; Juan 18:28-38)
1Su maselem en sa mga labaw ha sinaligan hu paghalad daw sa mga manunudlù hu Kasuguan, sa mga magulang daw sa alan ha duma dan ha mga labaw ha agalen hu mga Judio miglalang-lalang ku in-inuwen dan si Jesus. Dayun binakus dan haena daw itugyan diyà ki Pilato. 2Ininsaan hi Pilato si Jesus, “Iyan ka ba Harì hu mga Judio?”
Si Jesus tuminubag, “Iyan ad en su inikagi nu.”
3Sa mga labaw ha sinaligan hu paghalad migsumbung hu madakel gayed mahitenged ki Jesus. 4Aman inisaban ininsaan hi Pilato si Jesus, “Hurà nu ba katarengan hu mga sumbung dan? Palilimani nu sa madakel ha sumbung dan mahitenged ikaw.”
5Ba hurà en gayed tubag si Jesus aman tungkay nabeleng si Pilato.
Sa Paghukum Ki Jesus Hu Kamatayen
(Marcos 15:6-15; Mateo 27:15-26; Lucas 23:13-25; Juan 18:39—19:16)
6Ku agsaulugen sa Aldaw hu Paglabay iyan naanadan hi Pilato sa amin sabuwa ha prisu ha aglibriyen din sumalà hu agpanayuen hu mga etaw. 7Duun taena ha panahun amin naprisu tumenged hu pagsupak dan hu gubirnu. Sa sabuwa kandan iyan si Barabas ha nakapatay su panahun ha samuken dan sa banuwa. 8Su maamul-amul en sa mga etaw hinangyù dan si Pilato ha buhaten din sa naanadan din hu paglibri hu sabuwa ha prisu.
9Nanginginsà si Pilato, “Agkabayaan nuy ba ha libriyen ku haini sa Harì hu mga Judio?” 10Ta natun-an hi Pilato ha si Jesus intugyan hu mga labaw ha sinaligan hu paghalad tumenged hu kasina dan kandin. 11Ba pigdasig sa kaet-etawan taena ha mga labaw ha sinaligan hu paghalad ha iyan dan panayuen si Barabas ha libriyen.
12Ininsaan hi Pilato su mga etaw, “In-inuwen ku diay sa tagngaranan nuy ha Harì hu mga Judio?”
13Alan sidan nangulahì, “Ilansang hayana duun hu krus.”
14Ba minikagi si Pilato, “Imbà nuy igpalansang hayana? Inu diay sa nabuhat din ha madaet?”
Ba bà dà nasì uminiseg sa kulahì hu mga etaw, “Ilansang hayana.”
15Tumenged ta agkabayaan hi Pilato ha mabayà-bayà su mga etaw impaguwà din si Barabas. Dayun pinalagkutan din si Jesus daw itugyan duun hu mga etaw ta daw makalansang dan duun hu krus.
Sa Pagpasipala Ki Jesus Hu Mga Sundalu
(Marcos 15:16-20; Mateo 27:27-31; Juan 19:2-3)
16Impaseled si Jesus hu mga sundalu duun ku balay hi Pilato dayun inamul-amulan haena hu mga kasundaluwan. 17Pininaksuyan dan si Jesus hu maligà ha manggad. Tuminimù daan sidan hu gawed ha dugiyen ha binangkulà daw insuup dan diyà ta ulu hi Jesus. 18Dayun nangulahì sidan, “Dayeen sa Harì hu mga Judio.” 19Sigi dan dà tagbunalai sa ulu hi Jesus hu kayu daw inileban dan daan haena. Migluhud-luhud sidan diyà ta kandin ha tagpasibù-sibù ha agtahuran dan haena. 20Su mapengahan dan en sa pagpasipala ki Jesus inawà dan dà su maligà ha manggad daw ilikù diyà ta kandin su pinaksuy din. Dayun inuwit dan si Jesus duun hu lugar ha duun dan iglansang hu krus.
Sa Paglansanga Ki Jesus Duun Hu Krus
(Marcos 15:21-32; Mateo 27:32-44; Lucas 23:26-43; Juan 19:17-27)
21Amin etaw ha taga-Cirene ha tagngaranan ki Simon ha amay hi Alejandro daw hi Rufo. Nasal-aw dan haena ha tagdiyà ngaay ta banuwa, dayun pineges dan ha tiangen din su krus hi Jesus. 22Inuwit dan si Jesus duun hu lugar ha tagngaranan hu Golgotha ha sa kahulugan taena Tul-an hu Ulu hu Etaw. 23Diyà igpainum dan ngaay si Jesus hu binu ha inamulan hu bulung ha mira ba hurà din haena inuma. 24Dayun inlansang dan si Jesus duun hu krus. Binahin taena ha mga sundalu sa pinaksuy din pinaagi hu ripa ta daw matun-an dan ku inu sa timuen hu kada sabuwa kandan.
25Agliwaraan en sa saselem su ilansang dan si Jesus duun hu krus. 26Insulat sa sumbung mahitenged kandin ha tagyanaen, “Iyan haini Harì hu mga Judio.” 27Inlansang dan daan su daruwa ha tulisan duma ki Jesus, sa sabuwa diyà dapit ta kawanan din daw sa sabuwa diyà ta gibang din. 28Pinaagi taena natuman gayed sa insulat ha lalang hu Dios ha tagyanaen, “Inisip haena ha duma hu mga etaw ha masinupaken.” 29Sa mga etaw ha agpamanagad tagkuyeng-kuyengà hu pagtameyes ki Jesus ha tagyanaen, “Kagi nu man ha agkagasen nu sa Timplu ta agbalayen nu dà duun hu tatulu ha aldaw. 30Libriya sa kaugalingen nu daw lugnà ka duun tayan ha krus.”
31Iling daan taena sa pagpasipala hu mga labaw ha sinaligan hu paghalad daw hu mga manunudlù hu Kasuguan, “Aglibriyen din man gid sa duma ha mga etaw ba sa kandin ha kaugalingen harì din agkalibri. 32Ahaen taw hayana sa Misiyas ha iyan Harì hu mga kaliwatan hi Israel ku lumugnà ba iman duun tayan ha krus ta daw makatuu kuy kandin.” Saena ha mga tulisan ha inlansang duma kandin migpasipala en daan kandin.
Sa Pagpatay Hi Jesus
(Marcos 15:33-41; Mateo 27:45-56; Lucas 23:44-49; Juan 19:28-30)
33Su maugtu en sa aldaw suminukilem sa tibuuk ha kalibutan hu tatulu ha uras. 34Su agkabalalay en sa aldaw nangulahì si Jesus hu madaging ha tagyanaen, “Eli, Eli, lama sabaktani?” ha tagkahulugan, “Dios ku, imbà a ikaw bay-ani?”
35Su mapaliman haena hu duma ha mga etaw ha tagtiyadeg diyà ta ubay din minikagi sidan, “Tag-umawen din gid si Elias sa prupita.”
36Sa sabuwa kandan tuminimù hu manggad ha inteleb duun hu sukà daw ibedbed duun hu panga, dayun insungit din ki Jesus daw minikagi, “Bay-ani hayan ta ag-ahaen taw pa ku makahiwal ba si Elias hu pagpalugnà kandin.”
37Nangulahì si Jesus dayun nabugtuan.
38Su makepal ha manggad ha in-elang diyà ta Timplu sagunà naliwarà nayahà sugud ta sampaw payanaen en ta sagayadan taena. 39Su maahà ku kapitan ha tagtiyadeg duun hu ubay taena ha krus sa kapatay hi Jesus nakaikagi haena, “Laus gayed ha Batà haini hu Dios.”
40Amin daan mga bahi ha tagbantay ki Jesus ba diyà dà sidan ta madiyù, sa duma kandan iyan si Maria Magdalena, si Salome daw si Maria sa inay hi Santiago daw hi Jose. 41Duminuma sidan ki Jesus diyà ta Galilea hu pag-alima kandin. Diyà daan sa madakel pa ha mga bahi ha duminuma kandin payanaen ta Jerusalem.
Sa Paglebeng Ki Jesus
(Marcos 15:42-47; Mateo 27:57-61; Lucas 23:50-56; Juan 19:38-42)
42Hapun haena hu Birnis na ku sumalep en sa aldaw agsugud en sa Aldaw hu Paghimlay. 43Amin etaw ha tagngaranan ki Jose ha taga-Arimatea ha tinahud hu alan ha mga labaw ha agalen hu mga Judio daw tagsalap daan hu pagharì hu Dios. Saena namalaw gayed hu pagdiyà ki Pilato daw panayua sa lawa hi Jesus. 44Migduwa-duwa si Pilato ku minatay en ba si Jesus aman inumaw din su kapitan hu mga sundalu daw insai ku minatay en ba si Jesus. 45Su matun-an din ha minatay en in-ila din sa lawa hi Jesus diyà ki Jose. 46Aman tinimù din haena daw bungkusi hu maputì ha manggad ha pinalit din daw itagù duun hu binangbangan ha dampiyas. Dayun inipelan din haena hu adagi ha batu. 47Si Maria Magdalena daw sa sabuwa ha Maria ha inay hi Jose nakaahà ku hindu inlebeng si Jesus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.