Marcos 16
16
Sa Pagkabanhaw Hi Jesus
(Marcos 16:1-8; Mateo 28:1-8; Lucas 24:1-12; Juan 20:1-10)
1-2Su maiwas en sa Aldaw hu Paghimlay daw suminibwal en sa aldaw duun hu Duminggu, si Maria Magdalena, si Salome, daw si Maria sa inay hi Santiago duminuun ku piglebengan ki Jesus sa tag-uuwit hu pahumut ha pinalit dan ta ighaplas dan haena hu lawa hi Jesus. 3-4Su tagdiyà en sidan migpainsaay sidan, “Sin-u sa umawà taena ha in-ipel ha batu duun ku lebeng?”
Ba su makauma sidan duun ku lebeng naahà dan ha naawà en su adagi ha batu. 5Su sumeled sidan duun naahà dan sa maama ha tagpinuu diyà dapit ta kawanan ha sa pinaksuy din tungkay maputì aman nangahaldek gayed sidan.
6Ba inikagiyan sidan taena, “Harì kaw agkangahaldek. Tagpan-ahaen nuy si Jesus ha taga-Nazareth sa inlansang duun hu krus ba hurà en dini ta nabanhaw en. Ahaa nuy haini sa naugsakan din. 7Aman agpasa nuy elegi sa mga tinun-an din labi en si Pedro daw ikagiyi sidan ha si Jesus ag-una kandan diyà ta Galilea. Maahà nuy haena diyà sumalà hu inikagi din inyu.”
8Su mga bahi pighugdunan hu kahaldek daw nangabeleng aman guminuwà sidan duun ku lebeng daw pulalaguy. Harì sidan agpakaikagi diyà ta dalan ta agkangahaldek sidan.
Sa Pagpaahà Hi Jesus Diyà Ki Maria Magdalena
(Marcos 16:9-11; Mateo 28:9-10; Juan 20:11-18)
9Su mabanhaw en si Jesus hu kaaldawen hu Duminggu iyan una ha pigpaahaan din diyà si Maria Magdalena su naulian din ha tinaguan su anay hu pitu ha busaw. 10Dayun inelegan hi Maria sa mga duma din ha nakigduma-duma daan ki Jesus daw tultuli sidan sa tag-agalaay hu paglugul. 11Su mapaliman dan ha nabanhaw en si Jesus daw naahà haena hi Maria hurà sidan tuu.
Sa Pagpaahà Hi Jesus Duun Hu Daruwa Ha Etaw
(Marcos 16:12-13; Lucas 24:13-35)
12Su maiwas haena migpaahà dà si Jesus duun hu daruwa ha taghipanaw payanaen duun hu sabuwa ha banuwa ba hurà dan kakilala si Jesus. 13Su makilala dan en haena tinultulan dan sa mga duma dan ba hurà daan sidan tuu.
Sa Pagpaahà Hi Jesus Duun Hu Mga Tinun-an Din
(Marcos 16:14-18; Mateo 28:16-20; Lucas 24:36-49; Juan 20:19-23)
14Migpaahà si Jesus duun ku sampulù daw sabuwa ha tinun-an su tagkaen sidan. Sinaway din sidan ta harì sidan agtuu daw madesen gayed sa henà-henà dan ta hurà dan tuuwi sa nakaahà kandin ha nabanhaw.
15Inikagiyan din sidan, “Hipanaw kaw dini ta tibuuk ha kalibutan daw isangyaw nuy sa Maayad ha Tultulanen duun hu alan ha kaet-etawan. 16Bisan sin-u sa tumuu daw magpabautismu maluwas, ba sa harì tumuu agsilutan gayed. 17Saena ha agtuu magaheman ta daw makabuhat sidan hu mga belenganen. Pinaagi hu ngaran ku makabugaw sidan hu mga busaw daw makaikagi daan sidan hu harì agkasabut ha inikagiyan. 18Ku makaibit sidan hu bunsalagan daw ku makainum sidan hu hilu harì sidan mainu, daw ku dampaen dan sa agkangadaluwan mangaulian daan.”
Sa Pagligtu Hi Jesus Diyà Ta Langit
(Marcos 16:19-20; Lucas 24:50-53; Mga Buhat 1:9-11)
19Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios. 20Dayun namanhipanaw sa mga tinun-an din daw nanunultul duun hu bisan hindu. Sa Dios migbulig kandan daw pinaagi hu mga belenganen nakapaahà dan ha laus gayed sa lalang ha intultul dan.
Currently Selected:
Marcos 16: bkd
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Marcos 16
16
Sa Pagkabanhaw Hi Jesus
(Marcos 16:1-8; Mateo 28:1-8; Lucas 24:1-12; Juan 20:1-10)
1-2Su maiwas en sa Aldaw hu Paghimlay daw suminibwal en sa aldaw duun hu Duminggu, si Maria Magdalena, si Salome, daw si Maria sa inay hi Santiago duminuun ku piglebengan ki Jesus sa tag-uuwit hu pahumut ha pinalit dan ta ighaplas dan haena hu lawa hi Jesus. 3-4Su tagdiyà en sidan migpainsaay sidan, “Sin-u sa umawà taena ha in-ipel ha batu duun ku lebeng?”
Ba su makauma sidan duun ku lebeng naahà dan ha naawà en su adagi ha batu. 5Su sumeled sidan duun naahà dan sa maama ha tagpinuu diyà dapit ta kawanan ha sa pinaksuy din tungkay maputì aman nangahaldek gayed sidan.
6Ba inikagiyan sidan taena, “Harì kaw agkangahaldek. Tagpan-ahaen nuy si Jesus ha taga-Nazareth sa inlansang duun hu krus ba hurà en dini ta nabanhaw en. Ahaa nuy haini sa naugsakan din. 7Aman agpasa nuy elegi sa mga tinun-an din labi en si Pedro daw ikagiyi sidan ha si Jesus ag-una kandan diyà ta Galilea. Maahà nuy haena diyà sumalà hu inikagi din inyu.”
8Su mga bahi pighugdunan hu kahaldek daw nangabeleng aman guminuwà sidan duun ku lebeng daw pulalaguy. Harì sidan agpakaikagi diyà ta dalan ta agkangahaldek sidan.
Sa Pagpaahà Hi Jesus Diyà Ki Maria Magdalena
(Marcos 16:9-11; Mateo 28:9-10; Juan 20:11-18)
9Su mabanhaw en si Jesus hu kaaldawen hu Duminggu iyan una ha pigpaahaan din diyà si Maria Magdalena su naulian din ha tinaguan su anay hu pitu ha busaw. 10Dayun inelegan hi Maria sa mga duma din ha nakigduma-duma daan ki Jesus daw tultuli sidan sa tag-agalaay hu paglugul. 11Su mapaliman dan ha nabanhaw en si Jesus daw naahà haena hi Maria hurà sidan tuu.
Sa Pagpaahà Hi Jesus Duun Hu Daruwa Ha Etaw
(Marcos 16:12-13; Lucas 24:13-35)
12Su maiwas haena migpaahà dà si Jesus duun hu daruwa ha taghipanaw payanaen duun hu sabuwa ha banuwa ba hurà dan kakilala si Jesus. 13Su makilala dan en haena tinultulan dan sa mga duma dan ba hurà daan sidan tuu.
Sa Pagpaahà Hi Jesus Duun Hu Mga Tinun-an Din
(Marcos 16:14-18; Mateo 28:16-20; Lucas 24:36-49; Juan 20:19-23)
14Migpaahà si Jesus duun ku sampulù daw sabuwa ha tinun-an su tagkaen sidan. Sinaway din sidan ta harì sidan agtuu daw madesen gayed sa henà-henà dan ta hurà dan tuuwi sa nakaahà kandin ha nabanhaw.
15Inikagiyan din sidan, “Hipanaw kaw dini ta tibuuk ha kalibutan daw isangyaw nuy sa Maayad ha Tultulanen duun hu alan ha kaet-etawan. 16Bisan sin-u sa tumuu daw magpabautismu maluwas, ba sa harì tumuu agsilutan gayed. 17Saena ha agtuu magaheman ta daw makabuhat sidan hu mga belenganen. Pinaagi hu ngaran ku makabugaw sidan hu mga busaw daw makaikagi daan sidan hu harì agkasabut ha inikagiyan. 18Ku makaibit sidan hu bunsalagan daw ku makainum sidan hu hilu harì sidan mainu, daw ku dampaen dan sa agkangadaluwan mangaulian daan.”
Sa Pagligtu Hi Jesus Diyà Ta Langit
(Marcos 16:19-20; Lucas 24:50-53; Mga Buhat 1:9-11)
19Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios. 20Dayun namanhipanaw sa mga tinun-an din daw nanunultul duun hu bisan hindu. Sa Dios migbulig kandan daw pinaagi hu mga belenganen nakapaahà dan ha laus gayed sa lalang ha intultul dan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.