Wəza net Masləŋɗe 12
12
Wəzəm saha adek diiɗa aket ɗii na Maŋgəlva
1Dəpaska məlĩ Herodə atəŋgək wəzəm git saha net ɗii meɓɓet aweleŋgit ɗii na Maŋgəlva. 2Abayək Zakub, məlmən Zaŋ də kafahi. 3-4Adan awla na lawi vas aret Yahudiyenɗe, armak Piyer asganək daŋgay. (Pay nan bo pay nawzləra net dupeŋɗe məza wuɗo ɓa yi.) Aɗiyək wənnan sit sozeɗ dəganən gəni. Sozeɗ vet bo muɗeketi gilet poɗo, gilet taka pak sozeɗ poɗo. Herodə aŋgəl na kawtaw kita akan abet ɗii pak dərɓaga wəzləra na Paska*. 5Sozeɗ bo tahəŋ wəganən vaska, amma ɗii na Maŋgəlva bo tahəŋ wəkkamanən Maŋgəlva aka wənnan zit soksoku.
Maslay agil gənək Piyer sə daŋgay
6Dəfəɗ nadaŋ kan Herodə adawtaw kita akan kətaŋka, Piyer tay leŋ aweleŋgit sozeɗ sula, minani dit ngiyamɗe sula, sozeɗ məzu gaŋ madamba bo tahəŋ wəganəni. Vas bo pumpum nani adawgil gənən abet ɗiiyi. 7Yas ləŋ maslay na Maŋgəlva ade, təki babar akekeɓehik adəv gəla pakə. Maslay aɓlanək Piyer afɗaahanəka, apsən na: Asil gu'u! Vaski ləŋ ngiyamɗe apəlaŋ səza vani, abətaŋka. 8Yaŋ maslay apsən na: Aynan dadakoko, akpa hensek noko. Piyer aɗɗak vaska, yaŋ maslay anahsən na: Aklak godo noko, damsa. 9Piyer agilik ambani sədəv gəla na daŋgay. Amma dəsəna va gesiŋgi ɓa, azana wissineyi. 10Atoŋgoŋguk kiyit sozeɗ en dabəŋ, ndəɗaŋ əmpa toŋ kiyit sozeɗ masuleti, yas kan agapaŋ madamba na daŋgay məs haran ta' aka walaŋ gəla, madamba nan akoluksən kiyən. Agulyoŋko. Ambataŋgək klaka tive na walaŋ gəla, yas ləŋ maslay apan Piyer adaka.
11Yaŋ Piyer atəŋ wəsən məs dəgəɗ azani, amna: Kakaŋ na nəsənka gesiŋgi! Mbarakana Ɗəfdaya aslənək maslay nan azawa kakoh gu səva Herodə, də məs Yahudiyenɗe aɗumoŋ naɗaŋ suwən pakə.
12Adan asən gabba məs dəgəɗə, ambatək eŋgil anat Mari da, ma Zaŋ Markus. Ɗii diiɗa tahəŋ wəkkalaŋ eŋgil anatda, tahəŋ wəzuliyaŋ adaka. 13Piyer argak madamba na memeŋle, yaŋ waŋ məs adawyaŋ na Rode, təmbat ədawlan na naway asvan di. 14Yaŋ təsən wəlani Piyer ri, zət neki sawɓa, amma təkolsən madamba ɓa, təmilik də wənzuwa azet ɗii məs dədasoŋ adak neki. Təmna: Piyer tay ziwe ameŋgle. 15Apsətən na: Dərwaŋ kənan sa? Amma təməsək wənah siti: Gesiŋ, ndəni kpakə. Yaŋ aɓɗaŋ na, an vaski na, maslay nani. 16Amma Piyer dəppan wərga madamba ɓa, adan akolən madamba, agətaŋgək sawɓa də ulani. 17Aslan sitik van ka dəɓətaŋ gəni, arban sitik va Ɗəfdaya agil gən sə daŋgay. Amna kənahsənən gən labara nan sən Zakuba dit ɗii meɓɓeti. Yaŋ ambat atəki maɓɓani.
18Adan təki adaŋgə, wənnan atapetik sozeɗ sawɓa. Aɓɗaŋ na: Piyer kpak na mbarmbar agəɗ di? 19Herodə aɗi sitik wənnan dəkayanən gəni, amma dərəhən ɓa. Vini akayan wənnan amet sozeɗi, aɗi wənnan kaw beyti.
Dərɓagani Herodə asilik sə Zude, ambatək a Kaysariya, anziyək adaka.
Əmta na Herodə
20Gədəv Herodə adək aket ɗii na Tirus dit ɗii na Sidon pak sawɓa. Akkalaŋ ka, azoŋguk azani, atəŋgaŋgək wəsler də Balastus gawla na məlĩ dabəŋ, dayayi eŋgil ana məlĩ da. Yaŋ ambataŋ aza Herodə assohonən kaw slire, vi ɗii net tahəŋ wəlbahaŋ hay aka dələv nani.
21Yaŋ payan məs Herodə aɗi agapka, aguluk lukut na məlĩ nani, asanək aka mazaŋga na məlĩ nani, apelsitike. 22Ɗii aɗiyaŋgək geŋgere, aɓɗaŋ na: As ɗəf dəda pel ɓa, maŋgəlvayi. 23Vaski ləŋ maslay na Ɗəfdaya arga vi də gakdakan Maŋgəlva ɓa, tentewilgeɗ azəmənka, amtəka.
24Amma wənna Maŋgəlva tayənzləra abe abe.
25Yaŋ Barnabas də Sol agrakən wəza net a Zerusalem, ambataŋgək də Zaŋ Markus a Antakiya.
Currently Selected:
Wəza net Masləŋɗe 12: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Wəza net Masləŋɗe 12
12
Wəzəm saha adek diiɗa aket ɗii na Maŋgəlva
1Dəpaska məlĩ Herodə atəŋgək wəzəm git saha net ɗii meɓɓet aweleŋgit ɗii na Maŋgəlva. 2Abayək Zakub, məlmən Zaŋ də kafahi. 3-4Adan awla na lawi vas aret Yahudiyenɗe, armak Piyer asganək daŋgay. (Pay nan bo pay nawzləra net dupeŋɗe məza wuɗo ɓa yi.) Aɗiyək wənnan sit sozeɗ dəganən gəni. Sozeɗ vet bo muɗeketi gilet poɗo, gilet taka pak sozeɗ poɗo. Herodə aŋgəl na kawtaw kita akan abet ɗii pak dərɓaga wəzləra na Paska*. 5Sozeɗ bo tahəŋ wəganən vaska, amma ɗii na Maŋgəlva bo tahəŋ wəkkamanən Maŋgəlva aka wənnan zit soksoku.
Maslay agil gənək Piyer sə daŋgay
6Dəfəɗ nadaŋ kan Herodə adawtaw kita akan kətaŋka, Piyer tay leŋ aweleŋgit sozeɗ sula, minani dit ngiyamɗe sula, sozeɗ məzu gaŋ madamba bo tahəŋ wəganəni. Vas bo pumpum nani adawgil gənən abet ɗiiyi. 7Yas ləŋ maslay na Maŋgəlva ade, təki babar akekeɓehik adəv gəla pakə. Maslay aɓlanək Piyer afɗaahanəka, apsən na: Asil gu'u! Vaski ləŋ ngiyamɗe apəlaŋ səza vani, abətaŋka. 8Yaŋ maslay apsən na: Aynan dadakoko, akpa hensek noko. Piyer aɗɗak vaska, yaŋ maslay anahsən na: Aklak godo noko, damsa. 9Piyer agilik ambani sədəv gəla na daŋgay. Amma dəsəna va gesiŋgi ɓa, azana wissineyi. 10Atoŋgoŋguk kiyit sozeɗ en dabəŋ, ndəɗaŋ əmpa toŋ kiyit sozeɗ masuleti, yas kan agapaŋ madamba na daŋgay məs haran ta' aka walaŋ gəla, madamba nan akoluksən kiyən. Agulyoŋko. Ambataŋgək klaka tive na walaŋ gəla, yas ləŋ maslay apan Piyer adaka.
11Yaŋ Piyer atəŋ wəsən məs dəgəɗ azani, amna: Kakaŋ na nəsənka gesiŋgi! Mbarakana Ɗəfdaya aslənək maslay nan azawa kakoh gu səva Herodə, də məs Yahudiyenɗe aɗumoŋ naɗaŋ suwən pakə.
12Adan asən gabba məs dəgəɗə, ambatək eŋgil anat Mari da, ma Zaŋ Markus. Ɗii diiɗa tahəŋ wəkkalaŋ eŋgil anatda, tahəŋ wəzuliyaŋ adaka. 13Piyer argak madamba na memeŋle, yaŋ waŋ məs adawyaŋ na Rode, təmbat ədawlan na naway asvan di. 14Yaŋ təsən wəlani Piyer ri, zət neki sawɓa, amma təkolsən madamba ɓa, təmilik də wənzuwa azet ɗii məs dədasoŋ adak neki. Təmna: Piyer tay ziwe ameŋgle. 15Apsətən na: Dərwaŋ kənan sa? Amma təməsək wənah siti: Gesiŋ, ndəni kpakə. Yaŋ aɓɗaŋ na, an vaski na, maslay nani. 16Amma Piyer dəppan wərga madamba ɓa, adan akolən madamba, agətaŋgək sawɓa də ulani. 17Aslan sitik van ka dəɓətaŋ gəni, arban sitik va Ɗəfdaya agil gən sə daŋgay. Amna kənahsənən gən labara nan sən Zakuba dit ɗii meɓɓeti. Yaŋ ambat atəki maɓɓani.
18Adan təki adaŋgə, wənnan atapetik sozeɗ sawɓa. Aɓɗaŋ na: Piyer kpak na mbarmbar agəɗ di? 19Herodə aɗi sitik wənnan dəkayanən gəni, amma dərəhən ɓa. Vini akayan wənnan amet sozeɗi, aɗi wənnan kaw beyti.
Dərɓagani Herodə asilik sə Zude, ambatək a Kaysariya, anziyək adaka.
Əmta na Herodə
20Gədəv Herodə adək aket ɗii na Tirus dit ɗii na Sidon pak sawɓa. Akkalaŋ ka, azoŋguk azani, atəŋgaŋgək wəsler də Balastus gawla na məlĩ dabəŋ, dayayi eŋgil ana məlĩ da. Yaŋ ambataŋ aza Herodə assohonən kaw slire, vi ɗii net tahəŋ wəlbahaŋ hay aka dələv nani.
21Yaŋ payan məs Herodə aɗi agapka, aguluk lukut na məlĩ nani, asanək aka mazaŋga na məlĩ nani, apelsitike. 22Ɗii aɗiyaŋgək geŋgere, aɓɗaŋ na: As ɗəf dəda pel ɓa, maŋgəlvayi. 23Vaski ləŋ maslay na Ɗəfdaya arga vi də gakdakan Maŋgəlva ɓa, tentewilgeɗ azəmənka, amtəka.
24Amma wənna Maŋgəlva tayənzləra abe abe.
25Yaŋ Barnabas də Sol agrakən wəza net a Zerusalem, ambataŋgək də Zaŋ Markus a Antakiya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.