Wəza net Masləŋɗe 15
15
Wəkkal a Zerusalem
1Ɗii meɓɓet sə Zude, azoŋguk a Antakiya, atəŋgaŋgək wərban sitin zəga, apsitin na: Kəkohoŋ na ɓa, say an kədoŋguk wəskəl awra, va ma henziŋ na Moyis anahə. 2Pol də Barnabas abayaŋgək ma dənɗaŋ diiɗa aka wənnəs sawɓa. Vini aslereŋ də Pol gəm Barnabas dit ɗii na Antakiya meɓɓeti, dəmbataŋ gən a Zerusalem wədawtawan wənnan dit masləŋɗe gəm ɗii gugiriɗ net Kretiyenɗe.
3Ndəni kan ɗii na Maŋgəlva aslinin adaka, daga adawtoŋgoŋ kla Finikiya də Samariya, anahsitinik Yahudiyenɗe məs dətafaŋ wənnet ɗii məs Yahudiyenɗeŋ ɓa atafənək Maŋgəlva, wənnan anekək zit sawɓa. 4Adan agapaŋ a Zerusalem, ɗii məs dətafaŋ dit masləŋɗe gəm ɗii gugiriɗ net kretiyenɗe atefinik anetda, anahsitinik va Maŋgəlva agəɗ sit pakə. 5Amma ɗii məs aweleŋgit Farisiyenɗe* laŋka məs dətafaŋ kana, asilyoŋko aɓɗaŋ na: Say dəsbanən wənna əskəl awra, də ma henziŋ na Moyis pakə.
6Masləŋɗe dit ɗii gugiriɗ net kretiyenɗe, akkalaŋka kawla wənnani. 7Adan anziyaŋ aka wəpelən wənnani, Piyer asilke, amna: Milmiŋgiɗwa kəsənənka daga farfarə Maŋgəlva awelwəka, nərban gən labara nenek azet ɗii məza Yahudiyenɗeŋ ɓa, dəpprəmən gəni, dətafən gəni. 8Maŋgəlva məs dəsən makret ɗii pakə. Arbanək na atafək wəpsit Əmpəs Salala sit ɗii məza Yahudiyenɗeŋ ɓa, va apsəmə. 9Duɗakan walaŋgəm dənɗaŋ ɓa, atafənka aviyan sitik mambray neti. 10Vini kana, kami mədaŋgla wərakan Maŋgəlva də wəɗi sit zəga nawsla an tuwãh diiɗa di? An ko mənamə ko dəhiŋgiɗmə kaw ɓapi wəslan ɓa. 11Va mətafa, waməkoh də mbəlembəle na Ɗəfdaya nam Zezu, net bo vaski adawkohoŋ.
12Ɗii pak asoŋguk sləɓəkə, apprəmənək an Barnabas də Pol adawpel sitin aka wənna sokeneɗ məs Maŋgəlva agəɗ dənɗaŋ aweleŋgit ɗii məza Yahudiyenɗeŋ ɓa. 13Adan agrakən wəpel neti, Zakuba asilke, amna: Məpak sləmokum ɗa milmiŋgiɗwa! 14Kakaŋ na kəpprəmənək va Simoŋ anah sukum, va Maŋgəlva atəŋ wəɗum aket ɗii məza Yahudiyenɗeŋ ɓa, yaŋ awel ɗii meɓɓet suweleŋgit dəsoŋ gən ɗii nani. 15Wəpel net məs kleŋɗe aslək də wənnəska, va məverin na:
16Ɗəfdaya amna: Dərɓagan na, wanəmili
wanərka gəla na Davit məs dəɓəslə,
wanəziw gəni.
17Vi ɗii meɓɓet dəkayanən gən Ɗəfdaya,
vi ɗii pak məs nəyə dəsoŋ gən ɗii nawa.
18Vaski Ɗəfdaya anahə, məs dərban zəga pak daga far laŋka.
19Zakuba aməsək wənaha, amna: Naw nənah na, məzleɓet ɗii məs Yahudiyenɗeŋ ɓaŋ ɓa, dakpaŋ aza Maŋgəlva ɓa. 20Ɗəɗaah məver səm sit na: Adawzəmaŋ slu mətaw wəlan ama tuya ɓa, adaɗɗaŋ mana'a ɓa, adawzəmaŋ zəga məs mərrəsl wəlan dərrəsl ɓa, adaw zəmaŋ mbel ɓa. 21Vi daga laŋka, ɗii tahəŋ wəŋɗanən ma henziŋ na Moyis adəv gəla nawpel wənnet Yahudiyenɗe taka taka pak pay naffete*, apelinik wənnan adəv ma henziŋ na Moyis sit ɗiiyi.
Asləŋgənək ɗerewel azet ɗii dətafaŋ məza Yahudiyenɗeŋ ɓa
22Yaskan masləŋɗe dit ɗii gugiriɗ net kretiyenɗe, aslereŋ aweleŋ ɗii sə waleŋti, vi kaw slinit a Antakiya də Pol gəm Barnabas. Awelinik Zuda məs adawyaŋ na Barsabas, gəm Silas. Ndəɗaŋ sula pak ɗii təstəssəŋ azet Kretiyenɗe. 23Asliŋninik də ɗerewel nani:
Mənam masləŋɗe dit ɗii gugiriɗ net kretiyenɗe, milmiŋgiɗkum, məslənək wəsɗa nam azet milmiŋgiɗəm məza Yahudiyenɗeŋ ɓa, məs dədasoŋ a Antakiya də Siriya gəm Silikiya. 24Məpprəmək na, ɗii sə walaŋgəm aduwaŋgək anokumda, aɓlokumənka, afayokumənək də wəpel neti, ya amma mənamtə məsliŋ ɓa. 25Vini məkkalə, məsler aka uwel ɗii na sləna, kaw slinit azokum, də mbataŋ gən də Barnabas gəm Pol ndəɗaŋgəŋ ɗii məs məŋgələ. 26Ndəɗaŋgəŋ məs dəzaɓanən zit napan zeŋgillet vi iya na Ɗəfdaya nam Zezu Krestu. 27Ndəni bo məsləŋ Zuda də Silas. Net bo wanah sukumən an məs məver sukum. 28Əmpəs Salala, də mənam pak məɗumək na mədawɗi sukum zəga dayki wən məs mənah sukum əmpa ɓa. 29Kədawzəmaŋ slu mətaw wəlan ama tuya ɓa, kədawzəmaŋ mbel ɓa, kədaw zəmaŋ zəga mərrəsl wəlan dərrəsl ɓa, kədaɗɗaŋ mana'a ɓa. An kəganənək zukum səza zəgas pak na, kəɗɗaŋgək mogoni. Məsoŋ zamə.
30Asliŋninik masləŋɗe neki, masləŋɗe ambataŋgək a Antakiya. Adan agapaŋ adaka, akkeletinik ɗii na Maŋgəlva pakə, apsitinik ɗerewel naka. 31Yaŋ aŋɗanəni, adan apprəmən wənnan na, anekək makret diiɗa asɓetike. 32Zuda də Silas anahsitinik labara diiɗa, vi kasɓeti dəsoŋ gən də sembe vi may Zuda sən kiyit bo məs kleŋɗeŋ. 33Yas avunoŋ adak suɗike, yaŋ milmiŋgiɗit alhetini, amilyoŋ azet ɗii məs də slinini. 34[Amma na Silas asanək adaka.]
35Pol də Barnabas avunoŋguk a Antakiya sawɓa. Ndəɗaŋ dit ɗii meɓɓet diiɗa, tahəŋ wərbanən zəga sit ɗii də wəpel sit wənna Ɗəfdaya.
Pol awɗakək də Barnabas
36Adan avunoŋ suɗike kana, Pol apsən Barnabas na: Amndam səm ule milmiŋgiɗəm məs məpel sit labara na Ɗəfdaya neki, mule gən va asoŋ ɗa. 37Yaŋ Barnabas adaŋgla wəka Zaŋ məs adawyaŋ na Markus dənɗaŋ. 38Amma Pol dəŋgəm ɓa, vi Markus apetik aka tive a Pamfiliya, amilik dirɓe dəgrak wəza məs atəŋ ɓa. 39Wən memeɗeŋ agəɗək awaleŋgti, ha awɗakaŋka. Barnabas agəmək Markus, atoŋgoŋguk adəv bəlay ambataŋgək a Kiprus. 40Pol tamə, awelik Silas ambataŋka. Milmiŋgiɗit apan sitinik mbəlembəle na Maŋgəlva. 41Pol ambatək aka dələv na Siriya də Silikiya asɓetik Kretiyenɗe.
Currently Selected:
Wəza net Masləŋɗe 15: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Wəza net Masləŋɗe 15
15
Wəkkal a Zerusalem
1Ɗii meɓɓet sə Zude, azoŋguk a Antakiya, atəŋgaŋgək wərban sitin zəga, apsitin na: Kəkohoŋ na ɓa, say an kədoŋguk wəskəl awra, va ma henziŋ na Moyis anahə. 2Pol də Barnabas abayaŋgək ma dənɗaŋ diiɗa aka wənnəs sawɓa. Vini aslereŋ də Pol gəm Barnabas dit ɗii na Antakiya meɓɓeti, dəmbataŋ gən a Zerusalem wədawtawan wənnan dit masləŋɗe gəm ɗii gugiriɗ net Kretiyenɗe.
3Ndəni kan ɗii na Maŋgəlva aslinin adaka, daga adawtoŋgoŋ kla Finikiya də Samariya, anahsitinik Yahudiyenɗe məs dətafaŋ wənnet ɗii məs Yahudiyenɗeŋ ɓa atafənək Maŋgəlva, wənnan anekək zit sawɓa. 4Adan agapaŋ a Zerusalem, ɗii məs dətafaŋ dit masləŋɗe gəm ɗii gugiriɗ net kretiyenɗe atefinik anetda, anahsitinik va Maŋgəlva agəɗ sit pakə. 5Amma ɗii məs aweleŋgit Farisiyenɗe* laŋka məs dətafaŋ kana, asilyoŋko aɓɗaŋ na: Say dəsbanən wənna əskəl awra, də ma henziŋ na Moyis pakə.
6Masləŋɗe dit ɗii gugiriɗ net kretiyenɗe, akkalaŋka kawla wənnani. 7Adan anziyaŋ aka wəpelən wənnani, Piyer asilke, amna: Milmiŋgiɗwa kəsənənka daga farfarə Maŋgəlva awelwəka, nərban gən labara nenek azet ɗii məza Yahudiyenɗeŋ ɓa, dəpprəmən gəni, dətafən gəni. 8Maŋgəlva məs dəsən makret ɗii pakə. Arbanək na atafək wəpsit Əmpəs Salala sit ɗii məza Yahudiyenɗeŋ ɓa, va apsəmə. 9Duɗakan walaŋgəm dənɗaŋ ɓa, atafənka aviyan sitik mambray neti. 10Vini kana, kami mədaŋgla wərakan Maŋgəlva də wəɗi sit zəga nawsla an tuwãh diiɗa di? An ko mənamə ko dəhiŋgiɗmə kaw ɓapi wəslan ɓa. 11Va mətafa, waməkoh də mbəlembəle na Ɗəfdaya nam Zezu, net bo vaski adawkohoŋ.
12Ɗii pak asoŋguk sləɓəkə, apprəmənək an Barnabas də Pol adawpel sitin aka wənna sokeneɗ məs Maŋgəlva agəɗ dənɗaŋ aweleŋgit ɗii məza Yahudiyenɗeŋ ɓa. 13Adan agrakən wəpel neti, Zakuba asilke, amna: Məpak sləmokum ɗa milmiŋgiɗwa! 14Kakaŋ na kəpprəmənək va Simoŋ anah sukum, va Maŋgəlva atəŋ wəɗum aket ɗii məza Yahudiyenɗeŋ ɓa, yaŋ awel ɗii meɓɓet suweleŋgit dəsoŋ gən ɗii nani. 15Wəpel net məs kleŋɗe aslək də wənnəska, va məverin na:
16Ɗəfdaya amna: Dərɓagan na, wanəmili
wanərka gəla na Davit məs dəɓəslə,
wanəziw gəni.
17Vi ɗii meɓɓet dəkayanən gən Ɗəfdaya,
vi ɗii pak məs nəyə dəsoŋ gən ɗii nawa.
18Vaski Ɗəfdaya anahə, məs dərban zəga pak daga far laŋka.
19Zakuba aməsək wənaha, amna: Naw nənah na, məzleɓet ɗii məs Yahudiyenɗeŋ ɓaŋ ɓa, dakpaŋ aza Maŋgəlva ɓa. 20Ɗəɗaah məver səm sit na: Adawzəmaŋ slu mətaw wəlan ama tuya ɓa, adaɗɗaŋ mana'a ɓa, adawzəmaŋ zəga məs mərrəsl wəlan dərrəsl ɓa, adaw zəmaŋ mbel ɓa. 21Vi daga laŋka, ɗii tahəŋ wəŋɗanən ma henziŋ na Moyis adəv gəla nawpel wənnet Yahudiyenɗe taka taka pak pay naffete*, apelinik wənnan adəv ma henziŋ na Moyis sit ɗiiyi.
Asləŋgənək ɗerewel azet ɗii dətafaŋ məza Yahudiyenɗeŋ ɓa
22Yaskan masləŋɗe dit ɗii gugiriɗ net kretiyenɗe, aslereŋ aweleŋ ɗii sə waleŋti, vi kaw slinit a Antakiya də Pol gəm Barnabas. Awelinik Zuda məs adawyaŋ na Barsabas, gəm Silas. Ndəɗaŋ sula pak ɗii təstəssəŋ azet Kretiyenɗe. 23Asliŋninik də ɗerewel nani:
Mənam masləŋɗe dit ɗii gugiriɗ net kretiyenɗe, milmiŋgiɗkum, məslənək wəsɗa nam azet milmiŋgiɗəm məza Yahudiyenɗeŋ ɓa, məs dədasoŋ a Antakiya də Siriya gəm Silikiya. 24Məpprəmək na, ɗii sə walaŋgəm aduwaŋgək anokumda, aɓlokumənka, afayokumənək də wəpel neti, ya amma mənamtə məsliŋ ɓa. 25Vini məkkalə, məsler aka uwel ɗii na sləna, kaw slinit azokum, də mbataŋ gən də Barnabas gəm Pol ndəɗaŋgəŋ ɗii məs məŋgələ. 26Ndəɗaŋgəŋ məs dəzaɓanən zit napan zeŋgillet vi iya na Ɗəfdaya nam Zezu Krestu. 27Ndəni bo məsləŋ Zuda də Silas. Net bo wanah sukumən an məs məver sukum. 28Əmpəs Salala, də mənam pak məɗumək na mədawɗi sukum zəga dayki wən məs mənah sukum əmpa ɓa. 29Kədawzəmaŋ slu mətaw wəlan ama tuya ɓa, kədawzəmaŋ mbel ɓa, kədaw zəmaŋ zəga mərrəsl wəlan dərrəsl ɓa, kədaɗɗaŋ mana'a ɓa. An kəganənək zukum səza zəgas pak na, kəɗɗaŋgək mogoni. Məsoŋ zamə.
30Asliŋninik masləŋɗe neki, masləŋɗe ambataŋgək a Antakiya. Adan agapaŋ adaka, akkeletinik ɗii na Maŋgəlva pakə, apsitinik ɗerewel naka. 31Yaŋ aŋɗanəni, adan apprəmən wənnan na, anekək makret diiɗa asɓetike. 32Zuda də Silas anahsitinik labara diiɗa, vi kasɓeti dəsoŋ gən də sembe vi may Zuda sən kiyit bo məs kleŋɗeŋ. 33Yas avunoŋ adak suɗike, yaŋ milmiŋgiɗit alhetini, amilyoŋ azet ɗii məs də slinini. 34[Amma na Silas asanək adaka.]
35Pol də Barnabas avunoŋguk a Antakiya sawɓa. Ndəɗaŋ dit ɗii meɓɓet diiɗa, tahəŋ wərbanən zəga sit ɗii də wəpel sit wənna Ɗəfdaya.
Pol awɗakək də Barnabas
36Adan avunoŋ suɗike kana, Pol apsən Barnabas na: Amndam səm ule milmiŋgiɗəm məs məpel sit labara na Ɗəfdaya neki, mule gən va asoŋ ɗa. 37Yaŋ Barnabas adaŋgla wəka Zaŋ məs adawyaŋ na Markus dənɗaŋ. 38Amma Pol dəŋgəm ɓa, vi Markus apetik aka tive a Pamfiliya, amilik dirɓe dəgrak wəza məs atəŋ ɓa. 39Wən memeɗeŋ agəɗək awaleŋgti, ha awɗakaŋka. Barnabas agəmək Markus, atoŋgoŋguk adəv bəlay ambataŋgək a Kiprus. 40Pol tamə, awelik Silas ambataŋka. Milmiŋgiɗit apan sitinik mbəlembəle na Maŋgəlva. 41Pol ambatək aka dələv na Siriya də Silikiya asɓetik Kretiyenɗe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.