Wəza net Masləŋɗe 8
8
Sol azəm gitik saha net kretiyenɗe
1Dəpasna wəzəm saha metiŋgin adek aket kretiyenɗe, a Zerusalem. Atrayaŋgək awalaŋ gəla na ma poho na Zude də Samariya, say masləŋɗe dəplaŋ kaaka adaka. 2Ɗii meɓɓet məzu geslne'eŋ sənən Maŋgəlva andəkənək Etiyen, ahəmaŋgək a gəlabay nan diiɗa sawɓa.
3Amma Sol akayək tive naw bey kretiyenɗe. Ambatək aza memeŋle pakə armek kretiyenɗe, zel dit gil pakə, asgetik a daŋgay pakə.
Ɗii na Samariya tahəŋ wəpprəmən labara na Zezu
4Kretiyenɗe məs də trayaŋ neki, apelinik labara na Zezu ko aŋga atəki məs agapaŋ pakə. 5Filip ambatək awalaŋ gəla metiŋ na Samariya, atəŋgək wərban labara na Messiya* sit ɗii nadaka. 6Adan ɗii apprəmən labara nani, zit anekək dəndən awlanənək sokeneɗ məs agəɗɗə. 7Witem mbrayen diiɗa agilik səket ɗii diiɗa də vamvəlla. Ɗii məmbər sit diiɗa bo ambəlaŋka. 8Ɗii na Samariya annekenənək zit sawɓa.
9Awalaŋ gəla metiŋ vani, ɗəf maɓɓan tayadaka, iya nan na Simoŋ. Ɗii na Samariya aɗɗaŋgək gərəŋ aka wəza nani. Amna, ndəni ɗəf metiŋgini. 10Vini kan ɗii na walaŋ gəla metiŋ ɗii gugiriɗ dit kirin gewleɗ pak zit neki də an məs adawpele. Aɓɗaŋ na: Simoŋ vani sembe na Maŋgəlva məs adawyaŋ na sembe metiŋgini. 11Wən nan anziyək də ɗii əgətaŋ akan vas sawɓa, ndəni ada soŋ zit nek də wənnani. 12Adan Filip anahsit labara nenek na məlĩ na Maŋgəlva də iya na Zezu Krestu, atafənək labara nani, zel dit gil pak atafənək baptem. 13Simoŋ bo atafək wənnani, yaŋ ataf baptem, asbanək Filip, adan awla sokeneɗ məs Filip adaɗɗa, agətka.
14Adan masləŋɗe na Zerusalem apprəmən na, ɗii na Samariya atafənək labara nenek na Maŋgəlva, asliŋninik may Piyer də Zaŋ azeti. 15Adan may Piyer də Zaŋ agapaŋ adaka, akkamanənək Maŋgəlva dəpsit gən Əmpəs Salala nan sit ɗii məs dətafaŋ. 16Vi ɗii na Samariya baptem də iya na Ɗəfdaya Zezu arəhaŋ kaaka'ə, ɗəf tay dərah Əmpəs Salala tagay ɓa. 17Yaŋ may Piyer də Zaŋ aɗiyən vet aketi, arəhaŋ Əmpəs Salala.
18Adan Simoŋ awla ɗii məs dətafaŋ arəhaŋgək Əmpəs dərɓaga masləŋɗe aɗiyən vet aketi, yaŋ apsit deleɗ sit may Piyer də Zaŋ, 19apsit na: Məvay su sembe van tam ko naway məs nədawɗi vaw akan pak dərah gən Əmpəs Salala. 20Amma Piyer azlansənək na: Maŋgəlva dəzet deleɗ nok də zəknok pakə. 21Haran nok tayara wənnəŋ ɓa, istatara wəza nam ɓa, vi mokrok tay taka də Maŋgəlva ɓa. 22Atubiyə vi mambray noko, akkaman Maŋgəlva, waviyan suk mambray məs kəɗuməs soko. 23Nulaka makrok tərahi, mambray adayək kiko. 24Yaŋ Simoŋ akkaman Piyer də Zaŋ: Kamə, məkkaman Ɗəfdaya, vi məs kənnəhaŋ adaɗɗa azaw vas ɓa.
25Dərɓaga Piyer də Zaŋ aɗɗaŋ saydawa arbanənək wənna Ɗəfdaya, tahəŋ wəmilyoŋ a Zerusalem. Daw milyo neti, arbanənək labara nenek awalaŋ gəleɗe temtem diiɗa aka tive dawmbata, aka dələv na Samariya.
Filip də ɗəf na Etiyopiya
26Maslay na Ɗəfdaya apsən Filip na: Asili, dok dəka tive an nambat kla dohoŋ an dəsil sə Zerusalem dəmbat a Gaaza. (Ɗii apanənək wədaw aka tive nani). 27-28Filip asilke, ambatka, arəhək ɗəf na Etiyopiya adaka, ɗəf van mərgani tay mbata ngili. Ɗəf metiŋgi, ndən dədarma deleɗ nat Kandake ndətə tədawzəm məlĩ aka dələv na Etiyopiya. A Zerusalem ambatə wədawzulisən Maŋgəlva, yas kan adamndan də mawta net pəlseŋge* nani, dadanəŋ bo, yaŋ adaŋɗan ɗerewel na məs kleŋ Ezayi. 29Yaŋ Əmpəs Salala apsən Filip na: Asban mawta nakdəh dit pəlseŋge ndaka. 30Yaŋ Filip asban də wənzuwa, arəhək tayəŋɗan ɗerewel na məs kleŋ Ezayi, yaŋ assohoni: Kəsənək gabba an məs kədaŋɗan van sa? 31Ɗəf na Etiyopiya nak amna: Mbari kan nədawsənən ɗəf tay naw boton su gaban ɓaŋ di? Akkamanək Filip dəpeŋ gən adəv mawta zani, məs pəlseŋge adakdəhaŋ naka, Filip apeŋke, asanək amaŋgavani. 32Aŋki məs adaŋɗan adəv ɗerewel vani:
Tay va time məs adawkaŋ kawtaw wəlani,
va təmaŋ məza taw həm ɓa,
ko an ɗəf nan tay taw zenze nat zlaŋ taw həm ɓa.
Vaski bo dəkol man wəpel wən ɓa.
33Amnda ganənək muzliya.
Atakənək dawpele.
Naway nawpel wənna əlfa nan di?
Vi agrakənək zeŋgillen səka dələv pakə.
34Ɗəf Etiyopiya apsən Filip na: Anah su ɗa, aka naway məs kleŋ nan adawpel di? Aka zən adawpel sa, walla aka ɗəf maɓɓani? 35Filip atəŋgək wəpel sən aka təki nani, anahsənək labara nenek na Zezu. 36Adan adadoŋ aka tive dəndən, agapaŋgək atəki net iŋkile, ɗəf na Etiyopiya amna: Ya iŋkile yeŋki, ya mi dəda taku darəh baptem di? 37[Filip apsən na: Wagəɗə an kətafək də makrok taka. Azlanəka: Nətafək na Zezu Krestuwi Wətən Maŋgəlva*.] 38Yaŋ aziw gən mawta nan naka. Aprikeŋke ndən də Filip pak atoŋgoŋguk aret iŋkile, Filip aɗɗasənək baptem. 39Adan agulyoŋ səret iŋkile, Əmpəs na Ɗəfdaya aslanək Filipi. Ɗəf na Etiyopiya dula ɗaah Filip əmpa ɓa. Tay mbat zəga nan də zən nek diiɗa. 40Filip arəhək zən a Azotus. Abalək awalaŋ gəleɗe pakə, tayərban sit labara na Zezu, ha gap awalaŋ gəla na Kaysariya.
Currently Selected:
Wəza net Masləŋɗe 8: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Wəza net Masləŋɗe 8
8
Sol azəm gitik saha net kretiyenɗe
1Dəpasna wəzəm saha metiŋgin adek aket kretiyenɗe, a Zerusalem. Atrayaŋgək awalaŋ gəla na ma poho na Zude də Samariya, say masləŋɗe dəplaŋ kaaka adaka. 2Ɗii meɓɓet məzu geslne'eŋ sənən Maŋgəlva andəkənək Etiyen, ahəmaŋgək a gəlabay nan diiɗa sawɓa.
3Amma Sol akayək tive naw bey kretiyenɗe. Ambatək aza memeŋle pakə armek kretiyenɗe, zel dit gil pakə, asgetik a daŋgay pakə.
Ɗii na Samariya tahəŋ wəpprəmən labara na Zezu
4Kretiyenɗe məs də trayaŋ neki, apelinik labara na Zezu ko aŋga atəki məs agapaŋ pakə. 5Filip ambatək awalaŋ gəla metiŋ na Samariya, atəŋgək wərban labara na Messiya* sit ɗii nadaka. 6Adan ɗii apprəmən labara nani, zit anekək dəndən awlanənək sokeneɗ məs agəɗɗə. 7Witem mbrayen diiɗa agilik səket ɗii diiɗa də vamvəlla. Ɗii məmbər sit diiɗa bo ambəlaŋka. 8Ɗii na Samariya annekenənək zit sawɓa.
9Awalaŋ gəla metiŋ vani, ɗəf maɓɓan tayadaka, iya nan na Simoŋ. Ɗii na Samariya aɗɗaŋgək gərəŋ aka wəza nani. Amna, ndəni ɗəf metiŋgini. 10Vini kan ɗii na walaŋ gəla metiŋ ɗii gugiriɗ dit kirin gewleɗ pak zit neki də an məs adawpele. Aɓɗaŋ na: Simoŋ vani sembe na Maŋgəlva məs adawyaŋ na sembe metiŋgini. 11Wən nan anziyək də ɗii əgətaŋ akan vas sawɓa, ndəni ada soŋ zit nek də wənnani. 12Adan Filip anahsit labara nenek na məlĩ na Maŋgəlva də iya na Zezu Krestu, atafənək labara nani, zel dit gil pak atafənək baptem. 13Simoŋ bo atafək wənnani, yaŋ ataf baptem, asbanək Filip, adan awla sokeneɗ məs Filip adaɗɗa, agətka.
14Adan masləŋɗe na Zerusalem apprəmən na, ɗii na Samariya atafənək labara nenek na Maŋgəlva, asliŋninik may Piyer də Zaŋ azeti. 15Adan may Piyer də Zaŋ agapaŋ adaka, akkamanənək Maŋgəlva dəpsit gən Əmpəs Salala nan sit ɗii məs dətafaŋ. 16Vi ɗii na Samariya baptem də iya na Ɗəfdaya Zezu arəhaŋ kaaka'ə, ɗəf tay dərah Əmpəs Salala tagay ɓa. 17Yaŋ may Piyer də Zaŋ aɗiyən vet aketi, arəhaŋ Əmpəs Salala.
18Adan Simoŋ awla ɗii məs dətafaŋ arəhaŋgək Əmpəs dərɓaga masləŋɗe aɗiyən vet aketi, yaŋ apsit deleɗ sit may Piyer də Zaŋ, 19apsit na: Məvay su sembe van tam ko naway məs nədawɗi vaw akan pak dərah gən Əmpəs Salala. 20Amma Piyer azlansənək na: Maŋgəlva dəzet deleɗ nok də zəknok pakə. 21Haran nok tayara wənnəŋ ɓa, istatara wəza nam ɓa, vi mokrok tay taka də Maŋgəlva ɓa. 22Atubiyə vi mambray noko, akkaman Maŋgəlva, waviyan suk mambray məs kəɗuməs soko. 23Nulaka makrok tərahi, mambray adayək kiko. 24Yaŋ Simoŋ akkaman Piyer də Zaŋ: Kamə, məkkaman Ɗəfdaya, vi məs kənnəhaŋ adaɗɗa azaw vas ɓa.
25Dərɓaga Piyer də Zaŋ aɗɗaŋ saydawa arbanənək wənna Ɗəfdaya, tahəŋ wəmilyoŋ a Zerusalem. Daw milyo neti, arbanənək labara nenek awalaŋ gəleɗe temtem diiɗa aka tive dawmbata, aka dələv na Samariya.
Filip də ɗəf na Etiyopiya
26Maslay na Ɗəfdaya apsən Filip na: Asili, dok dəka tive an nambat kla dohoŋ an dəsil sə Zerusalem dəmbat a Gaaza. (Ɗii apanənək wədaw aka tive nani). 27-28Filip asilke, ambatka, arəhək ɗəf na Etiyopiya adaka, ɗəf van mərgani tay mbata ngili. Ɗəf metiŋgi, ndən dədarma deleɗ nat Kandake ndətə tədawzəm məlĩ aka dələv na Etiyopiya. A Zerusalem ambatə wədawzulisən Maŋgəlva, yas kan adamndan də mawta net pəlseŋge* nani, dadanəŋ bo, yaŋ adaŋɗan ɗerewel na məs kleŋ Ezayi. 29Yaŋ Əmpəs Salala apsən Filip na: Asban mawta nakdəh dit pəlseŋge ndaka. 30Yaŋ Filip asban də wənzuwa, arəhək tayəŋɗan ɗerewel na məs kleŋ Ezayi, yaŋ assohoni: Kəsənək gabba an məs kədaŋɗan van sa? 31Ɗəf na Etiyopiya nak amna: Mbari kan nədawsənən ɗəf tay naw boton su gaban ɓaŋ di? Akkamanək Filip dəpeŋ gən adəv mawta zani, məs pəlseŋge adakdəhaŋ naka, Filip apeŋke, asanək amaŋgavani. 32Aŋki məs adaŋɗan adəv ɗerewel vani:
Tay va time məs adawkaŋ kawtaw wəlani,
va təmaŋ məza taw həm ɓa,
ko an ɗəf nan tay taw zenze nat zlaŋ taw həm ɓa.
Vaski bo dəkol man wəpel wən ɓa.
33Amnda ganənək muzliya.
Atakənək dawpele.
Naway nawpel wənna əlfa nan di?
Vi agrakənək zeŋgillen səka dələv pakə.
34Ɗəf Etiyopiya apsən Filip na: Anah su ɗa, aka naway məs kleŋ nan adawpel di? Aka zən adawpel sa, walla aka ɗəf maɓɓani? 35Filip atəŋgək wəpel sən aka təki nani, anahsənək labara nenek na Zezu. 36Adan adadoŋ aka tive dəndən, agapaŋgək atəki net iŋkile, ɗəf na Etiyopiya amna: Ya iŋkile yeŋki, ya mi dəda taku darəh baptem di? 37[Filip apsən na: Wagəɗə an kətafək də makrok taka. Azlanəka: Nətafək na Zezu Krestuwi Wətən Maŋgəlva*.] 38Yaŋ aziw gən mawta nan naka. Aprikeŋke ndən də Filip pak atoŋgoŋguk aret iŋkile, Filip aɗɗasənək baptem. 39Adan agulyoŋ səret iŋkile, Əmpəs na Ɗəfdaya aslanək Filipi. Ɗəf na Etiyopiya dula ɗaah Filip əmpa ɓa. Tay mbat zəga nan də zən nek diiɗa. 40Filip arəhək zən a Azotus. Abalək awalaŋ gəleɗe pakə, tayərban sit labara na Zezu, ha gap awalaŋ gəla na Kaysariya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.