Wəza net Masləŋɗe 9
9
Sol atafək Zezu
(Wəza net Masləŋɗe 22.6-16; 26.12-18)
1Dəpaski ləŋ Sol atəŋ wəzəm git saha net məzərbanən wənna Ɗəfdaya, tay keyet kawbayti. Ambatək aza daya net məs dəlveŋge. 2Assohonək dəver sənən gən ɗerewelɗe azet ɗii gugiriɗ nadəv gəla nawpel wənnet Yahudiyenɗe a Damas. Aŋlu vas na kuzuŋ warah ɗii məzərbanən wənna Ɗəfdaya adak na, zel dit gil pak karmeti, kawkiyit a Zerusalem.
3Adan adadan aka tive, gu'o nawgap a Damas, vaski ləŋ təki babar ade sə disiŋ, kiyən tuwəɗə. 4Asbərək afuŋ, apprəmək wəlla ɗəf dawnahsən na: Sol, Sol, vimi kədaw kayan mamaw vaŋ di? 5Yaŋ Sol assohoni: Nawa kənan di Ɗəfdaya? Yaŋ wəla ɗəf nak azlansən na: Əntə Zezu məs kədaw kayan mawa. 6Asili, doko awalaŋ gəla. Adak na wanah sukun məs kədaɗɗa. 7Ɗii məs dədadoŋ də Sol aziweŋke, dəpeleŋ ko mi ɓa, apprəmənək wəla ɗəf dawpele, amma dulaŋ ɗəf ɓa. 8Sol asilke, aziwke, akoluk harani, amma dəɓap ula təki ɓa. Ndəni kan armanən van wəkdahən, akanənək a Damas. 9Wəvoŋ hoku dəɓap ula ɓa, dəɓap wəzəm ɓa, də səə zəga ɓa bo.
10Ɗəf dətaf Maŋgəlva taya Damas vani, iya nan na Ananiyas. Yaŋ Ɗəfdaya aya də wəsine. Ananiyas, azlanəka: Oowi Ɗəfdaya. 11Ɗəfdaya apsən na: Asili, dok dəka tive an sarara eŋgil ana Zudas da, assohon ɗəf məs adawyaŋ na Sol ɗəf na Tarsus tay zuliya. 12Də wəsine nani awlak ɗəf məs adawyaŋ na Ananiyas dawtoŋ azani, aɗiyək van akani, vi dərah gən ula əmpa. 13Ananiyas azlanəka: Ɗəfdaya, ɗii diiɗa anahaŋ suwənək wənna ɗəfəska, anah suwənək na azəm gitik saha net ɗii nok a Zerusalem sawɓa. 14Yaŋ ade aŋkəŋ əmpa dəka wəsler dit ɗii gugiriɗ net məs dəlveŋgeyi, vi karma ko naway məzuya iya noko.
15Ɗəfdaya apsən na: Doko, kakaŋ na, nəwelik dəgəɗ suwə gən wəza, dərban gən iya naw azet ɗii meɓɓeti gəm azet məlyeŋge də azet ɗii na Israyel. 16In sən kiwa wanərban səna wazəm saha də wəza nawa.
17Yaŋ Ananiyas ambatə, atoŋguk eŋgil naka, aɗiyək van aka Sol. Amna: Sol məlmuwa, Ɗəfdaya nam Zezu də slənwa, ndəni məs dərban zən azok aka tive dazokəŋka. Aslənwək azoko ka kəməs gən ula, kərah gən sembe na Əmpəs Salala. 18Yas ləŋ zəga agil səra Sol va kosloporo, haran akolko. Asilke, atafək baptem. 19Yaŋ kan azəm waya, aməs ərəh sembe nani.
Sol tay pel wənna Zezu a Damas
Sol anziyək dit ɗii na Maŋgəlva pay suɗike a Damas. 20Go'ləŋ ambatək adəv gəla nawpel wənnet Yahudiyenɗe temtemi, apelik wənna Zezu. Amna: Ndəni Wətən Maŋgəlva*.
21Ɗii məs dəpprəmən wəpel nan pak agətaŋgək akani, aɓɗaŋ na: Ndəni dədawbay ɗii məs dətafən Zezu a Zerusalem nak ɓa sa? Ade aŋ bo na vi kermeti, kawket sit ɗii gugiriɗ net məs dəlveŋgeyi ɓa sa?
22Amma wərba wənna Sol aməsək wəter wəraya. Yahudiyenɗe na Damas pak dəɓapaŋ wəbayaŋ ma dəndən ɓa, adan arban sit na Zezuwi Messiya*.
23Dərɓaga wəvoŋ diiɗa, Yahudiyenɗe aslerinik meti, kawbay Sol. 24Amma apprəmək an aɗumoŋ nawgəɗsəni, dəfəɗ də kapay pak tahəŋ wəganən memeŋle na walaŋ gəla neti, vi kawbayən. 25Amma dəfəɗ maɓɓani, bayneŋgiɗ Sol aslanənka aɗiyənək adəv keŋkele agil gənənək kla ma mazutuwu na zlava na dəlva (va wənahna agilginik dəmba zlawa).
Sol amilik a Zerusalem
26Sol amilik a Zerusalem, akayək tive nasap dit ɗii na Maŋgəlva. Amma ndəɗaŋ pak ageslne'eŋ sənənka, də ngereŋ də wənnan na, nan bo akpaŋgək ɗəf na Maŋgəlva ɓa. 27Yaŋ Barnabas agəma, akak azet ɗii na Maŋgəlva, anah sitik va Sol awla Ɗəfdaya aka tive də an məs Ɗəfdaya apelsəni, va Sol arban wənna Zezu a Damas, məza də geslne ɓa. 28Yaŋ asan dənɗaŋ, tayəbal a Zerusalem, tayərban wənna Ɗəfdaya məza də geslne ɓa. 29Tay pel əmpa, tay bay ma dit Yahudiyenɗe məzu peleŋ met Grekɗe, amma neti, akayaŋgək tive kawbayni. 30Adan milmiŋgiɗin apprəmən wənnani, akanənək Sol a Kaysariya, asmaɗ gənənək a Tarsus.
31Ndəni kan kretiyenɗe naka dələv na Zude na Galile dit na Samariya pak asoŋguk zamə, məza wəzəm saha ɓa. Asɓanənək ziti, asuwaŋgək adəv geslne na Ɗəfdaya, tahəŋ wənzləraŋ aketi, vi Əmpəs Salala tay san dənɗaŋ.
Wəmbel gən Ayne'as
32Piyer tayəbal aka dələv pak ko aŋga, pay maɓɓani ambatək ule ɗii na Maŋgəlva a Lidda. 33Yaŋ arəh ɗəf də gbəgba' meɗeŋreŋ, iya nan na Ane'as tay ɗuffo aka zəga naw voŋ nani, awɓap wəsilyan ɓa, wəsva dədopoɗo. 34Yaŋ Piyer apsən na: Ane'as, Zezu Krestu tay mbəl guko. Asili, azaɓan zəga nawvoŋ noko. Vaski kan ləŋgə asilke. 35Ɗii na Lidda də Saron pak awlanənka, yaskan net bo atafən Ɗəfdaya.
Tabita təsilik sətəki əmta
36Awalaŋ gəla na Zoppe, ɗak tatadaka, iya nat na Tabita, ɗak na Maŋgəlva tə. (Də manet Grekɗe na iya nat na Dorkas, va wənah na mune). Pay pak tatəɗɗa wəza mogoni, tatə baah sit məzurayɗe. 37Təgəɗək gbəgba'a ha ndət zam kana, aslay tənək kana, avoŋgətənək adəv gəla ana disiŋ. 38Adan dələv na Lidda bo tay faraɗa də Zoppe ɓa, ɗii na Maŋgəlva na Zoppe apprəmənək na, Piyer tayadaka, aslənaŋgək ɗii sula azani, akkamanənka, agəm zuko ade annamda ɗa. 39Go'ləŋ Piyer ambatək dənɗaŋ. Adan agapə, akanənək adəv gəla anna disiŋ naka. Gil net gəbayɗe akaraŋgək kiita, tayəhəmaŋ tayərban sənən Piyer godoɗe dit lukutɗe məs tədawhõh daga tədawsat egge. 40Piyer agil gitik ɗii pak səzata, akdukuk afuŋ azulika. Yaŋ akpaŋ aza gəbay nata, apsət na: Tabita asili. Tabita təkoluk harata, tulak Piyer, təsilke, təsatək də gabbata. 41Piyer armak vata, asil gətək ziwi. Yaŋ aye gil net gəbayɗe neki dit ɗii na Maŋgəlva pakə, arbatək Dorkas sit ɗii na, madaratə. 42Labara nan atrayək azet ɗii na Zoppe pakə, ɗii diiɗa atafənək Ɗəfdaya. 43Piyer avoŋguk diiɗa a Zoppe ana Simoŋ milmis gəbaɗe da.
Currently Selected:
Wəza net Masləŋɗe 9: GDRNT85
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.
Wəza net Masləŋɗe 9
9
Sol atafək Zezu
(Wəza net Masləŋɗe 22.6-16; 26.12-18)
1Dəpaski ləŋ Sol atəŋ wəzəm git saha net məzərbanən wənna Ɗəfdaya, tay keyet kawbayti. Ambatək aza daya net məs dəlveŋge. 2Assohonək dəver sənən gən ɗerewelɗe azet ɗii gugiriɗ nadəv gəla nawpel wənnet Yahudiyenɗe a Damas. Aŋlu vas na kuzuŋ warah ɗii məzərbanən wənna Ɗəfdaya adak na, zel dit gil pak karmeti, kawkiyit a Zerusalem.
3Adan adadan aka tive, gu'o nawgap a Damas, vaski ləŋ təki babar ade sə disiŋ, kiyən tuwəɗə. 4Asbərək afuŋ, apprəmək wəlla ɗəf dawnahsən na: Sol, Sol, vimi kədaw kayan mamaw vaŋ di? 5Yaŋ Sol assohoni: Nawa kənan di Ɗəfdaya? Yaŋ wəla ɗəf nak azlansən na: Əntə Zezu məs kədaw kayan mawa. 6Asili, doko awalaŋ gəla. Adak na wanah sukun məs kədaɗɗa. 7Ɗii məs dədadoŋ də Sol aziweŋke, dəpeleŋ ko mi ɓa, apprəmənək wəla ɗəf dawpele, amma dulaŋ ɗəf ɓa. 8Sol asilke, aziwke, akoluk harani, amma dəɓap ula təki ɓa. Ndəni kan armanən van wəkdahən, akanənək a Damas. 9Wəvoŋ hoku dəɓap ula ɓa, dəɓap wəzəm ɓa, də səə zəga ɓa bo.
10Ɗəf dətaf Maŋgəlva taya Damas vani, iya nan na Ananiyas. Yaŋ Ɗəfdaya aya də wəsine. Ananiyas, azlanəka: Oowi Ɗəfdaya. 11Ɗəfdaya apsən na: Asili, dok dəka tive an sarara eŋgil ana Zudas da, assohon ɗəf məs adawyaŋ na Sol ɗəf na Tarsus tay zuliya. 12Də wəsine nani awlak ɗəf məs adawyaŋ na Ananiyas dawtoŋ azani, aɗiyək van akani, vi dərah gən ula əmpa. 13Ananiyas azlanəka: Ɗəfdaya, ɗii diiɗa anahaŋ suwənək wənna ɗəfəska, anah suwənək na azəm gitik saha net ɗii nok a Zerusalem sawɓa. 14Yaŋ ade aŋkəŋ əmpa dəka wəsler dit ɗii gugiriɗ net məs dəlveŋgeyi, vi karma ko naway məzuya iya noko.
15Ɗəfdaya apsən na: Doko, kakaŋ na, nəwelik dəgəɗ suwə gən wəza, dərban gən iya naw azet ɗii meɓɓeti gəm azet məlyeŋge də azet ɗii na Israyel. 16In sən kiwa wanərban səna wazəm saha də wəza nawa.
17Yaŋ Ananiyas ambatə, atoŋguk eŋgil naka, aɗiyək van aka Sol. Amna: Sol məlmuwa, Ɗəfdaya nam Zezu də slənwa, ndəni məs dərban zən azok aka tive dazokəŋka. Aslənwək azoko ka kəməs gən ula, kərah gən sembe na Əmpəs Salala. 18Yas ləŋ zəga agil səra Sol va kosloporo, haran akolko. Asilke, atafək baptem. 19Yaŋ kan azəm waya, aməs ərəh sembe nani.
Sol tay pel wənna Zezu a Damas
Sol anziyək dit ɗii na Maŋgəlva pay suɗike a Damas. 20Go'ləŋ ambatək adəv gəla nawpel wənnet Yahudiyenɗe temtemi, apelik wənna Zezu. Amna: Ndəni Wətən Maŋgəlva*.
21Ɗii məs dəpprəmən wəpel nan pak agətaŋgək akani, aɓɗaŋ na: Ndəni dədawbay ɗii məs dətafən Zezu a Zerusalem nak ɓa sa? Ade aŋ bo na vi kermeti, kawket sit ɗii gugiriɗ net məs dəlveŋgeyi ɓa sa?
22Amma wərba wənna Sol aməsək wəter wəraya. Yahudiyenɗe na Damas pak dəɓapaŋ wəbayaŋ ma dəndən ɓa, adan arban sit na Zezuwi Messiya*.
23Dərɓaga wəvoŋ diiɗa, Yahudiyenɗe aslerinik meti, kawbay Sol. 24Amma apprəmək an aɗumoŋ nawgəɗsəni, dəfəɗ də kapay pak tahəŋ wəganən memeŋle na walaŋ gəla neti, vi kawbayən. 25Amma dəfəɗ maɓɓani, bayneŋgiɗ Sol aslanənka aɗiyənək adəv keŋkele agil gənənək kla ma mazutuwu na zlava na dəlva (va wənahna agilginik dəmba zlawa).
Sol amilik a Zerusalem
26Sol amilik a Zerusalem, akayək tive nasap dit ɗii na Maŋgəlva. Amma ndəɗaŋ pak ageslne'eŋ sənənka, də ngereŋ də wənnan na, nan bo akpaŋgək ɗəf na Maŋgəlva ɓa. 27Yaŋ Barnabas agəma, akak azet ɗii na Maŋgəlva, anah sitik va Sol awla Ɗəfdaya aka tive də an məs Ɗəfdaya apelsəni, va Sol arban wənna Zezu a Damas, məza də geslne ɓa. 28Yaŋ asan dənɗaŋ, tayəbal a Zerusalem, tayərban wənna Ɗəfdaya məza də geslne ɓa. 29Tay pel əmpa, tay bay ma dit Yahudiyenɗe məzu peleŋ met Grekɗe, amma neti, akayaŋgək tive kawbayni. 30Adan milmiŋgiɗin apprəmən wənnani, akanənək Sol a Kaysariya, asmaɗ gənənək a Tarsus.
31Ndəni kan kretiyenɗe naka dələv na Zude na Galile dit na Samariya pak asoŋguk zamə, məza wəzəm saha ɓa. Asɓanənək ziti, asuwaŋgək adəv geslne na Ɗəfdaya, tahəŋ wənzləraŋ aketi, vi Əmpəs Salala tay san dənɗaŋ.
Wəmbel gən Ayne'as
32Piyer tayəbal aka dələv pak ko aŋga, pay maɓɓani ambatək ule ɗii na Maŋgəlva a Lidda. 33Yaŋ arəh ɗəf də gbəgba' meɗeŋreŋ, iya nan na Ane'as tay ɗuffo aka zəga naw voŋ nani, awɓap wəsilyan ɓa, wəsva dədopoɗo. 34Yaŋ Piyer apsən na: Ane'as, Zezu Krestu tay mbəl guko. Asili, azaɓan zəga nawvoŋ noko. Vaski kan ləŋgə asilke. 35Ɗii na Lidda də Saron pak awlanənka, yaskan net bo atafən Ɗəfdaya.
Tabita təsilik sətəki əmta
36Awalaŋ gəla na Zoppe, ɗak tatadaka, iya nat na Tabita, ɗak na Maŋgəlva tə. (Də manet Grekɗe na iya nat na Dorkas, va wənah na mune). Pay pak tatəɗɗa wəza mogoni, tatə baah sit məzurayɗe. 37Təgəɗək gbəgba'a ha ndət zam kana, aslay tənək kana, avoŋgətənək adəv gəla ana disiŋ. 38Adan dələv na Lidda bo tay faraɗa də Zoppe ɓa, ɗii na Maŋgəlva na Zoppe apprəmənək na, Piyer tayadaka, aslənaŋgək ɗii sula azani, akkamanənka, agəm zuko ade annamda ɗa. 39Go'ləŋ Piyer ambatək dənɗaŋ. Adan agapə, akanənək adəv gəla anna disiŋ naka. Gil net gəbayɗe akaraŋgək kiita, tayəhəmaŋ tayərban sənən Piyer godoɗe dit lukutɗe məs tədawhõh daga tədawsat egge. 40Piyer agil gitik ɗii pak səzata, akdukuk afuŋ azulika. Yaŋ akpaŋ aza gəbay nata, apsət na: Tabita asili. Tabita təkoluk harata, tulak Piyer, təsilke, təsatək də gabbata. 41Piyer armak vata, asil gətək ziwi. Yaŋ aye gil net gəbayɗe neki dit ɗii na Maŋgəlva pakə, arbatək Dorkas sit ɗii na, madaratə. 42Labara nan atrayək azet ɗii na Zoppe pakə, ɗii diiɗa atafənək Ɗəfdaya. 43Piyer avoŋguk diiɗa a Zoppe ana Simoŋ milmis gəbaɗe da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gidar New Testament © Bible Society of Cameroon, 1985.