Luka 10
10
Tono i'ora a Iēsū i te au pipi 'itu nga'uru mā rua
1Ē muri akera, kua 'akataka atu rāi te 'Atu i e 'itu nga'uru mā rua pipi kē atu, tātaki tokorua atura i te tono'anga i a rātou nā mua i aia ki te au 'ōire ē te au ngā'i rava rāi tāna i 'akakoro ē, e 'aere katoa aia ki reira. 2#Māt 9.37,38Kua karanga atura aia ki a rātou, “Tē ma'ata 'ua nei te mou, tē iti nei rā te aronga rave 'anga'anga. Ē tēianei, e pati kōtou ki te 'Atu o te mou kia unga mai aia i te au rave 'anga'anga ki tāna kokoti'anga mou ra. 3#Māt 10.16E 'aere kōtou. Inā, tē tono atu nei au i a kōtou mei te au punua māmoe i rotopū i te au luko ra. 4Auraka 'ei kiri moni e tao'i'ia, auraka 'ei pūtē, auraka 'ei tāmaka, auraka e aro'a 'ua atu i te tangata i te arāta'a ra.
5“Ē te 'are tā kōtou e tomo ra, e nā mua i te karanga atu ē, ‘'Ei 'au tō tēianei ngutu'are.’ 6Mē te reira tēta'i tamaiti nō te 'au, e vai rāi tā kōtou 'au i runga a'o i aia; mē kāre rā, ka 'oki 'aka'ou mai ia ki runga a'o i a kōtou. 7#1 Kōr 9.14; 1 Timo 5.18Ē i taua 'are rāi no'o ei, e kai 'ua rāi i te kai, e inu 'ua rāi 'oki i tā rātou e 'ōronga mai. E tau 'oki te rave 'anga'anga i tāna tūtaki. Auraka e 'aere atu mei tēta'i 'are ki tēta'i 'are.
8“Ē te 'ōire tā kōtou e tomo ra, ē kua 'ō'ō mai i a rātou i a kōtou, ka kai kōtou i te kai e tuku'ia mai i mua i tō kōtou aroaro. 9E 'akaora 'oki i tō te reira au maki, ē karanga atu ki a rātou, ‘Kua vaitata mai nei te bāsileia o te Atua ki a kōtou na.’ 10#Anga 13.51Ē te 'ōire tā kōtou e tomo ra, ē kāre rātou e 'ō'ō mai i a kōtou, e 'aere atu kōtou ki va'o ki tō te reira au arāta'a, ē karanga atu ei, 11#Māt 10.7-14; Mār 6.8-11; Luk 9.3-5‘Te one o tō kōtou 'ōire i piri mai ki tō mātou vaevae, tē tāmā atu nei mātou 'ei 'akairo kino ki a kōtou. Inārā, kia pāpū kōtou ē, tē vaitata mai nei te bāsileia o te Atua.’ 12#a: Gen 19.24-28; Māt 11.24; b: Māt 10.15Tē karanga atu nei au ki a kōtou, 'e ngari ake tō Sodoma i te reira 'ōire i taua rā ra.”
Auē te tangi nō te au 'ōire tatarā'arakore
(Mātaio 11.20-24)
13 #
Isa 23.1-18; Ezek 26.1—28.26; Ioel 3.4-8; Amo 1.9,10; Zek 9.2-4 “Auē koe, e Kōrāzina ē! Auē koe, e Betesaida ē! Nāringa 'oki te au 'akairo mana i rave'ia i roto i a kōrua i rave'ia i Tūria ē Sīdona, kua tatarā'ara takere rāua ma te no'o i te re'u a'i ē te kāka'u pā'oa. 14Inārā, 'e ngari ake tō Tūria ē tō Sīdona i a kōrua i te 'akavā'anga. 15#Isa 14.13-15Ē ko koe na 'oki, e Kāperenāuma, ka 'akateitei'ia āinei koe ki te rangi? Ka 'ōpara'ia koe ki raro i te pō!”
16 #
Māt 10.40; Mār 9.37; Luk 9.48; Ioa 13.20 Kua tuatua atura a Iēsū ki tāna au pipi, “Ko te ka 'akarongo mai i a kōtou na, kua 'akarongo mai ia i āku. Ē ko te ka kōpae mai i a kōtou, kua kōpae mai ia i āku. Ē ko te ka kōpae mai i āku ra, kua kōpae ia i aia i tei tono mai i āku nei.”
Tē 'oki mai nei te 'itu nga'uru mā rua
17Kua 'oki 'aka'ou maira te 'itu nga'uru mā rua ra ma te rekareka, kua nā kō maira, “E te 'Atu, kua kauraro katoa mai te au dēmoni i a mātou i tō ingoa na.”
18Kua pa'u atura a Iēsū ki a rātou, “Kua kite au i a Sātani i te topa'anga mei te uira ra nō runga mai i te rangi ra. 19#Sal 91.13Inā, kua 'ōronga atu au ki a kōtou i te mana kia takataka'i 'ua atu ki runga i te au 'ōvī ē te tēkōpio, ē ki runga a'o i te ririnui kātoatoa o te 'enemi. Kāre rava 'e mea e mate ei kōtou. 20Inārā, auraka kōtou e rekareka nō te mea i kauraro te au vaerua i a kōtou. E rekareka rā kōtou nō te mea i tātā'ia tō kōtou au ingoa ki runga i te ao ra.”
Tē rekareka nei a Iēsū
(Mātaio 11.25-27; 13.16-17)
21I taua ora rāi kua rekareka ma'ata a Iēsū i roto i te Vaerua Tapu ē kua karanga atura, “E 'akameitaki au i a koe, e te Metua, te 'Atu nō te rangi ē te 'enua nei, nō te mea, ko koe i 'u'una kē atu i tēianei au mea i te aronga pakari ē te kite, ē kua 'akakite mai ki te tamariki nei. Koia ia, e te Metua ē, 'e mea mareka ia i a koe.
22 # a:
Ioa 3.35; b:
Ioa 10.15
“Kua 'ope rava te au mea katoa i te tuku'ia mai ki āku nei e taku Metua. Kāre rava tēta'i i kite ē ko 'ai te Tamaiti, māri rā ko te Metua, ē ko 'ai te Metua, māri rā ko te Tamaiti ē te tangata tā te Tamaiti e anoano i te 'akakite atu.”
23Kua 'āriu atura aia ki tāna au pipi ē kua tuatua atura ki a rātou anake 'ua, “'E ao tō te mata i 'ākara i te au mea tā kōtou e 'ākara nei! 24E 'akakite atu au ki a kōtou, 'e mānganui te au peroveta ē te 'ui ariki i 'inangaro i te 'ākara i te au mea tā kōtou e 'ākara nei, ē kāre ake nei rātou i 'ākara. Kua 'inangaro rātou i te 'akarongo mai i tā kōtou e 'akarongo nei, ē kāre ake nei i 'akarongo.”
Te tangata Sāmāria meitaki
25 #
Māt 22.35-40; Mār 12.28-34 Ē inā, kua tū akera tēta'i Pū'āpi'i Ture ki runga, kua tīmata maira i a Iēsū, nā kō maira, “E te Pū'āpi'i, 'akapē'ea au nei e rauka ai i āku te ora mutukore?”
26Kua karanga atura a Iēsū ki aia, “'E a'a tei tātā'ia ki roto i te Ture ra? Tē pē'ea ra koe i te tatau'anga?”
27 # a:
Deut 6.5; b:
Lev 19.18
Kua pa'u maira aia, nā kō maira, “ ‘E 'inangaro atu koe i te 'Atu tō Atua ra ma tō ngākau katoa, ma tō vaerua katoa, ma tō ririnui katoa, ē ma tō manako katoa, ē i tō tangata tupu mei a koe 'ua'orāi.’ ”
28 #
Lev 18.5
Kua karanga atura a Iēsū ki aia, “'E tika tā'au i pa'u mai nei. Ka ora koe kia pērā.”
29Kāreka aia, nō te 'inangaro i te 'akatika i aia 'ua'orāi, kua tuatua maira ki a Iēsū, “Ko 'ai 'oki tōku tangata tupu?”
30Kua pa'u atura a Iēsū, nā kō atura, “Kua 'aere ra tēta'i tangata nō Iērūsalēma ki Iēriko, roko'ia i'ora aia e te 'ānana keikeiā. I kiritiriti'ia e rātou tōna kāka'u, kua pāpā rātou i aia ē 'aere atura ma te 'akaruke i aia kua vaitata i te mate. 31Kua 'aere 'ua maira tēta'i ta'unga nā taua arāta'a ra, ē kia 'ākara atura aia i aia, tāpae atura aia, nā tēta'i pae arāta'a atura i te 'aere. 32Pērā katoa tēta'i Ngāti Levi ko tei 'aere vaitata ki taua ngā'i ra, kua 'ākara ē kua tāpae atura aia, nā tēta'i pae arāta'a atura i te 'aere. 33#2 Par 28.15Ko tēta'i tangata Sāmāria rā, tē 'aere 'ua ra i tōna 'aerenga, tae atura aia ki reira, ē 'ākara atura i aia, tangi atura i aia, 34'aere atura ki aia, kua riringi i'ora i te 'inu ē te uaina ki roto i tōna au puta ra, va'ī atura ē kua 'akano'o atura i aia ki runga i tōna 'ua'orāi 'āsini, arataki atura i aia ki te ngā'i tāpae'anga ē 'ākono atura i aia. 35E pōpongi akera, kua rave mai aia i e rua moni 'ārio ē kua 'ō ake ki te tangata 'are ra, kua karanga atura ki aia, ‘E utuutu koe i aia nei ē kia riro tā'au moni, nāku ia e tūtaki atu ki a koe kia 'oki mai au ra.’ ”
36Kua ui atura a Iēsū, “I taua ngā tokotoru ra, ko 'ai i tō'ou manako'anga te tangata tupu nōna tei roko'ia e te 'ānana keikeiā ra?”
37Kua tuatua maira te Pū'āpi'i Ture, “Ko tei aro'a atu i aia ra.” Kua karanga atura a Iēsū ki aia, “Ka 'aere koe ē e 'akapērā katoa.”
Tō Iēsū 'ātoro'anga i a Māreta rāua ko Māria
38 #
Ioa 11.1
Ē tē 'aere ra a Iēsū mā i tō rātou 'aerenga, kua tomo atura aia ki roto i tēta'i 'ōire, ē kua 'ō'ō maira tēta'i va'ine i aia, ko Māreta te ingoa. 39'E teina tōna ko Māria te ingoa, ko tei no'o ia i te pae vaevae o te 'Atu i te 'akarongo'anga i tāna tuatua. 40Ko Māreta rā, kua varenga aia ki te 'ākonokono'anga i te au manu'iri. Ē kua 'aere maira ki a Iēsū ra, kua tuatua maira, “E te 'Atu, kāre āina koe e 'ākono mai, kua 'akaruke mai tōku teina i āku anake 'ua e raverave? E karanga atu koe ki aia, e rave katoa mai.”
41Kua pa'u atura te 'Atu, nā kō atura ki aia, “E Māreta ē, e Māreta, tē apiapi 'ua ana koe ma te pekapeka i te au mea 'e mānganui; 42'okota'i rava rā mea 'e umuumu'ia. Kua 'iki 'oki a Māria nei i te tu'anga meitaki nei, ē kāre te reira e 'apai kē'ia mei kō i aia.”
Currently Selected:
Luka 10: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Luka 10
10
Tono i'ora a Iēsū i te au pipi 'itu nga'uru mā rua
1Ē muri akera, kua 'akataka atu rāi te 'Atu i e 'itu nga'uru mā rua pipi kē atu, tātaki tokorua atura i te tono'anga i a rātou nā mua i aia ki te au 'ōire ē te au ngā'i rava rāi tāna i 'akakoro ē, e 'aere katoa aia ki reira. 2#Māt 9.37,38Kua karanga atura aia ki a rātou, “Tē ma'ata 'ua nei te mou, tē iti nei rā te aronga rave 'anga'anga. Ē tēianei, e pati kōtou ki te 'Atu o te mou kia unga mai aia i te au rave 'anga'anga ki tāna kokoti'anga mou ra. 3#Māt 10.16E 'aere kōtou. Inā, tē tono atu nei au i a kōtou mei te au punua māmoe i rotopū i te au luko ra. 4Auraka 'ei kiri moni e tao'i'ia, auraka 'ei pūtē, auraka 'ei tāmaka, auraka e aro'a 'ua atu i te tangata i te arāta'a ra.
5“Ē te 'are tā kōtou e tomo ra, e nā mua i te karanga atu ē, ‘'Ei 'au tō tēianei ngutu'are.’ 6Mē te reira tēta'i tamaiti nō te 'au, e vai rāi tā kōtou 'au i runga a'o i aia; mē kāre rā, ka 'oki 'aka'ou mai ia ki runga a'o i a kōtou. 7#1 Kōr 9.14; 1 Timo 5.18Ē i taua 'are rāi no'o ei, e kai 'ua rāi i te kai, e inu 'ua rāi 'oki i tā rātou e 'ōronga mai. E tau 'oki te rave 'anga'anga i tāna tūtaki. Auraka e 'aere atu mei tēta'i 'are ki tēta'i 'are.
8“Ē te 'ōire tā kōtou e tomo ra, ē kua 'ō'ō mai i a rātou i a kōtou, ka kai kōtou i te kai e tuku'ia mai i mua i tō kōtou aroaro. 9E 'akaora 'oki i tō te reira au maki, ē karanga atu ki a rātou, ‘Kua vaitata mai nei te bāsileia o te Atua ki a kōtou na.’ 10#Anga 13.51Ē te 'ōire tā kōtou e tomo ra, ē kāre rātou e 'ō'ō mai i a kōtou, e 'aere atu kōtou ki va'o ki tō te reira au arāta'a, ē karanga atu ei, 11#Māt 10.7-14; Mār 6.8-11; Luk 9.3-5‘Te one o tō kōtou 'ōire i piri mai ki tō mātou vaevae, tē tāmā atu nei mātou 'ei 'akairo kino ki a kōtou. Inārā, kia pāpū kōtou ē, tē vaitata mai nei te bāsileia o te Atua.’ 12#a: Gen 19.24-28; Māt 11.24; b: Māt 10.15Tē karanga atu nei au ki a kōtou, 'e ngari ake tō Sodoma i te reira 'ōire i taua rā ra.”
Auē te tangi nō te au 'ōire tatarā'arakore
(Mātaio 11.20-24)
13 #
Isa 23.1-18; Ezek 26.1—28.26; Ioel 3.4-8; Amo 1.9,10; Zek 9.2-4 “Auē koe, e Kōrāzina ē! Auē koe, e Betesaida ē! Nāringa 'oki te au 'akairo mana i rave'ia i roto i a kōrua i rave'ia i Tūria ē Sīdona, kua tatarā'ara takere rāua ma te no'o i te re'u a'i ē te kāka'u pā'oa. 14Inārā, 'e ngari ake tō Tūria ē tō Sīdona i a kōrua i te 'akavā'anga. 15#Isa 14.13-15Ē ko koe na 'oki, e Kāperenāuma, ka 'akateitei'ia āinei koe ki te rangi? Ka 'ōpara'ia koe ki raro i te pō!”
16 #
Māt 10.40; Mār 9.37; Luk 9.48; Ioa 13.20 Kua tuatua atura a Iēsū ki tāna au pipi, “Ko te ka 'akarongo mai i a kōtou na, kua 'akarongo mai ia i āku. Ē ko te ka kōpae mai i a kōtou, kua kōpae mai ia i āku. Ē ko te ka kōpae mai i āku ra, kua kōpae ia i aia i tei tono mai i āku nei.”
Tē 'oki mai nei te 'itu nga'uru mā rua
17Kua 'oki 'aka'ou maira te 'itu nga'uru mā rua ra ma te rekareka, kua nā kō maira, “E te 'Atu, kua kauraro katoa mai te au dēmoni i a mātou i tō ingoa na.”
18Kua pa'u atura a Iēsū ki a rātou, “Kua kite au i a Sātani i te topa'anga mei te uira ra nō runga mai i te rangi ra. 19#Sal 91.13Inā, kua 'ōronga atu au ki a kōtou i te mana kia takataka'i 'ua atu ki runga i te au 'ōvī ē te tēkōpio, ē ki runga a'o i te ririnui kātoatoa o te 'enemi. Kāre rava 'e mea e mate ei kōtou. 20Inārā, auraka kōtou e rekareka nō te mea i kauraro te au vaerua i a kōtou. E rekareka rā kōtou nō te mea i tātā'ia tō kōtou au ingoa ki runga i te ao ra.”
Tē rekareka nei a Iēsū
(Mātaio 11.25-27; 13.16-17)
21I taua ora rāi kua rekareka ma'ata a Iēsū i roto i te Vaerua Tapu ē kua karanga atura, “E 'akameitaki au i a koe, e te Metua, te 'Atu nō te rangi ē te 'enua nei, nō te mea, ko koe i 'u'una kē atu i tēianei au mea i te aronga pakari ē te kite, ē kua 'akakite mai ki te tamariki nei. Koia ia, e te Metua ē, 'e mea mareka ia i a koe.
22 # a:
Ioa 3.35; b:
Ioa 10.15
“Kua 'ope rava te au mea katoa i te tuku'ia mai ki āku nei e taku Metua. Kāre rava tēta'i i kite ē ko 'ai te Tamaiti, māri rā ko te Metua, ē ko 'ai te Metua, māri rā ko te Tamaiti ē te tangata tā te Tamaiti e anoano i te 'akakite atu.”
23Kua 'āriu atura aia ki tāna au pipi ē kua tuatua atura ki a rātou anake 'ua, “'E ao tō te mata i 'ākara i te au mea tā kōtou e 'ākara nei! 24E 'akakite atu au ki a kōtou, 'e mānganui te au peroveta ē te 'ui ariki i 'inangaro i te 'ākara i te au mea tā kōtou e 'ākara nei, ē kāre ake nei rātou i 'ākara. Kua 'inangaro rātou i te 'akarongo mai i tā kōtou e 'akarongo nei, ē kāre ake nei i 'akarongo.”
Te tangata Sāmāria meitaki
25 #
Māt 22.35-40; Mār 12.28-34 Ē inā, kua tū akera tēta'i Pū'āpi'i Ture ki runga, kua tīmata maira i a Iēsū, nā kō maira, “E te Pū'āpi'i, 'akapē'ea au nei e rauka ai i āku te ora mutukore?”
26Kua karanga atura a Iēsū ki aia, “'E a'a tei tātā'ia ki roto i te Ture ra? Tē pē'ea ra koe i te tatau'anga?”
27 # a:
Deut 6.5; b:
Lev 19.18
Kua pa'u maira aia, nā kō maira, “ ‘E 'inangaro atu koe i te 'Atu tō Atua ra ma tō ngākau katoa, ma tō vaerua katoa, ma tō ririnui katoa, ē ma tō manako katoa, ē i tō tangata tupu mei a koe 'ua'orāi.’ ”
28 #
Lev 18.5
Kua karanga atura a Iēsū ki aia, “'E tika tā'au i pa'u mai nei. Ka ora koe kia pērā.”
29Kāreka aia, nō te 'inangaro i te 'akatika i aia 'ua'orāi, kua tuatua maira ki a Iēsū, “Ko 'ai 'oki tōku tangata tupu?”
30Kua pa'u atura a Iēsū, nā kō atura, “Kua 'aere ra tēta'i tangata nō Iērūsalēma ki Iēriko, roko'ia i'ora aia e te 'ānana keikeiā. I kiritiriti'ia e rātou tōna kāka'u, kua pāpā rātou i aia ē 'aere atura ma te 'akaruke i aia kua vaitata i te mate. 31Kua 'aere 'ua maira tēta'i ta'unga nā taua arāta'a ra, ē kia 'ākara atura aia i aia, tāpae atura aia, nā tēta'i pae arāta'a atura i te 'aere. 32Pērā katoa tēta'i Ngāti Levi ko tei 'aere vaitata ki taua ngā'i ra, kua 'ākara ē kua tāpae atura aia, nā tēta'i pae arāta'a atura i te 'aere. 33#2 Par 28.15Ko tēta'i tangata Sāmāria rā, tē 'aere 'ua ra i tōna 'aerenga, tae atura aia ki reira, ē 'ākara atura i aia, tangi atura i aia, 34'aere atura ki aia, kua riringi i'ora i te 'inu ē te uaina ki roto i tōna au puta ra, va'ī atura ē kua 'akano'o atura i aia ki runga i tōna 'ua'orāi 'āsini, arataki atura i aia ki te ngā'i tāpae'anga ē 'ākono atura i aia. 35E pōpongi akera, kua rave mai aia i e rua moni 'ārio ē kua 'ō ake ki te tangata 'are ra, kua karanga atura ki aia, ‘E utuutu koe i aia nei ē kia riro tā'au moni, nāku ia e tūtaki atu ki a koe kia 'oki mai au ra.’ ”
36Kua ui atura a Iēsū, “I taua ngā tokotoru ra, ko 'ai i tō'ou manako'anga te tangata tupu nōna tei roko'ia e te 'ānana keikeiā ra?”
37Kua tuatua maira te Pū'āpi'i Ture, “Ko tei aro'a atu i aia ra.” Kua karanga atura a Iēsū ki aia, “Ka 'aere koe ē e 'akapērā katoa.”
Tō Iēsū 'ātoro'anga i a Māreta rāua ko Māria
38 #
Ioa 11.1
Ē tē 'aere ra a Iēsū mā i tō rātou 'aerenga, kua tomo atura aia ki roto i tēta'i 'ōire, ē kua 'ō'ō maira tēta'i va'ine i aia, ko Māreta te ingoa. 39'E teina tōna ko Māria te ingoa, ko tei no'o ia i te pae vaevae o te 'Atu i te 'akarongo'anga i tāna tuatua. 40Ko Māreta rā, kua varenga aia ki te 'ākonokono'anga i te au manu'iri. Ē kua 'aere maira ki a Iēsū ra, kua tuatua maira, “E te 'Atu, kāre āina koe e 'ākono mai, kua 'akaruke mai tōku teina i āku anake 'ua e raverave? E karanga atu koe ki aia, e rave katoa mai.”
41Kua pa'u atura te 'Atu, nā kō atura ki aia, “E Māreta ē, e Māreta, tē apiapi 'ua ana koe ma te pekapeka i te au mea 'e mānganui; 42'okota'i rava rā mea 'e umuumu'ia. Kua 'iki 'oki a Māria nei i te tu'anga meitaki nei, ē kāre te reira e 'apai kē'ia mei kō i aia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.