Luka 9
9
Tono i'ora a Iēsū i te au pipi tino nga'uru mā rua ra
(Mātaio 10.5-15; Māreko 6.7-13)
1Kua 'akaputuputu maira a Iēsū i te au pipi tino nga'uru mā rua ra, kua tuku atura ki a rātou i te mana ē te rangi ki runga i te au dēmoni katoa, ē kia 'akaora i te maki. 2Kua tono atura aia i a rātou kia tūtū 'aere i te bāsileia o te Atua, ē e 'akaora 'oki i te aronga maki. 3Kua karanga atura aia ki a rātou, “Auraka 'ei 'apinga e 'apai'ia atu i tō kōtou tere, auraka 'ei tokotoko, auraka 'ei pūtē, auraka 'ei mānga, auraka 'ei moni, ē auraka kia takirua pereue i te tangata 'okota'i. 4Ē te 'are tā kōtou e tomo ra, 'ei reira no'o ei ē ka 'aere atu ei. 5#Anga 13.51#Luk 10.4-11Ē tei kore e 'āriki mai i a kōtou, kia 'akaruke rā kōtou i taua 'ōire ra, ka rūrū atu i te one o tō kōtou vaevae 'ei 'akamatakite'anga atu i a rātou.”
6'Aere atura rātou nā roto i te au 'ōire i te tūtū 'aere'anga i te tuatua meitaki ē te 'akaora maki i te au ngā'i rava rāi.
Tō Heroda kinokino'anga ngākau
(Mātaio 14.1-12; Māreko 6.14-29)
7 #
Māt 16.14; Mār 8.28; Luk 9.19 Inā, kua 'akarongo mai te tēterāreka ko Heroda i te rongo o te au mea kātoatoa i tupu ra. Kinokino rava akera tōna ngākau, nō te mea, tē tuatua'ia ra e tēta'i pae ē, kua tū 'aka'ou mai nei a Ioane mei te mate mai. 8Ē tē tuatua'ia e tēta'i pae ē, kua kitea'ia mai a Ēlia; 'e tēta'i pae rā ē, kua tū 'aka'ou mai tēta'i peroveta mei 'ito roa mai. 9Kua nā kō akera a Heroda, “Kua tīpū'ia e au te ūpoko o Ioane. Ko 'ai rā tēia ē, nōna tēianei au tuatua tāku e 'akarongo nei?” Tīmata pakari atura aia kia kite mata tikāi i a Iēsū.
'Āngai i'ora a Iēsū i te rima tauatini tangata
(Mātaio 14.13-21; Māreko 6.30-44; Ioane 6.1-14)
10E 'oki maira te au 'āpōsetolo, kua 'akakitekite maira ki a Iēsū i te au mea kātoatoa tā rātou i rave. Kua arataki atura aia i a rātou, 'aere pōiri atura ki tēta'i 'ōire i tuatua'ia ra ē ko Betesaida. 11E kite akera te tangata tini, kua āru maira rātou i aia. Ē kua 'āriki atura aia i a rātou, tuatua maira ki a rātou nō te bāsileia o te Atua, ē 'akaora akera i a rātou tei 'inangaro kia 'akaora'ia i tō rātou maki.
12E parepare akera te rā, kua 'aere maira te tino nga'uru mā rua ra ki a Iēsū, nā kō maira, “E tuku atuna i te pouou tangata nei kia 'aere ana ki te au 'ōire ra ē te au kāinga i vaitata mai nei kia rauka tō rātou ngā'i moe'anga ē te kai, nō te mea, 'e mēdēbara 'oki tēia tā tātou e no'o nei.”
13Kua nā kō atura aia ki a rātou, “Nā kōtou e 'ōronga atu i te kai nā rātou.” Kua nā kō maira rātou, “E rima 'ua rāi ā tātou taupūpū varāoa, ē e rua 'oki ika, māri 'ua, kia 'aere mātou e 'oko i te kai nā tēia aronga ma'ata.” 14E rima pa'a tauatini tāne i reira.
Kua karanga atura a Iēsū ki tāna au pipi, “E 'akano'o pupu 'aere i a rātou ki raro, kia takirima nga'uru 'aere i te pupu 'okota'i.”
15Kua pērā atura rātou, 'akano'o 'aere atura i a rātou rava rāi ki raro. 16Kua rave i'ora a Iēsū i ngā taupūpū varāoa ē rima ra, ē ngā ika e rua, nānā akera ki runga i te rangi, 'akameitaki atura, vāvā'i i'ora, 'ōronga atura nā te au pipi ra e tuku atu ki mua i te aroaro o taua aronga ma'ata ra. 17Kai anake i'ora rātou rava rāi, e pangia rava akera. 'Akaputuputu i'ora rātou i te tōtoengā kai, ē kī akera ngā tāpora e rau nga'uru mā rua.
Tā Pētero 'a'aki'anga ē, ko 'ai a Iēsū
(Mātaio 16.13-19; Māreko 8.27-29)
18Ē tei te pure a Iēsū anake 'ua'orāi i tēta'i rā, tei reira rāi 'oki tāna au pipi, kua ui atura aia ki a rātou, “Ko 'ai au nei i tā te tangata nei tuatua'anga?”
19 #
Māt 14.1,2; Mār 6.14,15; Luk 9.7,8 Kua pa'u maira rātou, nā kō maira, “ ‘Ko Ioane Bāpetīto’, tā tēta'i pae ra, ‘Ko Ēlia’; i tā tēta'i aronga ra, ‘Kua tū 'aka'ou mai tēta'i peroveta mei 'ito roa mai.’ ”
20 #
Ioa 6.68,69 Kua ui atura a Iēsū ki a rātou, “Ko 'ai rā au nei i tā kōtou tikāi tuatua'anga?”
Kua pa'u maira a Pētero, nā kō maira, “Ko te Mesia a te Atua!”
Tē tuatua ra a Iēsū i tōna mamae ē tōna mate
(Mātaio 16.20-28; Māreko 8.30—9.1)
21Kua ako 'ua atura a Iēsū ma te 'akaue atu i te tino nga'uru mā rua, auraka rava rātou e 'akakite ki tēta'i 'ua atu tangata i te reira, nā kō atura, 22“'E mānganui tō te Tamaiti a te Tangata nei mamae mate e tikāi, ē e kōpae'ia aia e te aronga pakari, te kau ta'unga nunui ē te au Pū'āpi'i Ture ra, ē e tāmate rava'ia 'oki, ē e 'akatū 'aka'ou'ia kia tae ki te pō toru ra.”
23 #
Māt 10.38; Luk 14.27 Kua karanga atura a Iēsū ki te tangata rava rāi, “Kia 'inangaro te tangata i te nā muri mai i āku ra, e 'akaruke aia i aia 'ua'orāi, ka 'apai aia i tāna sātauro i tērā rā, i tērā rā, ka āru mai ei aia i āku. 24#Māt 10.39; Luk 17.33; Ioa 12.25Ko tei 'inangaro i te tāpū i tōna ora, kua ngere ia i te ora, ko tei tika rā i aia i te 'akangere i tōna ora nōku nei, 'e ora ia tōna. 25'E a'a 'oki tā te tangata nei pu'apinga kia rauka i aia tō tēianei ao kātoatoa, inārā kua mate aia 'ua'orāi, mē kāre ra kua riro atu tōna vaerua? 26Ko te tangata 'oki e 'akamā i āku ē tāku nei tuatua, ko ia tā te Tamaiti a te Tangata nei e 'akamā kia 'aere mai aia ma tōna 'ua'orāi kakā ē tō te Metua ē tō te au 'āngela tapu ra. 27Tika tikāi tāku e 'akakite atu ki a kōtou nei, kāre 'ua tēta'i pae o te aronga e tū mai nei e roko'ia e te mate, e kite ei rātou i te bāsileia o te Atua.”
Tō Iēsū 'akatūkē'anga'ia
(Mātaio 17.1-8; Māreko 9.2-8)
28E pō varu akera i muri ake i tēianei tuatua'anga, kua arataki atura a Iēsū i a Pētero, ko Ioane ē Iākōbo ki runga i te maunga e pure. 29Ē tē pure ra aia, tūkē atura tōna mata, teatea atura tōna kāka'u mei te kanapa o te uira. 30Ē inā, tē tuatua maira ki aia 'e tokorua tangata, ko Mōse ē ko Ēlia; 31i mama mai rāua i roto i te kakā, ē kua tuatua i'ora i te matenga nōna ra tei vaitata i te tupu ki aia i Iērūsalēma. 32Kāreka a Pētero mā, kua varea'ia rātou e te moe. E ara akera rātou, kite atura rātou i tōna kakā ē ngā tangata i tū katoa i vaitata i aia. 33Ē tei te riro kē'anga rāua mei aia atura, kua karanga atura a Pētero ki a Iēsū, “E te 'Atu, 'e mea meitaki ki no'o tātou i konei. E 'akatū mātou i e toru 'are pū'ākapa: nō'ou tēta'i, nō Mōse tēta'i, ē nō Ēlia 'oki tēta'i.” Kāre aia i kite tikāi i tāna e tuatua ra.
34I aia e tuatua ra, ko tēta'i tiao maira i te tāpoki'anga mai i a rātou. Kua mataku akera rātou i tō rātou ō'anga atu ki roto i te tiao. 35#Isa 42.1; Māt 3.17; 12.18; Mār 1.11; Luk 3.22#2 Pet 1.17,18Ē tēta'i reo maira nā roto mai i taua tiao ra i te nā kō'anga mai ē, “Ko taku Tamaiti 'iki'ia tēia. Ka 'akarongo ki aia!”
36Ē i muri ake i taua reo ra, ko Iēsū anake i'ora te kitea mai. Kua muna ngaro i'ora rātou, kāre rava i tuatua 'ua atu ki te tangata i taua au rā ra i te au mea tā rātou i kite ra.
Tē 'akaora ra a Iēsū i tēta'i tamāroa 'e vaerua kino tōna
(Mātaio 17.14-18; Māreko 9.14-27)
37I tērā mai rā, 'e urupū ma'ata tei 'ārāvei mai i a Iēsū i tōna 'eke'anga maira mei runga mai i te maunga ra. 38Ē inā, kua kāpiki maira tēta'i tangata o taua urupū ma'ata ra, nā kō maira, “E te Pū'āpi'i ē, tē pati atu nei au ki a koe, e 'ākara aro'a mai koe i taku tamāroa nei, nō te mea, ko taku tamaiti 'ānau ta'i ia. 39Inā, tē 'opukia nei aia e tēta'i vaerua ra, ē auē i'ora aia, ē 'a'ae'ia i'ora aia, 'uka'ia i'ora tōna va'a, ē kua ma'ata tōna paruparu, nō te mea, kāre roa taua vaerua ra e 'akaruke 'ua mai i aia. 40I pati 'akatenga ana 'oki au ki tā'au au pipi kia tuaru atu i aia ki va'o, kāre rā i rauka i a rātou.”
41Kua pa'u atura a Iēsū, nā kō atura, “Auē ia uki 'akarongokore ē te tārurikē'ia ē! Mei te a'a ra te roa o tōku no'o'anga ki ō kōtou nei ē te 'akakoromaki'anga atu i a kōtou? E 'apai mai i tō tamāroa ki konei.”
42Ē tē 'aere maira rāi aia, kua titiri tākiri atura te dēmoni i aia ki raro, ē kua 'a'ae maira i aia. Kua kauvae atura a Iēsū i taua vaerua kino ra, 'akaora atura i taua tamaiti ra, tuku atura ki tōna metua tāne ra. 43Kua ūmere anake atura rātou i te nui ngāngare o te Atua.
Tē tuatua 'aka'ou nei a Iēsū i tōna matenga
(Mātaio 17.22-23; Māreko 9.30-32)
Ē tē vā anake ra te tangata kātoatoa i te au mea rava rāi tā Iēsū i rave, kua karanga atura aia ki tāna au pipi, 44“E 'akarongo meitaki mai ki tēianei au tuatua: e riro 'oki te Tamaiti a te Tangata i te tuku'ia atu ki te rima tangata.” 45Kāre rā rātou i mārama i taua tuatua ra, kua 'u'una'ia ia kia kore rātou e kite. Ē kua mataku 'oki rātou i te ui atu ki aia i te reira tuatua.
Ko 'ai tei ma'ata rava atu?
(Mātaio 18.1-5; Māreko 9.33-37)
46 #
Luk 22.24
Kua tupu akera te tau'ētono'anga i rotopū i te au pipi ē, ko 'ai i a rātou te ka ma'ata rava atu. 47Ē, i te kite'anga a Iēsū i te tau'ētono'anga o tō rātou ngākau, kua rave atura aia i tēta'i tamaiti iti ē kua tuku maira ki tōna pae, 48#Māt 10.40; Luk 10.16; Ioa 13.20ē kua karanga atura ki a rātou, “Ko tei 'āriki mai i tēianei tamaiti iti nō tōku nei ingoa, kua 'āriki mai ia i āku. Ē tei 'āriki mai i āku, kua 'āriki aia i tei tono mai i āku nei. Ē ko tei meangiti rava i roto i a kōtou na, ko tei ma'ata rava atu ia.”
Ko tei kore e pāto'i mai i a kōtou, nō kōtou ia
(Māreko 9.38-40)
49Kua tuatua maira a Ioane, nā kō maira, “E te 'Atu, i 'ākara ana mātou i tēta'i tangata i te tuaru i te dēmoni i tō'ou na ingoa. Kua karanga atura mātou ki aia, ‘Auraka,’ nō te mea, kāre aia i āru mai i a tātou nei.”
50Kua karanga atura a Iēsū ki aia, “Auraka e tāpū atu i aia. Ko tēta'i 'ua atu tei kore e pāto'i mai i a kōtou, nō kōtou ia.”
Kāre tēta'i 'ōire Sāmāria e 'āriki mai i a Iēsū
51E vaitata akera te au rā e riro ei aia ki runga i te rangi, kua 'akakoro tikāi i'ora a Iēsū e 'aere ki Iērūsalēma. 52Kua tono atura aia i te karere nā mua i aia. Kua 'aere atura rātou ē tomo atura ki roto i tēta'i 'ōire Sāmāria, e 'akate'ate'amamao i tēta'i tāpae'anga nō Iēsū. 53Kāre akera tō Sāmāria i 'ō'ō mai i aia, nō te mea, tē 'aere ra aia ki Iērūsalēma. 54#2 Arik 1.9-16Ē kia kite akera ngā pipi nāna ko Iākōbo rāua ko Ioane i te reira, kua tuatua maira rāua, “E te 'Atu, 'e tika āina i a koe kia pati atu māua i te a'i nō runga mai i te rangi kia topa mai, kia pou atu rātou?”#9.54 Kua tātā katoa'ia i roto 'ua i tēta'i au tātā'anga 'ēvangelia: mei tā Ēlia rāi.
55Kua 'uri atura a Iēsū, e kauvae atura i a rāua.#9.55 I roto 'ua i tēta'i au tātā'anga 'ēvangelia: nā kō atura, “Kāre kōrua i kite i te tū o tō kōrua na ngākau. Kāre 'oki te Tamaiti a te Tangata nei i 'aere mai e tā i te tangata, 'ei 'akaora rā.” 56'Aere atura rātou ki tēta'i 'ōire kē.
Te tū tāvaita'i i te āru i a Iēsū
(Mātaio 8.19-22)
57Ē tē 'aere atura rātou nā te arāta'a, kua karanga atura tēta'i ki a Iēsū, “Ka āru atu au i a koe i tō'ou au 'aerenga rava rāi.”
58Kua pa'u maira a Iēsū ki aia, “'E ana tō te au suoli, 'e kō'anga tō te au manu o te reva, kāreka te Tamaiti a te Tangata nei, kāre ōna 'e urunga ūpoko.”
59Kua karanga atura aia ki tēta'i, “Ka āru mai i āku.” Kua nā kō maira aia, “E te 'Atu, e tuku 'ua ake koe i āku kia 'aere ana au nā mua e tanu i taku metua tāne.”
60Kua karanga atura a Iēsū ki aia, “Vai'o atu nā tei mate e tanu i tō rātou i mate ra. E 'aere rā koe e tūtū 'aere i te bāsileia o te Atua.”
61 #
1 Arik 19.20
Kua tuatua maira 'oki tēta'i, “E te 'Atu, e āru atu au i a koe. E tuku ana rā koe i āku kia 'aere au nā mua e poroaki ana i tōku kōpū tangata.”
62Kua pa'u atura a Iēsū ki aia, “Kāre rava 'e tangata i tuku i tōna rima ki te 'ārote ka 'ākara ai ki muri, e tau nō te bāsileia o te Atua.”
Currently Selected:
Luka 9: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Luka 9
9
Tono i'ora a Iēsū i te au pipi tino nga'uru mā rua ra
(Mātaio 10.5-15; Māreko 6.7-13)
1Kua 'akaputuputu maira a Iēsū i te au pipi tino nga'uru mā rua ra, kua tuku atura ki a rātou i te mana ē te rangi ki runga i te au dēmoni katoa, ē kia 'akaora i te maki. 2Kua tono atura aia i a rātou kia tūtū 'aere i te bāsileia o te Atua, ē e 'akaora 'oki i te aronga maki. 3Kua karanga atura aia ki a rātou, “Auraka 'ei 'apinga e 'apai'ia atu i tō kōtou tere, auraka 'ei tokotoko, auraka 'ei pūtē, auraka 'ei mānga, auraka 'ei moni, ē auraka kia takirua pereue i te tangata 'okota'i. 4Ē te 'are tā kōtou e tomo ra, 'ei reira no'o ei ē ka 'aere atu ei. 5#Anga 13.51#Luk 10.4-11Ē tei kore e 'āriki mai i a kōtou, kia 'akaruke rā kōtou i taua 'ōire ra, ka rūrū atu i te one o tō kōtou vaevae 'ei 'akamatakite'anga atu i a rātou.”
6'Aere atura rātou nā roto i te au 'ōire i te tūtū 'aere'anga i te tuatua meitaki ē te 'akaora maki i te au ngā'i rava rāi.
Tō Heroda kinokino'anga ngākau
(Mātaio 14.1-12; Māreko 6.14-29)
7 #
Māt 16.14; Mār 8.28; Luk 9.19 Inā, kua 'akarongo mai te tēterāreka ko Heroda i te rongo o te au mea kātoatoa i tupu ra. Kinokino rava akera tōna ngākau, nō te mea, tē tuatua'ia ra e tēta'i pae ē, kua tū 'aka'ou mai nei a Ioane mei te mate mai. 8Ē tē tuatua'ia e tēta'i pae ē, kua kitea'ia mai a Ēlia; 'e tēta'i pae rā ē, kua tū 'aka'ou mai tēta'i peroveta mei 'ito roa mai. 9Kua nā kō akera a Heroda, “Kua tīpū'ia e au te ūpoko o Ioane. Ko 'ai rā tēia ē, nōna tēianei au tuatua tāku e 'akarongo nei?” Tīmata pakari atura aia kia kite mata tikāi i a Iēsū.
'Āngai i'ora a Iēsū i te rima tauatini tangata
(Mātaio 14.13-21; Māreko 6.30-44; Ioane 6.1-14)
10E 'oki maira te au 'āpōsetolo, kua 'akakitekite maira ki a Iēsū i te au mea kātoatoa tā rātou i rave. Kua arataki atura aia i a rātou, 'aere pōiri atura ki tēta'i 'ōire i tuatua'ia ra ē ko Betesaida. 11E kite akera te tangata tini, kua āru maira rātou i aia. Ē kua 'āriki atura aia i a rātou, tuatua maira ki a rātou nō te bāsileia o te Atua, ē 'akaora akera i a rātou tei 'inangaro kia 'akaora'ia i tō rātou maki.
12E parepare akera te rā, kua 'aere maira te tino nga'uru mā rua ra ki a Iēsū, nā kō maira, “E tuku atuna i te pouou tangata nei kia 'aere ana ki te au 'ōire ra ē te au kāinga i vaitata mai nei kia rauka tō rātou ngā'i moe'anga ē te kai, nō te mea, 'e mēdēbara 'oki tēia tā tātou e no'o nei.”
13Kua nā kō atura aia ki a rātou, “Nā kōtou e 'ōronga atu i te kai nā rātou.” Kua nā kō maira rātou, “E rima 'ua rāi ā tātou taupūpū varāoa, ē e rua 'oki ika, māri 'ua, kia 'aere mātou e 'oko i te kai nā tēia aronga ma'ata.” 14E rima pa'a tauatini tāne i reira.
Kua karanga atura a Iēsū ki tāna au pipi, “E 'akano'o pupu 'aere i a rātou ki raro, kia takirima nga'uru 'aere i te pupu 'okota'i.”
15Kua pērā atura rātou, 'akano'o 'aere atura i a rātou rava rāi ki raro. 16Kua rave i'ora a Iēsū i ngā taupūpū varāoa ē rima ra, ē ngā ika e rua, nānā akera ki runga i te rangi, 'akameitaki atura, vāvā'i i'ora, 'ōronga atura nā te au pipi ra e tuku atu ki mua i te aroaro o taua aronga ma'ata ra. 17Kai anake i'ora rātou rava rāi, e pangia rava akera. 'Akaputuputu i'ora rātou i te tōtoengā kai, ē kī akera ngā tāpora e rau nga'uru mā rua.
Tā Pētero 'a'aki'anga ē, ko 'ai a Iēsū
(Mātaio 16.13-19; Māreko 8.27-29)
18Ē tei te pure a Iēsū anake 'ua'orāi i tēta'i rā, tei reira rāi 'oki tāna au pipi, kua ui atura aia ki a rātou, “Ko 'ai au nei i tā te tangata nei tuatua'anga?”
19 #
Māt 14.1,2; Mār 6.14,15; Luk 9.7,8 Kua pa'u maira rātou, nā kō maira, “ ‘Ko Ioane Bāpetīto’, tā tēta'i pae ra, ‘Ko Ēlia’; i tā tēta'i aronga ra, ‘Kua tū 'aka'ou mai tēta'i peroveta mei 'ito roa mai.’ ”
20 #
Ioa 6.68,69 Kua ui atura a Iēsū ki a rātou, “Ko 'ai rā au nei i tā kōtou tikāi tuatua'anga?”
Kua pa'u maira a Pētero, nā kō maira, “Ko te Mesia a te Atua!”
Tē tuatua ra a Iēsū i tōna mamae ē tōna mate
(Mātaio 16.20-28; Māreko 8.30—9.1)
21Kua ako 'ua atura a Iēsū ma te 'akaue atu i te tino nga'uru mā rua, auraka rava rātou e 'akakite ki tēta'i 'ua atu tangata i te reira, nā kō atura, 22“'E mānganui tō te Tamaiti a te Tangata nei mamae mate e tikāi, ē e kōpae'ia aia e te aronga pakari, te kau ta'unga nunui ē te au Pū'āpi'i Ture ra, ē e tāmate rava'ia 'oki, ē e 'akatū 'aka'ou'ia kia tae ki te pō toru ra.”
23 #
Māt 10.38; Luk 14.27 Kua karanga atura a Iēsū ki te tangata rava rāi, “Kia 'inangaro te tangata i te nā muri mai i āku ra, e 'akaruke aia i aia 'ua'orāi, ka 'apai aia i tāna sātauro i tērā rā, i tērā rā, ka āru mai ei aia i āku. 24#Māt 10.39; Luk 17.33; Ioa 12.25Ko tei 'inangaro i te tāpū i tōna ora, kua ngere ia i te ora, ko tei tika rā i aia i te 'akangere i tōna ora nōku nei, 'e ora ia tōna. 25'E a'a 'oki tā te tangata nei pu'apinga kia rauka i aia tō tēianei ao kātoatoa, inārā kua mate aia 'ua'orāi, mē kāre ra kua riro atu tōna vaerua? 26Ko te tangata 'oki e 'akamā i āku ē tāku nei tuatua, ko ia tā te Tamaiti a te Tangata nei e 'akamā kia 'aere mai aia ma tōna 'ua'orāi kakā ē tō te Metua ē tō te au 'āngela tapu ra. 27Tika tikāi tāku e 'akakite atu ki a kōtou nei, kāre 'ua tēta'i pae o te aronga e tū mai nei e roko'ia e te mate, e kite ei rātou i te bāsileia o te Atua.”
Tō Iēsū 'akatūkē'anga'ia
(Mātaio 17.1-8; Māreko 9.2-8)
28E pō varu akera i muri ake i tēianei tuatua'anga, kua arataki atura a Iēsū i a Pētero, ko Ioane ē Iākōbo ki runga i te maunga e pure. 29Ē tē pure ra aia, tūkē atura tōna mata, teatea atura tōna kāka'u mei te kanapa o te uira. 30Ē inā, tē tuatua maira ki aia 'e tokorua tangata, ko Mōse ē ko Ēlia; 31i mama mai rāua i roto i te kakā, ē kua tuatua i'ora i te matenga nōna ra tei vaitata i te tupu ki aia i Iērūsalēma. 32Kāreka a Pētero mā, kua varea'ia rātou e te moe. E ara akera rātou, kite atura rātou i tōna kakā ē ngā tangata i tū katoa i vaitata i aia. 33Ē tei te riro kē'anga rāua mei aia atura, kua karanga atura a Pētero ki a Iēsū, “E te 'Atu, 'e mea meitaki ki no'o tātou i konei. E 'akatū mātou i e toru 'are pū'ākapa: nō'ou tēta'i, nō Mōse tēta'i, ē nō Ēlia 'oki tēta'i.” Kāre aia i kite tikāi i tāna e tuatua ra.
34I aia e tuatua ra, ko tēta'i tiao maira i te tāpoki'anga mai i a rātou. Kua mataku akera rātou i tō rātou ō'anga atu ki roto i te tiao. 35#Isa 42.1; Māt 3.17; 12.18; Mār 1.11; Luk 3.22#2 Pet 1.17,18Ē tēta'i reo maira nā roto mai i taua tiao ra i te nā kō'anga mai ē, “Ko taku Tamaiti 'iki'ia tēia. Ka 'akarongo ki aia!”
36Ē i muri ake i taua reo ra, ko Iēsū anake i'ora te kitea mai. Kua muna ngaro i'ora rātou, kāre rava i tuatua 'ua atu ki te tangata i taua au rā ra i te au mea tā rātou i kite ra.
Tē 'akaora ra a Iēsū i tēta'i tamāroa 'e vaerua kino tōna
(Mātaio 17.14-18; Māreko 9.14-27)
37I tērā mai rā, 'e urupū ma'ata tei 'ārāvei mai i a Iēsū i tōna 'eke'anga maira mei runga mai i te maunga ra. 38Ē inā, kua kāpiki maira tēta'i tangata o taua urupū ma'ata ra, nā kō maira, “E te Pū'āpi'i ē, tē pati atu nei au ki a koe, e 'ākara aro'a mai koe i taku tamāroa nei, nō te mea, ko taku tamaiti 'ānau ta'i ia. 39Inā, tē 'opukia nei aia e tēta'i vaerua ra, ē auē i'ora aia, ē 'a'ae'ia i'ora aia, 'uka'ia i'ora tōna va'a, ē kua ma'ata tōna paruparu, nō te mea, kāre roa taua vaerua ra e 'akaruke 'ua mai i aia. 40I pati 'akatenga ana 'oki au ki tā'au au pipi kia tuaru atu i aia ki va'o, kāre rā i rauka i a rātou.”
41Kua pa'u atura a Iēsū, nā kō atura, “Auē ia uki 'akarongokore ē te tārurikē'ia ē! Mei te a'a ra te roa o tōku no'o'anga ki ō kōtou nei ē te 'akakoromaki'anga atu i a kōtou? E 'apai mai i tō tamāroa ki konei.”
42Ē tē 'aere maira rāi aia, kua titiri tākiri atura te dēmoni i aia ki raro, ē kua 'a'ae maira i aia. Kua kauvae atura a Iēsū i taua vaerua kino ra, 'akaora atura i taua tamaiti ra, tuku atura ki tōna metua tāne ra. 43Kua ūmere anake atura rātou i te nui ngāngare o te Atua.
Tē tuatua 'aka'ou nei a Iēsū i tōna matenga
(Mātaio 17.22-23; Māreko 9.30-32)
Ē tē vā anake ra te tangata kātoatoa i te au mea rava rāi tā Iēsū i rave, kua karanga atura aia ki tāna au pipi, 44“E 'akarongo meitaki mai ki tēianei au tuatua: e riro 'oki te Tamaiti a te Tangata i te tuku'ia atu ki te rima tangata.” 45Kāre rā rātou i mārama i taua tuatua ra, kua 'u'una'ia ia kia kore rātou e kite. Ē kua mataku 'oki rātou i te ui atu ki aia i te reira tuatua.
Ko 'ai tei ma'ata rava atu?
(Mātaio 18.1-5; Māreko 9.33-37)
46 #
Luk 22.24
Kua tupu akera te tau'ētono'anga i rotopū i te au pipi ē, ko 'ai i a rātou te ka ma'ata rava atu. 47Ē, i te kite'anga a Iēsū i te tau'ētono'anga o tō rātou ngākau, kua rave atura aia i tēta'i tamaiti iti ē kua tuku maira ki tōna pae, 48#Māt 10.40; Luk 10.16; Ioa 13.20ē kua karanga atura ki a rātou, “Ko tei 'āriki mai i tēianei tamaiti iti nō tōku nei ingoa, kua 'āriki mai ia i āku. Ē tei 'āriki mai i āku, kua 'āriki aia i tei tono mai i āku nei. Ē ko tei meangiti rava i roto i a kōtou na, ko tei ma'ata rava atu ia.”
Ko tei kore e pāto'i mai i a kōtou, nō kōtou ia
(Māreko 9.38-40)
49Kua tuatua maira a Ioane, nā kō maira, “E te 'Atu, i 'ākara ana mātou i tēta'i tangata i te tuaru i te dēmoni i tō'ou na ingoa. Kua karanga atura mātou ki aia, ‘Auraka,’ nō te mea, kāre aia i āru mai i a tātou nei.”
50Kua karanga atura a Iēsū ki aia, “Auraka e tāpū atu i aia. Ko tēta'i 'ua atu tei kore e pāto'i mai i a kōtou, nō kōtou ia.”
Kāre tēta'i 'ōire Sāmāria e 'āriki mai i a Iēsū
51E vaitata akera te au rā e riro ei aia ki runga i te rangi, kua 'akakoro tikāi i'ora a Iēsū e 'aere ki Iērūsalēma. 52Kua tono atura aia i te karere nā mua i aia. Kua 'aere atura rātou ē tomo atura ki roto i tēta'i 'ōire Sāmāria, e 'akate'ate'amamao i tēta'i tāpae'anga nō Iēsū. 53Kāre akera tō Sāmāria i 'ō'ō mai i aia, nō te mea, tē 'aere ra aia ki Iērūsalēma. 54#2 Arik 1.9-16Ē kia kite akera ngā pipi nāna ko Iākōbo rāua ko Ioane i te reira, kua tuatua maira rāua, “E te 'Atu, 'e tika āina i a koe kia pati atu māua i te a'i nō runga mai i te rangi kia topa mai, kia pou atu rātou?”#9.54 Kua tātā katoa'ia i roto 'ua i tēta'i au tātā'anga 'ēvangelia: mei tā Ēlia rāi.
55Kua 'uri atura a Iēsū, e kauvae atura i a rāua.#9.55 I roto 'ua i tēta'i au tātā'anga 'ēvangelia: nā kō atura, “Kāre kōrua i kite i te tū o tō kōrua na ngākau. Kāre 'oki te Tamaiti a te Tangata nei i 'aere mai e tā i te tangata, 'ei 'akaora rā.” 56'Aere atura rātou ki tēta'i 'ōire kē.
Te tū tāvaita'i i te āru i a Iēsū
(Mātaio 8.19-22)
57Ē tē 'aere atura rātou nā te arāta'a, kua karanga atura tēta'i ki a Iēsū, “Ka āru atu au i a koe i tō'ou au 'aerenga rava rāi.”
58Kua pa'u maira a Iēsū ki aia, “'E ana tō te au suoli, 'e kō'anga tō te au manu o te reva, kāreka te Tamaiti a te Tangata nei, kāre ōna 'e urunga ūpoko.”
59Kua karanga atura aia ki tēta'i, “Ka āru mai i āku.” Kua nā kō maira aia, “E te 'Atu, e tuku 'ua ake koe i āku kia 'aere ana au nā mua e tanu i taku metua tāne.”
60Kua karanga atura a Iēsū ki aia, “Vai'o atu nā tei mate e tanu i tō rātou i mate ra. E 'aere rā koe e tūtū 'aere i te bāsileia o te Atua.”
61 #
1 Arik 19.20
Kua tuatua maira 'oki tēta'i, “E te 'Atu, e āru atu au i a koe. E tuku ana rā koe i āku kia 'aere au nā mua e poroaki ana i tōku kōpū tangata.”
62Kua pa'u atura a Iēsū ki aia, “Kāre rava 'e tangata i tuku i tōna rima ki te 'ārote ka 'ākara ai ki muri, e tau nō te bāsileia o te Atua.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.