Māreko 15
15
Tē tū nei a Iēsū ki mua i a Pilato
(Mātaio 27.1-2,11-14; Luka 23.1-5; Ioane 18.28-38)
1E pōpongi rava akera, kua kimikimi manako i'ora te kau ta'unga nunui ma te aronga pakari, te au Pū'āpi'i Ture ē te Sūnēderi katoa ra. Ē kua rī i'ora i a Iēsū, arataki atura ki a Pilato, tuku atura i aia. 2Kua ui maira a Pilato ki aia, “Ko te ariki āinei koe o te Ngāti Iūda?”
Kua pa'u atura aia, “Ko tā'au ia e tuatua maina.”
3'E mānganui tā te kau ta'unga nunui ra tāpepe'anga mai i aia. 4Kua ui 'aka'ou maira a Pilato ki a Iēsū, nā kō maira, “Kāre koe e tuatua atu? Inā 'oki te au mea 'e mānganui tā rātou e tāpepe maina i a koe nei.”
5Kāre rava atura a Iēsū i kī 'ua atu; kua vā 'ua i'ora a Pilato.
Tē 'akautunga'ia nei a Iēsū ki te mate
(Mātaio 27.15-26; Luka 23.13-25; Ioane 18.39—19.16)
6Kua mātau a Pilato i taua rā 'Ōro'a ra i te tuku atu i tēta'i tangata mou'āuri ki a rātou tei 'inangaro'ia e rātou. 7Tē vai ra tēta'i tangata mou'āuri, ko ia ē ēta'i tangata kaitamaki katoa ra i tā tangata ana i taua kaitamaki'anga ra. 8Kua kāpiti 'ua te urupū tangata e 'akamata i te pati ki a Pilato i tāna i mātau. 9Kua tuatua maira a Pilato ki a rātou, nā kō maira, “E 'inangaro āinei kōtou kia tuku atu au i te ariki o te Ngāti Iūda ki a kōtou na?” 10Kua kite 'oki aia ē, nō te vare'ae i tuku mai ei te kau ta'unga nunui ra i a Iēsū.
11Tē 'akaue ra te kau ta'unga nunui ra i te tangata tini kia pati rātou i a Bāraba kia tuku'ia mai, auraka i a Iēsū. 12Kua tuatua 'aka'ou maira a Pilato ki a rātou, “'E a'a tō kōtou 'inangaro i āku i aia nei, ko tei karanga'ia e kōtou ē ko te ariki o te Ngāti Iūda?”
13Kua kāpiki atura rātou ki aia, “E 'akasātauro atu i aia!”
14Kua ui maira a Pilato ki a rātou, “'E a'a 'oki tāna 'anga'anga kino i rave?”
Kua ma'ata 'ua atura tā rātou kāpikipiki'anga ē, “E 'akasātauro atu i aia!”
15Nō te mea, tē 'inangaro ra a Pilato i te tārekareka atu i te au tangata ra, kua tuku maira aia i a Bāraba ki a rātou, inārā, kua tuku atu i a Iēsū kia 'akasātauro'ia, kia oti rā i te pāpā'ia.
Tē 'āviri nei te au va'e'au i a Iēsū
(Mātaio 27.27-31; Ioane 19.2-3)
16Kua arataki atura te au va'e'au i a Iēsū ki roto i te 'are kāvana, koia 'oki i te peraitōrio, ē kua 'akaputuputu maira i te pupu va'e'au katoa i reira ra. 17Kua 'akakāka'u atura rātou i aia ki te kāka'u muramura, kua 'iri i'ora i tēta'i 'ei rākau taratara, tuku atura ki runga a'o i tōna ūpoko. 18Ē kua 'akamata rātou i te aro'a atu i aia, nā kō maira, “Kia orana, e te ariki o te Ngāti Iūda ē!” 19Ē kua ruturutu 'aere atura i tōna ūpoko ki tēta'i kāka'o, tūtu'a atura i te 'uāvare ki runga a'o i aia, tuturi i'ora ki mua a'o i aia, 'akamori atura. 20E oti akera tā rātou 'āviri'anga atu i aia, kua kiriti akera rātou i taua kāka'u muramura ra, 'akakāka'u atura i aia ki tōna 'ua'orāi kāka'u, ē kua arataki kē atura i aia kia 'akasātauro'ia.
Te 'akasātauro'anga'ia a Iēsū
(Mātaio 27.32-44; Luka 23.26-43; Ioane 19.17-27)
21 #
Rōm 16.13
Ē kua 'akaue atura te au va'e'au i tēta'i tangata Kurene i 'aere nā reira a'o mei uta mai, ko Simona, 'e metua nō Ālekānēdero ē nō Rufuta, kia 'apai i tō Iēsū sātauro. 22Kua arataki atura rātou i a Iēsū ki Golagota, tērā 'oki te 'akatau'anga, “Te ngā'i katu tangata.” 23Kua 'apai atura rātou ki aia i te uaina i 'irokia ki te mura kia inu aia; kāre rā aia i rave. 24#Sal 22.18Kua 'akasātauro rātou i aia ē kua tu'a i'ora i tōna kāka'u nā roto i te tuku'anga kērero nō tā te tangata 'okota'i ka 'apai.
25I te ora iva i te pōpongi i 'akasātauro ei rātou i aia. 26Ē te tumu o tōna tāpepe'anga'ia kua tātā'ia ki runga a'o: “Ko te Ariki o te Ngāti Iūda ra.” 27#Isa 53.12Kua 'akasātauro rātou i e tokorua tangata keikeiā ma ia katoa, e ta'i ki te pae katau i aia, e ta'i ki te pae kaui.#15.27 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 28 Tupu atura te tuatua i tātā'ia ra ē, “Kua kāpiti katoa'ia aia ki te aronga 'ara.”
29 # a:
Sal 22.7; 109.25; b:
Mār 14.58; Ioa 2.19 Ē te au tangata i 'aere nā reira a'o ra, kua 'akakino maira rātou i aia ma te tākirikiri i tō rātou ūpoko, nā kō maira, “Ko koe tei vāvā'i i te nao ē ka oti i te 'akatū 'aka'ou i te pō toru anake, 30e 'akaora i a koe 'ua'orāi! E 'eke mai ki raro mei tēnā na sātauro.”
31Mei te reira katoa te kau ta'unga nunui ma te au Pū'āpi'i Ture i te 'āviri'anga mai i aia, nā kō akera rātou ki a rātou 'ua'orāi, “Kua 'akaora aia i ēta'i kē ra, kāre rā e rauka i aia i te 'akaora i aia 'ua'orāi! 32Ko ia te Mesia, te ariki o Īserā'ela ra, kia 'eke mai aia i tēianei mei runga mai i te sātauro, kia kite tātou ē kia 'irinaki atu.”
Ko rāua tei 'akasātauro'ia ma ia katoa ra, kua 'akakino katoa mai i aia.
Te matenga o Iēsū
(Mātaio 27.45-56; Luka 23.44-49; Ioane 19.28-30)
33Kako rava akera taua 'enua ra i te pōiri mei te avatea pū mai rāi e tae 'ua atu ki te ora toru ra. 34#Sal 22.1I te ora toru kua kāpiki atura a Iēsū ma te reo ma'ata, nā kō atura, “Ēlo'i, Ēlo'i, lāma sābāktani?” Tērā 'oki te 'akatau'anga, “E taku Atua, e taku Atua, 'e a'a koe i 'akaruke mai ei i āku?”
35Ē kia 'akarongo ēta'i aronga e tū 'ua i vaitata ra, kua nā kō akera, “Inā, tē kāpiki nei aia i a Ēlia.” 36#Sal 69.21Kua 'oro atura tēta'i, 'akakī atura i tēta'i rimu ki te vinika, tōpiri i'ora ki runga i tēta'i kāka'o, 'apai atura ki a Iēsū, nā kō akera, “Vai'o atu ana, e 'ākara ana tātou mē ka 'aere mai rāi a Ēlia e tuku mai i aia ki raro.”
37Kua kāpiki atura a Iēsū ma te reo ma'ata, e tuku atura i te vaerua.
38 #
Exo 26.31-33
Ē kua nga'ae i'ora te ārai o te nao ra, mei runga mai ki raro rava. 39Ko te rangatira 'ānere e tū maira ki mua a'o i aia ra i te kite'anga ē kua mate a Iēsū, kua nā kō akera, “Ko te Tamaiti tikāi a te Atua tēianei tangata.”
40 #
Luk 8.2,3 Ē tēta'i aronga va'ine 'oki i reira i te 'ākarakara'anga mai mei te ātea kē ra. Tei roto 'oki i a rātou a Māria i Māgadala, ē ko Māria te metua va'ine o Iākōbo Iti, rāua ko Iōse ra, ē ko Sālome. 41Ko rātou 'oki tei āru i aia ē mātuāpuru i aia i Galilea ra. 'E mānganui katoa te au va'ine kē tei āru mai i aia ki Iērūsalēma.
Te tanumanga o Iēsū
(Mātaio 27.57-61; Luka 23.50-56; Ioane 19.38-42)
42E a'ia'i i'ora, ē nō te mea 'oki, 'e rā 'akate'ate'amamao'anga taua rā ra, ko te rā 'oki ia i mua a'o i te Sābati ra, 43kua 'aere maira a Iōsēpha i Ārīmātea, 'e tangata tumu kōrero ē te mana 'oki, tei tatari katoa i te bāsileia o te Atua ra. Kua 'aere atura aia ki a Pilato ma te matakukore, ē pati atura i te kōpapa o Iēsū. 44Kua vā 'ua i'ora a Pilato i te mea ko Iēsū i mate vave. Kua tiki atura aia i te rangatira 'ānere ra, ē ui atura ki aia ē, mē kua mate takere āina a Iēsū. 45E kite akera aia i te reira mei taua rangatira 'ānere ra, kua 'ōronga maira aia i te kōpapa ki a Iōsēpha ra. 46Kua 'oko maira aia i te kāka'u 'ōrongā, tuku atura i te kōpapa ki raro, va'ī atura ki taua kāka'u ra, tuku atura ki roto i te mēnema i pao'ia i roto i te mato, ē pōtaka atura i tēta'i toka ki te ngūtupa o taua mēnema ra. 47Tē 'ākara maira a Māria i Māgadala ē ko Māria te metua va'ine o Iōse ra i te ngā'i i vai'o'ia ai.
Currently Selected:
Māreko 15: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Māreko 15
15
Tē tū nei a Iēsū ki mua i a Pilato
(Mātaio 27.1-2,11-14; Luka 23.1-5; Ioane 18.28-38)
1E pōpongi rava akera, kua kimikimi manako i'ora te kau ta'unga nunui ma te aronga pakari, te au Pū'āpi'i Ture ē te Sūnēderi katoa ra. Ē kua rī i'ora i a Iēsū, arataki atura ki a Pilato, tuku atura i aia. 2Kua ui maira a Pilato ki aia, “Ko te ariki āinei koe o te Ngāti Iūda?”
Kua pa'u atura aia, “Ko tā'au ia e tuatua maina.”
3'E mānganui tā te kau ta'unga nunui ra tāpepe'anga mai i aia. 4Kua ui 'aka'ou maira a Pilato ki a Iēsū, nā kō maira, “Kāre koe e tuatua atu? Inā 'oki te au mea 'e mānganui tā rātou e tāpepe maina i a koe nei.”
5Kāre rava atura a Iēsū i kī 'ua atu; kua vā 'ua i'ora a Pilato.
Tē 'akautunga'ia nei a Iēsū ki te mate
(Mātaio 27.15-26; Luka 23.13-25; Ioane 18.39—19.16)
6Kua mātau a Pilato i taua rā 'Ōro'a ra i te tuku atu i tēta'i tangata mou'āuri ki a rātou tei 'inangaro'ia e rātou. 7Tē vai ra tēta'i tangata mou'āuri, ko ia ē ēta'i tangata kaitamaki katoa ra i tā tangata ana i taua kaitamaki'anga ra. 8Kua kāpiti 'ua te urupū tangata e 'akamata i te pati ki a Pilato i tāna i mātau. 9Kua tuatua maira a Pilato ki a rātou, nā kō maira, “E 'inangaro āinei kōtou kia tuku atu au i te ariki o te Ngāti Iūda ki a kōtou na?” 10Kua kite 'oki aia ē, nō te vare'ae i tuku mai ei te kau ta'unga nunui ra i a Iēsū.
11Tē 'akaue ra te kau ta'unga nunui ra i te tangata tini kia pati rātou i a Bāraba kia tuku'ia mai, auraka i a Iēsū. 12Kua tuatua 'aka'ou maira a Pilato ki a rātou, “'E a'a tō kōtou 'inangaro i āku i aia nei, ko tei karanga'ia e kōtou ē ko te ariki o te Ngāti Iūda?”
13Kua kāpiki atura rātou ki aia, “E 'akasātauro atu i aia!”
14Kua ui maira a Pilato ki a rātou, “'E a'a 'oki tāna 'anga'anga kino i rave?”
Kua ma'ata 'ua atura tā rātou kāpikipiki'anga ē, “E 'akasātauro atu i aia!”
15Nō te mea, tē 'inangaro ra a Pilato i te tārekareka atu i te au tangata ra, kua tuku maira aia i a Bāraba ki a rātou, inārā, kua tuku atu i a Iēsū kia 'akasātauro'ia, kia oti rā i te pāpā'ia.
Tē 'āviri nei te au va'e'au i a Iēsū
(Mātaio 27.27-31; Ioane 19.2-3)
16Kua arataki atura te au va'e'au i a Iēsū ki roto i te 'are kāvana, koia 'oki i te peraitōrio, ē kua 'akaputuputu maira i te pupu va'e'au katoa i reira ra. 17Kua 'akakāka'u atura rātou i aia ki te kāka'u muramura, kua 'iri i'ora i tēta'i 'ei rākau taratara, tuku atura ki runga a'o i tōna ūpoko. 18Ē kua 'akamata rātou i te aro'a atu i aia, nā kō maira, “Kia orana, e te ariki o te Ngāti Iūda ē!” 19Ē kua ruturutu 'aere atura i tōna ūpoko ki tēta'i kāka'o, tūtu'a atura i te 'uāvare ki runga a'o i aia, tuturi i'ora ki mua a'o i aia, 'akamori atura. 20E oti akera tā rātou 'āviri'anga atu i aia, kua kiriti akera rātou i taua kāka'u muramura ra, 'akakāka'u atura i aia ki tōna 'ua'orāi kāka'u, ē kua arataki kē atura i aia kia 'akasātauro'ia.
Te 'akasātauro'anga'ia a Iēsū
(Mātaio 27.32-44; Luka 23.26-43; Ioane 19.17-27)
21 #
Rōm 16.13
Ē kua 'akaue atura te au va'e'au i tēta'i tangata Kurene i 'aere nā reira a'o mei uta mai, ko Simona, 'e metua nō Ālekānēdero ē nō Rufuta, kia 'apai i tō Iēsū sātauro. 22Kua arataki atura rātou i a Iēsū ki Golagota, tērā 'oki te 'akatau'anga, “Te ngā'i katu tangata.” 23Kua 'apai atura rātou ki aia i te uaina i 'irokia ki te mura kia inu aia; kāre rā aia i rave. 24#Sal 22.18Kua 'akasātauro rātou i aia ē kua tu'a i'ora i tōna kāka'u nā roto i te tuku'anga kērero nō tā te tangata 'okota'i ka 'apai.
25I te ora iva i te pōpongi i 'akasātauro ei rātou i aia. 26Ē te tumu o tōna tāpepe'anga'ia kua tātā'ia ki runga a'o: “Ko te Ariki o te Ngāti Iūda ra.” 27#Isa 53.12Kua 'akasātauro rātou i e tokorua tangata keikeiā ma ia katoa, e ta'i ki te pae katau i aia, e ta'i ki te pae kaui.#15.27 Kua tātā'ia te 'īrava i roto i ēta'i pōkaikai tuatua, kāre rā i roto i te au pōkaikai ta'ito tikāi: 28 Tupu atura te tuatua i tātā'ia ra ē, “Kua kāpiti katoa'ia aia ki te aronga 'ara.”
29 # a:
Sal 22.7; 109.25; b:
Mār 14.58; Ioa 2.19 Ē te au tangata i 'aere nā reira a'o ra, kua 'akakino maira rātou i aia ma te tākirikiri i tō rātou ūpoko, nā kō maira, “Ko koe tei vāvā'i i te nao ē ka oti i te 'akatū 'aka'ou i te pō toru anake, 30e 'akaora i a koe 'ua'orāi! E 'eke mai ki raro mei tēnā na sātauro.”
31Mei te reira katoa te kau ta'unga nunui ma te au Pū'āpi'i Ture i te 'āviri'anga mai i aia, nā kō akera rātou ki a rātou 'ua'orāi, “Kua 'akaora aia i ēta'i kē ra, kāre rā e rauka i aia i te 'akaora i aia 'ua'orāi! 32Ko ia te Mesia, te ariki o Īserā'ela ra, kia 'eke mai aia i tēianei mei runga mai i te sātauro, kia kite tātou ē kia 'irinaki atu.”
Ko rāua tei 'akasātauro'ia ma ia katoa ra, kua 'akakino katoa mai i aia.
Te matenga o Iēsū
(Mātaio 27.45-56; Luka 23.44-49; Ioane 19.28-30)
33Kako rava akera taua 'enua ra i te pōiri mei te avatea pū mai rāi e tae 'ua atu ki te ora toru ra. 34#Sal 22.1I te ora toru kua kāpiki atura a Iēsū ma te reo ma'ata, nā kō atura, “Ēlo'i, Ēlo'i, lāma sābāktani?” Tērā 'oki te 'akatau'anga, “E taku Atua, e taku Atua, 'e a'a koe i 'akaruke mai ei i āku?”
35Ē kia 'akarongo ēta'i aronga e tū 'ua i vaitata ra, kua nā kō akera, “Inā, tē kāpiki nei aia i a Ēlia.” 36#Sal 69.21Kua 'oro atura tēta'i, 'akakī atura i tēta'i rimu ki te vinika, tōpiri i'ora ki runga i tēta'i kāka'o, 'apai atura ki a Iēsū, nā kō akera, “Vai'o atu ana, e 'ākara ana tātou mē ka 'aere mai rāi a Ēlia e tuku mai i aia ki raro.”
37Kua kāpiki atura a Iēsū ma te reo ma'ata, e tuku atura i te vaerua.
38 #
Exo 26.31-33
Ē kua nga'ae i'ora te ārai o te nao ra, mei runga mai ki raro rava. 39Ko te rangatira 'ānere e tū maira ki mua a'o i aia ra i te kite'anga ē kua mate a Iēsū, kua nā kō akera, “Ko te Tamaiti tikāi a te Atua tēianei tangata.”
40 #
Luk 8.2,3 Ē tēta'i aronga va'ine 'oki i reira i te 'ākarakara'anga mai mei te ātea kē ra. Tei roto 'oki i a rātou a Māria i Māgadala, ē ko Māria te metua va'ine o Iākōbo Iti, rāua ko Iōse ra, ē ko Sālome. 41Ko rātou 'oki tei āru i aia ē mātuāpuru i aia i Galilea ra. 'E mānganui katoa te au va'ine kē tei āru mai i aia ki Iērūsalēma.
Te tanumanga o Iēsū
(Mātaio 27.57-61; Luka 23.50-56; Ioane 19.38-42)
42E a'ia'i i'ora, ē nō te mea 'oki, 'e rā 'akate'ate'amamao'anga taua rā ra, ko te rā 'oki ia i mua a'o i te Sābati ra, 43kua 'aere maira a Iōsēpha i Ārīmātea, 'e tangata tumu kōrero ē te mana 'oki, tei tatari katoa i te bāsileia o te Atua ra. Kua 'aere atura aia ki a Pilato ma te matakukore, ē pati atura i te kōpapa o Iēsū. 44Kua vā 'ua i'ora a Pilato i te mea ko Iēsū i mate vave. Kua tiki atura aia i te rangatira 'ānere ra, ē ui atura ki aia ē, mē kua mate takere āina a Iēsū. 45E kite akera aia i te reira mei taua rangatira 'ānere ra, kua 'ōronga maira aia i te kōpapa ki a Iōsēpha ra. 46Kua 'oko maira aia i te kāka'u 'ōrongā, tuku atura i te kōpapa ki raro, va'ī atura ki taua kāka'u ra, tuku atura ki roto i te mēnema i pao'ia i roto i te mato, ē pōtaka atura i tēta'i toka ki te ngūtupa o taua mēnema ra. 47Tē 'ākara maira a Māria i Māgadala ē ko Māria te metua va'ine o Iōse ra i te ngā'i i vai'o'ia ai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.