Māreko 16
16
Tō Iēsū tū'aka'ou'anga
(Mātaio 28.1-8; Luka 24.1-12; Ioane 20.1-10)
1E oti akera te Sābati, kua 'oko atura a Māria i Māgadala, ē ko Māria te metua va'ine nō Iākōbo, ē ko Sālome, i te rākau kakara 'ei 'akamā'inu i te kōpapa o Iēsū. 2'Aere atura rātou ki taua mēnema ra i te pōpongi metua, i te rā mua o te 'ebedoma, i te 'iti'anga mai o te rā ra. 3Ē kua nā kō akera rātou rātou 'ua'orāi, “Ko 'ai e 'uri kē atu i te toka mei te ngūtupa o te mēnema nō tātou?” 4Kia 'ākara i'ora rātou, kite atura ē kua oti i te 'uri kē'ia taua toka ra. 'E ākā toka ma'atama'ata 'oki. 5Kua tomo atura rātou ki roto i taua mēnema ra, kite atura i tēta'i tangata 'ōu, tē no'o ra ki te pae katau ma te kāka'u roa teatea; kō'iri'iriā atura rātou.
6Kua tuatua maira aia ki a rātou, “Auraka e kō'iri'iriā; tē kimi nei kōtou i a Iēsū i Nāzarēta ko tei 'akasātauro'ia ra. Kua tū ake nei aia ki runga! Kāre aia i konei. Inā, tēia te ngā'i tā rātou i vai'o i aia. 7#Māt 26.32; Mār 14.28E 'aere rā kōtou, e 'akakite atu ki tāna au pipi, ē ki a Pētero ē, ‘Tē 'aere ra aia nā mua i a kōtou ki Galilea. 'Ei reira kōtou ka kite atu ei i aia, mei tāna 'oki i tuatua mai ki a kōtou ra.’ ”
8Kua 'aere rātou ki va'o, 'oro viviki atura mei taua mēnema ra, nō te mea, kua roko'ia rātou e te mataku ē te ūmere. Kāre 'ua atura rātou i tuatua ki te tangata i te mataku.#16.8 Ko tēia te 'openga o te 'ēvangelia i roto i te au pōkaikai tuatua ta'ito tikāi. Kāre te 'īrava 9-20 i roto.
Tēta'i 'akaoti'anga ta'ito
Tē 'akaāri nei a Iēsū i aia 'ua'orāi ki a Māria i Māgadala
(Mātaio 28.9-10; Ioane 20.11-18)
[ 9Kua tū 'oki a Iēsū ki runga i te pōpongi rava i te rā mua o te 'ebedoma ra, ē kua nā mua i te 'akaāri i aia 'ua'orāi ki a Māria i Māgadala, tāna i tuaru i ngā dēmoni toko'itu nō roto i aia ra. 10'Aere atura aia, kua 'akakite atura ki te aronga i āru i a Iēsū ra, i a rātou e mi'i ra ma te auē. 11E rongo akera rātou ē, kua ora aia ē kua kitea'ia e ia, kāre rātou i 'irinaki i te reira.
Tē 'akaāri nei a Iēsū i aia 'ua'orāi ki e tokorua pipi
(Luka 24.13-35)
12Ē muri akera, kua kitea'ia i'ora a Iēsū ma te tū 'ōu e tēta'i tokorua o tāna au pipi i tō rāua 'aere'anga, ka 'aere ei rāua ki uta. 13Kua 'oki maira rāua ē kua tuatua maira ki tō rātou ra; kāre rāi rātou i 'irinaki i a rāua.
Tē 'akaāri nei a Iēsū i aia 'ua'orāi ki te tino nga'uru mā ta'i
(Mātaio 28.16-20; Luka 24.36-49; Ioane 20.19-23; 'Anga'anga 1.6-8)
14Ē muri akera, kua 'akaāri maira a Iēsū i aia 'ua'orāi ki te tino nga'uru mā ta'i i tā rātou kaingākai ra. Ē kua kauvae maira 'oki i a rātou nō tō rātou 'akarongokore ē te pāetaeta o tō rātou ngākau, ko rātou kāre i 'irinaki i te aronga i kite i aia i muri ake i tōna tū'anga mai. 15#Anga 1.8Kua tuatua maira aia ki a rātou, “E 'aere kōtou ki te pā 'enua rava rāi, e tūtū 'aere i te 'ēvangelia nei ki te au tangata rava rāi. 16Ko tei 'akarongo ē kua bāpetīto'ia e ora ia, ko te kore rā e 'akarongo ka nina rava'ia aia. 17Ka riro tēianei au 'akairo i te aronga 'akarongo ra: ka peke te au dēmoni i a rātou i tōku nei ingoa; e tuatua rātou i te au reo 'ōu; 18ka rave 'ua 'oki rātou i te au 'ōvī ra ki tō rātou rima; ē kia inu rātou i te mea e ta'ero'ia ai ra kāre rātou e mate; ē kia tuku 'oki i te rima ki runga a'o i te aronga maki ra, ka ora i a rātou.”
Tē 'apai'ia nei a Iēsū ki runga i te rangi
(Luka 24.50-53; 'Anga'anga 1.9-11)
19 #
Anga 1.9-11
E oti akera tā te 'Atu tuatua'anga mai ki a rātou ra, rave'ia atura aia ki runga i te rangi, ē tē no'o maira aia ki te rima katau o te Atua ra. 20'Aere atura rātou, tūtū 'aere atura ki te au pā 'enua rava rāi, ē te Atua katoa 'oki i te rave katoa'anga i te 'anga'anga ē te 'akatinamou'anga i te tuatua ra ma te au 'akairo i rave'ia ra. Āmene.]
Tēta'i 'akaoti'anga kē#16.20 I roto i tēta'i 'akapapa'anga Puka Tapu te au 'īrava te ka āru mai i konei, ko te 'openga ia o te 'ēvangelia a Māreko i muri ake i te 'īrava 8:
[ 21 Kua 'aere atura te au va'ine ki a Pētero mā, ē kua 'akakite poto atura i te au mea kātoatoa tei 'akakite'ia mai ki a rātou ra. 22 I muri ake i te reira kua tono atura a Iēsū 'ua'orāi i te karere ora ē te tapu o te rāvenga ora mutukore nā roto i tāna au pipi mei te 'itinga o te rā e tae 'ua atu ki te 'opunga. Āmene.]
Currently Selected:
Māreko 16: CIMRNT
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
Māreko 16
16
Tō Iēsū tū'aka'ou'anga
(Mātaio 28.1-8; Luka 24.1-12; Ioane 20.1-10)
1E oti akera te Sābati, kua 'oko atura a Māria i Māgadala, ē ko Māria te metua va'ine nō Iākōbo, ē ko Sālome, i te rākau kakara 'ei 'akamā'inu i te kōpapa o Iēsū. 2'Aere atura rātou ki taua mēnema ra i te pōpongi metua, i te rā mua o te 'ebedoma, i te 'iti'anga mai o te rā ra. 3Ē kua nā kō akera rātou rātou 'ua'orāi, “Ko 'ai e 'uri kē atu i te toka mei te ngūtupa o te mēnema nō tātou?” 4Kia 'ākara i'ora rātou, kite atura ē kua oti i te 'uri kē'ia taua toka ra. 'E ākā toka ma'atama'ata 'oki. 5Kua tomo atura rātou ki roto i taua mēnema ra, kite atura i tēta'i tangata 'ōu, tē no'o ra ki te pae katau ma te kāka'u roa teatea; kō'iri'iriā atura rātou.
6Kua tuatua maira aia ki a rātou, “Auraka e kō'iri'iriā; tē kimi nei kōtou i a Iēsū i Nāzarēta ko tei 'akasātauro'ia ra. Kua tū ake nei aia ki runga! Kāre aia i konei. Inā, tēia te ngā'i tā rātou i vai'o i aia. 7#Māt 26.32; Mār 14.28E 'aere rā kōtou, e 'akakite atu ki tāna au pipi, ē ki a Pētero ē, ‘Tē 'aere ra aia nā mua i a kōtou ki Galilea. 'Ei reira kōtou ka kite atu ei i aia, mei tāna 'oki i tuatua mai ki a kōtou ra.’ ”
8Kua 'aere rātou ki va'o, 'oro viviki atura mei taua mēnema ra, nō te mea, kua roko'ia rātou e te mataku ē te ūmere. Kāre 'ua atura rātou i tuatua ki te tangata i te mataku.#16.8 Ko tēia te 'openga o te 'ēvangelia i roto i te au pōkaikai tuatua ta'ito tikāi. Kāre te 'īrava 9-20 i roto.
Tēta'i 'akaoti'anga ta'ito
Tē 'akaāri nei a Iēsū i aia 'ua'orāi ki a Māria i Māgadala
(Mātaio 28.9-10; Ioane 20.11-18)
[ 9Kua tū 'oki a Iēsū ki runga i te pōpongi rava i te rā mua o te 'ebedoma ra, ē kua nā mua i te 'akaāri i aia 'ua'orāi ki a Māria i Māgadala, tāna i tuaru i ngā dēmoni toko'itu nō roto i aia ra. 10'Aere atura aia, kua 'akakite atura ki te aronga i āru i a Iēsū ra, i a rātou e mi'i ra ma te auē. 11E rongo akera rātou ē, kua ora aia ē kua kitea'ia e ia, kāre rātou i 'irinaki i te reira.
Tē 'akaāri nei a Iēsū i aia 'ua'orāi ki e tokorua pipi
(Luka 24.13-35)
12Ē muri akera, kua kitea'ia i'ora a Iēsū ma te tū 'ōu e tēta'i tokorua o tāna au pipi i tō rāua 'aere'anga, ka 'aere ei rāua ki uta. 13Kua 'oki maira rāua ē kua tuatua maira ki tō rātou ra; kāre rāi rātou i 'irinaki i a rāua.
Tē 'akaāri nei a Iēsū i aia 'ua'orāi ki te tino nga'uru mā ta'i
(Mātaio 28.16-20; Luka 24.36-49; Ioane 20.19-23; 'Anga'anga 1.6-8)
14Ē muri akera, kua 'akaāri maira a Iēsū i aia 'ua'orāi ki te tino nga'uru mā ta'i i tā rātou kaingākai ra. Ē kua kauvae maira 'oki i a rātou nō tō rātou 'akarongokore ē te pāetaeta o tō rātou ngākau, ko rātou kāre i 'irinaki i te aronga i kite i aia i muri ake i tōna tū'anga mai. 15#Anga 1.8Kua tuatua maira aia ki a rātou, “E 'aere kōtou ki te pā 'enua rava rāi, e tūtū 'aere i te 'ēvangelia nei ki te au tangata rava rāi. 16Ko tei 'akarongo ē kua bāpetīto'ia e ora ia, ko te kore rā e 'akarongo ka nina rava'ia aia. 17Ka riro tēianei au 'akairo i te aronga 'akarongo ra: ka peke te au dēmoni i a rātou i tōku nei ingoa; e tuatua rātou i te au reo 'ōu; 18ka rave 'ua 'oki rātou i te au 'ōvī ra ki tō rātou rima; ē kia inu rātou i te mea e ta'ero'ia ai ra kāre rātou e mate; ē kia tuku 'oki i te rima ki runga a'o i te aronga maki ra, ka ora i a rātou.”
Tē 'apai'ia nei a Iēsū ki runga i te rangi
(Luka 24.50-53; 'Anga'anga 1.9-11)
19 #
Anga 1.9-11
E oti akera tā te 'Atu tuatua'anga mai ki a rātou ra, rave'ia atura aia ki runga i te rangi, ē tē no'o maira aia ki te rima katau o te Atua ra. 20'Aere atura rātou, tūtū 'aere atura ki te au pā 'enua rava rāi, ē te Atua katoa 'oki i te rave katoa'anga i te 'anga'anga ē te 'akatinamou'anga i te tuatua ra ma te au 'akairo i rave'ia ra. Āmene.]
Tēta'i 'akaoti'anga kē#16.20 I roto i tēta'i 'akapapa'anga Puka Tapu te au 'īrava te ka āru mai i konei, ko te 'openga ia o te 'ēvangelia a Māreko i muri ake i te 'īrava 8:
[ 21 Kua 'aere atura te au va'ine ki a Pētero mā, ē kua 'akakite poto atura i te au mea kātoatoa tei 'akakite'ia mai ki a rātou ra. 22 I muri ake i te reira kua tono atura a Iēsū 'ua'orāi i te karere ora ē te tapu o te rāvenga ora mutukore nā roto i tāna au pipi mei te 'itinga o te rā e tae 'ua atu ki te 'opunga. Āmene.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.