URA TIN AYRA 26
26
Isaak u Abimelek
1Mayra ŋgolla ndi kay suuna hu mbassa halaŋ, may ndaɗta ni ka mayra ay hu lina vi Abrahambaɗi, Isaak tuɗ eg Abimelek mul ma Filistinna hu mbassa Gerar. 2Yawe tak tam irim dam ana, «Tuɗ hu Egipteɗi kakŋi hu mbassa an hin takaŋgara. 3Kak hu mbas ndaɗta tani. An hin li u aŋu, an hin paɗ vunun ki kaŋu. An hin ɦaŋ mbas ndaɗta halaŋŋi maŋ u njafaŋu, an hin li u suura an suu tan u buŋ Abrahamba.#Ura 22.16-18 4An hin zuluŋ njafaŋ ko ciciwra kolo huulonara na. An hin hal mbas ndaɗta halaŋŋi maŋ njafaŋu. Suu kay ndaŋgarana halaŋ hin fi paɗvunna ni u njafaŋu.» 5Kay Abraham hum u boy man ma an dammana, kay me nam humun vununu, nam li u gaɗ manda, li dlara an dambara halaŋ.
6Ko ndaɗta na Isaak kak hu Gerar. 7Suu hu li nammana joɓom kay caamba ni nam ana ni wayamba. Kay nam li ndaana ana suu hu li nammana hin cam ki kaɗu. Kay Rebeka jivi cocoo.#Ura 12.13; 20.2
8Isaak buu ki hu ŋgol buu ɗaŋŋi fali taa dew Abimelek, mul ma Filistinna, wam ha ii zira nam luu u caamba, Rebeka. 9Abimelek yi Isaak ay dam ana, «Gasi ndaɗ ni caaŋga. Aŋ hin ana ndaɗ ni wayaŋga ni amege?» Isaak hoŋom dira ana, «An li ndaana ni ana suuna hin can ki kaɗu.» 10Abimelek dam ana, «Aŋ lami egemi na ni dla mege? Hin gin ew a sa maa duk suu manna buu u caaŋga, a aŋ a mbuɗumi ki suu cona.» 11Abimelek ɦal gaɗta maŋ suu mamsina ana sa ma ŋgen sa namma u caambana hin cam kiyo.
12Hu basa ndaɗta Isaak zum senena hu mbas ndaɗta, nam feɗ ŋgolo, irim ne cocoo. Kay Yawe paɗ vunum ki kamu. 13Sa namma ɦizi cocoo, bege mamba zul ha fok zuli na ɗow ɗow. 14Nam u yoorina varam cocoo, suu ŋgolona u suu gorina lay. Suu sunda varam coco lay.
Isaak vek goloŋga
Suu Filistinna hurusi mbuɗ yomussa egemu. 15Goloŋ mayra suu sunda vi Abraham vekeɗ hu li ma nam ka iiri tuna, suu Filistinna tosoɗ ki halaŋ. 16Abimelek di Isaak ana, «Tuɗ ki hinimi mbas mamira kay aŋ mbuɗ saɓak suumiya.»
17Isaak hin li namma ka tani tuɗ kaki hu ɦuɗugumba Gerar, ni li nam cuk ziim huna. 18Isaak yow huu goloŋga vi bumba kiyo, ni goloŋga suu Filistinna tosoɗ kagi dagan hu li ma Abraham miɗna. Nam hin tin sem goloŋi asina halaŋŋi u sem ma bum tinisina ka kasi jewna.
19Suu sunda vi Isaak vek goloŋga daŋga hu li ma ɦuɗugumma asi fi yo ma jivina lay. 20Suu taa yoori suu Gerarna ciwayra u suu taa yoori suu vi Isaakŋa ana yona ni masina. Nam Isaak hin tin sem li namma ana Esek, kay asi ciwayra u namu. 21Suu sun mamsina hin vek goloŋga daŋga olo, asi ciwayra kaɗ olo, Isaak tin sem goloŋ ndaɗta ana Sitna. 22Nam tuɗ fok vek goloŋga daŋga olo, ndaɗta ni asi ciway ka kaɗɗi, Isaak hin tin sem goloŋ ndaɗta ana Rehobot. Nam di ana, «Cecemi Yawe ɦaygi lina wa a aygi zuluygi ŋgol hu mbas ndaɗta.»
23Nam col ay hu li namma tuɗ kolo Berseba. 24Njeŋge ndaɗta Yawe tak tam irim dam ana,
«Anni Lona vi buŋ, Abraham,
li ndaaɗi kay an ka u aŋu.
An hin paɗ vunun ki kaŋu
zuluŋ njafaŋu cocoo,
ni kay saan ma sunda, Abraham.»
25Nam min givin ma togolla hu li namma, nam gijaŋ cen u sem Yawe, mi mbutluɓ mamma buuna hu may. Suu sunda vi Isaak vek goloŋga hu may.
Isaak vi banara u Abimelek
26Abimelek col ay Gerar mba eg Isaak u banamma Ahuzat u Pikol sa ma ŋgol asgaa mamsina.#Ura 21.22 27Isaak dasi ana, «Agi mbay varanni kay mege? Agi halan ay a honira dikin ay ki varagi may nige.» 28Asi hoŋom dira ana, «Ami wi ana Yawe ka u aŋu, ni kay ndaɗta suuruygi taygiya, ami min a vi banara u aŋu. 29Suu taŋ ki ana aŋ hin ka a lami va ma co egemiɗi, kay ami lasaŋ ay kaɗi, ami laŋ ay egeŋŋi jivira na ɗow, ami hiniŋ aŋ tuɗ ay ki ni u heɓpa. Aŋ cemmi ni sa ma Yawe paɗ vunum ki kaŋŋa.» 30Isaak lasi tlesuu tira asi tiya, ci lay. 31Vin maɗii feɗet ni asi yow kolo suu duk tasiya. Isaak hinisi asi tuɗa, asi tuɗ hinim ka u heɓpa.
32Hu buu namma gawni, suu sunda vi Isaak mba ɓakam kay goloŋga asi vekeɗta ana, ami fi yona wa. 33Isaak yi sem goloŋ ndaɗta ana Siba, ni kay ndaɗta asi yi sem ɦoŋzi namma ana Berseba ta ta cemi.
Boyogi suu vi Ezawna
34Ezaw basaɗam li ki dok-fiɗi ni nam ɗum Judit, goŋ Beeri ma Hetna, u Basmat, goŋ Elon ma Hetna, may. 35Boyogi suu mba' asina mbuɗ ni va ma ɓalak huu Isaak u Rebeka.
Currently Selected:
URA TIN AYRA 26: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 26
26
Isaak u Abimelek
1Mayra ŋgolla ndi kay suuna hu mbassa halaŋ, may ndaɗta ni ka mayra ay hu lina vi Abrahambaɗi, Isaak tuɗ eg Abimelek mul ma Filistinna hu mbassa Gerar. 2Yawe tak tam irim dam ana, «Tuɗ hu Egipteɗi kakŋi hu mbassa an hin takaŋgara. 3Kak hu mbas ndaɗta tani. An hin li u aŋu, an hin paɗ vunun ki kaŋu. An hin ɦaŋ mbas ndaɗta halaŋŋi maŋ u njafaŋu, an hin li u suura an suu tan u buŋ Abrahamba.#Ura 22.16-18 4An hin zuluŋ njafaŋ ko ciciwra kolo huulonara na. An hin hal mbas ndaɗta halaŋŋi maŋ njafaŋu. Suu kay ndaŋgarana halaŋ hin fi paɗvunna ni u njafaŋu.» 5Kay Abraham hum u boy man ma an dammana, kay me nam humun vununu, nam li u gaɗ manda, li dlara an dambara halaŋ.
6Ko ndaɗta na Isaak kak hu Gerar. 7Suu hu li nammana joɓom kay caamba ni nam ana ni wayamba. Kay nam li ndaana ana suu hu li nammana hin cam ki kaɗu. Kay Rebeka jivi cocoo.#Ura 12.13; 20.2
8Isaak buu ki hu ŋgol buu ɗaŋŋi fali taa dew Abimelek, mul ma Filistinna, wam ha ii zira nam luu u caamba, Rebeka. 9Abimelek yi Isaak ay dam ana, «Gasi ndaɗ ni caaŋga. Aŋ hin ana ndaɗ ni wayaŋga ni amege?» Isaak hoŋom dira ana, «An li ndaana ni ana suuna hin can ki kaɗu.» 10Abimelek dam ana, «Aŋ lami egemi na ni dla mege? Hin gin ew a sa maa duk suu manna buu u caaŋga, a aŋ a mbuɗumi ki suu cona.» 11Abimelek ɦal gaɗta maŋ suu mamsina ana sa ma ŋgen sa namma u caambana hin cam kiyo.
12Hu basa ndaɗta Isaak zum senena hu mbas ndaɗta, nam feɗ ŋgolo, irim ne cocoo. Kay Yawe paɗ vunum ki kamu. 13Sa namma ɦizi cocoo, bege mamba zul ha fok zuli na ɗow ɗow. 14Nam u yoorina varam cocoo, suu ŋgolona u suu gorina lay. Suu sunda varam coco lay.
Isaak vek goloŋga
Suu Filistinna hurusi mbuɗ yomussa egemu. 15Goloŋ mayra suu sunda vi Abraham vekeɗ hu li ma nam ka iiri tuna, suu Filistinna tosoɗ ki halaŋ. 16Abimelek di Isaak ana, «Tuɗ ki hinimi mbas mamira kay aŋ mbuɗ saɓak suumiya.»
17Isaak hin li namma ka tani tuɗ kaki hu ɦuɗugumba Gerar, ni li nam cuk ziim huna. 18Isaak yow huu goloŋga vi bumba kiyo, ni goloŋga suu Filistinna tosoɗ kagi dagan hu li ma Abraham miɗna. Nam hin tin sem goloŋi asina halaŋŋi u sem ma bum tinisina ka kasi jewna.
19Suu sunda vi Isaak vek goloŋga daŋga hu li ma ɦuɗugumma asi fi yo ma jivina lay. 20Suu taa yoori suu Gerarna ciwayra u suu taa yoori suu vi Isaakŋa ana yona ni masina. Nam Isaak hin tin sem li namma ana Esek, kay asi ciwayra u namu. 21Suu sun mamsina hin vek goloŋga daŋga olo, asi ciwayra kaɗ olo, Isaak tin sem goloŋ ndaɗta ana Sitna. 22Nam tuɗ fok vek goloŋga daŋga olo, ndaɗta ni asi ciway ka kaɗɗi, Isaak hin tin sem goloŋ ndaɗta ana Rehobot. Nam di ana, «Cecemi Yawe ɦaygi lina wa a aygi zuluygi ŋgol hu mbas ndaɗta.»
23Nam col ay hu li namma tuɗ kolo Berseba. 24Njeŋge ndaɗta Yawe tak tam irim dam ana,
«Anni Lona vi buŋ, Abraham,
li ndaaɗi kay an ka u aŋu.
An hin paɗ vunun ki kaŋu
zuluŋ njafaŋu cocoo,
ni kay saan ma sunda, Abraham.»
25Nam min givin ma togolla hu li namma, nam gijaŋ cen u sem Yawe, mi mbutluɓ mamma buuna hu may. Suu sunda vi Isaak vek goloŋga hu may.
Isaak vi banara u Abimelek
26Abimelek col ay Gerar mba eg Isaak u banamma Ahuzat u Pikol sa ma ŋgol asgaa mamsina.#Ura 21.22 27Isaak dasi ana, «Agi mbay varanni kay mege? Agi halan ay a honira dikin ay ki varagi may nige.» 28Asi hoŋom dira ana, «Ami wi ana Yawe ka u aŋu, ni kay ndaɗta suuruygi taygiya, ami min a vi banara u aŋu. 29Suu taŋ ki ana aŋ hin ka a lami va ma co egemiɗi, kay ami lasaŋ ay kaɗi, ami laŋ ay egeŋŋi jivira na ɗow, ami hiniŋ aŋ tuɗ ay ki ni u heɓpa. Aŋ cemmi ni sa ma Yawe paɗ vunum ki kaŋŋa.» 30Isaak lasi tlesuu tira asi tiya, ci lay. 31Vin maɗii feɗet ni asi yow kolo suu duk tasiya. Isaak hinisi asi tuɗa, asi tuɗ hinim ka u heɓpa.
32Hu buu namma gawni, suu sunda vi Isaak mba ɓakam kay goloŋga asi vekeɗta ana, ami fi yona wa. 33Isaak yi sem goloŋ ndaɗta ana Siba, ni kay ndaɗta asi yi sem ɦoŋzi namma ana Berseba ta ta cemi.
Boyogi suu vi Ezawna
34Ezaw basaɗam li ki dok-fiɗi ni nam ɗum Judit, goŋ Beeri ma Hetna, u Basmat, goŋ Elon ma Hetna, may. 35Boyogi suu mba' asina mbuɗ ni va ma ɓalak huu Isaak u Rebeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.