URA TIN AYRA 29
29
Yakob tew ki vi Laban
1Yakob tli voɗta tuɗ vi suu hu mbassa u maɗiinara. 2Fali taa dew ni, nam fi timigiina moli fun goloŋga irisi kaay cuɓ cuɓ hindi laki koɗ tasiya. Asi ɦal yona maŋ yoorina ni hu goloŋ ndaɗta. Ҥinira dugi fun goloŋ ndaɗtara ŋgol cocoo. 3Hu li ma yoorina tok ki wa halaŋŋi, asi lagaɗ ɦinira ki fun goloŋga hin ɦasi yona. Hu li ma asi ci yona wa halaŋŋi, asi hoŋ dug ɦinira fun goloŋga.
4Yakob joɓ suu taa yoorina ana, «Gorsenna agi ni suurage?» Asi hoŋ dira ana, «Ami ni suu Haranna.» 5Nam hin joɓosi olo ana, «Agi wi Laban ma goŋ Nahorna su?» Asi hoŋom dira ana, «Ami wamu.» 6Nam joɓosi ana, «Nam ka ɦawa su?» Asi hoŋom dira ana, «Nam ka ɦawaa, goromba, Rasel, tuɗ ay u yoorina cowni ndaɗu.» 7Nam dasi ana, «Faɗta ni faali tuwa, ni ka tok yam yoorina gawɗi, ɦagi yona timigiina tani hoŋogi taarasiya.» 8«Ami ka ndak a li naɗi gak gak yoorina toki halaŋŋi, ami lagaɗami ɦinira ki fun goloŋga hin ɦasi yona ni na tuwa.»
9Hu li ma nam ka ɓakasi na tu may ni, Rasel mba u yoori suu vi buɗna gaw, kay ndaɗ ni cara taa yoona. 10Hu li ma Yakob wi Rasel ta goŋ Laban ma ndusumma na ni, nam mba lagaɗ ɦinira ki fun goloŋga ɦal yona maŋ yoori suu vi ndusum Labanna. 11Yakob mboɗ Rasel kolo hurumu, gaɗ deɓpa u tiina. 12Yakob di Rasel ana nammi somora u buɗu, nammi goŋ Rebekana, ndaɗ liŋ tuɗ jok boy namma maŋ buɗu. 13Hu li ma Laban hum kay Yakob goŋ wayambana na ni, nam paɗ liŋŋa, tuɗ mboɗom hurumu, hin mbaaram ay voo varamu. Yakob cuɗ dlaamba ki maŋ Laban halaŋ halaŋ. 14Laban dam ana, «Gasi aŋŋi tliwin daŋ may.» Yakob li tilna vi Laban dew.
Yakob ɗum Lea u Rasel
15Laban di Yakob ana, «Aŋŋi a somonna may ni, aŋ min sununni ɦawa su? Dan dla warak maŋŋa ay kiyo.» 16Laban gorɓiina kom mba'. Ta ŋgolla yaɗ ana Lea, ta goora yaɗ ana Rasel. 17Lea iriɗ ka wi jiviɗi. Rasel iriɗ gol jivi lay, wuli jivi lay. 18Yakob minni Rasel. Nam di Laban ana, «An min sunuŋ basara kiɗisiya kay goroŋga goora Rasel.» 19Laban hoŋ dam ana, «An min ɦaŋga ni maŋu sura haɗ ki maŋ sa daŋŋara, kak varanu.»
20Ko ndaɗta na Yakob li sunda basara kiɗisiya kay Rasel. Basara kiɗisiya ndaɗta irimmi ko buu ma cana ɦawana, kay nam min Rasel cocoo. 21Basa ndaɗta daɓ daɓmi, Yakob di Laban ana, «Ҥan caanda an taɓ u ndaɗu, kay basa manda daɓ wa.»
22Laban tok suu hu li nammana halaŋ, ɦasi tina. 23Njeŋge ndaɗta ni nam vi goromba, Lea, ɦaɗ maŋ Yakob. Nam taɓ u ndaɗu. 24Laban ɦal Zilpa maŋ goromba Lea a sunuɗta. 25Maɗiira fo kiyoni, gola ni Lea. Yakob hin di Laban ana, «Aŋ lan egen na ni dla mege? An li sunda varaŋŋi ka kay Raselɗi su? Aŋ hin ganan yan na ni amege?» 26Laban di ana, «U gaɗta tanira ni goora goora ka tuɗ ki njuf jew wayaɗta ŋgollaɗi. 27Daɓ buu ma kiɗisiyana ki ura wanda tuwa, ami hin ɦaŋga hiŋga may. Aŋ hin lami sunda kaɗ basara kiɗisiya olo.»
28Yakob li ko nam damba na may. Nam daɓ buu ma kiɗisiyana ki u Lea, Laban hin ɦam goromba Rasel a cara may. 29Laban ɦal Bila maŋ goromba Rasel a sunuɗta. 30Yakob taɓ u Rasel ta nam miniɗ su Leara. Nam hoŋ li sunda vi Laban basara kiɗisiya olo.
Goryoŋ Yakobma
31Yawe wi ana Lea sa ka miniɗɗi ni nam ɦaɗ vuɗta, Rasel ka vuɗɗi may. 32Lea vi wiina vuɗ go njufna tinim sem ana Ruben, kay ndaɗ di ana, «Yawe wan hoŋ yam manda gaara wa, cemi njufun hin minin ɗaŋ.» 33Ndaɗ hin vi wiina olo, vuɗ go njufna di ana, «Lona wi ana sa ka mininɗi, ni nam hin ɦan goo ma wanna.» Ndaɗ tinim sem ana Simeon. 34Ndaɗ hoŋ vi wiina olo, vuɗ go njufna, ndaɗ di ana, «Cemi njufun hin taɓ u an may ɗaŋ kay an vuɗum gor njufiina hindi.» Kay ndaɗta asi tinim sem ana Levi. 35Ndaɗ hoŋ vi wiina olo, vuɗ go njufna, ndaɗ di ana, «Ndaɗta ni an geleɗ Yawe may ɗaŋ.» Kay ndaɗta ndaɗ tinim sem ana Yuda, ni ndaɗ seŋ vuɗta.
Currently Selected:
URA TIN AYRA 29: BMS
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.
URA TIN AYRA 29
29
Yakob tew ki vi Laban
1Yakob tli voɗta tuɗ vi suu hu mbassa u maɗiinara. 2Fali taa dew ni, nam fi timigiina moli fun goloŋga irisi kaay cuɓ cuɓ hindi laki koɗ tasiya. Asi ɦal yona maŋ yoorina ni hu goloŋ ndaɗta. Ҥinira dugi fun goloŋ ndaɗtara ŋgol cocoo. 3Hu li ma yoorina tok ki wa halaŋŋi, asi lagaɗ ɦinira ki fun goloŋga hin ɦasi yona. Hu li ma asi ci yona wa halaŋŋi, asi hoŋ dug ɦinira fun goloŋga.
4Yakob joɓ suu taa yoorina ana, «Gorsenna agi ni suurage?» Asi hoŋ dira ana, «Ami ni suu Haranna.» 5Nam hin joɓosi olo ana, «Agi wi Laban ma goŋ Nahorna su?» Asi hoŋom dira ana, «Ami wamu.» 6Nam joɓosi ana, «Nam ka ɦawa su?» Asi hoŋom dira ana, «Nam ka ɦawaa, goromba, Rasel, tuɗ ay u yoorina cowni ndaɗu.» 7Nam dasi ana, «Faɗta ni faali tuwa, ni ka tok yam yoorina gawɗi, ɦagi yona timigiina tani hoŋogi taarasiya.» 8«Ami ka ndak a li naɗi gak gak yoorina toki halaŋŋi, ami lagaɗami ɦinira ki fun goloŋga hin ɦasi yona ni na tuwa.»
9Hu li ma nam ka ɓakasi na tu may ni, Rasel mba u yoori suu vi buɗna gaw, kay ndaɗ ni cara taa yoona. 10Hu li ma Yakob wi Rasel ta goŋ Laban ma ndusumma na ni, nam mba lagaɗ ɦinira ki fun goloŋga ɦal yona maŋ yoori suu vi ndusum Labanna. 11Yakob mboɗ Rasel kolo hurumu, gaɗ deɓpa u tiina. 12Yakob di Rasel ana nammi somora u buɗu, nammi goŋ Rebekana, ndaɗ liŋ tuɗ jok boy namma maŋ buɗu. 13Hu li ma Laban hum kay Yakob goŋ wayambana na ni, nam paɗ liŋŋa, tuɗ mboɗom hurumu, hin mbaaram ay voo varamu. Yakob cuɗ dlaamba ki maŋ Laban halaŋ halaŋ. 14Laban dam ana, «Gasi aŋŋi tliwin daŋ may.» Yakob li tilna vi Laban dew.
Yakob ɗum Lea u Rasel
15Laban di Yakob ana, «Aŋŋi a somonna may ni, aŋ min sununni ɦawa su? Dan dla warak maŋŋa ay kiyo.» 16Laban gorɓiina kom mba'. Ta ŋgolla yaɗ ana Lea, ta goora yaɗ ana Rasel. 17Lea iriɗ ka wi jiviɗi. Rasel iriɗ gol jivi lay, wuli jivi lay. 18Yakob minni Rasel. Nam di Laban ana, «An min sunuŋ basara kiɗisiya kay goroŋga goora Rasel.» 19Laban hoŋ dam ana, «An min ɦaŋga ni maŋu sura haɗ ki maŋ sa daŋŋara, kak varanu.»
20Ko ndaɗta na Yakob li sunda basara kiɗisiya kay Rasel. Basara kiɗisiya ndaɗta irimmi ko buu ma cana ɦawana, kay nam min Rasel cocoo. 21Basa ndaɗta daɓ daɓmi, Yakob di Laban ana, «Ҥan caanda an taɓ u ndaɗu, kay basa manda daɓ wa.»
22Laban tok suu hu li nammana halaŋ, ɦasi tina. 23Njeŋge ndaɗta ni nam vi goromba, Lea, ɦaɗ maŋ Yakob. Nam taɓ u ndaɗu. 24Laban ɦal Zilpa maŋ goromba Lea a sunuɗta. 25Maɗiira fo kiyoni, gola ni Lea. Yakob hin di Laban ana, «Aŋ lan egen na ni dla mege? An li sunda varaŋŋi ka kay Raselɗi su? Aŋ hin ganan yan na ni amege?» 26Laban di ana, «U gaɗta tanira ni goora goora ka tuɗ ki njuf jew wayaɗta ŋgollaɗi. 27Daɓ buu ma kiɗisiyana ki ura wanda tuwa, ami hin ɦaŋga hiŋga may. Aŋ hin lami sunda kaɗ basara kiɗisiya olo.»
28Yakob li ko nam damba na may. Nam daɓ buu ma kiɗisiyana ki u Lea, Laban hin ɦam goromba Rasel a cara may. 29Laban ɦal Bila maŋ goromba Rasel a sunuɗta. 30Yakob taɓ u Rasel ta nam miniɗ su Leara. Nam hoŋ li sunda vi Laban basara kiɗisiya olo.
Goryoŋ Yakobma
31Yawe wi ana Lea sa ka miniɗɗi ni nam ɦaɗ vuɗta, Rasel ka vuɗɗi may. 32Lea vi wiina vuɗ go njufna tinim sem ana Ruben, kay ndaɗ di ana, «Yawe wan hoŋ yam manda gaara wa, cemi njufun hin minin ɗaŋ.» 33Ndaɗ hin vi wiina olo, vuɗ go njufna di ana, «Lona wi ana sa ka mininɗi, ni nam hin ɦan goo ma wanna.» Ndaɗ tinim sem ana Simeon. 34Ndaɗ hoŋ vi wiina olo, vuɗ go njufna, ndaɗ di ana, «Cemi njufun hin taɓ u an may ɗaŋ kay an vuɗum gor njufiina hindi.» Kay ndaɗta asi tinim sem ana Levi. 35Ndaɗ hoŋ vi wiina olo, vuɗ go njufna, ndaɗ di ana, «Ndaɗta ni an geleɗ Yawe may ɗaŋ.» Kay ndaɗta ndaɗ tinim sem ana Yuda, ni ndaɗ seŋ vuɗta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Moussey © Bible Society of Chad, 2002.